OSHO

🇰🇬🇷🇺 Кыргызстан менен Россиянын аскерлери «Борбор-2026» биргелешкен машыгууларын жыйынтыктады 🎖 Кыргызстан менен Россиянын аскер кызматкерлери Балыкчыдагы «Эдельвейс» полигонунда өткөн «Борбор-2026» биргелешкен тактикалык машыгууларын ийгиликтүү аяктады. ⚔️ Машыгуунун сценарийи боюнча шарттуу «Манас» республикасында социалдык-экономикалык кризистен улам бийликке болгон ишеним төмөндөп, мындан пайдаланган террордук топ өлкөнүн аймактарынын бирин басып алган. 🛡️ Андан соң аскерлер практикалык тапшырмаларды аткарып, артиллериялык бөлүктөр шарттуу душмандын позицияларын баскан. БПЛАлардын колдоосу менен жеңил брондолгон техникадагы бөлүктөр согуштук аракеттер жүргөн аймакка жылган. 🚁 FPV-дрондор буталарды жок кылуу менен катар ок-дары, дары-дармек жана башка жүктөрдү жеткирүү үчүн да колдонулган. 🏍️ Кыргыз аскерлери пикаптан түшүп, андан кийин согуштук аракеттерге кирүү ыкмаларын да машыкты. БМП-2, БТР жана аскердик унаалардан тышкары квадроциклдер менен жеңил мотоциклдер колдонулду. 🤖 Машыгууда учкучсуз жана роботтоштурулган техникалардын мүмкүнчүлүктөрү да көрсөтүлдү. Аскерлердин маалыматына караганда, айрым техникалардын мүнөздөмөлөрү ачык айтылган жок. 🇰🇬🇷🇺 Машыгуулар биргелешкен сапка тизилүү менен жыйынтыкталып, аскер кызматкерлери аткарылган тапшырмалардын жыйынтыгын талдап чыгышты. @kgosho Билип жаша!

🚗 Кыргызстанда автоунаа өндүрүшү дээрлик эки эсеге өстү 🇰🇬 2025-жылы Кыргызстанда өнөр жай өндүрүшүнүн реалдуу көлөмү 10,6%га өскөн. Бирок өсүш тармактар боюнча бирдей болгон эмес. 📈 Эң жогорку көрсөткүч транспорт каражаттарын өндүрүүдө катталды — 195,1%. Башкача айтканда, автоунаа өндүрүшү 2024-жылга салыштырмалуу дээрлик эки эсеге көбөйгөн. 💊 Фармацевтика тармагы да олуттуу өсүп, өндүрүш 165,6%га жеткен. Резина жана пластмасса буюмдары, курулуш материалдары, жыгач жана кагаз продукциялары, ошондой эле тамак-аш өнөр жайында да өсүш байкалган. 💻 Бирок технологиялык өндүрүштө тескери көрүнүш орун алды. Компьютер, электрондук жана оптикалык жабдууларды чыгаруу 66,2%га азайып, 2024-жылдын деңгээлинин болгону 33,8%ын түзгөн. ⚙️ Машина жана жабдууларды өндүрүү 59,3%га, электр жабдууларын чыгаруу 66,1%га чейин төмөндөгөн. ⛏️ Мындан тышкары, чийки мунай жана жаратылыш газын өндүрүү 87,9%га чейин түшүп, тармакта төмөндөө экинчи жыл катары менен уланган. 📊 Жалпысынан 2025-жылы Кыргызстандын өнөр жайы 2024-жылга салыштырмалуу кыйла ылдам өссө да, негизги өсүш автоунаа, фармацевтика, тоо-кен жана кайра иштетүү тармактарына туура келген. @kgosho Билип жаша!

