Лезги Газет

РикIел гъун Аллагьди Къуръанда лагьанва (7-сура, 33-аят, мана): «Лагь: “Зи Раббиди (дугъриданни) гьарамнава, анжах: алчах (чIуру) крар абурукай ачухбурни ва чинебанбурни, (ва гьарамнава) гунагьар, ва (масадаз) зулум (писвал) авун са гьахъни авачиз, ва (гьарамнава Ада) куьне Аллагьдиз шерик гъун (Адахъ галаз масадаз ибадат авун), вичин гьакъиндай Ада са делилни (авудна) ракъур тавунвай (Аллагьди квез куь гъуцар илагьияр я лагьанвач, ва Ада квез абуруз ибадат ая лагьана эмирнавач), ва (гьакIни гьарамнава) куьне Аллагьдикай квез чин тийижир кар лугьун (Адал таб кар вегьин)”».                                                           Таржумачи –диндин алим Ямин гьажи Луткунви.

💰Куьгьне гьамам – куьгьне тIас?.. Икьван чIавалди хуьрерин агьалийриз ишлемишнавай электроэнерги­ядин гьакъи гудайла, къулайвал авай. Гьар вацра абонентрихъ галаз гьахъ-гьисаб авун патал тайинарнавай йикъара «Энергосбыт» компаниядин районра авай отделенийрин оператор кассовый аппаратарни гваз хуьрериз къвезвай, агьалийривай экверин гьакъини кьабулзавай, счетчикрин шикиларни язавай. Месела, Мегьарамдхуьруьн райондин Самур патан хуьрерин агьалийриз (900 абонент) са операторди, Ильяс Ильясова къуллугъзавай. А кар къейд ийиз кIанзава хьи, И. Ильясов 30 йисуз и кIвалахал хьана. Сабурлувилелди рахаз чидай, инсанар гъавурда тваз алакьдай, абуруз куьмек гуз алахъдай ада неинки агьалийрин, иллаки яшлу хьанвай пенсионеррин патай, гьакIни коллективдин арада гьуьрмет къазанмишна. Ам чпин федеральный министерстводин Гьуьрметдин грамотадизни лайихлу хьана. «Энергосбытди» абонентрихъ галаз кIвалах и жуьреда тешкилун агьалияр патал къулай тир. Мадни лугьун хьи, хуьрера авай, чпин патав куьмек гвачир яшлу пенсионерар инжиклу тавуна, экверин гьакъи къачун патал Ильяс вич абурун патав физвай. Гила акI амач. Гила, ингье августни акъатзава, агьалийривай алатай варцара ишлемишай электроэнергиядин гьакъи гуз жезвач. ИкI буржар кIватI жезва, абурал «пеня», жермеяр – алава яз агьалийрин жибиндай къачузвай пул хкведа. Эгер инсанри а пулар тагайтIа, эквер атIуда, суддиз гуда лугьуз, абурук кичIеяр кутазва. Ихьтин гьалар вири Дагъустанда арадал атанва. Ишлемишнавай электроэнергиядин рекьяй 20 миллиарддилай гзаф буржар алай регионда... 🔗Амай пай - "Лезги газетдин" сайтда ✍️Автор: Абдулафис Исмаилов

