کوراباز ادبی گونش📚
Статистика🔺شعر و ادب توپلانتیسی آدلی شاعیرلرین قوشاری و ائشیتمه لی دیکلمه سی تورک دونیاسینین موسیقی سی 🔺بیز آنادیلیمیزین آرخاسیندا اولوب ، اونو یایلماسینا چالیشمالییق 🔺کوراباز کانالی نین مودورلری ایندیسه #کوراباز_ادبی_گونش کانالیندا , ادب و شعر توپلانتیسی
- Последний пост
- 14 авг.
- Последнее чтение
- 15 авг.
- Постов за неделю
- 27
- Всего постов
- 137
- Тип
- открытый
- Язык
- персидский
- В каталоге с
- 13 авг.
- 1/24сутки в ленте
- 33
- 1/48двое суток
- 37
- 1/72трое суток
- 40
Оценка по просмотрам недавних постов: пост набирает почти всё за первые сутки.
Посты
.#ماهنی #آیایشیغیندا اوخویور : #آلماخانیم من سنی گؤردوم آی ایشغیندا کؤنلومو وئردیم آی ایشغیندا تئز گلدی هیجران آیریلدیق آمان آی ایشغیندا ، آی ایشغیندا ... اولماسین حسرت ، گولسون محبت آی ایشغیندا یئنه گل بیزه ، دوراق اوز اوزه آی ایشغیندا ، آی ایشغیندا ... 🕊 📚 @kurabazag #کوراباز_ادبی_گونش ✍
بیلمم باشین بلالی ایمیش اولدوزون سؤنۆک قان طوفانی باشیندان آشان ای آنا وطن یاسلی خزانلار سوْلدو مگر کؤیشهنین باغین؟ گئتدی موغانلی غوربته آه، کؤچدۆ شاهسون طوفان قوْپوبدا سئل سولاری باسدی هر یئری کۆل قالدی یوْللار اۆسته دئمک کؤچدۆ کاروان مسجید ده هر گئجه یاریسی یاندی تک چیراق یوردسوزلاری قوجاقلادی ویرانهلر... آمان ✍ حبیب_ساهر 🕊 📚 @kurabazag #کوراباز_ادبی_گونش ✍
#شعر_کیمی_سؤزلر فلسفه-م اؤزگورلویه اینانماقدیر. سیلاحیم گولومسهمکدیر، دیلیم ایسه قلبیمین سسیدیر. #چارلی_چاپلین fəlsəfəm özgürlüyə inanmaqdır. silahım gülümsəməkdir. dilim isə qəlbimin səsidir. #çarli_çaplin 🕊 📚 @kurabazag #کوراباز_ادبی_گونش ✍
یوخولار یامان آغیرلاشیب یامان برکیییب یوخولار من کی قوش یوخوسونا دا حسرتم یانی یوخو باشیما دوشور آخی غریب وطندهیم یامان آیاقدا. دوزونو؛ قیلینج آغلاماغیندان گؤزوم قورخوب گولله قهقههسیندن جانیما اود قالانیر گئجهلرده اوزوم، گولومسهین کیمیده اولماییب هله. بیلیرم آزادلیق دوغولان دئییل بوغولاندیر بلکهده قیسیر اؤلکهده. آمما من دوغولاندان، باهار باشین یئره قویوب کاهاللیقلا گولوش زاد بوغولوب گؤزومده. من گلمهمیشدن، کال آرزولاریم دوغرانیلمیشدی زنگاندا شیرین یارامی دوزا باغلامیشدیلار اورمودا سینیقلاریمین اوستوندن آت چاپیلمیشدی تبریزده یاس توتولموشدو اورهییمه اردبیلده. شیطانین قولاغی باتسین! سینسیمهییم، سسسیزجه سینیرلاری سینهمده سیندیرا بیلمهدییمدن یارانیب. دونیانین، نه سوتول اوغلو اولا بیلدیم نه سوبای قارداشی نه دّیمیش باجیسی نه دول گلینی. یالنیز، آدامسیز بیر آدامام سادهجه گونش، آیاغینی کسیب اوتاغیمدان ماهنی، دوداغیمدان گؤروش، اللریمدن. گوله توخونماغا، تامارزی قالیب گؤزلریم کؤنلومده داریخان آرزولاریم