🚨 Эболанын очогу күчөп жатат: өлүм көрсөткүчү 47%га жакындады 🌍 Дүйнөлүк саламаттык сактоо уюмунун (ДСУ) маалыматына караганда, Конго Демократиялык Республикасында Эбола вирусунун Бундибуджио түрү тез жайылууда. ⚠️ 12-августка карата өлкөдө 4 660тан ашуун тастыкталган учур катталып, 2 184 адам каза болгон. 📊 Оорудан каза болгондордун үлүшү дээрлик 47%ды түзүүдө. БУУнун маалыматына ылайык, өлкө боюнча орточо эсеп менен ар 30 мүнөт сайын бир адам Эболадан көз жумууда. 🗺️ Үч айга жакын убакыт ичинде вирус ДРКнын алты провинциясына жайылды. 💰 Оорунун жайылышына каршы күрөшкө эл аралык донорлор тарабынан дээрлик 300 млн доллар бөлүндү. Мындан тышкары, өзгөчө кырдаалдарга жооп кайтаруу фондунан дагы 30,5 млн доллар бөлүү чечими кабыл алынды. @kgosho Билип жаша!

⚖️ Нурланбек Тургунбек уулу: «75 иши» боюнча өкүм Ак үй менен макулдашылган эмес Бишкек шаардык сотунда бүгүн «75 иши» боюнча апелляциялык арыздарды кароо уланды. 🗣️ Жогорку Кеңештин мурдагы төрагасы Нурланбек Тургунбек уулу Биринчи май райондук сотунун өкүмү АКШнын Ак үйү менен макулдашылган эмес деген пикирин билдирди. Ал Бишкек шаардык соту апелляцияны кароодо мыйзамдуу чечим чыгарат деген үмүтүн айтты. 👨‍⚖️ Камчыбек Ташиевдин жактоочусу Икрамидин Айткулов болсо, коргоо тарабы анын кардарын гана актоону эмес, биринчи инстанциядагы сот жана мамлекеттик айыптоочулар тарабынан жол берилген деп эсептелген мыйзам бузууларга да баа берүүнү талап кылып жатканын билдирди. ⚠️ Адвокаттын айтымында, экинчи инстанциядагы соттук териштирүүнүн башталышында да айрым мыйзам бузуулар болгон. Ал алардын чоо-жайын кийинчерээк билдирерин айтты. 📌 Эске салсак, июль айынын башында Биринчи май райондук соту Камчыбек Ташиевди, Курманкул Зулушевди жана Нурланбек Тургунбек уулун бийликти басып алууга аракет кылган деген айып боюнча күнөөлүү деп таап, төрт жылга эркинен ажыраткан. Бирок жаза үч жылдык пробациялык көзөмөлгө алмаштырылган. @kgosho Билип жаша!

🎓 КРСУда абитуриенттер үчүн онлайн кезек уюштурулду 📲 КРСУнун кабыл алуу комиссиясы абитуриенттерге жана алардын ата-энелерине ыңгайлуу болушу үчүн онлайн кезек системасын ишке киргизди. ⚡ Кабыл алуунун VI туру 17-августта башталды. КРСУга тапшырууну каалагандар арызын 19-август саат 14:00гө чейин мамлекеттик «Абитуриент онлайн» порталы аркылуу бере алышат. 📝 Онлайн кезек аркылуу кабыл алуу комиссиясына кайрылууну алдын ала уюштуруп, кезек күтүүгө кеткен убакытты үнөмдөөгө болот. ℹ️ Адистер окууга тапшыруу тартиби, багыттарды тандоо, бюджеттик орундар жана каттоо боюнча кеңеш беришет. @kgosho Билип жаша!

