كرار الهاشمي || karar alhashimy

اجهَ الخبر     لمَّ البنــــــــين واتلگــــته    مشبوحه عيـن ناده بِــشْر    نوحي الحسين وضجي المدينه بالنعي يمگطع انياط الگلب سولفلي بالعندك يبن حــــذلَم أجرچ الله بالــــوِلِد گالتله فدوه حسين لو يسـلَم گلهه البقاء لله انذبح عطشان مات ونحره سابح دم…

اجهَ الخبر     لمَّ البنــــــــين واتلگــــته    مشبوحه عيـن ناده بِــشْر    نوحي الحسين وضجي المدينه بالنعي يمگطع انياط الگلب سولفلي بالعندك يبن حــــذلَم أجرچ الله بالــــوِلِد گالتله فدوه حسين لو يسـلَم گلهه البقاء لله انذبح عطشان مات ونحره سابح دم گلهه مثخـــن بالجراح والضعن للشـــــام راح ضل صريـــع ابلا رداء وراسه مشيول برماح راحت ركض    صوب العليـــل تنشد مــــنو    التمشي وتميــل هاي المـــره     متعوبه حيــــل حاچيني ياهي من الحرم گاللهه زينب عمّـــــتي بس المصايب صـــبّت اعليهه ام البنين اهنا صدمهه رادت تضّمهه اتگـــربت ليــهه خلّت ايديهه ابظهرها وزينب تميّل عنهه ايــــــديهه اتگلهه يمّه وشجــراچ شنهي المخبــيه وراچ اندارت ولطمت الخد السوط متعدي الگفاچ غورگ بچـــي     جفن الرباب وسكنه اگعدت    فوگ التراب وزينب تــــون    ون عالمصاب عن البقـــيه البلضـعن سألتهن اوياچن بعد راحت رقيه چـــا ترد يمــته ياليلى ماهوّه علي ويارمله جاسم وين ماشفته حضن الرباب ابلا ولد عبد الله صار اهواي فاگدته جاوبت كـــل ثاكله مرنه ضــيم ابكربله عفنه اهلـنه عالترب كلهه مــــوته بالفله طفله اجـت    من الديـــار طلعت ركض  صوب الزغار رادت خبـــر    لبـوها ســار سمعت رجوع القافله لاگتهه زينب بالحضن وعين العليله دايــــر اتباوع تتفـــگّد وماشــــافته نشدتهه ابوي اوياچ ماراجع اهنا سكت كل الضعن ياهو التنشده چـنه ماسامع اهنا علي السجاد گام گلهه ودالچ ســــــلام حسينچ بكربله مــات فوگ حــّر الرمــل نام خادم القصيده شاكر الصيمري

اكو واحد مشتكي يم القاضي على سايق فإجه السايق يم القاضي گاله القاضي ليش دعمت الرجال گاله سيادة القاضي دگيتله هورن ما وخر رمشتله باللايت ما وخر طلعت راسي من الجام اصيح ما وخر ! ▪️القاضي سأل الرجال گاله صحيح هالكلام :؟ گاله نعم سيادة القاضي گاله لعد ليش ما وخرت ؟ گاله سيادة القاضي اني أبيتي گاعد وضرب الباب والسياج وطبلي للهول بالسيارة. شاهدنا هسة ربعنا عافوا ابو السيارة ومچلبين بأهل البيت ليش ما فرغتوا البيت أو ليش ما لحگتوا تفرغون مقرات الحشد قبل العدوان السعودي . عمي طبو علينه للبيت لا طابت جمعة الجبناء

اجِيك بـِ لَهّفَة العَاشِگ ..

