الشاعر علي رشم.💛

اجاني الليل مو وكته .

البنص الطريق وعَافك وراح هذا غلط جيته من البدَاية

مالِي خلگك لو يوصفونك دوه

أحبك والحوَاجز ما تهمني وياك اذا مو بيك بيمن يسوَى أتبهذل

إجَاني اللِيل مو وگته آنَه أمَتاني تجَيني أنتَ .

شفتك بالحلم فَزيت مرعوب مالحگت أشوفك مسرع أجدام

ولو تدري انت شگد مهم ليليه بين نجومنه ندورك نجم وعيونه تدور عليك بكل سواد الليل ماخلت حلم.

يكتلني النعاس وياك بس مانام حذر وادري شتكلف نومة السواق

فرشولِي ريش وَ مَانمت بَس يمك اغفه اعله الجَمر .

إذا ما ارسم عيونك على الشباج هذا الليل ميعدي

جِفنيّ بارِد علَى السَهر بس گلبيّ نَار ، ليّل وطيوفَك عليّ هَدّن نَهر حَافي يمشيّ السيَف بِجروحي وبقيَّت لا رِحت مِنيّ ولا راح الأثَر .

عفتِني و آنه بلا ظهَر والعازة بعدك عازة كالولي زفُوك العّصر ماطولت لحد الفجر شالوني اهلي جنازة.

واتلگاك كل حيلي حضن حاجوز ما هدك

انت تكدر تنسى ادري حتى لو كدام عينك صار گبري .

حچي عيوني سهل

اختصر كلشي واطول من اريد انساك !

ومن صارت صدك ردتك ولو حاجوز وغصب عذرك قبلتة خاف تتعور بزلاتك اضم ردتك ضمير تصير وجذبت الصدك حتى انت ما تخسر وعاونتك علي من شفت عذرك خاب قنعت النفس كتلها يتغير ..

انت ما ترهم غريب شلون خليتك ولف انه غلطان اعترفلك غلطة الشاطر حياته ياهو گلك غلطة الشاطر بالف

اراقب جني واحد طالب بثار اعرفك وين تكعد يمن تروح اراقب من بعيد وخايف عليك وما ارتاح منا لمن تروح باوعلي ترئ اني مركز وياك لحد ماعيني احسها تريد تعمئ باوعلي الي يرسم لوحه مرات هم ياخذله نظره على اليرسمه ..