دیلیمده بوغولان سؤزلریم. بوردا؛ سئوینج آدینی توتان اولماییب گیلهسی! سئوگینین باشینا دولانماق گولونج ساییلیر داش اولوب، دوشور باشلارا و سئودا دالینجا ایمکلهمک. منایسه اونوتموشام دینج یاشاماغی گلمهیهجهییندن؛ چپر چکیلیب یوللاریمدا اؤزوم بویدا بولود گؤزلریمی یامسیلاییر آغیر گؤز داغینی دولانیر خیاللاریم.... منی آزادلیغا باغیشلا دوستوم! منی گیزلت اورهیینده! قانیقلیق وئرمهدی دوننکی گولوش چکیلمهمیش بو گونکی آه. قوی حیاتا قاییدیب، اوزومه سالیب، سنی قیزقین_قیزقین سئوهجهیم و اوزومه اوز باغلاییب گلهجهیم رؤیالارینا گؤزومدن سو ایچن غزللریمه ایناندیراجایام گؤزلرینی و... کلمهلرله سردیییم اورهییمه. اوندا، دوغروسو گؤرهجهییک؛ اوتانا_ اوتانا سئویشمهیین چیلقینیییق سنلی، منلی ایکی کؤرپو آراسیندا. ایندی بیزه، بیر قاب ایت عاراقی بیر ده، ایکی گیله سیقارئت کفایت ائدر کئفلیجهم! بیر ساعات یاشاییب، مین مزار بویو تورپاغا تاپشیریلماق. ✍ یعقوب_نیکزاد 🕊 📚 @kurabazag #کوراباز_ادبی_گونش ✍
🔷🔷🔷 خوب یاراشیر اَندامینا گئییندییین ساری، گؤزل! یارادان خَلق ائلهییب سَن کیمی دیلداری گؤزل یئتیشیب سینهن اوسته باغچالارین باری گؤزل لوطف ائیله، مَن خَستهدن اَسیرگهمه ناری، گؤزل! تؤک ماتاحین خیرد ائله آچ ایندی بازاری، گؤزل! اَل اوزاق، قَلبیم یاخین بَلَدم هَر حالینا گؤرجهیین والئح اولدوم حَبَشی خَطط و خالینا زَنبورام، سیزیلدارام دوداقلارینین بالینا یایلاقلار جئیرانیسان اَحسن او گول جَمالینا! کؤکسونده قَرار توتوب ساوالانین قاری گؤزل عاغیلیمی سَردن آلدی باخدیم گؤزون آلاسینا جانیمی قوربان ائلهرم بئله گوزهللر خاصینا لیباسی اَنداما اویور اَندام اویور لیباسینا عَلعسگر مَجنون اولوب دوشوب لئیلی سئوداسینا ساییلم، بیر سایه سال اوز دؤندرمه باری ،گؤزل! #دده_علعسگر #بابا_ماحموداؤو 🕊 📚 @kurabazag #کوراباز_ادبی_گونش ✍
▫️مهرِ رُخسارینی دل ماهِ سمادان سئچمز، اعتباری یوخ اونون، آغی قارادان سئچمز. نه هۆنردیر کی تانیر خوبلار ایچره سنی دل، هانسی بیر کسدیر او کیم، شاهی گدادان سئچمز؟! ای لبین عاشقه گلخند، گؤزون بیماری- مؤوته مُشرفدی، دخی دردی دوادان سئچمز. بس که دل عاشقِ گفتارِ شکرباریندیر، ایستهییر نیطقینی؛ دُشنامی دُعادان سئچمز. دلِ دیوانهنی زنجیره چکرسن یئری وار؛ عطرِ زولفون نه اوچون مُشکِ ختادان سئچمز؟ سن نه بُت'سان کی، ایا کعبهی اربابِ صفا- مَروهی کویونو حُجّاج صفادان سئچمز؟! دئمه «سیّد»، که وفا ترکین ائدیب قیلدی جفا! طفلدیر یار، هله ظولمو وفادان سئچمز. #سیدعظیم_شیروانی 🕊 📚 @kurabazag #کوراباز_ادبی_گونش ✍
▫️▪️▫️ قوشلاری سئودیینی دئدین اما اونلاری قفسده ساخلادین بالیقلاری سئودیینی دئدین اما اونلاری تاوادا قیزارتدین گوللری سئودیینی دئدین اما اونلاری بوداغیندان دردین... سونرا منی سئودیینی دئیدیینده قورخماغا باشلادیم. #ژاک_پره_وئر 🕊 📚 @kurabazag #کوراباز_ادبی_گونش ✍
