Fourth stage/advice

زملائنا الأعزاء، نتمنى لكم كل التوفيق والنجاح. من تخلصون صلوا ركعتين وادعوا وكذلك قبل ما تطلعون صلوا ركعتين وفوضوا أمركم لله ولا تخافون الله يسهل كلشي. Best of luck

Fourth stage/advice pinned Deleted message

زملائنا الاعزاء نبارك لكم بدء العام الدراسي الجديد نسأل الله تعالى ان يوفقنا واياكم * الطلبة الي طلعلهم كورس الجراحة ادخلوا على هاي الكروب بيها كل التفاصيل الي تخص الجراحة السريري، وكنصيحة اول إسبوع أخذوا هستري هواي ونوعوا بين الهستريات حتى تكونون مسيطرين على المادة. https://t.me/+xwUJBVXYNZMyMzEy جماعة التوليد هاي القناة كاملة بيها كل التفاصيل عن التوليد https://t.me/+s94j8jenCms0OGIy الباطنية هاي ثلاث قنوات بيها شرح ونوتات الدكاترة بشكل مفصل https://t.me/+0p4s4ebnqDQ1YzFi https://t.me/+euNUMc0bsmcxZDNi https://t.me/+0FfukpL5wHk0NTcy وكورس الاطفال https://t.me/pediatricskmc https://t.me/clinicalpediatriccc https://t.me/peyamspediatrics

Fourth stage/advice pinned Deleted message

محتوى القناة: #مقدمة_تعريفية #التوليد #الجراحة #الاطفال #طب_المجتمع #مادة_السلوك #طب_العدلي #الباطنية

مجموعة من النصائح: ١- الكورسات هي سبب نجاح غالبية الطلبة، فاضبطوا الكورسات كلش بكل تفاصيلها، وحاولوا تاخذون درجة عالية حتى تضمنون نجاحكم باذن الله. الكورسات بشكل عام حلوات كلش، اذا تقرون كل يوم فكلش راح تضبطون المواضيع وتدخلون للامتحان مسيطرين، وكذلك يومية افصحوا وتعلموا الطريقة واسلوب الالقاء، لان اكو هوايه من الدكاترة يركزون على اسلوب الطالب وكذلك بالجراحة ينطون درجة على اللباس والنظافة وكلشي اله درجة. ٢- الي يريدون يقرون بالصيف، كنصيحة منا اذا تحبون تقرون اقروا جراحة او باطنية نظري، السريري ما يحتاج تقرونها لان وقت الدوام تلحكون عليه. ٣- احترموا الدكاترة والتزموا بالدوام والسشنات خصوصا الجراحة السريري اذا انزعجوا منكم بالامتحان حيشدون وياكم ولا تسوون هوسه بالطابق وكل مجموعة اخذوا هستري وافحصوا بيناتكم لحد ما يجي الدكتور. ٤- الي يحب ياخذ درجة عالية فلا بد من دراسة يوم بيوم، لان المرحلة الرابعة موادها ضخمة خصوصا الجراحة والباطنية يحتاج جهد كبير.

عدد الوحدات الدراسية لكل مادة للمرحلة الرابعة

السريري اول ملاحظة احب تاخذونها هي اقروا المصدر يغنيكم عن الف ملف للملاحظات. اول شي المصدر قليل وكل دكاترة يمشون عليه ويوصونكم من اول يوم تمشون عليه، ضروري تحضرون يوم بيوم وتقرون اي شي يكولون عليه الدكاترة، وهم افحصوا بيدكم لان هستري ماكو فقط اكزام. ضروري تسوون الفحوصات بيدكم وتروحون وحدكم تشوفون كيسات مختلفه لان بيوم الامتحان ما تعرفون شنو يطلع الكم. بشكل عام كورس الباطنية هي احلى كورس تحسون نفسكم فعلاً طبيب لان كلش يعلموكم زين ونصيحة تابعوا شرح الدكاترة لان شرحهم زين لدرجة كلش هوايه ولا تضيعون سشنات ابداً. قنوات مرتبة فيها الملفات السريري: https://t.me/+0p4s4ebnqDQ1YzFi https://t.me/+0FfukpL5wHk0NTcy https://t.me/+euNUMc0bsmcxZDNi

