ارتقاء | Ertiqaa
Статистикаقناة تهدف للتحفيز للدراسة والإنتاج وتطوير الذات ومناقشة قضايا الشباب ❤️
- Последний пост
- 31 июл.
- Последнее чтение
- 13 авг.
- Постов за неделю
- 0
- Всего постов
- 26
- Тип
- открытый
- Язык
- арабский
- В каталоге с
- 13 авг.
- 1/24сутки в ленте
- 110
- 1/48двое суток
- 126
- 1/72трое суток
- 135
Оценка по просмотрам недавних постов: пост набирает почти всё за первые сутки.
Посты
الملف دة بشرح ليكم الفكرة بصورة واضحة❤️
أتصرف كيف مع زنقة الإمتحانات البوست دة موجه لشخص ١_ المذاكرة متراكمة عليهو ٢_ الزمن لا يكفي ٣_ نفسياتو قافلة من المذاكرة وما قادر خلوني أحكي ليكم قصة ونحللها ونعرف بيها نمط تفكيرك لما تكون مزنوق وبناء عليها نديك حلول نافعة إن شاء الله ❤️ كان عندي مادة…
رجعنا ❤️🔥
الموضوع الجاي كيف نتعامل مع زنقة الإمتحانات لو زمنك قرّب وما قاري وما عندك نفس تبدأ والمنهج متراكم عليك فدة موضوعنا الجاي ⏳ شاركوا رابط القناة وليكم الأجر ❤️ https://t.me/letproduct
مرحبا مساء الخير ❤️ عدت ظروف وراجعين تاني أقوى Stay tuned
الموضوع الجاي كيف نتعامل مع زنقة الإمتحانات لو زمنك قرّب وما قاري وما عندك نفس تبدأ والمنهج متراكم عليك فدة موضوعنا الجاي ⏳ شاركوا رابط القناة وليكم الأجر ❤️ https://t.me/letproduct
مشكلة عدم القراية ٣ (ما عندي نفس اقرأ ) نواصل كلامنا.... البوست دة ح نناقش الجانب النفسي سامح نفسك مع بداية جديدة جزء كبير من الهموم بروح لمن تسامح نفسك ، بتحس براحة تخليك ترجع بطاقة جديدة تنجز وعشان تسامح نفسك انت محتاج ل خطوتين لازم تعملهم بالترتيب : ١_ اعترف بغلطك ( قول نعم أنا ضيعت وقت وغلطت في حق نفسي ) ٢_ سامح نفسك كأنك ما أخطأت (وتذكر إنه في عوامل كتيرة وإغراءات ومشاكل وضغوط أنت أدرى بيها هي ليها أثر في الوضع الأنت فيهو ، دة ما تبرير ولكن لازم تعرف إنه اللوم ما كله عليك، سامح نفسك الآن ولقدام كن قوي ما تتأثر) ٣_ خد عهد إنك تبدأ بداية جديدة، أنسى الفات وفكر لسة عندك فرصة والنجاح ما عنده حد معين، قول أنا أخطأت زمان ودة طبيعي لأني بشر وتاني حياتي حتكون نجاح وتفوق الحياة ليست مثالية دائما ولا تسير كما نريد ضع في بالك أيضاً إنك طول ما انت عايش حتظل تغلط فما تخلي ضعفك أو تسويفك في الفترة الفاتت يحبطك، أنت مهما كنت منو فقادر على النجاح وتذكر كل الناس مثلك حتى الناجحين مرو بلحظات ضعف وعندهم أخطاء الفات ما مهم وأبدا من الجاي ليه بقول كدا؟ كلامي دة مهم جدا لأنه العامل النفسي والإحساس بالذنب والتقصير ليه آثار تمنعك من أخد الخطوة الأولى أصلاً فكان لازم نخلي كلامنا متكامل حالياً أول خطوة عملية تعملها بعد مسامحة نفسك هي تجيب ورقة وقلم وتشوف العندك شنو وواقف وين وتبدأ تخطط في مواضيع كتييرة جاية انتظرونا ❤️ #منصة_ارتقاء https://t.me/letproduct
