قصايد الملة ام شهلاء العادلي

بكاء النبي وأهل البيت على الحسين (١) النبي ينعى الحسين على فراش الموت . روي عن ابن عباس قال : حِينَ اشْتَدَّ مَرَضُ رَسُولِ اللهِ (صلى الله عليه وآله)الَّذِي مَاتَ فِيهِ، ضَمَّ الْحُسَينِ إِلَى صَدْرِهِ يَسِيلُ مِنْ عَرَقِهِ عَلَيْهِ، وَ هُوَ يَجُودُ بِنَفْسِهِ وَيَقُولُ: مَا لِي وَلِيَزِيدَ؟ لَا بَارَكَ اللَّهُ فِيهِ ، اللَّهُمَّ الْعَنْ يَزِيدَ . 😭 ثُمَّ غُشِيَ عَلَيْهِ طَوِيلاً، وَ أَفَاقَ 💔 وَجَعَلَ يُقَبِّلُ الْحُسَينِ وَعَيْنَاهُ تَذْرِفَانِ وَيَقُولُ : أَمَا إِنَّ لِي وَلِقَاتِلِكَ مُقَاماً بَيْنَ يَدَيِ اللّـهِ عَزَّوَجَلَّ . ــــــــــــــــــــــــــــــــــــــ 📚بحار الأنوار ج ٤٤ ص ٢٦٦ 📚مثير الأحزان ج ١ ص ٢٢

صلى الله عليكَ يارسول الله اُصِبنا بِكَ يا حَبيبَ قُلوبِنا، فَما أعظَمَ المُصيبَةَ بِكَ؟! حَيثُ انقَطَعَ عَنَّا الوَحيُ، وَحَيثُ فَقَدناكَ، فإنَّا للهِ وَإنَّا إلَيهِ راجِعونَ . 28/صفر استشهاد سيدنا خاتم الأنبياء واشرف المُرسلَين رسول الله مُحمَّد (صلوات الله وسلامهُ عليهِ وعلى آلهِ الأطهار) . اعظمَ الله اجرَ مولانا صاحِب الزمـآن وأجور المسلمين والمسلمات بهذا المُصاب العظيم

لطمية بحق السيدة فاطمة ام الامام الباقر ع بنت الامام الحسن المجتبى ع ـــــــــــــــــــــــــــــــــــــــ عگيلي .... ام الباقر من تنخوها والطلبه منها تحصلوها ....... الينخاها يا ام الباقر تطي مراده وميضل حاير يلنخاها تجبرله الخاطر معروفه الكل يعرفوها ┄┉❈❥ًً❀💠❀❥❈┉┄ يلتنخاها اخذ مرادك متضل حاير عد اسيادك يبردونه حتما لفادك كل معضل يمهم حلوها ┄┉❈❥ًً❀💠❀❥❈┉┄ بت الحسن يا والينه. ولمجلسها بلهفه جينه ومراد العاجل تطينه والتندبكم متخيبوها ┄┉❈❥ًً❀💠❀❥❈┉┄ بت الحسن راعي الغيره وبالكرم معروفه السيره چهابه ميضل بحيره وبته هاليوم تندبوها ┄┉❈❥ًً❀💠❀❥❈┉┄ يلعندك حاجه تعناها خير الوافر من يمناها ما واحد خاب برجواها بت الحسن واتعنوها ┄┉❈❥ًً❀💠❀❥❈┉┄ يم الباقر كلنه انادي ورايد من حضرتها مرادي بجاه الي سابيها الحادي بعمتها زينب حلفوها ┄┉❈❥ًً❀💠❀❥❈┉┄ ام الباقر تدري بينه بحاجه صعبه اتعنينه بجاهج مولاتي تسهلينه شيعتكم انتم تنطوها ┄┉❈❥ًً❀💠❀❥❈┉┄ ام شهلاء تخدم ممنونه لفاطمه الحره الخاتونه يا مولاتي لتخيبونه وخدمتنه هاي تقبلوها ✍🏻ام شهلاء العادلي https://t.me/kaseada121212