#الباطنية النظري مادة النظري حتاخذون سستمات ال cardio دكتور مؤيد ،Git دكتورة سمر ،respiratory دكتور بلال ،infectious diseases دكتور اسعد. دكتورة سمر نفس الأشياء الي ذكرناها عنها الكم للثالث، حضوركم مهم واكو ملازم بيها ملاحظات كامله الها موجودة. مادة سهله وأكثر الدرجات تكدرون تحصلونها من هاي الماده. ومادة مهمه جدا للجانب العملي. مادة دكتور مؤيد ،يعني شكد ما اكول لكم الاستفاده الي تحصلونها من حضوركم للمحاضرات مالته قليل، يعني مجرد حضوركم كفيل انو تفهمون الماده، بالنسبه للماده ضخمة وشويه ممكن تحسها صعبه بس مجرد تمشون على طريقه دكتور مؤيد يفيدكم كلش. هل شي ينطبق بالعملي والنظري. الاسئله مالته جدا سهله. مادة دكتور بلال ماده سهله وهو راح يذكر المهمات ويجيبهم يعني اكو شغلات يتركها خلال الشرح ما يجيب منهم ف كونوا منتبهين. الاسئله مالته مركزة كلش بس بنفس الوقت سهله. مادة دكتور اسعد مادة حتكون بيها معلومات ماخذينها من قبل وسهله. بس الاسئله مالتنا جانت شويه بيها صعوبة بس رغم ذلك هي بيها معلومات مكررة من micro, parasite وغيرهم. قناة النظري https://t.me/+jcEiUMN9-01jOTQy قناة العملي https://t.me/+rMjfpp-jfMljZGVi قناة الأسئلة https://t.me/capt_Medicine_theory_imp

#طب_العدلي المادة الوحيدة الي بالعربي، بيها عملي ونظري. النظري دكتور محمد فاتح، دكتورة ايمان، دكتور محمود، دكتور دلاور. المادة سهله جدا ومن المواد الي تكدر تجيب بيها درجة بسهوله خصوصا النظري، الاسئله من ملازم ومو معقده ابدا، ملاحظة وحده عن دكتورة ايمان احضروا علمود ملاحظات لان احتمال وارد جداً تجيب منهم. بالنسبه للاسئله مالت امتحان ف بيها تكرار جان ف ممكن تفيدكم. اسئلة د محمود شويه مركزة لازم تقرون بتركيز. عملي دكتور شكر ينطيكم العملي طول السنة، الكورس الأول فقط صور مطلوب منكم تكتبون شنو تشوفون بالصورة، دكتور شكر يشرح الصور المهمه والي تجي بالامتحان ف ضروري تكونون وياه بكل المحاضرات. المواضيع عملي ونظري مرتبطات ببعض ،اهم شي الحضور علمود لا تقرون صور زايده وهو حيكون وياكم وكلش متساهل ويحب واحد يكون وياه ويسأل، كورس ثاني بيها تقرير طب عدلي اولي بيها معلومات كامل بالقناه وشي سهل جدا. قناة المحاضرات https://t.me/+Eiiw1ePW1OEyMjky قناة الاسئله https://t.me/captain_foransic

#مادة_السلوك دكتور سعدون ينطيها ،مادة فقط نظري للأمانة مادة ممتعة بس بنفس الوقت تتطلب منكم دراسه يوم بيوم ابد لا تعوفوها بيوم الامتحان لان ايام قليله قبلها شي ثابت الي لاحظنا من سنوات الي راحت. مادة فهمية وشويه درخيه بس سهلة، حاولوا تفهمونها وتربطونها بامثلة علمود يسهل عليكم دراستها. الاسئله جانت سهله بس مركزة ومن ملازم، بس يحتاج واحد ضابط المادة ف اذا جان عندك فرصه تقرا الملزمه وتراجعهم ف هذا أفضل شي تسوي خلال الدوام. نصيحة ( افهم المادة لا تدرخ، ادرس المحاضرات وعوف التكرار) قناة النظري https://t.me/+LIkBK58S3502ZjAy قناة الأسئلة https://t.me/behavioral_capt

