LibNarpay Rasmiy

#Kitob_taqdimoti 📚 Ilm va ma’rifatga eltuvchi yo‘l — kitobdan boshlanadi! A.S. Pushkin nomidagi Samarqand viloyat axborot-kutubxona markazida Davlat tilini rivojlantirish departamenti tashabbusi bilan milliy adabiyotimiz va ona tilimizga oid qimmatli nashrlar 4 jildlik “Alisher Navoiy ensiklopediyasi”, “Zarif so‘z ziyorati” va “O‘zbek tili omonimlari lug‘ati” kitoblarining taqdimoti bo‘lib o‘tdi. Tadbir mehmoni O‘zbekiston Respublikasi Vazirlar Mahkamasi huzuridagi Davlat tilini rivojlantirish departamenti O‘zbek tilini rivojlantirish jamg‘armasi direktori Eminov Azizjon G‘ulomjonovich tashrif davomida axborot-kutubxona markazining faoliyati, kitob fondi, zamonaviy axborot-kutubxona xizmatlari hamda kitobxonlar uchun yaratilgan shart-sharoitlar bilan yaqindan tanishdi. 📖 Taqdimot davomida mazkur nashrlarning ilmiy, ma’naviy-ma’rifiy ahamiyati, o‘zbek tili va adabiyotini o‘rganishdagi o‘rni haqida fikr-mulohazalar bildirildi. Ayniqsa, buyuk mutafakkir va shoir Alisher Navoiyning bebaho merosini keng targ‘ib etishda “Alisher Navoiy ensiklopediyasi”ning ahamiyati alohida ta’kidlandi. Tadbir yakunida “Alisher Navoiy ensiklopediyasi”, “Zarif so‘z ziyorati” va “O‘zbek tili omonimlari lug‘ati” kitoblaridan axborot-kutubxona markazi fondiga esdalik sovg‘a sifatida taqdim etildi. ⬇️Rasmiy sahifalarimizga obuna bo'ling!!! 📱Telegram | 📱Instagram | 📱Facebook | 📱YouTube | 📱Web Sayt

📚 14-AVGUST — MIRKARIM OSIM TAVALLUD KUNI 14-avgust — atoqli o‘zbek yozuvchisi va tarixiy asarlar muallifi Mirkarim Osim tavallud topgan kun. Shu munosabat bilan Narpay tuman Axborot-kutubxona markazi tomonidan adibning hayoti va ijodiga bag‘ishlangan “Mirkarim Osim asarlari” mavzusida virtual audio ko‘rgazma tashkil etildi. 🎧 Virtual audio ko‘rgazmada yozuvchining hayoti, ijodiy faoliyati hamda tarixiy mavzudagi asarlari haqida ma’lumotlar berilib, kitobxonlarni adibning boy adabiy merosi bilan yaqindan tanishtirish maqsad qilindi. 📖 Mirkarim Osim — tarixni badiiy so‘z orqali kitobxonga yetkazgan ijodkor. 🌐 Bizni ijtimoiy tarmoqlarda kuzatib boring! Telegram|instagram|facebook|youtube|Web-sahifа

📚 MA’NAVIYAT SOATI Narpay tuman Axborot-kutubxona markazi xodimlari uchun navbatdagi “Ma’naviyat soati” tashkil etildi. Ma’naviyat soati davomida xodimlarning ma’naviy-ma’rifiy bilimlarini oshirish, dunyoqarashini kengaytirish, milliy va umuminsoniy qadriyatlarga hurmatini mustahkamlash masalalariga alohida e’tibor qaratildi. Shuningdek, tadbir davomida mavzu yuzasidan fikr-mulohazalar almashilib, xodimlar o‘zlarini qiziqtirgan savollar bilan faol ishtirok etdilar. Ma’naviyat soati xodimlarning ma’naviy salohiyatini yuksaltirish va jamoada sog‘lom ma’naviy muhitni shakllantirishga xizmat qildi. 📖✨ 🌐 Bizni ijtimoiy tarmoqlarda kuzatib boring! Telegram|instagram|facebook|youtube|Web-sahifа