مربعة بحق السيدة فاطمة بنت الامام الحسن ع زوجة الامام زين العابدين ع ـــــــــــــــــــــــــــــــــــــــــ يلي حاجتك صعبه بت المجتبى انخاها واخذ من كرم يمناها ......... بت المجتبى المعلوم نخّيها بهذا اليوم الكرم ليها ولهلها يدوم تكرم وحك عيناها ┄┉❈❥ًً❀💠❀❥❈┉┄ بت المجتبه الطيبه هي لجرحك اطيبه حبيبه ونعم الحبيبه ما خاب الترجاها ┄┉❈❥ًً❀💠❀❥❈┉┄ الينخاها ابد ميخيب بت اهل الكرم والطيب ابوها المجتبى الهديب ومن عنده سجايها ┄┉❈❥ًً❀💠❀❥❈┉┄ امه الباقر العلوم ابوها المجتبى المسموم حك ننعه عليها اليوم ونذكرها ومننساها ┄┉❈❥ًً❀💠❀❥❈┉┄ يم الباقر انّادي منج رايد امرادي بجاه البكه بالوادي وجثته مخضبه بدماها ┄┉❈❥ًً❀💠❀❥❈┉┄ بت المجتبى تدري انه حايره بامري يمولاتي خلص صبري وللحاجه انتم ملفاها ┄┉❈❥ًً❀💠❀❥❈┉┄ يبت المجتبى انطينه وبمرادج تفرحينه بهالمجلس تعنينه تحضر كلنه لعزاها ┄┉❈❥ًً❀💠❀❥❈┉┄ تعنينه لمجالسكم ونرجو الكرم من عدكم والطيبه سجيتكم يبت المصطفى طه ┄┉❈❥ًً❀💠❀❥❈┉┄ من ام الباقر طلبتنه باسمها اليوم جمعتنه وهلليله عزيتنه لهلها دخيله وبحماها ┄┉❈❥ًً❀💠❀❥❈┉┄ بت الحسن معروفه تنطي الروحه ملهوفه بجاه الكطعوا جفوفه وعينه السهم طفاها ┄┉❈❥ًً❀💠❀❥❈┉┄ ام شهلاء ترثي خدمتها لبت الحسن نخوتها يوم التطب حفرتها والخادمه برجواها ✍🏻ام شهلاء العادلي https://t.me/kaseada121212

#الرجوع الى المدينه ⛓️⛓️⛓️⛓️⛓️⛓️⛓️⛓️⛓️⛓️⛓️⛓️⛓️ ردن العلويات لديار اهاليهن ردن ومنكوبات والحزن عاليهن 〰️〰️〰️〰️〰️〰️〰️〰️ ردن بيا حاله والدمعه هماله وحسين برماله مطروح واليهن 〰️〰️〰️〰️〰️〰️〰️ عمه علي تكله ضعن الحرم نزله فراك الاهل خِله لعيوني يعميهن 〰️〰️〰️〰️〰️〰️ گل لبشر ينعه بالحزن والفجعه عل إلي أطحنوا ضلعه وضلوعه مهشميهن 〰️〰️〰️〰️〰️〰️ بشر بحزن من صاح حسين واخوته راح وگّبر لطم وصياح وادموعه يجريهن 〰️〰️〰️〰️〰️〰️ من سمعت ام عباس رگضت تدك عالراس تنشده عله ابو النوماس الدموع تهليهن 〰️〰️〰️〰️〰️ يا بشر جاوبني عله حسين خبرني الايام ألمني ضليت اعد بيهن 〰️〰️〰️〰️〰️ كاللها انتي منين يالجايه تنشدين گالتله ام البنين عيوني اضحيهن 〰️〰️〰️〰️〰️ احتار شيحاجيها وشاف الحزن بيها بعباس يعزيها إچفوفه مگطعيهن 〰️〰️〰️〰️〰️ گطعت گلبي تكول ومنها الدمع مهمول بريحانة المرسول جروحي شيداويهن ✍️ام شهلاء العادلي

