🇺🇿Uzbekistan-Maizuru🇯🇵

Endi Maizuru shahri ko’chalarida yursangiz O’zbekiston manzarasini ko’rishingiz mumkin! 🇯🇵姉妹都市提携記念の展示資料が新しくなりました！提携の歴史や交流の様子をご覧いただけます。 舞鶴市役所市民ホールにて展示中ですので、ぜひ見に来てくださいね！ 🇺🇿Maizuru shahri meriyasining 1-qavatida Maizuru shahrining O’zbekiston Respublikasi bilan do’stlik aloqalari tarixidan tortib bugungi kungacha bo’lgan holati ko’rgazma ko’rinishida taqdim etilmoqda!

#🇯🇵Yaponiya_delegatsiyasi_Rishtonda 🤝 Maizuru delegatsiyasi Rishton yoshlari bilan uchrashdi 📍 3-avgust kuni Yaponiyaning Maizuru shahridan tashrif buyurgan 16 kishilik delegatsiya Rishton tumanida bo‘ldi. Delegatsiya tarkibidan 6 nafar 10–11-sinf o‘quvchilari hamda oliy ta’lim muassasalari talabalari o‘rin oldi. 🏫 Tashrif doirasida yaponiyalik mehmonlar "Noriko Gakkyu" yapon tili maktabi faoliyati bilan yaqindan tanishdilar. 🗣 Delegatsiya a’zolari bu yerda tahsil olayotgan yoshlar bilan samimiy muloqot qilib, o‘quvchilarning yapon tilida ravon va erkin so‘zlashayotgani, bilimga chanqoqligi hamda xorijiy tillarni puxta o‘zlashtirishga bo‘lgan intilishlarini yuksak baholadilar. ✨ Maktabda yaratilgan zamonaviy ta’lim muhiti, o‘quvchilarning erishayotgan yutuqlari va yoshlarning yapon tili hamda madaniyatiga bo‘lgan qiziqishi mehmonlarda katta taassurot qoldirdi. Ta’kidlanganidek, bu ikki xalq o‘rtasidagi do‘stlik va o‘zaro ishonchning yorqin ifodasidir. 🏯 Shuningdek, mehmonlar Maizuru shahri, uning boy tarixi, diqqatga sazovor maskanlari va turizm salohiyati haqida qiziqarli ma’lumotlar berib, shaharning o‘ziga xos madaniyati hamda sayyohlik yo‘nalishlari haqida so‘zlab berdilar. Bu esa yoshlarning Yaponiya va Maizuru shahri haqidagi bilimlarini yanada boyitdi. 🎓 Uchrashuv davomida Rishton yoshlari uchun yaratilayotgan ta’lim imkoniyatlarini kengaytirish, Yaponiyaga ajratiladigan ta’lim grantlari sonini oshirish, iqtidorli yoshlarni Yaponiya ta’lim muassasalarida tahsil olishini qo‘llab-quvvatlash hamda ta’lim va madaniy almashinuv dasturlarini rivojlantirish masalalari muhokama qilindi. 🌏 Mazkur uchrashuv Rishton va Maizuru o‘rtasidagi hamkorlikni yanada mustahkamlash, yoshlar uchun yangi imkoniyatlar yaratish, ta’lim va madaniy almashinuvni rivojlantirish hamda O‘zbekiston va Yaponiya o‘rtasidagi do‘stona aloqalarni yangi bosqichga olib chiqishda muhim ahamiyat kasb etdi. 🇺🇿🇯🇵 Telegram | Hukumat portali | Facebook | Instagram | Youtube I Twitter (X)