لحن ثاني ثگيل

رجوع الضعن للمدينة كأني بمولاتي زينب عليها السلام عندما وصلت الى ديار الأهل رديتلچ عين ودمع يديار الحنان رديتلچ جرح ابجرح وفراگ خوان يدياري أنه أم الخدر هاي الأجيتچ ومن خدري بعبينه رجع يديار دخان أمشكبنه أبظيم ومناحه ولانايمه ولامستراحه هوه اليفارگ يگدر ينام؟ أبكربله فرن نسائي وعگب الگمر حرگو خبائي ونه أطلعت من ستر الخيام أنْه العلوية .. الصرت مسبية رحت مرچوبه ابهزل عدواني ابطرگ دمعاتي .. وثگل وناتي أجيتچ وحدي بلا خواني يدياري يديار المحنه .. رديتلج وبلايه أهلنه --------------- تنشدين ياهي هالمره حگج تنشدين بيهه أشيضل الفارگت عباس وحسين أتصير محنية گفه لتشوفه مكسور ضهره أنحنه لمن وگع في الصواوين من طاح اليحامي خدرنه نسوان بس گوه رگضنه من طاح أبو الأكبر عله الگاع أزغيرتنه يبخات المنازل أمشيبه مرچوبت هزايل وعثره اعلعثره صار الوداع أشيصبر روحي .. وشفت مذبوحي سليبه أثيابه عزيز اخوانه ردت كفالي .. يلم اطفالي عگب حيل أحته وعگب صيوانه يدياري يديار المحنه .. رديتلج وبلايه أهلنه --------------- گعداتنه ابفيچ قبل لا ماترد هاي لمتها ماترجع بعد ألفاگده اهواي أتغير وكتنه أبكربله وصرنه سباية ولبن أمي يديار البخت ردنالج افياي ماترجع أيام المحنه أشمحله گبل گعدات أهلنه وعباس أشوفه أتحيطه الطفال اعلناگه گوه رچبوني ويم راسه أخوي وشتموني اوّين ام دلال اوين الحبال؟ الحبل لاچمني .. اشكثر تعبني وعقيلة هاشم هلي ايسموني عزيزت حيدر .. بسلاسل تنجر ابخرايب اگعد وكت خلوني يدياري يديار المحنه .. رديتلج وبلايه أهلنه --------------- خمسيني كبرهه الهظم وسوالف الشام علعيوني طبيت القصر ابروس ويتام يهل البخت تكتل تره امن أطب دوواين الماطالعه چانت گبل من باب الخيام وبگلبي ياكثر السوالف والله وكت وطب مضايف؟ بت فاطمة الماواصله الباب يفرون بيه اعللعشاير وحاير يگلب أم عون حاير الماعدهه كافل تشبع أمصاب ابمضايف غربه .. علزينب صعبه وعلاوي السادة هظم شبعانه النشد ياهيه .. أنه العلويه السبيه أتسمه وصرت كبرانه يدياري يديار المحنه .. رديتلج وبلايه أهلنه رسول رياض

الحب هو أن تكون دِرعاً لحبيبك ليس سهماً عليه ..

﴿أَفَإِن مَّاتَ أَوْ قُتِلَ انقَلَبْتُمْ عَلَىٰ أَعْقَابِكُمْ﴾ عظم الله اجورنا واجوركم بذكرى أستشهاد اعظم الخلق نبي الرحمة محمد صلى الله عليه وآله .

((نص تابوتي)) من السبي يحسين والحد موتي وشل عليك الشوف وشل صوتي صـــــــدرك شلونه يابعد عافيتي بسمك اصيحن وآنه نص تابوتي بسمك .. صحت بعشگ خــويه .. فــدوه الحرگ .. بيه روحي .. بطاري الهجر وانــته .. بـــروح العمر .. بيه مـــن غربه واجيت التـراب من ضلمه وعذاب ومصاب حــــاچـيني يبعد الخــــيام مشتاگه ودمعتي الخضـاب من بعد فرگه تلاگينه ... """""""""""""""""""""""""""""""""""'''''''' مــــن نزلوني الگبري روحــي نايحه توني ارد انـــام وبذني اسمع صايحه شي صاح خويه وشي قرتلي الفاتحه گوه ارد اگــــومن طايحه وماطايحه خـويه .. وشبگتّ اخو صوته .. وادري منـــو .. حسيني گلي .. بصوت التعب گلي .. رحلـــي انهب .. حسيني كل ضعنك ياخويه بحبال يــــم رمحك وتبـده الدلال يم نحرك مشدوها العيون من بعدك مدفونه العــيال من بعد فرگه تلاگينه ... """""""""""""""""""""""""""""""""""''''''' لمن شبگني حســين ردت روحي من گتله خويه گلي فدوه جروحي ياريــــــت روحـــي تنذبح وعيوني وياريت حَـــدّ يـــوم القيامه نوحي شلونك .. وانته بعطش عيونك .. ليل اهدعش .. خويه بخدك .. حـــافر عبر ويـــلي .. وغاب الگمر .. خويه سولفلي ياخويه الصريع وشلونه طــفلنه الرضيع هم بعده يلـــوج بضـماه هم دمه اعله ثوبه نجيع من بعد فرگه تلاگينه ... """""""""""""""""""""""""""""""""""''''''' ينشدني گـــلي ياذبـــــال عيونچ شو وحده نعشچ وين اليشيعونچ يابعد اخوچ وليـــش اصفر لونچ وحــــــدچ غريبه ليش ويخلونچ غــربه .. خالي الصحن صعبه .. يختّ الحسـن .. صعبه بــابچ .. انسد غصب گبرچ .. ليــش بترب .. صعبه والشامت هضيمه ويصيح بالغـــربه ويگلبــچ جــريح يــــازينب حياتچ عــــذاب والرايه اعـله گبرچ تطـيح من بعد فرگه تلاگينه ... عبد زينب محمد الابراهيمي اللحن 👇