🎓 Кыргызстандагы ЖОЖдордо кабыл алуунун алтынчы туру башталды 🇰🇬 Кыргызстандагы жогорку окуу жайларда кабыл алуу кампаниясынын алтынчы туру башталды. 📝 Абитуриенттер электрондук талондорду 17–19-август күндөрү саат 14:00гө чейин каттай алышат. 📊 Буга чейин кабыл алуу кампаниясынын жүрүшүндө: 78,4 миң электрондук талон берилген; 53,2 миң абитуриент окууга сунушталган; 40 миңге жакыны тандоосун ырастаган; 4,1 миң абитуриент чечимин кайтарып алган. 🎓 Учурда ЖОЖдорго 34,7 миң абитуриент кабыл алынды. Кабыл алуу планы — 64,7 миң студент. 🏫 Колледждерде да кабыл алуунун алтынчы туруна уруксат берилди. @kgosho Билип жаша!

🇰🇬🇨🇳 Кыргызстан менен Кытай чек ара өткөрмө бекеттери боюнча келишимдин долбоорун макулдашты 🚧 Кыргызстан менен Кытайдын тиешелүү органдары эки өлкөнүн өткөрмө пункттарын башкаруу боюнча кызматташуу тууралуу келишимдин долбоорун талкуулап, макулдашты. 🤝 Документте кыргыз-кытай өткөрмө пункттарын башкаруу боюнча кызматташтык комитетин түзүү, ошондой эле айрым өткөрмө бекеттер боюнча өзүнчө жумушчу топторду түзүү каралган. 📌 Жаңы механизмдер эки өлкөнүн тиешелүү органдарынын өз ара иштешүүсүн жакшыртып, чек ара өткөрмө пункттарындагы маселелерди тез арада чечүүгө шарт түзөт. ✍️ Келишимди парафирлөө кыргыз-кытай кызматташтыгын өнүктүрүүдөгү маанилүү кадам катары бааланууда. 🇨🇳🇰🇬 Документти Кытайдын төрагасы Си Цзиньпиндин Кыргызстанга мамлекеттик сапарынын алкагында кол коюу пландалууда. Сапар ШКУ саммитинин алкагында өтөт. @kgosho Билип жаша!

🏥 Бишкекте 450 орундуу жаңы травматология жана ортопедия борбору курулууда 🇰🇬 Бишкекте Улуттук травматология жана ортопедия борборунун жаңы имараты курулуп жатат. Медициналык комплекс өлкөдөгү ири ооруканалардын бири болот. 🏗️ Учурда курулуш иштеринин 70%га жакыны бүткөрүлдү. Имаратты жыл соңуна чейин пайдаланууга берүү пландалууда. Оорукана 6–7 кабаттан туруп, 450 бейтапка ылайыкташат. 🚁 Имараттын чатырында тик учак конуучу аянтча болот. Ал алыскы аймактардагы кырсыктан же өзгөчө кырдаалдан жабыркагандарды тез жеткирүүгө мүмкүнчүлүк берет. ⚕️ Ооруканада: 14 операциялык бөлмө; 6 рентген аппараты; МРТ жана компьютердик томография аппараттары; заманбап медициналык жабдуулар орнотулат. 🛏️ Ар бир палатада экиден гана бейтап жайгаштырылат. 💰 Долбоорго президент Садыр Жапаров тарабынан 3 млрд сом Стабилдештирүү фондунан бөлүнгөн. 👨‍⚕️ Борбордо болжол менен 200 дарыгер, ал эми жалпы медициналык кызматкерлердин саны 1 миңге чейин жетери күтүлүүдө. 🗣️ Борбордун директору Сабырбек Джумабековдун айтымында, дарылоо акысыз болот. @kgosho Билип жаша!