# للرجوع الى المدينة ⛓️⛓️⛓️⛓️⛓️⛓️⛓️⛓️⛓️⛓️⛓️⛓️⛓️ شلون ارد يعيوني وعنكم ينشدوني 〰️〰️〰️〰️〰️ شلون ارد بعيالكم وحدي خويه لداركم لو إجه خطاركم شعتذر حاجوني 〰️〰️〰️〰️〰️ صعبه خويه ردتي لا دلالي وعزتي كلها مذبوحه اخوتي امّحنه عافوني 〰️〰️〰️〰️〰️ شلون ارد لرض الوطن والحرم يتصارخن تعوفنه ما چنت اضن خويه حيرتوني 〰️〰️〰️〰️〰️〰️ ماشيه وما بعد ارد يطول يبن امي البعد الموت بس يشفي الچبد ويه اخوتي الخلوني 〰️〰️〰️〰️〰️ وحدي ارد باحزاني مفاركه ولياني فراكهم اذاني وما بعد يلفوني 〰️〰️〰️〰️〰️〰️ رديت بلايه دليل وياي بس رد العليل والحمل كلش ثجيل بعايله كلفتوني 〰️〰️〰️〰️〰️〰️ يعايله متكلفه بكربلا اهل الوفه داركم خالي صفه اكطعتوا خويه ضنوني ✍️ام شهلاء العادلي

مربعة للرسول ص💔 شال المُصطفى من الدار .. والزهرة نعزيها تبجي لفكد واليها ┉❈❥ًً❀(«🦋»)❀ ❥❈┉ شال المصطفى وميعود وشخصة من النزل مفكود وفكدك ياولينة يچود والزهرة حزينة الدمعة تجريها ┉❈❥ًً❀(«🦋»)❀ ❥❈┉ تبجي لفكد والدها على فكادة نساعدهه والشيعة تناشدهه كلهه اليوم لم شبر تواسيها ┉❈❥ًً❀(«🦋»)❀ ❥❈┉ شال المصطفى الهادي الزهرة تبجي وتنادي غيابك مرد فادي ماكلت العزيزة من يواسيها ┉❈❥ًً❀(«🦋»)❀ ❥❈┉ بوية الكوم اذوني ومن البجي منعوني وبرة الوطن طلعوني متحيرة ودمعتي من دمة اجريهه ┉❈❥ًً❀(«🦋»)❀ ❥❈┉ يبوية غيبتك شدة وبعد الراح شيردة واني عليك متعودة من عگبك بعد روحي بعدشلي بيها ┉❈❥ًً❀(«🦋»)❀ ❥❈┉ ام شهلاء ترثي ممنونة للزهراء الخاتونة ابوهه غمضت عيونة هاي الخادمة تريدج توجبيهه ✍️ام شهلاء العادلي https://t.me/kaseada121212

#يوم الاربعين ⛓️⛓️⛓️⛓️⛓️⛓️⛓️⛓️⛓️⛓️⛓️⛓️⛓️ ردت زينب تجري العبره ردت لبن امها ومتحيره 〰️〰️〰️〰️〰️ ردت زينب يم واليها .مهظومه الدمعه تجريها تشكيله بالصار اعليها والگلب منها شيصبره 〰️〰️〰️〰️〰️ عمه علي يصبي عيني وبكبر عودك دليني شكد عتب ما بينه وبيني عن الهظم جينه نخبره 〰️〰️〰️〰️〰️ دلاها بكبر المظلوم صاحت خويه لختك گوم شحجيلك خويه عله الگوم يوم الاخذوني متيسره 〰️〰️〰️〰️〰️ شحجيلك خويه عله الشام تولتنه وليه الظلام يتفرج الخاص وعام والشامت فرحان انظره 〰️〰️〰️〰️〰️ صعبه طبتنه لديوان بس علي ويانه الوجعان ويزيد ينشد فرحان وين اليسموها الكبره 〰️〰️〰️〰️〰️ كعدنه بخرابه تاليها بحرها يبن امي وذاريها الطفله تريدك يا واليها فزت الطفله منذعره 〰️〰️〰️〰️〰️ تبجي الطفله ولا متهيد گبر يخال ابني الويد راح الخبر يم يزيد الطفله عله ابوها متكدره 〰️〰️〰️〰️〰️ يم الكبر كلهن كعدن وينك يا بو اليمه يندبن غواليكم خويه نهظمن شفنه لوعات من الكفره 〰️〰️〰️〰️〰️ للمشرعه بعبره راحن يدورن على جفوف الطاحن وينك يبو فاضل صاحن مگطوعه جفوفه ونعذره 〰️〰️〰️〰️〰️ تعاتب زينب بالكافلها والدمعه عله الخد تهلها ردت بت عودك كوملها وانشد عن حالتها الحره ✍️ام شهلاء العادلي