📚ЦIийи программайрай кIелда 2027-йисан 1-сентябрдилай 10-11-клас­сра кIелзавай аялри физика­, химия, биология, математика ва информатика цIийи хъувунвай ва теж­риба артухарунихъ элкъуьрнавай­ программайрай чирвилер къачуз башламишда. Хабар гузвайвал, программаяр илимдинни техникадин алай аямдин агал­кьунрихъ галаз алакъалу авуна туь­кIуьр хъувунва, гьакIни абурун тежрибадихъ галаз алакъалу пай гзафарнава. «Россиядин технологийрин жигьетдай аслу туширвилин важиблувал математикадин ва тIебии илимрин образованидин ери хкажуниз талукь вири патарихъай фикирда кьуна туькIуьрнавай планда къалурнава», – гъавурда твазва РФ-дин просвещенидин министерстводин пешекар М.Костенкоди. Алай вахтунда министерстводи федеральный майданра сад хьтинбур жедай учебникар туькIуьрунин са шумуд дережадикай ибарат план гьазурзава­. Абур акъудайдалай кьулухъ уьлкведин­ мулкунал кIелзавай вири аялри сад хьтин ктабрай чирвилер къачуда. Вири тар­са­рай государстводин сад тир учебникар­ туькIуьрунин кIвалах 2029-йисалди акьал­тIарун пландик кутунва, абур уьл­кведин мулкунал тамамдаказ ишлемишунал 2032-йисалди элячIда. Дагъустандин образованидин ва илимдин министерстводи хабар гузвай­вал, республикадин мектебар 5-11-классар патал Россиядин тарихдай ва вири санлай къачур (всеобщая история) тарихдай ктаб­рал­ди тамамдаказ таъминарнава. 🔗Амай пай - "Лезги газетдин" сайтда

❗️ЦIийикIа туькIуьр хъийизва Эхиримжи йисара Дагъустандин ше­гьеррани районра, жуьреба-жуьре про­ект­рин, программайрин сергьят­ра аваз, об­разованидин, медениятдин, спорт­дин, здра­во­охраненидин, яшайиш­дин маса хи­лерин­ объектар цIийикIа туь­кIуьр хъийиз­­ва. И жигьетдай республика­дин медениятдин министерстводини чIе­хи кIвалах кьиле тухузва. «Лезги газетдиз» Ахцегь райондин администрациядин пресс-къуллугъди хабар гайивал, Кьурукаларин хуьруьн медениятдин кIвале фадлай вилив хуьзвай ремонтдин кIвалахар гатIуннава. Абур винидихъ тIвар кьур министерстводин куьмекдалди тешкилнава. Ахцегь райондин кьил Абдул-Керим Палчаеван тапшуругъдалди муниципалитетдин администрациядин медени­­ятдин управлениди Кьурукаларин хуьруьн администрациядихъ галаз санал и месэладиз талукь документация гьазурнава. Дяведилай гуьгъуьнин йисара эцигнавай и дараматда яргъал вахтунда ремонтдин кIвалахар кьиле тухванвачир. Абур виликамаз тайинарнавай пландал асаслу яз акьалтIарда.

❗️1-чка кьуна Экономикадин кар алай хилера кIвалахзавай гъвечIи ва юкьван карханайрин (МСП) кьадар гзаф хьунин жигьетдай Дагъустанди Россиядин регионрин арада сад лагьай чка кьунва. Са йисан вахтунда республикада абурун кьадар 18 процентдин гзаф хьанва. Им уьлкведа виридалайни виниз тир делил я, хабар гузва «МСП» Корпорация» АО-ди. Кар алай хилерик туризм, информациядин технологияр, илимдинни техникадин кӀвалах ва гьялдай промышленность акатзава. Россияда гьар кьуд лагьай МСП-ди экономикадин кар алай хилера кӀвалахзава. Са йисан вахтунда ихьтин карханайрин кьадар 105 агъзурдан артух хьанва. Алай вахтунда Россиядин гъвечӀи ва юкьван карханийрин сиягьда, санлай къачурла, 6,6 млн тешкилат ава. 2025-йисан гьа и вахтунин делилрив гекъигайла, ам 200 агъзурдин гзаф кьадар я. «МСП» Корпорация» АО-дин гене­раль­ный директор Александр Исаевичан гафаралди, и хилера карханайрин кьадар гзаф хьунин еришар гъвечӀи ва юкьван бизнес вилик финин умуми гьерекатдилай йигин я.