🏇 Касымалиев VI Дүйнөлүк көчмөндөр оюндарына даярдыкты текшерди 🇰🇬 Министрлер кабинетинин төрагасы Адылбек Касымалиев Ысык-Көл облусуна болгон жумушчу сапарында VI Дүйнөлүк көчмөндөр оюндары өтө турган объекттердин даярдыгын текшерди. 📍 Өрнөк айылында ал Курманжан Датка атындагы Көчмөндөр цивилизациясы борборуна барды. Бул жерде Оюндун илимий программасынын алкагында эл аралык конференция өтөт. Борбордун аймагында 16 скульптуралык композиция жана музейдин кире беришинде 7 скульптура орнотулган. 🏟️ Чолпон-Атада Касымалиев «Газпром» дене тарбия-ден соолукту чыңдоо комплексинин даярдыгы менен таанышып, ат майданынын курулушунун жүрүшүн көрдү. 🐎 Ошондой эле ат оюндары өтө турган аренага жана Nomad этномаданий комплексине барды. 🏕️ Кырчын жайлоосунда этношаарчанын даярдыгы, аймакты көрктөндүрүү, аянтчаларды жана керектүү инфраструктураны түзүү иштери боюнча маалымат алды. ⚠️ Жыйынтыгында Касымалиев жооптуу органдарга даярдык иштерин белгиленген мөөнөттө бүтүрүүнү тапшырды. Өзгөчө коопсуздукка, аймакты көрктөндүрүүгө жана инфраструктуранын сапатына көңүл бурууну белгиледи. @kgosho Билип жаша!

🇰🇬🇺🇿 Кыргызстан менен Өзбекстан аймактарды алмашуу боюнча кийинки кадамдарды макулдашты 📍 Баткен облусунун Кадамжай районунда Кыргызстан менен Өзбекстандын биргелешкен комиссиясынын жыйыны өтүп, аймактарды алмашуу боюнча практикалык маселелер талкууланды. 🤝 Тараптар алмашуу аймактарындагы жашоочулардын: 🪪 жарандык маселесин; 🏠 көчүрүү тартибин; 🏢 мамлекеттик мүлктү өткөрүп берүү жана кабыл алууну; 📄 мүлктүк укуктарды каттоону; 🌱 жер пайдаланууну; 👨‍👩‍👧‍👦 социалдык коргоону талкуулашты. 📚 Ошондой эле көчүрүлүүгө тийиш болгон аймактардын тургундары үчүн билим берүү процессинин үзгүлтүксүз болушун камсыз кылуу маселесине көңүл бурулду. 📋 Жыйындын жыйынтыгында эки өлкөнүн тиешелүү министрликтеринин, мекемелеринин жана жергиликтүү бийлик органдарынын өкүлдөрүнөн турган биргелешкен жумушчу топ түзүлдү. 🚗 Жумушчу топ аймактарга барып, жеринде практикалык иштерди жүргүзүп, анын жыйынтыктары тууралуу комиссиянын теңтөрагаларына үзгүлтүксүз маалымат берип турат. @kgosho Билип жаша!

🎓 Кыргызстанда ЖОЖдорго жана колледждерге кабыл алуу дагы узартылды 🇰🇬 Кыргызстандагы жогорку жана орто кесиптик окуу жайларга абитуриенттерди кабыл алуу боюнча алтынчы тур өткөрүлөт. 📅 Алтынчы тур 17–22-августта өтүп, тандоо жалпы республикалык тестирлөөнүн жыйынтыгы жана негизги жалпы билим берүү тууралуу күбөлүктүн орточо баасынын негизинде жүргүзүлөт. 📌 График: 📝 17–19-август, саат 14:00гө чейин — абитуриенттерди каттоо; 📋 20-август, саат 10:00гө чейин — окууга сунушталган талапкерлердин тизмеси жарыяланат; ✅ 20–22-август, саат 16:00гө чейин — абитуриенттер тандоосун ырастайт. ℹ️ Башында быйылкы кабыл алуу кампаниясын 5 тур менен өткөрүү пландалган. Эми талапкерлерге окууга өтүү үчүн дагы бир мүмкүнчүлүк берилди. @kgosho Билип жаша!