للرجوع الى المدينه ــــــــــــــــــــــــــــــــــــــ المحجوبات ردن للمدينه شنكله اليكول حسين وينه ...... ردن للمدينه شلون ردتهن الله يعينهن يا فركة اخوتهن يصيحن والمدامع تجري بخدهن ردينه يخويه بهظم جينه ┄┉❈❥ًً❀💠❀❥❈┉┄ ردن بالهظم وياهن السجاد يبجي لفكد عوده وابد ما هاد مصيبة كربله منها يصيح الداد ما نشفت دموعه يا ولينه ┄┉❈❥ًً❀💠❀❥❈┉┄ نزل بالضعينه بره الولايه وكله يا بشر انعاهم هوايه انعه حسين ويه حامل الرايه ناده يا اهل يثرب تهل عينه ┄┉❈❥ًً❀💠❀❥❈┉┄ ماالكم مقام بيثرب يكلهم طلعو بلبجي ينعون سيدهم يترجون ابو اليمه يعودلهم ويا زين العباد يفت ونينه ┄┉❈❥ًً❀💠❀❥❈┉┄ ام الاربعه سمعت بشر ينعه جتي صارخه وبعينها الدمعه تكله شهالخبر كلي ومنفجعه كلها منين يالحره الحزينه ┄┉❈❥ًً❀💠❀❥❈┉┄ انه ام البنين مضيعه ويلادي فده لحسين كلهم هو اسنادي ما يكدر يكلها حسين بالوادي عطشان نذبح كطعوا وتينه ┄┉❈❥ًً❀💠❀❥❈┉┄ يم الاربعه ماجوره كاللها بولادج لجن دمعته يهلها وبلعباس اخو زينب الكافلها فوك المشرعه حامي الضعينه ┄┉❈❥ًً❀💠❀❥❈┉┄ خبرني عله ابو اليمه وتهل العين فدوه الاربعه يرحون لجل حسين صاح بصوت لجنه يهل العين وحسين انذبح سبطه لنبينه ┄┉❈❥ًً❀💠❀❥❈┉┄ تصيح بصوت يا مظلوم ا يبني دولبني زماني يمه دولبني منك خيبت يا بو علي ضني يا يمه الدهر جاير علينه ┄┉❈❥ًً❀💠❀❥❈┉┄ زينب والحرم من طبن الديران لكنها خاليه وماكو هضل الوليان خل ننصب عزيه نقيم بالاحزان فكد حسين واخوانه العينه ┄┉❈❥ًً❀💠❀❥❈┉┄ لن ام البنين واجفه عله الباب وتصب الدمع فوك الوجن سجاب تكللهن ييمه من بعد الغياب ام الاربعه تنشد علينه ┄┉❈❥ًً❀💠❀❥❈┉┄ كعدن بالنزل وشلون كعدتهن من دم علوجن تجري يدمعتهن وام عباس اجت تبجي لمصيبتهن مذبوح الولي ويمه نسبينه ┄┉❈❥ًً❀💠❀❥❈┉┄ نصبنها العزيه وگبّر بجاهن وضلن بس حرم ما واحد وياهن شال حسين والعباس ملفاهن ايتام وحرم هسهزصفينه ┄┉❈❥ًً❀💠❀❥❈┉┄ يمحمد يخويه جيتك بيا حال من ابن امي عزيزي مكطعه الامال ما تدري زماني يا محمد مال تنخيتك يخويه انكطع بينه ┄┉❈❥ًً❀💠❀❥❈┉┄ تمنيتك يبو جاسم تجي تشوفه حسين عله الثره والروح ملهوفه وتشوف الجفيل مكطعه جفوفه حين الي وكع وليه نولينه ┄┉❈❥ًً❀💠❀❥❈┉┄ ام شهلاء ترثي لردن بيا حال يبجن علحياده والدمع همال حضريني يمولاتي الحمل لو مال وبضيج الكبر مولاتي انت السكينه ✍🏻ام شهلاء العادلي https://t.me/kaseada121212