#طب_المجتمع مادة نظري ينطوها دكتورة زهراء ،دكتور محمد، دكتورة وفاء مادة دكتورة زهراء مادة كلش سهلة وراح تلكونها مكررات لمواضيع من الأطفال والباطنية ممكن ف هي بشكل عام مادة سهله، كورس اول تحجي عن أمراض مختلفه وتركز على جوانب معينه تخص طب المجتمع وكورس ثاني تصير مادة بحت طب مجتمع. مادة دكتور محمد سهلة جدا جدا عباره عن مواد ومعلومات مثل عامة تقريبا يحجي بيها شويه جراحة شويه باطنية شويه أمراض ف ابد لا تخافون منها لان هي صح ملازم طويله بس اغلبها صور. مادة دكتورة وفاء هي الماده الأكثر صعوبة من ناحية الفهم لان هي مادة حفظيه للأمانة ومادة تتطلب حضور لان الدكتورة تأشر اشياء وتحذف اشياء والملازم تدزها بيها نقص لازم تكتبون وياها. اذا عندك ايباد لازم تنزل الملزمه واذا ما عندك لازم تسحبها وتاخذها وياك لان متقبل احد يدخل بدون ملزمه. خلال المحاضرات راح تسوون واجبات يومية مطلوبه منكم ترتيب وحل صحيح ممكن درجة ما عليها بس مهمه جدا يمها، وتأخذ منها حضور. الاسئله كلها من الملازم، دكتور محمد ودكتوره زهراء يجيبون مباشر، دكتورة وفاء الوحيده الي تجيب شي يحتاج حفظ نصا لان كلمه تغير السؤال كله. العملي تنطيها دكتورة وفاء وهو جزءين، جزء تاخذون بالقاعة وهو كلش يشبه النظري من حيث الطريقة، وجزء زيارات إلى مراكز صحية مختلفه ويه الدكتورة ومطلوب منكم الانتباه خلال الزياره وتسجيل ملاحظات لان اجى قرار انو يكون اكو اسئله هن المركز الي تروحون اله مثلا مركز الأورام، مركز الأمراض الصدرية والخ... وهماتين ك جزء من العملي اكو بحث تتقسمون كروبات كل كروب يسوي بحث عن موضوع بإشراف احد الدكاتره المواضيع انتو تختارونها الدكاتره يكون توزيع من القسم، عليها 5 درجات ويكون بيها تقديم من قبل كل الطلاب تقريبا عدكم 3 أشهر للبحث، ودكتورة زهراء راح تنطيكم محاضرتين تعلمكم كلشي بهل خصوص. قناة النظري https://t.me/+c4mdKmdTJ3o5MGQy قناة العملي https://t.me/+6VsbHDpvvixkNGUy قناة الاسئلة https://t.me/communtiy_capt قناة كورس عملي ماكو لان التأشيرات للدكتورة تختلف من سنه للثانيه.

الاطفال السريري تاخذون بمستشفى الاطفال واذا كملوا تعميرات طابق الأطفال بمستشفى ازادي فهناك هم تاخذون بشكل عام ينطوكم دكاترة كلش زينين ( دكاترة الكلية + الصحة) سشنين كل اسبوع وعلى الاغلب بيوم واحد مثل ما احنا اخذنا، الفرع كلش يركزون على الحضور بشكل عام للجانب النظري والسريري لكن السريري اكثر وراح تنقص من درجاتكم اذا غبتوا، ابدا لا تضيعون السشنات لان اذا ضاعت مراح تكرر عليكم لان تقريبا كل سستم سشن واحد تاخذوه، فالتزموا، المواضيع مقسمة على الدكاترة كل اسبوع تاخذون سستمين او هستري، اهم شي بكورس الاطفال الهستري لان عليها اكثر الدرجة، فاضبطوا الهستري لان شويه تختلف عن الباقي بتفاصيلها وكذلك خلينا كل شي تحتاجونها داخل هذا الكروب من اعداد احد زملائنا فتقريبا بيها ٩٨٪؜ من الشغلات الي تحتاجونها في اطفال السريري. كورس لطيف وحلو كلش وممتع، اضبطوا الهستري ولا تبقون لنهاية الكورس وانتوا ما ماخذين ولا هستري لان بالامتحان راح تخسرون، والاكزام بشكل عام سهل حلو خصوصا للي جان عدهم كورس باطنية لان تقريبا نفس الشي وشويه تفاصيل تخص الاطفال. اكو مصدر اسمه Essential Skills اضبطوها + ملاحظات الدكاترة وان شاءالله تاخذون اعلى الدرجات ، هاي طريقة احنا اتبعناه والحمد لله اخذنا درجات عالية. رابط القنوات والكروبات الكروب مقسم حسب السستمات ( ارتب شي) https://t.me/pediatricskmc https://t.me/clinicalpediatriccc https://t.me/peyamspediatrics