مشكلة عدم القراية ٢ (ما عندي نفس اقرأ) البوست دة فيه تحليل نفسي للأسباب البتخليك تشعر كدا مع حلول عملية خارج الصندوق أنواع الطلاب الماقادرين يقرو ١_ طلاب مزنوقين في الإمتحانات والزمن ٢_ طلاب ما مزنوقين لكن ما قادرين يبدو النوع الثاني ح نذكر حلّهم في الآخر نبدأ نركز مع النوع الأول الأسباب الرغبة في المثالية، الطالب بكون مخطط ينجز بصورة كاملة لكنه ضيع زمنه من غير يحس واكتشف إنه الزمن الباقي ما ح يخليه ينجز بنفس المثالية المخطط ليها فهنا في سبيبين بمنعوه : الأول الخوف من المجهود الكبير الحيبذلو في الوقت الضيق وكوسيلة دفاعية لتجنب الألم بسوّف الثاني بقول وقت ما ح انجز بمثالية زي ما كنت مخطط يبقى مافي داعي اقرأ وأجتهد المرة الجاية الحلول الوعي إنه عدم الرغبة في الدراسة مجرد مشاعر لا أكثر ولا أقل وأول ما تبدأ تذاكر وتفهم حتكتشف الموضوع أسهل مما كنت متخيل وإنه عدم رغبتك في إنك تقرأ "المشاعر تتبع العمل وليس العكس" ملاحظة ممكن جداً بعد تبدأ وتكتشف السهولة تندم على إضاعتك لوقتك السابق طيب المشكلة وين ؟ المشكلة في البداية كيفية كسر الحاجز النفسي في البداية" الإجابة باختصار سهّل الموضوع على نفسك عن طريق ١_ اختار مادة بتحبها حتى لو المادة دي قريتها قبل وحتى لو دي ما المادة المفروض تقراها (لأنه نحن عايزنك بس تقرأ بعد تكسر حاجز البداية أمشي شوف المادة العندها الأولوية) ممكن زول يقول لي يا دكتور أنا بديت اقرأ قبل كدا ووقفت وما عارف أعمل شنو اقرأ الجديد ولا أراجع الفات بقول ليك في الحالة دي أنسى الفات وواصل من حتة وقفت وبعدين راجع الفات ٢_ اختار الطريقة البتعجبك في القراية _حتى لو كانت ما فعّالة_ لو بتحب تقرأ بالتلخيص لخّص لو بتحب تحضر فيدوهات أحضر المهم شوف أسهل طريقة أعملها ٣_ اقرأ البوست دة بالنسبة للنوع الثاني المامزنوقين الوضع عندهم ساهل شديد بقولو باختصار ١_ حدد وقت معين في اليوم تقرأ فيه جزئية محددها مسبقا ٢_ لمن يجي الوقت تقوم تبدأ مهما كان الوضع وبغض النظر عن مشاعرك بكدا خلصت جزء كبير من الكلام العايز أقولو حنتكلم أكتر عن الموضوع دة تاني بكرة راجع البوست برواقة وابدأ نفذ في الختام بقول الاقتباس دة كل تقدم حقيقي يبدأ بقرار صادق منك، ثم خطوة، ثم استمرار. وثق أن الجهد الصغير اليوم يصنع فرقًا كبيرًا غدًا. ابدأ الآن… والباقي سيتكفّل به الوقت والإصرار. 💙 https://t.me/letproduct #منصة_ارتقاء
سلام عليكم ❤️ في بوستات قديمة حذفناها عشان عايزين نطورها ونرفعها بصورة محدثة إن شاء الله في الأيام الجاية