📊 Кыргызстандын импорту 6,8 млрд доллардан ашты 🇰🇬 2026-жылдын январь-июнь айларында Кыргызстандын тышкы соода жүгүртүүсү 7 млрд 904,7 млн долларды түздү. Бул өткөн жылдын ушул мезгилине салыштырмалуу 1,4%га көп. 📉 Ошол эле учурда экспорт 11,1%га азайып, 1 млрд 69,5 млн долларды түзгөн. 📈 Ал эми импорт 3,7%га өсүп, 6 млрд 835,2 млн долларга жетти. 🚢 Натыйжада Кыргызстандын тышкы соода жүгүртүүсүндө импорттун үлүшү 86,5% болду. ⚠️ Соода балансынын тартыштыгы да көбөйүүдө. Июнь айынын жыйынтыгы боюнча терс сальдо дагы 1 млрд 202,9 млн долларга, же май айына салыштырмалуу 26,4%га өскөн. @kgosho Билип жаша!

📊 Кыргызстандын импорту 6,8 млрд доллардан ашты 🇰🇬 2026-жылдын январь-июнь айларында Кыргызстандын тышкы соода жүгүртүүсү 7 млрд 904,7 млн долларды түздү. Бул өткөн жылдын ушул мезгилине салыштырмалуу 1,4%га көп. 📉 Ошол эле учурда экспорт 11,1%га азайып, 1 млрд 69,5 млн долларды түзгөн. 📈 Ал эми импорт 3,7%га өсүп, 6 млрд 835,2 млн долларга жетти. 🚢 Натыйжада Кыргызстандын тышкы соода жүгүртүүсүндө импорттун үлүшү 86,5% болду. ⚠️ Соода балансынын тартыштыгы да көбөйүүдө. Июнь айынын жыйынтыгы боюнча терс сальдо дагы 1 млрд 202,9 млн долларга, же май айына салыштырмалуу 26,4%га өскөн. @kgosho Билип жаша!

🇰🇬🇷🇺 Кыргызстанга орус тили боюнча 671 миң окуу китеби жеткирилди 🏫 Кыргызстандагы мектептерге «Орус тили жана окуу» сабагы боюнча 671 миң адаптацияланган окуу китеби өткөрүлүп берилди. 📚 Китептер 1-, 2- жана 5-класстын окуучуларына арналган. Алар кыргыз жана орус тилдеринде билим берген мектептер үчүн даярдалган. 🤝 Окуу китептери Россиянын жана Кыргызстандын басмаканалары тарабынан биргеликте иштелип чыгып, Кыргызстандын мамлекеттик стандарттары жана билим берүү программалары эске алынган. 📖 Жакынкы күндөрү окуу китептери өлкөнүн бардык аймактарындагы мектептерге бөлүштүрүлөт. 👨‍🏫 Маалыматка ылайык, Кыргызстанга окуу адабияттарын жеткирүү экинчи жылдан бери жүргүзүлүп жатат. 2026-жылы китептердин көлөмү көбөйгөн. 🔴 Мындан тышкары, Кыргызстанда Ачык билим берүү борборлорунун иши уланууда. 2026-жылы 8 билим берүү программасын өткөрүү пландалып, аларга кеминде 900 адам катышат. 📈 Билим берүү программаларынын аянтчаларынын саны 2024-жылдагы 3төн 2025-жылы 10го чейин көбөйгөн. Катышуучулардын саны болсо үч эсеге өскөн. @kgosho Билип жаша!

🚨 Токмокто милиция кызматкерин «посвящение» деп кесиптештери сабап салышкан Токмокто Чүй облусунун ИИББнин кайгуул-күзөт кызматынын бир нече кызматкери жаш кесиптештерин «посвящение» өткөрүү шылтоосу менен сабаган деп айтылууда. 📍 Маалыматка караганда, окуя июнь айында «Сахзавод» аймагында болгон. Улук кызматкерлер жаш милиционерлерди колу-буту жана таяк менен сабашкан. 🩹 Жаш кызматкерлердин биринин жамбашынан оор жаракат алып, операция жасалган. Ал азырынча үйүндө дарыланып, экинчи айдан бери эмгекке жарамсыздык баракчасында жүрөт. ⚠️ Булактардын айтымында, окуяны жетекчиликке чыгарбоого аракет болгон. Жабырлануучуга маселени көтөрсө, бул анын милициядагы карьерасына таасир этиши мүмкүн экени айтылган. 👮‍♂️ Чүй ОИИББи бул факты боюнча кылмыш иши козголгонун жана тергөө жүрүп жатканын билдирди. @kgosho Билип жаша!