📚 NOSTATSIONAR XIZMAT Narpay tuman Axborot-kutubxona markazi tomonidan Samarqand viloyati IIB YHXB To‘rtinchi tumanlararo ro‘yxatdan o‘tkazish va imtihon olish guruhi xodimlariga kutubxona xizmatlarini yanada yaqinlashtirish maqsadida ko‘chma kutubxona tashkil etildi. Ko‘chma kutubxona Axborot-kutubxona markazi fondidan saralangan 15 nomdagi badiiy, ma’naviy-ma’rifiy hamda ilmiy-ommabop adabiyotlar bilan boyitildi. Ko‘chma kutubxona orqali xodimlarning ish joyida kitob mutolaa qilish, zarur adabiyotlardan foydalanish va bo‘sh vaqtlarini mazmunli tashkil etishlari uchun qo‘shimcha imkoniyat yaratildi. Mazkur nostatsionar xizmatning yo‘lga qo‘yilishi kitobxonlikni keng targ‘ib qilish, aholining turli qatlamlarini mutolaaga jalb etish hamda axborot-kutubxona xizmatlaridan foydalanish imkoniyatlarini kengaytirishga xizmat qiladi. 🌐 Bizni ijtimoiy tarmoqlarda kuzatib boring! Telegram|instagram|facebook|youtube|Web-sahifа

📖 “Alvido... bolalik” Muallif: Tohir Malik Janri: qissa, ijtimoiy-psixologik va tarbiyaviy asar. Asarda bolalik davri, oila tarbiyasi, e’tibor va befarqlikning farzand hayotiga ta’siri yoritiladi. Muallif hayotiy voqealar orqali voyaga yetmaganlarning noto‘g‘ri muhit ta’sirida qanday qilib jinoyat yo‘liga kirib qolishi mumkinligini ko‘rsatadi. Asarning asosiy g‘oyalaridan biri — hech kim jinoyatchi bo‘lib tug‘ilmaydi, uni muhit va tarbiya shakllantirishi mumkin. 📌 Asardan olinadigan asosiy xulosa: Farzand tarbiyasi va unga beriladigan e’tibor — uning kelajagini belgilaydigan eng muhim omillardan biridir. Bir so‘z bilan: Ogohlik. 📚 🌐 Bizni ijtimoiy tarmoqlarda kuzatib boring! Telegram|instagram|facebook|youtube|Web-sahifа

📖 Kitob insonni: 🧠 fikrlashga va tahlil qilishga o‘rgatadi; ❤️ mehr-oqibat va insoniylik tuyg‘ularini kuchaytiradi; 🌍 dunyoqarashini kengaytiradi; 💡 yangi g‘oyalar va ilhom beradi; 🗣 nutqi va so‘z boyligini rivojlantiradi; 💪 qiyinchiliklarda sabrli va matonatli bo‘lishga undaydi. Bir jumla bilan: 📚 Kitob insonning fikrini o‘zgartiradi, fikr esa uning hayotini o‘zgartiradi. 🌐 Bizni ijtimoiy tarmoqlarda kuzatib boring! Telegram|instagram|facebook|youtube|Web-sahifа

🌍 MADANIYATLARARO MULOQOT VA INTELLEKTUAL SALOHIYAT KUNI Narpay tuman Axborot-kutubxona markazida 59-sonli buyruq ijrosi doirasida “Ma’naviyat va zamonaviylik” mavzusida davra suhbati tashkil etildi. Tadbir 1-sonli DMTT bilan hamkorlikda o‘tkazilib, unda yosh kitobxonlar ishtirok etdilar. Suhbat davomida ma’naviy qadriyatlar, zamonaviy dunyoqarash, kitobxonlik madaniyati va yoshlarning intellektual salohiyatini oshirish masalalariga alohida e’tibor qaratildi. Tadbir ishtirokchilari o‘z fikr-mulohazalari bilan o‘rtoqlashib, mavzu yuzasidan qiziqarli savol-javob va muloqotlarda faol qatnashdilar. 🌐 Bizni ijtimoiy tarmoqlarda kuzatib boring! Telegram|instagram|facebook|youtube|Web-sahifа

📚 USMON AZIM — TAVALLUD KUNI Usmon Azim (asl ism-sharifi — Azimov Usmonqul) — taniqli o‘zbek shoiri va dramaturgi, O‘zbekiston xalq shoiri. U 1950-yil 13-avgustda Surxondaryo viloyati Boysun tumanida tavallud topgan. 1972-yilda Toshkent universitetining jurnalistika fakultetini tamomlagan. Turli yillarda Respublika radiosida muharrir, katta muharrir va bosh muharrir o‘rinbosari lavozimlarida faoliyat yuritgan. Shoir ijodida Vatan, inson qalbi, muhabbat, hayot va milliy qadriyatlar mavzulari alohida o‘rin tutadi. Usmon Azim she’riyat bilan bir qatorda dramaturgiya sohasida ham samarali ijod qilgan. 🏛 Bugun — 13-avgust, Usmon Azim tavalludining 76 yilligi. 📖 “Shoirning so‘zi — qalbdan qalbga yetib boradigan ko‘prik.” 🌐 Bizni ijtimoiy tarmoqlarda kuzatib boring! Telegram|instagram|facebook|youtube|Web-sahifа