▪️سویوق مؤوسومون گَلیشینه ایناناق... ◽️شعردن بیر پارچا بو منم یالقیز بیر قادین سویوق بیر مؤوسومون باشلانغیجیندا یئرین بولاشمیش وارلیغینین ادراکیندا و گؤیون کدرلی و ساده اومیدسیزلیینین و بو سیمئنت اللرین گوجسوزلویونون ایلکینده. کئچدی زامان زامان کئچدی و ساعات دؤرد کره زنگ چالدی دؤرد کره چالدی بوگون دئی آیینین ایلک گونودور من فصیللرین سیررینی بیلیرم و آنلارین ایلک حرفینی آنلاییرام. قورتاریجی، قبیرده اویوموش و تورپاق، آلیجی تورپاق، ساکینلیک و زامانین اؤتمهسینه بیر ایشارتدیر ساعات دؤرد کره چالدی کوچهده کولک اسیر کوچهده کولک اسیر من ایسه بوداقلاری چَلیمسیز چیچکلرین سئویشمهسینی یورغون، سیل خستهلیینه یولوخموش بو زامان ایسلاق آغاجلارین یانیندان سوووشان بیر کیشینی دوشونورم گؤیومتول دامارلارینین ریشتهسی ، اؤلموش ایلانلار سایاق خیرتدهیینین ایکی یانیندان یوخاری گؤیهرمیش و دارغین آللاهلیقلاریندا او قانلی هئجهنی تکرارلاییرلار -سلام -سلام من چیچکلرین سئویشمهسینی دوشونورم سویوق بیر فصیلین باشلانغیجیندا گوزگولرین یاس تؤرهنینده رنگی قاچمیش تجروبهلرین یاسلی ییغینجاغیندا و بو سوسقونلوق بیلیمییله یوغرولموش گونباتیمینین باشلانغیجیندا بو سایاق صبیرلی آغیر دیدرگین گئدن بیر کیمسهیه دور امرینی نئجه وئرمک اولار... #فروغ_فرخزاد 🕊 📚 @kurabazag #کوراباز_ادبی_گونش ✍
▫️بیر زولفه کؤنول باغلامیشیق شانه ده، من ده، زنجیره گرک باغلانا دیوانه ده، من ده! سلطانلا گدا مملکتِ عشقده بیردیر، سارغیندی او گیسولره جانانه ده، من ده. عشق آتشی بیر یئردن آلوولانمیش ازلدن، بولبول ده یانیر، شمع ده، پروانه ده، من ده. مفتون ائلهییب عالمی بیر دلبرین عشقی، مجنون دا دوشوب چؤللره، فرزانه ده، من ده. میخانهدیر عالم، بوتون اینسان سایی سرمست، ساقی اؤزو ده مستدی، پیمانه ده، من ده. اول ماهوَشین وجهینه یول تاپماغا خاطیر، کویینده دوشور تورپاغا بیگانه ده، من ده. «صادق»! بیزه گر قید و ریا اولماسا حاکیم، زاهد ده یاتار گوشهی میخانهده، من ده. علیاصغر_صادقیفرد 🕊 📚 @kurabazag #کوراباز_ادبی_گونش ✍
بو غملر کی منیم واردیر بعیرین باشینا قویسان چیخار کافر جهنمدن گولر اهل عذاب اوینار #حکیمملامحمدفضولی 🔷فضولینین بو بئیتی حاقدا قیسا آچیقلاما بو غملر کی منیم واردیر بعیرین باشینا قویسان چیخار کافر جهنمدن گولر اهل عذاب اوینار فضولی بو بئیت هر زامان چوخ دارتیشیلان بئیتلردن بیریسیدیر. یادیما گلن رحمتلی اصغر فردی ده بو قونودا بیر شئيلر یازمیشدی ایندی نه یازدیغینی خاطیرلایا بیلمیرم. آنجاق فضولی مسلمان بیر شاعیر اولدوغو اوچون جهنم ایله بعیرین (دوهنین) آراسیندا اولان ایلیشگینی دینی متنلرده آختارماق بو بئیتدن ایپ اوجولار وئره بیلر. ابراهیمی دینلرده هم مسیحیتده هم اسلامدا بئله بیر جومله ایله