🇰🇬 Садыр Жапаров: Ташиев 2027-жылы президент болушу мүмкүн болчу Президент Садыр Жапаров 2027-жылдагы президенттик шайлоого кайра катышпай, анын ордуна Камчыбек Ташиевдин талапкерлигин колдоону мурда пландаганын билдирди. 🗣️ Жапаровдун айтымында, ал Ташиевге президенттик кызматка даярданууну алдын ала сунуштап, «өз айланаңды тазалап, өз адамдарыңды тарбияла» деп айткан. Бирок кийин Ташиев президенттик кызматка даяр эмес деген жыйынтыкка келгенин айтты. Анын айтымында, Ташиевдин айланасындагы айрым адамдардын таасири күчөп, «75 аксакалдын каты» чыккандан кийин парламентте да бөлүнүү белгилери пайда болгон. ⚠️ Жапаров Ташиевди кызматтан алуу чечимин ушул жагдайлар менен байланыштырды. 🗳️ Президенттин айтымында, эгер Ташиев ошол учурда даяр болгон болсо, Жапаров 2027-жылдагы шайлоого катышпай, Ташиев президенттикке талапкер болуп, өзү эс алууга кетмек. 📌 «Эгер шайлоого бара турган болсоң, мен сага бардык шарттарды түзүп берем» деп айтканын Жапаров интервьюда белгиледи. @kgosho Билип жаша!

✈️ Кыргызстандын аба мейкиндигинде учууларды уюштуруунун жаңы эрежелери сунушталды 🇰🇬 Кыргызстанда аба кыймылын тейлөөнү жөнгө салган АПКР-11 Авиациялык эрежелеринин жаңыртылган долбоору коомдук талкууга чыгарылды. Документ Жарандык авиация мамлекеттик агенттиги тарабынан иштелип чыгып, Кыргызстандын Аба кодексине жана ИКАО стандарттарына ылайыкташтырылууда. 🛫 Долбоордо учууларды уюштуруу, аэронавигациялык кызматтардын иши жана аба кыймылынын катышуучуларынын өз ара аракеттенүүсү боюнча талаптар белгиленет. 📌 Негизги өзгөрүүлөр: 🛰️ RNAV жана RNP навигация стандарттарын колдонуу; ☁️ аба мейкиндигин Aдан Gге чейинки класстарга бөлүү; 🛬 учуп-конуу тилкесине уруксатсыз кирүүгө жол бербөө; 👨‍✈️ диспетчерлердин чарчоосуна байланыштуу тобокелдиктерди көзөмөлдөө; 🪖 жарандык диспетчерлердин аскердик, метеорологиялык жана башка кызматтар менен иштешүү тартибин аныктоо. 🚨 Ошондой эле авариялык кырдаалдарда — учактын маршруттан четтөөсү, белгисиз объекттин пайда болушу, жабдуулардын иштен чыгышы же мыйзамсыз кийлигишүү коркунучу жаралганда — экипаждарга жана жердеги кызматтарга коюлган талаптар такталат. 🆘 Өзгөчө кырдаал учурунда аба кыймылын тейлөө кызматтары экипажга биринчи кезекте жардам көрсөтүүгө милдеттүү болот. @kgosho Билип жаша!