Кьиблепатан Дагъустанда гъетер (балугъар) кьаз гьиниз фейитIа хъсан я? Нихъ гьихьтин меслятар аватIа - къейдера кхьихь! 📱Видео: @murad_lekia

РикIел гъун  «Гьар са мусурманди садакьа гун лазим я!»  Абу́ Му́са́ асгьабди (Аллагь рази хьурай вичелай) хабар гузва: Дугъриданни, Пайгъамбарди (Аллагьдин салават ва салам хьурай вичиз) лагьана (мана): «Гьар са мусурманди садакьа гун лазим я!» Абуру лагьана: я, Аллагьдин неби, бес, низ жагъун тавуртIа?!» Ада лагьана (мана): «Ада вичин гъилералди амал авуна кIанда - адакай вичизни менфят жедайвал ва садакьани гудайвал!». Абуру лагьана: бес, адаз жагъун тавуртIа?! Ада лагьана (мана): «Къуй ада хъсан (тарифлу) амал авурай ва писвал авуникай (вич) хуьрай, дугъриданни, а кар ам патал садакьа яз жеда!» (Буха́рий: 1445)    Таржума авурди – диндин алим Ямин гьажи Луткунви.

❗️Чи ватанэгьли, жегьил духтур Ренат Къурбанисмаиловаз РД-дин здравоохраненидин министрдин заместителдин къуллугъ теклифда Накь республикадин регьбер Фёдор Щукина мукьвара Дагъустанда малумарай «Команда Дагестана» программада иштиракун патал арзаяр рекье тунвай сифтегьан иштиракчийрихъ галаз гуьруьш кьиле тухвана. Абурукай сад чи ватанэгьли Ренат Къурбанисмаиловни авай. Гуьруьшдин нетижада Фёдор Щукина малумарайвал, адаз Дагъустандин здравоохраненидин министрдин заместителдин къуллугъ теклифда. Къейд ийин хьи, Ренат Къурбанисмаилован бинеяр Мегьарамдхуьруьн райондин Гилийрин хуьряй я. Алай вахтунда Красноярскда яшамиш жезвай чи ватанэгьли - аялар тежезвай дишегьлийринни итимрин месэлайрай кьил акъудзавай «Духтур Ренатан клиника» медцентрадин кьилин духтур, медицинадин илимрин кандидат, «Россия - мумкинвилерин уьлкве» чIехи проектдин сергьятра аваз кьиле тухвай «Россиядин башчияр» 3-сезондин «Здравоохранение» паюнин гъалибчи я. Ренат Къурбанисмаилова гьа са вахтунда Дагъустандин медуниверситетдин проректордин везифаярни тамамарзава. Тежрибалу жегьил духтур лапароскопиядин операциядин куьмекдалди дишегьлийрин репродукциядин сагъламвал гуьнгуьна хтунин цIийи къайда арадал гъунални машгъул жезва. 🤝Мубаракрай. Къуй адахъ мадни еке агалкьунар хьурай!

Читая Коран на лезгинском: вера, знание, язык В Дагестане продолжается реализация масштабной акции «Коран (лезгинский перевод) – в каждый дом» (лезг. «Къуръан (лезги таржума) – гьар са кIвализ»), организаторами которой являются ФЛНКА, Культурно-просветительский центр имени Гасана Алкадарского и БФ «ЛЕКИ». Речь идет о раздаче в лезгинских сёлах и городах с крупными лезгинскими общинами книги «Священный Коран и его смысловой перевод на лезгинский язык» (лезг. «Пак Къуръан ва адан манаяр лезги чIалал»), подготовленной ученым-богословом Ямин хаджи Магомедовым. На данный момент для районов Южного Дагестана выделено 2000 экземпляров книги, они распределены в зависимости от численности населения: Магарамхюрский и Сулейман-Стальский районы (по 450 книг), Ахтынский район (250), Курахский, Докузпаринский, Хивский и Дербентский районы (по 150). Первая партия книги «Священный Коран и его смысловой перевод на лезгинский язык» (2000 экземпляров) была издана благодаря финансовой поддержке президента Некоммерческого Фонда «Национальное Возрождение» Токая Керимова. Подробнее в публикации.

❗️Ахцегь райондин Мичегьрин хуьруьз хъфизвай рекье авай муькъуьз къати марфар къунин нетижада зиянар хьанвай. Мунипалитетдин кьил Абдул-Керим Палчаеван тапшуругъдалди, муькъуьн кардикай хкатнавай чкаяр туькIуьр хъувуна.