(( فاطمة وخير الانام )) ليـــــش مــن چــلمـة يـبـويه انــحــرم افـراگــك يخلــيني بــس جلد وعظــم اليمشي ابوها يخضر ابنـصهه النحيب وتبــقه مــن تــــسـمع يبـويه تـنهــضم بـويــه مـــــاشـبـعانه منـك امنيتي ارد طفله وحضنك دمعه دمعه تگضي روحي الفــرگــه…

(( فاطمة وخير الانام )) ليـــــش مــن چــلمـة يـبـويه انــحــرم افـراگــك يخلــيني بــس جلد وعظــم اليمشي ابوها يخضر ابنـصهه النحيب وتبــقه مــن تــــسـمع يبـويه تـنهــضم بـويــه مـــــاشـبـعانه منـك امنيتي ارد طفله وحضنك دمعه دمعه تگضي روحي الفــرگــه آاخ وآاخ مـنـك بـويـــه بـــعــدك يــمي أنـت           وروحي طلعت من جسدهه اشـلون لـو غمـــضت عـينك           وفـاطــمه تبــقه الوحـــدهه الــدنيه شـــنهي ابلا عيونك           ولحــضه ماعيــشن بــعدهه اتعاتبو مدمع كلام فاطمة وخير الأنام                   "" "" "" "" "" "" "" "" "" "" "" "" ســولت الــــفاگد دمع عينه يـهـل وينكسر كسرة غصن من ينســئل الــفارگ اعزازه يـموت ابــلا ألــم روحه تطلع بس جسد يبقه عدل شرد اگـــلك والله حيره روحتك كسره چــــبيره صعبه اگول امودع الله اتيتـم اشــلون الامــيره باقــــيات إلـمــن اعـيـونـي            اعــمن اعمــن بـــيه لچــمه انه حـــرمه اشـــــلون بيــه            الفـــــگد ميـــحمـله زلــــمه كســرة اوداعــك چــــبـيره            ابروحي خلت بويه هضمه صار الاموادع سلام فاطمـة وخير الأنام                   "" "" "" "" "" "" "" "" "" "" "" "" ليــش من دون الـــبنات اتـــيتمت شوگ روحي الچلمة البويه عشت الورده لو عنهه انگطع ماي الـعذب اتصوفر وتذبل ونه هـيچي صرت حالي حال الضيم حالي امــصوفره وشبه خيالي الدنـيه من بعــدك يبويه مـني تاخـذ غـالي غـالي عيني تشـــــتاگ العيونك            اشلون احلهه وي عيوني ها يجــوني مايـــجــوني            امنـاطـره أهلي الجفوني طلعت من الهضم روحي            وشــــيب الملگه ضنوني وشيفض دمع الغرام فاطـــمة وخير الأنام                   "" "" "" "" "" "" "" "" "" "" "" "" ريتي متــروسه هــوء وماكو هـــوء ياهـو غيــــر اعيـــونك يــســير دوء ضلمه روحي وچانت اعــيونك شمع من يحــــل يمي الضلام اطگ ضوء بعد عيــــــنك ماكو راحه ليلــي ونهــــاري نيــــاحه اعيوني متروسه سوالف وگــلبي شابع من جراحه اعيوني ماغٓمضت بعدك           لا ابلــيلــــي ولا نــــهاري حـالي بـويه تعــب حالي           صرت چنــي اتراب ذاري چـــــان دار الــخير داري           هـسه دار الــــحزن داري اموادعك كسرة حمام فاطــمة وخيــر الأنام                   "" "" "" "" "" "" "" "" "" "" "" "" خادم السلطان سيد محمد الياسري اللحن 👇