🔥 Бишкек мэри ТЭЦтин кышкы сезонго даярдыгын текшерди 🏭 Бишкек шаарынын мэри Айбек Джунушалиев борбор калаадагы ТЭЦтин алдыдагы күз-кыш мезгилине даярдыгын текшерди. 📊 Мэрге ишкананын өндүрүштүк-экономикалык көрсөткүчтөрү, негизги жабдуулардын абалы жана оңдоо иштеринин жүрүшү тууралуу маалымат берилди. Ошондой эле отун жеткирүү жана өндүрүш объектилеринин техникалык даярдыгы талкууланды. 🌡️ ТЭЦте шаардагы жылуулук-энергетика ишканаларынын жетекчилеринин катышуусунда жыйын өтүп, жылуулук жана электр энергиясын үзгүлтүксүз камсыз кылуу маселеси каралды. ⚙️ Өзгөчө көңүл энергетикалык жабдууларды оңдоого, отун корун даярдоого жана жылуулук тармактарынын абалына бурулду. 🏠 Ошондой эле коммуналдык инфраструктуранын ишенимдүүлүгүн жогорулатуу жана шаар тургундарын кыш мезгилинде туруктуу жылуулук менен камсыз кылуу боюнча чаралар талкууланды. @kgosho Билип жаша!

🌿 «Сары-Челек» коругуна кире бериште жаңы көзөмөл-өткөрмө пункту курулат 🏔️ Жалал-Абад облусундагы мамлекеттик биосфералык «Сары-Челек» коругуна кире бериш жерде жаңы КПП куруу иштери башталат. 📍 Курулуш аянтында жаңы көзөмөл-өткөрмө пунктунун пайдубалына капсула салуу аземи өттү. Ага Жаратылыш ресурстары, экология жана техникалык көзөмөл министрлигинин өкүлдөрү, коруктун кызматкерлери, жергиликтүү бийлик өкүлдөрү жана жаратылышты коргоо тармагынын ардагерлери катышты. 🚧 Жаңы КППнын курулушу коруктун инфраструктурасын жакшыртууга, кирүү-чыгууну көзөмөлдөөнү күчөтүүгө жана туристтер үчүн шарттарды иретке келтирүүгө багытталган. 🌲 «Сары-Челек» — Кыргызстандагы уникалдуу жаратылыш аймактарынын бири. Коруктун негизги өзгөчөлүгү — кооз Сары-Челек көлү, тоолуу токойлору жана өсүмдүктөр менен жаныбарлардын бай түрдүүлүгү. @kgosho Билип жаша!

🦠 Эбола: ДР Конгосунда ооругандардын дээрлик ар бири экинчиси каза болууда Демократиялык Конго Республикасында Эбола вирусунун жайылышы тездеп жатат. БУУнун маалыматына караганда, оорунун масштабы болжол менен ар 20 күн сайын эки эсеге көбөйүүдө. ⚠️ Өлкөдө азырынча 4 449 тастыкталган учур катталып, 2 061 адам каза болгон. Бул диагноз коюлган бейтаптардын дээрлик жарымы көз жумганын билдирет. 💉 Дүйнөлүк саламаттык сактоо уюмунун маалыматына ылайык, Эболанын Бундибуджио вирусуна каршы атайын иштелип чыккан вакцина адамдарда клиникалык сыноолордун этабына өттү. 🔬 Ошондой эле Эболанын кеңири тараган Заир вирусуна каршы вакцинанын жаныбарларга жүргүзүлгөн жаңы сыноолору оң натыйжаларды көрсөттү. ДССУ вакцинаны адамдар катышкан клиникалык сыноолордун үчүнчү, акыркы этабына өткөрүүнү сунуштады. 💊 Эболаны дарылоонун жаңы ыкмалары да изилденүүдө. ДССУнун колдоосу менен жүргүзүлүп жаткан PARTNERS клиникалык изилдөөсүнө буга чейин 100 бейтап катышты. @kgosho Билип жаша!