🌷ᴾᶤᶰᵏ ᴮˡᵒᵒᵐ🌷✨

مفيش أي حاجة مُغرية بالنسبالي قد (النضج + الذكاء العاطفي + الرزانة) لما بتبقى مع شخص ناضج، مش قماص قمص الأطفال، بيعرف يُعذر ويتفهم، شخص عارف امتى يسكت وامتى يتكلم ويفهم مشاعرك بدون شرح وتبرير مُرهق. شخص الدنيا معاه هادية لأنه هادي، مش بيربكك، مش بيوترك، مش بيدخلك في حوارات، مش بيسمح إنك تحسي إنك في خطر. المهارات دي تُكتسب مع التجارب اللي بتكون في الغالب تجارب صعبة، ف يا حظ من لقى اللي خلى تجاربه دروس ومتجاهلهاش.

🤎✨

- ماما هو ليه أختي اسمها ورد؟ = عشان أكتر حاجة بابا بيحبها الورد - تمام شكرًا يا ماما = العفو يا قطط.

في نوع بسميه شخصيا evil ودا عشان اكتر من حاجة زي : أنه مش شايف أنه غلط شايف أن لازم انت تعرفه أنه غلطان وبعدين؟ هيقولك أن انت اللي غلطان ويقلب عليك الترابيزة وبعدين؟ هتزعل منه وتسيبه وتمشي بعدين؟ ينزل تلقيح عليك بس بشياكة ساعات بالدين وساعات بريشيرز علي السوشال ميديا عن أنه ضحي بالكتير وان مثلا في ناس بتلاقيهم محبوبين وانت اللي عارف اللي فيها وهما بيدعو المثالية وبعدين ؟يشوفون اي حد انت م بتطيقه ويروح يصاحبه وبعدين؟ يجيبو فسيرتك بس اي هيعمل نفسه بيدافع بس بخباثة يسحب معلومات منهم أو أي حاجة تسد نقصهم مش فارق غلط دا ولا صح المهم انه يعرف حاجة عنك وتكون وحشة عشان تكون انت الشخص الtoxic اللي فحياته ببق هموت واسقفلهم بجد ودايما بقول بيني وبين نفسي أن نيتهم هتقعدلهم سواء في معاملاتهم بعدين أو حياتهم مع أهلهم ربنا ميباركلهمش في حاجة علي قد الظلم وأنهم يورو الناس حاجة مش حقيقية في حين الطرف التاني ساكت عشان اللي كان بينهم مع أن الإنسان المحترم مبينزلش يلقح علي حد أو بيتكلم علي حد وسيماهم في وجوههم سبحان الله

اتعلم تسامح نفسك على الأخطاء والغلطات اللي عملتها، واللي عمال تجلد نفسك كل مرة تفتكرها. كلنا بنجرب الحياة لأول مرة، فأكيد في حاجات هتظبط، وحاجات لازم تغلط فيها عشان تتعلم. ما ينفعش تفضل تجلد نفسك طول عمرك على غلطة ما كنتش مدركها وقتها. أنت دلوقتي، بسبب الغلطة دي، اتعلمت حاجة. وأهم الدروس في الحياة بتيجي بعد الغلط مش قبله. افتكر الدرس، وانسى الألم، وخفف عن نفسك الحمل التقيل اللي شايله معاك طول الوقت. “افتكر الدرس، وانسى الألم، وسامح نفسك… أنت تستحق.”. اقرأها مرة كمان 💗.

مفيش مقارنة اصلا !!

شكلك ولبسك وتعليمك وفكرك وإنجازاتك العلمية والعملية، مجموعها صفر لو اجتمعت بقلبٍ قبيح، ونوايا سيئة. ‏"إنَّمَا المَرءُ بِقَلبِهِ!" ‏(إِلّا مَن أَتَى اللَّهَ بِقَلبٍ سَليمٍ).. فإن سلِمَ القلب سلمَت الصُدور والنَّوايا، وصَلُحَ سائر الجسد كله 🤎.

أنا بحب الناس الحنيّنة جدًا، الحنيّنين في ڪُل حاجة، في صداقتهُم، في حُبهم، في خِلافهم، حتى في عداوتهُم حنيّنين وبيراعو ربنا، الشخص الحنيّن مُستحيل يأذيك لإن هو ترڪيبته ڪدَ لا بيحب يضُر حد ولا يڪسر حد ولا بيقبل ع غيره الحاجة اللِ عُمره ما هيقبلها علي نفسه. عشان ڪدَ الشخص الحنين هيفضل هو الأقرب لقلبي والأڪتر جاذبية عندي' ❤️:")).

🤎

‏إنَّ الله ﷻ يكشِفُ الكَربَ ويُخفِّفُ الضِّيقَ بكثرةِ الصَّلاةِ على النَّبيِّ ﷺ.

العيشة تحت ضغط بتخلي الواحد يتصرف بطباع مش بتاعته ومش شبهه؛ ممكن يبان هجومي وعدائي وهو في الحقيقة مُسالم جدًا، وممكن يبان شرير وهو في الأصل من أطيب الناس وياما ناس خسرت مكانتها وصورتها الحلوة في قلوب اللي حواليهم لمجرد إنهم قابلوهم في لحظة ضعف وهم بيعافروا وبيكافحوا وجعهم بانفعالات وتصرفات زي الأطفال.