قارشیلاشیریق: بیر دوهنین ایینه دلیگندن کئچمهسی، زنگین بیر آدامین تانرینین ملکوتونا گیرمهسیندن داها آساندیر. (انجیل متی) و قرآن کریمده: وَلَا يَدْخُلُونَ الْجَنَّةَ حَتَّىٰ يَلِجَ الْجَمَلُ فِي سَمِّ الْخِيَاطِ: دوه ایینه دلیگینه گیرمهدن جنته گیرمزلر (اعراف ۴۰) و اسلامدا پیغمبردن نقل اولونان بیر ریوایته گؤره: «کافر جنته گیرمهدن اؤنجه دوه ایینه دلیگیندن گئچهجکدیر. دوه اینهنین دلیگیندن کئچرسه کافر جنته گیره بیلر.» فضولی ایسه دئییر غملریمی دوهنین باشینا قویسان کافر جهنمدن چیخار. غم بیزیم دیلده هر زامان اینسانی چورودوب اریتمکله ایلگیلی ساییلیر. غم نه قدر چوخ اولسا اینسانی او قدر چوخ اریدر. فضولی اؤز غملرینی او قدر آغیر سانیر کی اگر اونلاری دوهنین باشینا یوکلهسه دوهنین باشی اریییب ساپدان بیله اینجه اولار و ایینهنین دلیگیندن کئچر. بئلهجه کافرلرین جنته گیرمهسی مومکون اولار. بئیتین آلتقاتلاریندا بیر آز دا مسیحین امتین گوناهلارینا کفیل اولدوغو و اونلار اوچون خاچا چکیلدیگی وورغولانماقدادیر. سانکی فضولی ده مسیح کیمی اؤز کدرینی اینسانلاری عذابدان قورتارماق اوچون یاشاییر و اونون غملری باشقالارینین غمسیزلیگینه سبب اولاجاقدیر. . #حیدر_بیات 🕊 📚 @kurabazag #کوراباز_ادبی_گونش ✍
سن بعضا روحومون گؤزونون یاشی، دینلییَن قلبیمین حزین سسیسن. سن چتین گونلرین دوستو، سیرداشی، سن گؤزل آنلارین خاطیرهسیسن سن منیم گئجهلره اَن شیرین یوخوم، سحرلر آدیینان اویاندیغیمسان. سن منیم حیاتدا تک حقیقتیم، بوتون وارلیغیملا ایناندیغیمسان بیلیرم، بیلیرم هاردا اولسامدا، چاغیرسام سسیمی ائشیدجکسن. سن منیم یگانه اومید یئریمسن، سن آخی میلیونلار ایچینده تکسن خزر_سولئیمانلی 🕊 📚 @kurabazag #کوراباز_ادبی_گونش ✍
🔷 «آغیر کئچدی بو ایل، دورنا قاطاری» آغیر کئچدی بو ایل دورنا قاطاری پاییز آیاقلادی، یاز چیچکلرین سایخاشلیق یاییلدی نفسلریمه باهار آغلار قویدو، کپنکلرین بو نه حیکایهدیر، بو نه اویوندور؟! ایشیق باغلاییبدیر، پنجرهلرین! دارالیر نفسیم، داریخیر جانیم ایت جانی وار سانکی ثانییهلرین! آغیر کئچیر گونلر، کئچمهییر زامان هوندور داغلار ایتیر، دومان ایچینده کؤلگهلر ساریلیر، یاماج بویونا بو اؤلکه قالیبدیر، ایلان ایچینده! نه سوسماغیم گلیر، نه دانیشماغیم بوراخ منی قارداش، سورما نئجهیم! ناغیللاردا قالان، ناغیلا دؤنن گوندوزو گؤزلهین، اوزون گئجهیم! بوتون آجیلارین یوخ شرفینه! دولدور سون قدحی، بیرگه ایچهییم قاطارا دوزولن دورنالار کیمی دونیانین کؤیوندن، یونگول کئچهییم... ✍ #میرحسین_دلداربناب ۱۴۰۵/۰۵/۲۰ 🕊 📚 @kurabazag #کوراباز_ادبی_گونش ✍
غملي اورگیم یاندی بو سنسیز گئجه لرده سن یوخسان،ایشیغ یوخدی سحرسیز گئجه لرده تک بیر باخیشون ائتملی دیر دردیمه درمان اولدوزدا ایاق یوخ گله سنسیز گئجه لرده 🕊 📚 @kurabazag #کوراباز_ادبی_گونش ✍