#الاطفال النظري اربع دكاترة ينطوكم المادة د. نورجان وهي رئيسة الفرع: شرحها كلش زينه ومادتها لطيفة، تنطي تقريبا ٦ محاضرات وتجيب من المحاضرات وما تجيب شي خارج المحاضرة ابداً، ركزوا على محاضراتها واقروا محاضراتها بتركيز والي يترك محاضراتها هو يخسر، واكثر دكتورة متعاونة وحبابة. د. محمد دحام مقرر الفرع، اكثر دكتور عنده محاضرات، يركز على الي يشرحه داخل المحاضرة ويجيب منه، فلازم تتابعون شرحه كلش زين واسئلته شويه معقدة ( مو صعبة بس مرات تحتار يا جواب تختار) وبشكل عام اسئلته زينه وحلوة. د. زياد يشرح كارديو + ريسپايرتري + اندوكراين شرحه أكثر من ممتاز بحيث اذا مركز اثناء المحاضرة تضبط اكثر من نص المادة داخل المحاضرة، يحب الهدوء والسكوت وادخلوا المحاضرة من وكت، اسئلته لازم قاري المحاضرات بتفاصيل وكلش مركز بيها، لان اسئلته شوي معقدة ويغير النسب فلازم تقرون كلش زين اذا لحكتوا على مادته. د. نوال شرحها زين واسئلتها هم زينه لكن مرات تجيب شويه بيها لوفات واسئلة درخية فلازم كالعادة تقرون زين. بشكل عام مادة الاطفال فهمي + درخي فالي يريد درجة عالية بيها يقرا يوم بيوم وما يخلي يتراكم عليه لان تقدير عالي مو صعبة بالاطفال. رابط قناة المحاضرات النظرية: https://t.me/+NXdHLJdK7HQ1ZmVi

تكملة كورس الجراحة كمادة سهلة لكن ما تجي بيها خوش درجة بسهولة، الدرجات للطلاب الي مستواهم كلش زين تتراوح بين ٢٠-٢٦ اذا طالب مستواه زين والممتحن يعجبه اسلوب الطالب وطريقة القاءه. لازم يومياً تاخذون كيسات وتقدمونها وخلي لا تصير كيسات مكررة واخذوا كلشي موجود بالطابق وعلموا نفسكم على طريقة الكتابة والاكزام، لأن بيوم الامتحان كلش وارد يطلعك كيس لا ماخذينها ولا انت قاري عنها شي فاضبط نفسك بالسشنات لان كلشي وارد. مجموعة من القنوات والكروبات مرتبة بيها كلشي تخص الجراحة السريرية من قبل زملائنا مشكورا كروب مرتب على شكل فولدرات بيها تقريبا اغلب الاشياء ويتم اضافة الملفات الاخرى تدريجياً ان شاء الله https://t.me/+xwUJBVXYNZMyMzEy https://t.me/+PdvjvF7cGs01ZWNi https://t.me/+nmwY3lYg44ZiZmM1 https://t.me/+WcWfyScYBlVjZGVi https://t.me/+flPa2kWwDiRhYzhi

