اشعار طويله .

يـ ابو لسان العسل ..! حدر السان شضام وشفافگ علي ِ يمعود شيخفن صدك گلك عسل لو بس حلاه لسان وتبايع الوادم عسل بـ لملسم گلشي البيگ يعجب حتى من تندار وتعگد حاجبگ وعيونگ يزعلن أشوفن بيگ دجلة وسورتي الغراف ولبصره ونخلها بوجهگ نرسمن واذا غورگت عينگ بلدمع يا هيه نهرين العراق عيونهن يبچن ولو ثغرگ تبسم وانجل المسحول عگس عكرب الساعه سنيني يفترن وحگك حيرتني وابدي بيگ منين يل بيگ المحاسن بدن وختتمن من سر الكتمتة ولا بحتلك بي لو من مستاحي البلخلك مچمن لو عگدة لساني الخاجلتني سنين اوصل ورد اسولف واسكت واذعن اتفقنة وختلفنة وانت مثل الروج لا ممعن هجر لا بلوصل ممعن يـ ابو لليل الطويل وخلك صبرك ليل يا طور النواعب شفت الينعن شوكت صبحگ يطر ويبان فجر هواك وذني سنين عمري لجيتگ ينطرن يـ طور محمداوي وشجن هدوه لليل يـ مقسم الفرح ولحزن دن بدن ارخصت سومي وبعدتني بسوگ هجرگ ليش..! يا گسر الخواطر لو رضيت بذن يا ناكوط بارد ولوكت تموز ماعدگ نداوه عروكنة حتركن.!

فَلَيتَكَ تَحلو وَالحَياةُ مَريرَةٌ وَلَيتَكَ تَرضى وَالأَنامُ غِضابُ وَلَيتَ الَّذي بَيني وَبَينَكَ عامِرٌ وَبَيني وَبَينَ العالَمينَ خَرابُ إِذا نِلتُ مِنكَ الوُدَّ فَالكُلُّ هَيِّنٌ وَكُلُّ الَّذي فَوقَ التُرابِ تُرابُ فَيا لَيتَ شُربي مِن وِدادِكَ صافِياً وَشُربِيَ مِن ماءِ الفُراتِ سَرابُ الغلطه گتلك تسوه كلهم تختلف ردتك يا .. مثلهم يسألوني و اگلهم زين وياي لأن مو زين ابد ماريد اگلهم اصفن تفتهم شيصير وارجع خطوة اذا تكدر كافي تصير ويا الخير جرب صير ويا الشر جرب نام ما مشتاك كافي تتاني و تسهر وشكد خطرة من تشتاك ؟ بس تدز رسالة اخطر

‏يا أوف يا حَسرتي يا آه يا يَابه والما يحبني ويجَي ماروح ادكَبابه والخوة ماغزرت والعشرة جَذابه وشلون أنَشف الدمَع من خَد الكِتابه چانت الخوه تخل ومشابچه شرابَه وهسه حَليب الأخوه باعتَه الروابهّ ياشعري حَيلك برد جا وين عزابه؟ يركض اجاني وكُت ومعلگ انگابهَ والضيمَ توه رجه زنجيل جلابه؟ والريحَ يصفر لسانه بنيابه! ناديت صبريَ وفزع بعظام سردابهِ وضليت ويه القدرِ والجابني وجابه؟ مگرم يَشيله اعمه!! وتلگته ذيابهِ الخنجر اكل يدته ورد صوب گرابهَ .

جَبتلك گلب اصفه مِن البياض البيك وانتَ من السواد اسود مشيتك جنح عالغيم وانتَ وياي مَشيت الدمِع عالخد گتلك عيني محتاجه لكحل عينك خذاني الليل اجيك وتكسر المرود انا بيا حال يالتسأل على اخباري بيت على النهر بس ما طُفت ناري خانگني واچلب بيك !! حديثه وبيدها المعضد طايح على سهم صيده ماجاني السهم كتال انا برجلي رحت مشاي ردت لفراگك اتعود .

هم عبرت الساعه ثنعش ... هم اجه الليل بدونك ومادري وين انطي الوجه ... من تجي ابالي عيونك ماعرف شظل من رحت ... ماكول عن روحي طحت بس جنت اهز ايدي اذا واحد يكلي شلونك اسويت بيه من درت وجهك بأخر نظره ظليت واكف مستحي مثل البيوت الفقره ومن عدها ظليت افتهم ليش المفاركله محب من يمشي يلزم ظهره يالعرسايل ماترد لو تعرف احساسي شنو من اكتب وماتقره الله اكبر ع شته يكفر باليحب من صدك ... باليوجعنه يذكره يخلي الحجي الما ينحجي مدري شيسوي بصدره ..... إرجعلي ..... مو كلشي أختلف .. كلشي تغير عطرة وحروف اسامينه بدت تختفي من الشجرة .... إرجعلي .... مو مليت احس نفسي غريب بـ حلمك يالـ بـ العقل شيلزمك ؟؟ لا اعرف ارسم صورتك و لا اريد غيري يرسمك إتخيل وصلت لـ مرحله اگطع صلآتي و التفت لو صآح وآحد بـ اسمك !! وحجيلي بالظلمه مثلي تختنك كلبك يظل يلجمك وهم مثلي تبجي وتبتسم من تذكر ايامي كبل من جنت بيها مرتبك وأخجل من اوصل يمك جانت برائتنا ضوه نركض ونضحك للهوه ونتقاسم المصرف سوه بس ماجنت مفتهمك مدري انت تشتم الورد مدري الورد يشتمك أمنيتي اشوفك بالحلم شكد ردت اشوفك بالحلم بس جيب العيون .... البدونك تغفه بالماي يطفه المحترك .... بس اليحب مايطفه من ردت اعلك صورتك موبس دمع عيني بجت حتى حيطان الغرفه