إنا لله وإنا اليه راجعون عِطشت اسكينه إنا لله وإنا إليه راجعون انطفت عينه كِثرت آلامه و ضَجت اخيامه ابصرخت ايتامه..ياعم ياعم وينه حامينه ضمه ماذينه نِدبت اسكينه ..ياعم ياعم يبو طول اليرد الروح گلي ابطولك اشصاير يالكاسِر ضَهر لحسين وكاسِر للخيم خاطِر ياعين الزچيه اليوم نعايّه الك بالطَف تِلطم عالضِلع والعين دمها اعله الجِفن داير إنا لله وإنا إليه راجعون طاحت اچفوفه إنا لله وإنا إليه راجعون مِنسلِب شوفَه •••••••••••• إنا لله وإنا إليه راجعون أمناغه عبدالله إنا لله وإنا إليه راجعون ابطيحته اسم الله الصابَك ابجودك فَرهد اوعودَك وانهدَم طودَك ..ياعم ياعم احسينك اتلوّه طايح اليسوّه چلمة الخوّه ..ياعم ياعم گطعت اكماطي من صديت ابوي اينازِع ابحيره ايده اعله الضَهر وايلوب ينادي ومَحد ايجيره هَل مِن ناصِر ومِن ذاب اول تالي يحچيها ماأحمِل غرُبته اشلون نِبلَه اگليبي تَجبيرَّه إنا لله وإنا إليه راجعون قلَّت الحِيله إنا لله وإنا إليه راجعون وانهدِم حيله •••••••••••••• إنا لله وإنا إليه راجعون طِفله مَحنيه إنا لله وإنا إليه راجعون طلعت ارقيه امدللت عمها عافت اخيمها شاغت ابهمها..ياعم..ياعم ابرايتك جينه لاتـخليـنه الغربه تولينه ..ياعم..ياعم طحت والصايح اينادي هسه اتغرّبوا كلهم ساعات ونِشب النار طايح كِل مُعسكَرهم ياعم خِدرك المهيوب ساعات اعله فَرهودَه انچانَك تِسمع الينعون گوم اتعنّه لـ اخيمهم إنّا لله وإنا اليه راجعون سَلب ترچيه إنا لله وإنا اليه راجعون أمشي مسبيه •••••••••••••••• إنا لله وإنا اليه راجعون عاتِكه انهضمَت إنا لله وإنا إليه راجعون اعله الوجه لِطمَت ابشوغه وابوَنّه لطمَت الوَجنَه عگبك ابمحنه..ياعم ياعم من رجع لينه ابدمه والينه شابَت اسنينه ..ياعَم ياعم رَد منك وشالَت روح ميت من رجع منّك طلعتله العقيله ابشوگ ابدمعتها انشِدَت عنّك ماسولف عگَبها احسين محني واعتنه الخيمه هَد بيده عمدها وصاح نسوانَه يندبّنَك إنا لله وإنا إليه راجعون عل الامسنايه إنا لله وإنا إليه راجعون طاحت الرايه عبدالله الموالي السماوي

(( فزاعيات )) يهلي من السبي ردن حرايركم اگعدوا اتلگوا زينب عوفوا نومتكم شوفوا الشام شمسوي ابعقيلتكم متغيرة اشكثر من ضيم فرگتكم نفضوا التراب وگومو اتلگوها من درب السبي ،،،،،،،،،،،،،،،،،،،،،،،،،،،،،،،،،،،،،،،،،،،، ردت من سبيها اهواي تعبانه ام عون الحنينة اتريد عوانه زينب روحها اعلئ الخوه عطشانه تلطم علئ حسين الماله دفانه ذبت نفسها اعلئ الگبر من فوك ضهر الناگه ،،،،،،،،،،،،،،،،،،،،،،،،،،،،،،،،،،،،،،،،،،،،، ردت عالهزل تندب يخال ابني من الشام اجيتك والضهر محني عليك ابداعت الخوه اگعد الوني خويه الشام حيل اهواي هاضمني من الغرب مهضومه اكعد يخال ابني الي ،،،،،،،،،،،،،،،،،،،،،،،،،،،،،،،،،،،،،،، دارت للغري اتحشم علي يحضر يفزع يطفي نيران السبي التسعر وكت مهضومه تالي امدللت حيدر من بلد البلد تاليها تتخطر ياحيدر احضر للنجف من السبي ردينه ،،،،،،،،،،،،،،،،،،،،،،،،،،،،،،،،،،،،،،،،،، ردت تلطم اعلئ اگبور اهاليها وتجري ادموعها من السده اعليها حد الراس حزن الخوه غاطيها اهواي اجروح من الشام تاذيها اهنا ياهلي ردينه من نومكم گعدو الي ،،،،،،،،،،،،،،،،،،،،،،،،،،،،،،،،،،،،،،،،،،، هاشم وين من الشام ردينه بعد الفرگه خل تگعد تلاگينه رجعنه من اليسر گعدوا يهالينه نلطم مگبل اعلئ الضيم والبينه زينب اجت عالناگه مچتوفه بحبال الغرب ،،،،،،،،،،،،،،،،،،،،،،،،،،،،،،،،،،،،،،،،،،، خادم السلطان سيد محمد الياسري

ماخلصت هستوها بدت مصائب أهل البيت عليهم السلام مو بس شهرين !! على طول السنة قائمة وراح تبدي بأستشهاد نبي الرحمة رسول الله(ص).... الى الإمام محمد الباقر (ع)، الزاير الكريم نفسه هو المواطن إلي يراجعك للدائرة ،  وهو نفسه الي يجيك للمحل يسوگ منك، ونفسه يجيك للصيدلية أو المستشفى ،وهو نفسه الزاير المواطن إلي  بكل مكان تشوفه ووووووووو هو نفسه يعني تگدر تقدمله خدمة وتعامله بكل طيب وتحسبها بثواب الأمام الحسين (عليه السلام) كن مستقيماً مثل أيام خدمتك لزوار الحسين عليه السلام -الحسين منهج