الجراحة السريري راح تاخذون السشنات بمستشفى ازادي، يدرسوكم مجموعة من الدكاترة الي ينطون النظري ودكاترة من دائرة الصحة. أكثر كورس راح تحسون نفسكم ضايعين بيها لان ماكو فد شي ثابت تقرون عليها. المصدر المعتمد هي Browse's Introduction to the Symptoms & Signs of Surgical Disease بس صراحة مو كلش مفيد وما بيها معلومات، لازم تقرون عدد من المصادر وتجمعون اكبر كم من المعلومات حتى تجاوبون الاسئلة د. نديم يشرحلكم Peripheral Pulses + Ischemia لا تضيعون سشناته لان بعدين تضيعون، بالامتحان يريد نفس الي يشرحه ويسويه كطريقة الفحص وبالسشن يخليكم كلكم تشاركون. بقية دكاترة حسب الكيسات الي تاخذونها، د. امانج يدقق بالهستري كلش فاخذوا سشن يمه ينطي خوش ملاحظات، د. دلير بالاكزام كلش كلش زين بس لا تروحون وكلشي مقارين!!!! د. آلان يحب الالتزام ولازم ماخذين هستري ولا تشوشون. بقية دكاترة اغلبهم شرحهم زين. بالنسبة الى طريقة الدراسة يحتاج تقرون الكافية + تطلعون على Stager Notes لان يقويكم + تجمعون ملاحظات كل دكتور شيريد وعلى شنو يركز، جمعنا الي كدرنا عليه داخل الكروب يفيدكم ان شاءالله

#الجراحة النظري مادة الجراحة النظري تتكون من قسمين الجراحة العامة والجراحة البولية والجزئين تاخذونها على مدار السنة. بالنسبة الى الجراحة العامة: مثل ما اخذتوا الجراحة بالمرحلة الثالثة، عدد من الدكاترة ينطوكم المادة وكل واحد وشرحه واسلوبه، واحتمال وارد جداً انه يتغير توزيع المواضيع على الدكاترة، بالنسبة لسنتنا كان كالآتي: د. علي كمال انطانه محاضرة Oral Cavity + Neck Masses، محاضراته حلوة وسهلة وشرحه كلش زين ويجيب سهل وبسنتنا جان مركز على النسب. د. نديم ينطي Esophagus وتعرفون طبعه، مرات يكرر واسئلته واضحة وابداً لا تضيعون محاضراته. د. امانج شرح Stomach and Duodenum , Gallbladder, Appendix, Liver، محاضراته مطولة صراحة، بس يركز على المعلومات المهمة الي يفيد طالب مستقبلاً واسئلته حلوة وتكدر تجاوبه كلش زين فابداً لا تتركون محاضراته. د. دلير شرحلنا Small and Large Intestine, Thyroid Parathyroid Hormone , Pancreas، محاضراته مطولة بس كمعلومات واضحة وياخذ وقت بالقرايه، اسئلته شويه صعبة لان مرات يجيب من Bailey ويغير ومرات خارجي. د. لؤي ينطي Rectum and Anal Canal, شرحه زين ومحاضراته حلوة ولطيفة واسئلته مركزة بالامتحان لازم واحد قاري بتركيز. د. آلان انطانه Spleen, Breast, Intestinal Obstruction، شرحه كلش زين واسئلته واضحة ومو معقدة. د. حسين قادر شرح Salivary Glands، يركز على اشياء هو يحددله الكم ويجيبه بالامتحان ومحاضراته مهمة. د. أياد شرح Hernia and Peritoneum، شرحه زين واسئلته سهلة وواضحة وما بيها أي تعقيد. اما الجراحة البولية: د. احمد عزو هو ينطيكم المادة على مدار السنة، المادة بيها سهولة وصعوبة والجانب صعب تقريباً اكثر، لكن ابداً لا تتركون المادة نصيحة، راح تسمعون هوايه يكولون اتركوا المادة بس غلط ونصيحة من زملائكم لا تتركون محاضراته، كل اسبوع تاخذون محاضرة من يورولوجي وعليه لازم خلال الاسبوع تضبطون هاي المحاضرة لان شويه مادة جافة فلازم تقرونها يومي حتى لا تتراكم عليكم لان اذا تتراكم فراح تتركونها. المادة حلوة وفهمية ويحتاج الطالب شويه يتعمق بالمادة حتى يفهم. الاسئلة حسب، مرات من الملزمة نفسها ومرات لا، لكن الي قاري مضبوط وفاهم فيكدر يجاوب غالبية الاسئلة بغض النظر عن الصعوبة، مرات يربط السؤال لازم تكون قاري مجموعة من المحاضرات لان يربطها ببعض. قناة المحاضرات https://t.me/+wgmoYhVEmhJiYmIy قناة الأسئلة https://t.me/captain_surgery_practicaly