النصحية مبدأ عام ما نص مقدس بمعنى ما يلزم تطبق النصيحة حرفياً غيِّر في النصيحة وعدّل فيها وضيف ليها بما يتناسب مع وضعك وظروفك وشخصيتك وطريقتك طبّق النصحية كما هي في البداية لأنها ممكن تظبط من أول مرة، وممكن تبقى طرف خيط يخليك تخترع طريقة تناسبك مثال في نصيحة مشهورة في المذاكرة اسمها "البودومورو" وهي تذاكر ٢٥ دقيقة وترتاح خمس دقائق ما يلزم تلتزم بالأرقام دي حرفياً ، ممكن تاخد الفكرة العامة وهي المذاكرة بجلسات قصيرة وتغيّر في الأرقام حسب الوضع، ممكن تكون في البداية كسلان تبدأ فخمسة وعشرين دقيقة تعتبر كتيرة فتنقصها ل عشرة دقائق بس كبداية وممكن تكون متحمس وبديت تتعمق في المذاكرة ولسة عندك طاقة تقرأ ف خمسة وعشرين دقيقة تعتبر بسيطة، في فترة الراحة ممكن عايز تعمل حاجة بتاخد عشرة دقائق فما ضروري تخليها خمسة فقط كل إنسان أدرى بنفسه ووضعه وظروفه خليك مرن وتحكم في النصيحة بما يتناسب معاك 👌 #منصة_ارتقاء https://t.me/letproduct
أغلب مخاوفك ما حتحصل أصلا
الخوف والقلق من الإمتحان، النتيجة.. الخ البوست دة إذا قريتو للآخر وفهمته حتصل لمرحلة الطمأنينة مهما كان الوضع، وحتعرف تتعامل مع أيا خوف أو قلق سواء في حياتك الأكاديمية أو حياتك العامة أولاً الوعي بطبيعة المخاوف الخوف شيء نافع في الأصل، لأنه بحذرنا من الأشياء…
شاركو المنشورات دي لأنه في ناس كتير نفسها تسمع الكلام دة ولكم الأجر في نفعة الناس خصوصاً في العشر الأواخر ❤️❤️
_خايف الإمتحان يجي صعب _أنا بعدين بنسى أيا حاجة قريتها _خايفة أرسب 💔 أنا خايف أعيد سنة في الجامعة أنا ممتحنة شهادة عايدة وخايفة أنقص 💔 البوست القادم عن الأفكار السلبية والخوف⏳ شاركو رابط القناة https://t.me/letproduct ❤️
_خايف الإمتحان يجي صعب _أنا بعدين بنسى أيا حاجة قريتها _خايفة أرسب 💔 أنا خايف أعيد سنة في الجامعة أنا ممتحنة شهادة عايدة وخايفة أنقص 💔 البوست القادم عن الأفكار السلبية والخوف⏳ شاركو رابط القناة https://t.me/letproduct ❤️
لـ طلاب الشهادة السودانية أو أيا طلاب ممتحنين في الفترة الجاية 📚 ركز على اراحة بالك وما تهتم للأوضاع والأحداث العامة ، ما تناقش وتفادى المشاكل في حياتك بقدر المستطاع عشان تخلي تركيزك وطاقتك بالكامل على دراستك 👍 مافي حاجة أهم من دراستك، مافي شيء بنفعك غير تركيزك على مستقبلك #منصة_ارتقاء
"الكلام دة تعلمته بالطريقة الصعبة وخسرت كتير لغاية ما عرفته" الحياة دي مليانة شخصيات تافهه ومنحطة وبلا قيمة وأنت مصيرك تقابل الشخصيات دي سواء في حياتك اليومية العادية أو في السوشيال ميديا وفّر زمنك وطاقتك فيما ينفعك وما تجادلهم ولا تتعامل معاهم ولا تحتك بيهم العمر محدود والطاقة محدودة خليهم في بناء مستقبلك وتحسين علاقتك بربك طول ما انت عايش حيقابلوك السلبيين والحاقدين والسطحيين، فطريقة التعامل معاهم هي "إنك ما تتعامل معاهم من الأساس" تجاهل أيا إنسان سطحي حسيت انه برجعك لوراء، وما تضيع زمنك معاه خلي عندك هدف واضح محدد واستثمر كل وقتك وطاقتك لتحقيقه ❤️ أغلى ما تملك هو وقتك فما تديه بالرخيص لمن لا يستحقه #منصة_ارتقاء
نصيحة اليوم غريبة شوية بس حتحس براحة عجيبة أول ما تطبقها ⏳.....