▫️من بو باختی ها بوْیادیم... اولمادی. بو ناغیل دا سونا چاتدی آلماسیز، من گؤزلهدیم، کیمسه آلدی آپاردی. گیزلَنسم ده لاپ تانرینین یانیندا، بو درد منی گؤزو یومولو تاپاردی. دوشون! بیر ده دؤنوشو یوخ بو یولون، ایپین هاردا قیریلاجاق بیلمیرسن. گئت... گئدنلر کاروانینا قوشول گئت! آنان چیخیب گؤرهجک کی، گلمیسن. قوجاقلاییب ساچلارینی، آغلاسا، الین قالخماز گؤزلرینی سیلهسن. سیغاللاییب دیزلرینین یاراسین، دئیهجک کی: «نهلر گؤردون بالا سن؟!» دئیَرسن کی «یئر یاریلدی، گؤی دوشدو، من بو بختی ها بوْیادیم... اولمادی. بیر بوشلوق کی اوْیوق-اوْیوق آچیلدی، ها داشیدیم، ها گتیردیم... دولمادی.» باهار_زامانلی 🕊 📚 @kurabazag #کوراباز_ادبی_گونش ✍
🔷🔷🔷 سئوگی دیر، یالنیز محبت دیر حیاتین جـوهری بیر کؤنؤل کی عشق ذووقین دویماسا ، غمخانه دیر... ✍️#علی_آقا_واحید 🆔 @kurabaz 🔷 🆔 @kurabazkanal ✅ #کانالکورعباسلوکوراباز 🇮🇷
اینسانلار سنه داش آتا بیلرلر. سن اوْنلارا آتما. اوْنلاری توْپلا و اؤز زیرونی اوجالت İnsanlar sənə daş ata bilərlər. Sən onlara atma. Onları topla və öz zirvəni ucalt 🕊 📚 @kurabazag #کوراباز_ادبی_گونش ✍
▫️بیر آرزوم وار بیر آرزوم وار، سئوگیلیم! سئوگین اولایدیم سنین. یالنیز منه باخایدی، سنین قارا گؤزلرین. محبّتین قورایدی، اورهییمده آشییان. قلبیمی یارپاق کیمی، سولدورمایایدی هیجران. سئوهیدین بو دونیادا، سنی سئودیییم قدر. مندن باشقا هئچ کسه، باخمایایدی او گؤزلر. آه، بو گیزلی دردیمی، سؤیلهدیم داغا-داشا، سؤیلهدیم بولاقلارا، سؤیلهدیم یاماجلارا... حکیمه_بلورری 🕊 📚 @kurabazag #کوراباز_ادبی_گونش ✍
من بو داریخماغی هارا قویوم کی قارانلیق دوشنده اَلیم دَیمهسین گل اؤپوم قوخونو چکیم، سونرا گئت سنینچون بورنومون اوجو گؤينهسین کولهیی ترس اسیر بو یالنیزلیغین یاغیشی سهو یاغیر، قاری سهو یاغیر سن بو یالنیزلیغی گل آپار مندن هارا گئدیرسنسه منی ده چاغیر سنسیز، نئجه قاتیم باشیمی هر گون چیخیب اودون کسیم، اوجاق قالاییم..؟! یوخسا، چای دملهییم، ایکیمیزه ده سن گلنه قدر سویوسون چاییم... سن گله بیلمیرسن، بوراخ، من گلیم گلیم داریخماغی گؤتوروم یئردن گل گئدک داریخماق اولمایان یئره گئدک بو لعنته گلمیش شهردن. کامران آغابالااؤو 🕊 📚 @kurabazag #کوراباز_ادبی_گونش ✍
🔷🔷🔷 قولاق آساغ 🕊 📚 @kurabazag #کوراباز_ادبی_گونش ✍
سَن ایچیمده یاغان یاغیش سَن ایچیمده اَسَن کولک یاغمایایدین مَنده گَرَک اَسمهیهیدین مَنده گَرَک آلیشدیرما مَنی غَمه ییخاجاق آخی ائلهمه آیریلیق دَییب سینهمه اؤلدورور قورو اؤسکورک نییه بیزه آجی قاتدین؟ بئله گونده دَرد اویاتدین یازیق دَییلدی آلداتدین؟! سَنه اینانمیشدی اورک اینسان بئله حَسرت چَکَر؟ واختیندان تئز بئلمی بوکر؟ آتام چؤکر، آنام چؤکر جاوان یاشدا جانمی وئرک؟!!! #رحیم_مهدی_اؤو 🕊 📚 @kurabazag #کوراباز_ادبی_گونش ✍