#التوليد obstetric النظري مادة جانوا ينطوها النه ك نظري دكتورة اسيل ودكتورة إسراء من أسهل المواد حقيقةً وشرحهم كافي ووافي، لازم تكونون موجودين بالمحاضرات لان هوايه يذكرون ملاحظات مطالبين انتو بيها ووجودكم يسهل عليكم دراسه المادة لان جداً شرحهم ممتاز. المادة بيها فهم وحفظ ويحتاج دراسة المحاضرات بتركيز. السريري كورس كامل 10 اسابيع بيها عدد من دكتورات ما لا يقل عن 15 دكتورة يومية حتاخذكم وحدة،في مستشفيات ازادي وكركوك العام ومستشفى النصر. الحضور مهم مهم جداً للاستفاده العمليه وهم فرع التوليد يحبون الي يحضر ويشارك، مهم جدا يوميه تاخذون هستري ويفضل لا وحدكم يعني كل 3 او 2 بالبدايه بعدين ووحدكم، ورجاء ورقه الاسئله الجاهزه احفظوها من اول اسبوع لان الهستري طويل شويه بس جدا سهل بس يحتاج منك ممارسة يومية للهستري. وحاول تسوي اكزام بيدك مهم جدا، لان الامتحان هستري واكزام Discussion ،ال Discussion حيكون للملازم النظري لحد ما انتو واصلين. يعني شلون؟ الكورسات حتتقسم إلى 3 كروبات كل كروب ياخذ كورس معين وبعدين يصير تبادل مثلا يعني اذا انت اخذت كورس توليد اكو مجموعة ثانيه حتكون دا تاخذ باطنية ومجموعه الخ دا تاخذ جراحة بنفس الوقت وبعدين يصير تبادل بينكم. ف بالتوليد المجموعة الأولى يدخل عدهم اقل عدد ملازم ويزيد للمجموعة الثانيه والثالثه حيدخل كل ملازم السنة. الجانبين بيها سلبيات وايجابيات. انو تاخذ اول شي صح حيكون عدد ملازم اقل عليك بالعملي بس بالنظري حتتعب لان غالبا يكون قبل الامتحان وقت قليل وما تلحك مثل البقيه عكس الي دارسين ملازم أكبر وهكذا. ملاحظات مهمة : الحضور مهم مهم مهم. فرع التوليد كلش عادل وتأخذ الدرجة الي تستحقها. اخذ هستري يوميا، سوي اكزام بيدك. اخذ أكبر قدر ممكن من الكيسات المختلفة، يعني مثلا اذا اخذت Cs اليوم باجر حاول تشوف الطبلات وتأخذ غير شي علمود بالامتحان تكون مستعد. قناة المحاضرات https://t.me/+3Ble8cdlPhtlNDI6 قنوات كورس عملي https://t.me/+rOIJor2vm201M2Vi https://t.me/+s94j8jenCms0OGIy القناة هاي مالت كورس عملي كلشي تحتاجونه موجود هنا. قناة الأسئلة https://t.me/obst_captain

#مقدمة_تعريفية بالبداية المرحلة الرابعة بيها مجموعة من المواد الي هي: توليد، أطفال، طب مجتمع ،طب عدلي ،جراحة ،سلوك ،باطنية. كل المواد بيها جانب سريري ( عملي) ما عدا السلوك، مادة نظري فقط. بالنسبة الى الجزء السريري المواد: الجراحة، الباطنية، التوليد تكون مدة الكورس لكل مادة ١٠ أسابيع بالتناوب بين المجاميع. المواد: طب المجتمع وطب الأطفال تكون مدة الكورس ١٥ إسبوع مجموعة تاخذونها طب مجتمع قبل نصف السنة ومجموعة اخرى بعد نصف السنة ونفس الشي بالنسبة الى الاطفال.

سلام عليكم طلاب🌸🌸 مبروك عليكم نجاح هاي السنة وان شاء الله المرحلة الرابعة تكون سنه خير عليكم 🌸🌸 والله يسهل للجميع أن شاء الله 🌸🌸 هاي القناة تكمله لسلسلة advice مثل ما عودناكم كل سنة راح نشرح بيها عن كلشي تحتاجون تعرفونه عن المرحلة بالاضافه إلى قنوات تحتاجونها 🌸🌸 موفقين مقدماً.