نفسك تكون شخص عابر في مجالك؟ حاسي نفسك متأخر ؟ حاسي نفسك مااشي ساي؟ شايف الناس كلهم فاهمين إلاَّ أنت ؟ تعال أديك الحل ببساطة ❤️ عايزك في المذاكرة تطبق قاعدة "No zero day" وهي مهما حصل إيّاك تعدي يوم من غير "قراية" حتى لو درس واحد مهما كان وضعك وظروفك ونفسياتك "اضاعة يوم 🚫 خط أحمر ممنوع التساهل فيه " وتعال شوف بعد ستة شهور أو سنة من الإلتزام حتكون عبرت كيف 👍❤️
وعليكم السلام ورحمة الله وبركاته التراكم المشكلة فيه هي العامل النفسي البمنعك من إنك تقرأ قبل تبدأ بتفكر في كمية القراية المنتظراك فبتكسل تبدأ والهم والغم بيزاد عليك والوقت بضيق أكتر إذا بديت تقرأ حاجة حتتذكر الحاجات التانية الما قريتها فتتضايق وتقرأ قراية كلفتة طيب نحن نتفق على عدة أشياء أولا شهرين دي مدة كافية وزيادة حتى لو القراية كتيرة ٦٠ يوم دي مدة بتكفي إنها تديك فهم كامل عن المنهج ومعلومات تدخلك الإمتحان شوف لو كل يوم بتقرأ محاضرة واحدة فدي ٦٠ محاضرة لو بتقرأ محاضرتين دي ١٢٠ محاضرة فحتى لو ما خلصت المنهج ٦٠ محاضرة بتخليك فاهم كويس وتنجح طيب نحن بنتكلم عن لو بتقرأ محاضرة واحدة أو محاضرتين في اليوم فمابالك لو زدت شوية طيب حالياً في وضعك دة طبيعي تحس إنه أنت متشتت وخايف لكن أنت في السليم وعندك كدة كافية بغض النظر عن مدى تراكم المواد لمن تستمر اسبوعين تلاتة وتكون خلصت كذا موضوع حتحس بالإنجاز وتكتشف نفسك عبرت والتوتر دة ح يختفي لكن أهم حاجة الاستمرارية ولو بمحاضرة واحدة في اليوم مهما حصل إياك تضيع يوم واحد وكونك بدرسي طب بحب أقول ليك طبيعي جدا تدخلي الإمتحان وأنت ما مخلص لأنه المواضيع كتيرة شديد وما ضروري تخلص مجرد امتلاكك فكرة عامة عن الموضوع بيكفي إنك تنجحي ودة عن تجربة كونه عندك اليوم كله عدى تلاتة ساعات دة كويس جداً لأنه ما عندك مشغوليات كتيرة بس ضعي في بالك إنه مافي إنسان بقرأ اليوم كله ما تعصري نفسك كتير طيب نجي للحاجات العملية المفروض تعمليها لازم تعترفي إنك ضيعتي وقت وراكمتي دراسة ودي حاجة غلط وسامحي نفسك عليها عارف نفسك تنجز كل المواد بس ما مشكلة قدام عندنا فرص المهم هسي نعدي ما ضروي نخلص كل حاجة لأنه الزمن ضايق جيب/ي ورقة وقلم وأكتبي عندك كم مادة وقريت منها كم والباقي كم وضعي خطة بسيطة واضحة محاضرتين بالكتير في اليوم وبعد عشرة عشرين يوم من الإلتزام نزيد عددها أهم شيء الدعاء والتوكل على الله واليقين بيه وربنا كرمه عظيم جداً وإن شاء الله بتعدي❤️ تخيل لمدة شهرين في كل سجود بتدعي إنه ربنا يوفقك فإن شاء الله ربنا حيتسجيب ولو دعوة واحدة خصوصاً وإنك بتبذل الأسباب