أرسمك عَالهوه وعالماي أكتبك عَين البارده شكد جاي احبك وعَين البارده اعله عيونك السُود يالتهددني بيهن خاف ربك مَدري شلون اوصفك والله حيره يالماكو بحلاتك ب العشيرة ولك حته اخوتك ما يشبهوك انته النسخه الاولى ولاخيره شِنو هاذه جَمالك ماله رداد لا ولمشكله يحليك العناد بنِص الخارطه والكاك مَوجود عَاصمت العراق عيونك السود جَمالك عالمي من بعيد ينشاف ضُويات الوطن كلها ب الخدود شَعرك مو شعر عادي مصيبة هذا البحر الاسود والعجيبه مَرتين اطلعت من حبل الاعدام تاليها تموتني كصيبة ادري تحبني يا علتي وعلاجي الكلوب عله كولتهم سواچي الحب اعمه فعلا مو خرافات الدليل احنه مزاجي يحب مزاجي ..

تجاهَلني بَعَد وياي ثگل الدم لاتنطي مجال إصعب وكابر هم ضبط سوي روحك عود ما مِهتَم والله تحبني حُب بس الله بي يِعلَم تراقِب عَن بعُد گلبك علية يلوب الجرأة اللي بالگلب لو تنتقِل للفَم چا كلمة أحبَك جزت ذاك الصوب والاطرش سمعها واجة گلك تم من أگعُد گبالك تلفت ليغاد مو يَم القضية وأنتَ رَب اليم أسولف وية غيرَك أحس بيك تموت فُص عينَك طلع ما أعرف شدَردَم احچي بصوت عالي شدردمت لتخاف من المنضغط متوَقِع أشبع ذَم ولو مرات أدگ دگة خباثة وياك أَشَوفَك روحي وأختِل وأگعد اتبَسَم وتِضل عينَك تدور عَلَي بين الناس والبيدَك يطيح ويغدي وِجهَك دَم هنا يبدي الضعُف ويبَين المُبهَم بهل لَحظَة المشاعِر صدگ تترجم حَسبالك رحت؟ لا مارِحت موجود وهذا الوگع من ايدَك دهاك الزَم دايخ بية دايخ هسة شموازيك؟ فضها وگول أحبَك شلّك بهل هَم يعجبَك شِكلي صوتي ووگفتي وممشاي وحافظني حُفُظ تندلني وين أنشَم متردد بطَبعَك حذِر مدري شبيك تِرجَع ألف خطوة وخطوة تتقدَم إذا حَتى السلام تردَه بالمثقال ما أسلّم تگول شدعوة ما سلَم لكِن هم أعذرك عقلك مأذيك الله يساعده چم قسِم يتقَسَم مابين المكابَر والخجل والشوگ والحب والشرف والنسب وابن العَم ترة الدنيا گصيرة والسنين خفاف من تتبدة منك بعد ما تلتم ..!

أنحب على فراگك وادگ وشحصّلت من هالعشگ؟ الناس تاكل بالعثگ وآنا اركض أعلى الطايحه أركض على الطاحت واجِد تالي صفر ايدي ترد.. بيدي زرعتك يا ورد ولغيري تنطي الرايحه ؟ ريحتك فاحت للملا وتُحرمني يا ريم الفَلا شخصك عليه شبدله مامش صديج الينصحه محد ينصحك يابَدر وتغيب نجوم الهجر سكران بهواك الفِكر ما يوم يندل الصحىٰ ماصحىٰ فكري بغيبتك چا هٰذا تالي مروتّك انطيك چَف محبتك وانتَ العدو تصافحة .

منا وهيچي بعدَ تَلگاني متباعد وحتلو تحبني بعد حب من طرف واحد خاف انتَ بارد چنت اني اخس منك صرت يحسدني گام الثَلج گد ماصرت بارد

واگفلك أكثر من هلك مثل الجواز بعشرتك واگفلك انه بغربتك بس أنت مو حگاني لمن ترد من السفر ويا التحبهم تلتهي وويا الجنط تنساني