مربعه للاربعين ـــــــــــــــــــــ مربعة للاربعين وزن النصاري ـــــــــــــــــــــــــــــــ اجينه من اليسر لكبور اهلنه خويه ابو علي تلكه ضعنه ...... ظهريه اجينه وصلناكم انريد الولم خويه وياكم شفنه الضيم خويه من عداكم ولوعات وهظم يحسين شفنه ┄┉❈❥ًً❀💠❀❥❈┉┄ خويه بو علي من فاركتكم رحت ميسره اني عكبكم خويه وشعمل بينه خصمكم لو صاحن يا خال ابني شتمنه ┄┉❈❥ًً❀💠❀❥❈┉┄ لو صيحن يخويه يشتموني واني الغاليه عداكم ولوني يخويه من الضرب ورمت متوني جا وين الخدر جا وين اهلنه ┄┉❈❥ًً❀💠❀❥❈┉┄ من عكبك شفت ضيم ورزيه طبة الشام خويه اصعب عليه وهظمتني بعد موتت رقيه انفجعنه عله التيمه خويه كلنه ┄┉❈❥ًً❀💠❀❥❈┉┄ جيتك حايره شعتذر منك عن بتك يبو اليمه اخبرك يخويه ملوعه العزيزه عكبك مصيبة هليتيمه لوعتنه ┄┉❈❥ًً❀💠❀❥❈┉┄ ردينه حرم وايتام ليكم معتامين بس نعتب عليكم يخويه هواي صار مفاركيكم والله فراكم خويه كتلنه ┄┉❈❥ًً❀💠❀❥❈┉┄ هاي تصيح يبني وهاي عودي واني اكعدت الطم على خدودي يا دمعه على الوليان جودي بعد منهو الذي ينشف دمعنه ┄┉❈❥ًً❀💠❀❥❈┉┄ اعتب علحياده وهلت العين وراحت يمه المكطع الجفين زينب يلولي طبت دواوين ترضه للمجالس خويه فتنه ┄┉❈❥ًً❀💠❀❥❈┉┄ طبينه يخويه لمجلس يزيد وعله فركتك عباس ما هيد يا عزي الاخوه وشوفتك العيد عتبي عليك يا كافل خدرنه ┄┉❈❥ًً❀💠❀❥❈┉┄ اجيت من اليسر ضيمي اهوايه عسن غار الفرات ونشف مايه مشتاكه يخويه مروعه جايه هواي فراكم خويه هظمنه ┄┉❈❥ًً❀💠❀❥❈┉┄ شلون ارجع يخويه الدار وحدي وحداي النوايب ضعني يحدي شلون امشي يخويه لوطن جدي شكل للناس لو جت ناشدتنه ┄┉❈❥ًً❀💠❀❥❈┉┄ يخويه والاخو هذا محله ما تكعد يبو فاضل تگله گلبي من الهظم ذاب وتسله ريت وياك فوك الشاطي متنه ┄┉❈❥ًً❀💠❀❥❈┉┄ ام شهلاء ترثي عله اليسيرات ردن بالهظم ويلي الجليلات ضعن ام الخدر طف كربله فات تصيح بصوت خويه اكعدلنه ✍🏻ام شهلاء العادلي https://t.me/kaseada121212