انتبهت أني أقول "الحمد لله" بعد العديد من الأشياء التي تمثل لنا ضغطاً أحياناً... بعد الانتهاء من الصلاة، انتبهت أني أقول" الحمد لله إني صليت". بعد الانتهاء من التمرين الرياضي انتبهت أني أقول "الحمد لله إني اتمرّنت النهارده"... و هكذا مع أشياء عديدة في يومي ... "الحمد لله إنّي ذاكرت النهارده - إني ظبطت أكلي - إنّي صحيت بدري"... من الضروري إنك تُدرك إنّ حتى إتيانك للنعمة هو نعمة في حد ذاته... إنّ قدرتك على الاستمتاع بالنعمة هو نعمة في حد ذاته... إنّ توفيقك في القيام بنعمة هو نعمة في حد ذاته. أدخل هذا المعنى في عقليتك، و قول بصوت مسموع بعد كل نعمة تؤتيها، و انت هتلاقيها بتزيد أكتر، تحقيقاً لقوله تعالى: "و لئن شكرتم لأزيدنّكم". د.صلاح قطب

Channel name was changed to «🌷ᴾᶤᶰᵏ ᴮˡᵒᵒᵐ🌷✨»

غير أن بجد لي نحلم لي كل ما نشوف حاجة ندعي تكون عندنا لي مش بنشوف اللي عندنا لي ميكونش عندنا اكتفاء وقناعة بتدبير ربنا لما قرأت الكلام دا قولت لي نتمني ؟ لي نبص علي حاجات ونقعد ندعي العمر كله احيانا لي (بنتعلق) بحاجات مؤقتة مانت لو واثق في تدبير ربنا مكنش دا هيبقى حالك تزعل لو مجاش اللي نفسك فيه وتكتئب ومتكونش راضي عن أي حاجة كتير قالو أنهم عرفوا أن المكان اللي كانو عايزينه مكنش خير ليهم طب اي لزمته عدم الرضا اللي قبل مايعرفو حاجة زي دي ! المفروض نشكر ربنا علي كل اللي بيديهولنا وعلي كل لحظة حلوة عشناها وعلي كل حاجة امتلكناها 🤎

قريت في كتاب أن الشيطان هو اللي بيدي الإنسان امنيات مش بتتحقق يعني بيخليك شايف أن دا حلم ودا مناسب ليك وتدعي أنه يبق ليك أو يبق مكانك دا من عمل الشيطان لأن ربنا لو شايف أنه خير ليك مش هيأجله عنك لو جه إنما تقعد تحلم وادعي انك تكون في مكان مش مكانك ولا مناسب ليك اصلا دا من عمل الشيطان 🌒

💗✨

الواحد مبقاش عارف نفسه ومبقاش عارف عايز اي وفي الوقت دا بيتمني حاجة واحدة بس ، إن ربنا يلم شتاته ويطمن قلبه ويهديه الطريق الحق🤎

في الدنيا ، ربنا كاتبلك نصيب من الفرح والانبساط ، بس الطريق ليه اتجاهين: يا تاخده بالحلال .. ويتسجل في ميزان حسناتك ، يا تاخده بالحرام .. وتتحاسب عليه . وإنت اللي بتختار . الترفيه مش حرام ، والفسح مش ممنوعة ، بس كل حاجة ليها ضوابط .. اختار الوقت والمكان الصح ، وابعد عن أماكن المعصية ، علشان قلبك يفضل نضيف ، وربك يكون راضي . الفرحة اللي بجد .. لما تنبسط من غير ذنب ، وتنام مرتاح الضمير .

‏سهل تتناقش معاه سهل تطلب منه حاجة سهل تكلمه سهل تراضيه سهل يعذرك ويجعلك تتعامل معه بتلقائية بدون ما تحسبها كثير قالﷺ:(حُرم على النار كل هين لين،سهل،قريب من الناس) هؤلاء هم الودودون الطيبون الذين يألفون ويؤلفون  و يتعاملون بتواضع واحترام  ويكونون فى خدمة الناس وقضاء حوائجهم.!

أحيانًا المشكلة مش بتكون في الوقوع في الذنب قد ما بتكون في الاستمرار عليه أو فقدان الأمل في الرجوع! لكن من رحمة الله عز وجل إن باب التوبة دايمًا مفتوح، وإنه سبحانه بيحب العبد اللي يرجع له مهما كترت ذنوبه، ما دام صادق في رجوعه.. فمتخليش ذنبك يبعدك عن الطريق، ولا تخلي الشيطان يقنعك إنك اتأخرت أو إنك خلاص مينفعش ترجع.. الرجوع دايمًا ممكن، والتوبة دايمًا بابها مفتوح، المهم تكون صادق وعازم على عدم العودة للذنب.. فارجع لله بسرعة، من غير تأجيل، ومن غير يأس، فربك أرحم بيك من نفسك. قال الله تعالى: ﴿قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ﴾ 💗.