مربعة ليوم الاربعين ـــــــــــــــــــــــــــــــــ فاركني الدهر يحسين فاركني مغصوبه رحت عنك يخال ابني ........ يخويه من رحت للشام مغصوبه عذبني الطريق وصعبه دروبه راسك علرمح واني منكوبه لو اندب يخويه الشمر يضربني ┄┉❈❥ًً❀💠❀❥❈┉┄ يضربني الشمر يتجسر عليه وعيني لعد راسك خويه ربيه والله من الهزل كل حيل مابيه بنياتك على النوك ويفجعني ┄┉❈❥ًً❀💠❀❥❈┉┄ يخويه والعليل تفجّع احواله مقيديه بسناسل دموعه هماله مريض مغيره الوانه وصعب حاله يريت القيد عمه حزه لمتني ┄┉❈❥ًً❀💠❀❥❈┉┄ بعد يسري يخويه لطبة الكوفه لرض الشام خويه رحت مجتوفه واعتب علكفيل الكطعو جفوفه هو الجابني وهو اليزتتني ┄┉❈❥ًً❀💠❀❥❈┉┄ يخويه من بعد يسري لبلاد الشام روس اخوتي تحدي بالضعن جدام تتفرج علينه الناس خويه اركام من عكبك يخويه الدهر دولبني ┄┉❈❥ًً❀💠❀❥❈┉┄ يحسين الدهر دولاب دولابه شلون يصير حاله الفارك احبابه طبينه ليزيد واسمع جوابه جل وين اخوتج كلساع ينشدني ┄┉❈❥ًً❀💠❀❥❈┉┄ يخويه بلخرابه كعدتي صعبه دمعي من دمه حكي لو اصبه اليتامه تصيح كلها بديرة الغربه بس خويه رقيه هواي اذتني ┄┉❈❥ًً❀💠❀❥❈┉┄ من فزت رقيه بصوتها تنادي لفكد عودي يعمه ذايب افادي ما يدري علينه شجره وشسادي اريد الموت ويه حسين ياخذني ┄┉❈❥ًً❀💠❀❥❈┉┄ من راح الخبر عن طفلتك ليزيد گبّر بالخرابه يا بن امي الويد شنهو الصوت گالهم وشتريد مثل ون اليتيمه يالولي وني ┄┉❈❥ًً❀💠❀❥❈┉┄ ودو الراس ليها خلي تشوفه شبكت راس ابوها وهيه ملهوفه ماتت طفلتك والروح متلوفه واتعذر اجيتك ا يخال ابني ┄┉❈❥ًً❀💠❀❥❈┉┄ هسه ليك خويه كلنه عودنه بس ضلت رقيه هناك تعذرنه متنه من الهظم ا يلولي متنه من يوم الغبت لا ما غمضت جفني ┄┉❈❥ًً❀💠❀❥❈┉┄ لتمن علكبر والون عله ويكثر ام جاسم تنوح وام علي الاكبر عالشبان صاحن گلبي يتفطر يبني للوطن اكعد ورجعني ┄┉❈❥ًً❀💠❀❥❈┉┄ راحن للشريعه يندبن بحركه اريد اوياك يا بو الفضل ملگه من اطبن للمدينه بداركم شلكه ريت الموت بس الموت يسعدني ┄┉❈❥ًً❀💠❀❥❈┉┄ تلكاني يخويه وعاين احوالي من جور اليسر مهظوم دلالي اموت وياك ا يا خويه اشوالي كتلتني يخويه الفركه كتلتني ┄┉❈❥ًً❀💠❀❥❈┉┄ ام شهلاء ترثي لردت من الشام من عكب الخدر بولية الظلام لزيارتج والله الگلب معتام ريد زيارتج وامج تسجلني ✍🏻ام شهلاء العادلي https://t.me/kaseada121212

قناة الشاعرة المتالقة ام مرتضى الخزرجي اشعارها عالفطرة وسجيتها حب اهل البيت ع ممزوجة بملح البصرة انضمي لهالقناة تلبي طلبكم للقصايد https://t.me/Al_Kawthar9 🌹مدة دعم القناة ساعتين لطفا نشركم بعد هالوقت ......... 6

انضمي لقناة متميزة بحب صاحب العصر والزمان عجل الله تعالى فرجه الشريف هالقناة منوعة🌱 دينيه🌱 ثقافية 🌱قصائد حسينيه https://t.me/al_mahdy_313a 🌹مدة دعم القناة ساعتين لطفا نشركم بعد هالوقت 5

مربعة للاربعينية ــــــــــــــــــــــــــــــــــــ مدري جم خرابه اوسوك طبينه تتفرج يخويه الوادم علينه ............ تتفرج علينه الخلگ كلها واختك حايره والدمعه تهلها ما واحد يشجيها ويكللها احنه وياج خويه ولا لاتنسينه ┄┉❈❥ًً❀💠❀❥❈┉┄ وهسه امعوده يمك يخويه يحسين مهظومه يخويه واجري دمع العين گبرك وين ما اندله يا خويه وين بلجن لن علي بكبرك يدلينه ┄┉❈❥ًً❀💠❀❥❈┉┄ عمه يا علي وين الگبر گلي اريد اكعد وانصب عزه عله اهلي من شافت هظم عكب الولي مثلي متنه من الهظم والحزن عالينه ┄┉❈❥ًً❀💠❀❥❈┉┄ جبت الحرم كلها وياي بس بتك رقيه هناك برض الشام رايدتك توفت طفلتك يخويه عله بختك وتجدد حزن يا بو علي بينه ┄┉❈❥ًً❀💠❀❥❈┉┄ ما تدري يخويه شلون حالتنه سبع ساعات خويه بو علي وكفنه خويه الناس ابد والله مرحمتنه تتفرج اجتنه وشايله الزينه ┄┉❈❥ًً❀💠❀❥❈┉┄ هسه عودت وجبت الراسك وايتامك جبتها والحزن جاسك يخويه والگلب معتام عباسك فاركنه الدهر من غصبن علينه ┄┉❈❥ًً❀💠❀❥❈┉┄ التمن علكبر سونها نياحه وما شافن ابد عكب الاهل راحه زينب تنتحب والدمعه سفاحه اعتب علكفيل الكطعو يمينه ┄┉❈❥ًً❀💠❀❥❈┉┄ راحت للكفيل دموعهه حمره وتكله يخويه وبلگلب حسره جفيل ضعونه من اخته شعذره وين الي كفلنه والتزم بينه ┄┉❈❥ًً❀💠❀❥❈┉┄ يا عباس خويه كوم وديني متحيره يخويه لا تخليني انت الي جبتني يا ضوه عيني انت الي جبتنه كوم ودينه ┄┉❈❥ًً❀💠❀❥❈┉┄ ام شهلاء ترثي لزينب الحره من عندج يغاتي اطلب الجبره بجاه حسين اخوج وكطعته لنحره وبطبت الگبر مولاتي حضرينه ✍🏻ام شهلاء العادلي https://t.me/kaseada121212

فزاعية بطور المربعة وعدة اطوار ليوم الاربعين ....... زينب جايه من الشام وكل الروس وياها تهل دموع عيناها.... حا ..... زينب جايه لحسين تبجي وتهل دمع العين دلوني عله گبره وين تريد گبور ولياها... حا ..... بكبره عمه دليني فگد حسين ماذيني اخويه ويا ضوه عيني لخته فراگه بچاها.. حا ...... يا عمه الگبر وينه دليني عله والينه ما يدري شجره علينه جور يزيد اذاها... حا ..... دلاها عله گبر حسين تبجي وتهل دمع العين جينه ليك محتامين يخال ابني تلگاها.... حا .... كعدت علكبر تنعه تبجي وتهمل الدمعه فجعة بت علي فجعه حيل الدهر وازاها.... حا ......... يخويه الشام عذبني وما همه خوال ابني ترضه يزيد ينشدني بالديوان بت طه... حا ...... هسه لكربله رديت يمك يلولي تعنيت ميته وياكم تمنيت ويه اختك جارت اعداها.. حا ........ رقيه مصابها اذاني اجيت مغيره الواني شكلك يكصر لساني بغربه رقيه دفناها... حا ...... تعنت للكفيل تنوح تندبه والگلب مجروح لارض الوطن خويه نروح يخويه منهو وياها... حا ...... يا عباس كوم وياي ما ريدن يخويه الماي والله ما سدت بلواي يعين الله لبلواها.... حا .... ام شهلاء دوم بالخدمه ترثيلك يبو اليمه احضرني بليلة الظلمه التخدم يمك رجواها ✍🏻ام شهلاء العادلي https://t.me/kaseada121212

ميمر ليوم الاربعين ـــــــــــــــــــــــــــــــــــ بت حيدر تلكوها زينب اجت عينوها ........ زينب اجت متحيره من ارض الشام وياها جابت الحرم والايتام ظهريه طبت كربله بهالايام بگبر الاخو دلوها ........ ظهريه طبت بت علي محتاره ردت تنوح وتصيح شنهو الجاره جيت ارد انوحن عله الاخو وانصاره لونتها يسمعوها ........... عمه علي وين الكبر دليني خليني اون بلجن سمعو ونيني واليسر يا عمه علي ماذيني من العده تولوها ........ دلاها بكبره للولي السجاد فوكه هوت ونتها تعله وتزداد عكبك يخال ابني العمر ما يراد والحرمه يهضموها ....... شحجيلك تگلهه اشفت من لوعات بذيج الخرابه نمسي خويه ونبات خلفت بيه الشام اكبر اهات عدوان يبن امي وطغاة وشمات اختك فلا رحموها ......... ذيج الخرابه شفت خويه حسره رقيه تصيح حسين بويه بعبره لمن سمعها يزيد آمر وامره براس الولي سكتوها .... جابو الراس لطفلتك يلوالي شافته خويه ونادتك يالغالي من فرگ بويه انفطر دلالي العدوان ما راعوها ........ حطت الراس وشبكته وتناديك يا بويه ما جيت شعجب حكي عليك بالموت ارضه لون بويه الاكيك اتشمه وتون روعوها .......... ماتت الطفله وشافها سجادك بهالوضع خويه گلبي هناكه رادك دفنت اليتيمه ان جان عنها نشادك علطفله لتنشدوها ..... خويه شسولفلك بعد من هموم يا ريت تسمعني يخويه وتكوم من السوط اسود. متني خويه ومالوم ولو ونت يضربوها ...... والحرم الكل منها تندب واحد رمله وليله ما الهن مساعد ما شافن الراحه والگلب واجد وبروسهم فجعوها .... راحت لعد عباس راعي الرايه وكفت يويلي بون عالمسنايه مشتاكه الك يا بو الفضل وهوايه وعزيزتك يسروها ...... ام شهلاء ترثي عله الاجن للوليان جابن الروس واجن ويلي باحزان سون عزيه بكربله للعطشان والشيعه يواسوها ✍🏻ام شهلاء العادلي https://t.me/kaseada121212

مربعة ليوم الاربعين ــــــــــــــــــــــــ هايه اني العزيزه ام عون هاي اني شو محد كعد منكم تلكاني ...... اجيت من اليسر يحسين يبن امي اشكلك يخويه حزني وهمي عفتك عثره يوم الرحت مرمي من غصبن عليه الشمر مشاني ..... هايه من اليسر رديت خويه ليك ادور علكبر واعتب يخويه عليك تناشدني يخويه والنشد ياذيك خويه من اليسر مخطوفه الواني ... يخويه من اليسر رديت شجايه وهموم العليه خويه اهوايه عتبي عليك يلي بيك الكفايه بجاني الدهر بجفاك بجاني ...... بجاني زماني وما رحم بيه جيت محيره و الحيل مگضيه لو تنشد يخال ابني عله البنيه رقيه ماتت ويا يومها اذاني ...... يخويه طفلتك بالشام من ماتت اختخ يلولي بدفنتها احتارت وضجه بالحرم يا بو علي صارت تمنيت بغربتي تجي ولياني .... عمه يعلي بالگبر دليني عتابي علولي وارد اجهر ونيني درب الشام خويه حيل ماذيني خويه الشام والله هواي اذاني ..... التمن علكبر كلهن فرد لمه يصيحن آ يبويه آ يبو اليمه زينب نادته خويه ومتالمه عكب عينك زجر خويه تولاني ....... تعنت للجفيل وتسجب العبره يبو فاضل اجيت اليوم متحيره يخويه الشام ابد مينحمل قهره مسبيه رحت من عكب ولياني .... يعباس اجيتك گلبي امحير ما ضنيت خويه مني تتعذر اجيت من اليسر يمك يالمشكر يخويه وشاربك متغيره الواني .... اكعد يالولي متبدله لوني لو صيحن يبو فاضل يضربوني تقبل غيرتك خويه يشتموني اتلكه الحرم عباس شمتاني ...... ام شهلا ترثي الردت بعبره لخوها حسين من كعدت على گبر يا مولاي تدري بيه متحيره واكتب هالجهد الكم يمعلاني ✍🏻ام شهلاء العادلي https://t.me/kaseada121212