عاشقه اهل البيت🖤

عيني علئ الباب*** عيني علئ الباب وتريد الاحباب****وتريد الاحباب مهضومه روحي وغربت محد اجاها عيني الدربهم والحزن كلش عماها محد فزع منهم بعد وامهم خذاها ياجرحي ماطاب ***ياجرحي ماطاب عيني علئ الباب ***عيني علئ الباب وتريد الاحباب***وتريد الاحباب آيس بعد من المشوا ماانتظرهم عيني الدربهم مااجوا ياوسفه كلهم والموت اجاني الوحدي وبعيده عنهم بطلت الاعتاب ***بطلت الاعتاب عيني علئ الباب ***عيني علئ الباب وتريد الاحباب ***وتريد الاحباب خلوني محزونه اون صبح ومسه رجليه من گد الدرب تعبن عليه كل يوم اروحن ونهضم واحزاني بيه طولتوا الغياب ***طولتوا الغياب عيني علئ الباب ***عيني علئ الباب وتريد الاحباب ***وتريد الاحباب اعزاز گلبي هل گضو ما اظن يعودون مثل الحلم ملكه المشوا واتهل العيون طالت الغيبه شكد علي وبحالي شلون نامو بالتراب ***نامو بالتراب عيني علئ الباب***عيني علئ الباب وتريد الاحباب ***وتريد الاحباب

سلامات..... بلمغيسل واصيحلك سلامات حرامات ... يموت الورد و ندفنه حرامات .......................................... هنا يا سامع الصوت انه اريد ابني دولـبـنـي زمــانـي بــيــه دولـبـنـي شـيـبـني الوڪت بـفراگـه شيبني شڪثـر لولـيتـلـه وتـالـي يـتعبني حرامات ... يموت الورد و ندفنه حرامات 🫧🫧🫧🫧🫧🫧 بعد بيك شڪثر ضحكات بعيونك بـعـدهـم ربـعـك لـهـسـه يـتانـونك الله يــسـاعـد الـراحـوا يغسـلونك يـزفـونـك ردت بـس مو يدفنونك ولا مـات ... الـنشف دمعة الديره ولا مات 🫧🫧🫧🫧🫧🫧 يـتعـب صـبـاي يـمـه بـاوع احوالي بـعـدك لا تـضـنـهـا الـدنـيـا تحـلالي شلون يعيش لحضة الفارگ الغالي ام بــلا ابـــنـهـا الــفـرگـه چــتـالـي علامات...تروح وانه ابقى بدونك علامات 🫧🫧🫧🫧🫧🫧 هـذا الـنـعـش ابـنـي وهـاي تـاليـته ردت يـدفـنـي بـيده شلون دفنيته بأرض المعرڪه و مكتول حسيته رحـت وبشيلة امـه اهـناك غطيته حسافات ...يطيح وأمه مو يمه حسافات 🫧🫧🫧🫧🫧🫧 چان بحضني هوه وعيني بعيونه وانـه اشـتـاگـلـه و اتـنـشد شلونه هـسـه شـلـون مـن امـه يـبعدونه دگـلولي الگبر بـس لا خطف لونه مسافات ... بيـني وبينه اطول المسافات 🫧🫧🫧🫧🫧🫧 يـشـيـال الـجـنـازه ارجوك تـانـيـني اخـافـن يگـعـد ابـنـي ومـا يلاگيني دفتحولي الگـبـر هلـبـت يـحـاچيني يـشـتم ريـحتي ويگـعد يـواسـيني نـهايات ... عمر امـك وصـل حـد النهايات ........................................ #الشاعر_رعد_الفريجي

ماتت أمي وبيتنا وكل ذكرياته والتموت أمه بعد شلة ابحياته صحت عالموت الخذاها الخذاها فدوه أخذ روحي ابراها ابراها ماتت أمي .... أمي دنيه من المحنة راحت وگلبي انچوه أمي من تدعيلي چانت انترس كلي ضوه راحت أيام العـوافي وگعدة الواهس سوه چنه من نلتم عليها اتشمنه وتـوخر الهوه أمي من تسـهر جـفنـها أكبر علامة لو صلاه لو تخبـز الجـيـة اليتامة تدعي واتعب سماها سماها فدوه أخذ روحي ابراها ابراها ماتت أمي .... *** أمي ماتنشاف چانت نور والوادم تـراب أمي ماشالت أديها والله ما إلها استـجاب أمي كل إصبع ابچفها چانت اتلفه ابحجاب أمي من گد ماشريفه اضلوعها املبستها باب أمي دنيـه مستحه وهيبة عليها ومن تسولف چانت اتگبع حچيها الله يرضى الكل رضاها رضاها فدوه أخذ روحي ابراها ابراها ماتت أمي .... 😭😭😭😭😭😭😭 من تلولي أمي الحمام ابـابنـه يوگف سره ومن ننـام انتـعب إديها تحمد الله وتشكره أمي احس اول خليقة وباقي العالم وره أمي من گد العداله عوجه يمها المسطره أمي فوگ الكلشي اخذ والضال عدها تنطي فص اعيونها الخـاطر ولـدها الدنيا ماتسوه ابلاها ابلاها فدوه أخذ روحي ابراها ابراها ماتت أمي .... *** أمي خير ونعمة الله وعافيه وچلمه صلح الدنيا لو ماوجه أمي ظلمه مابيها صبح أمي گد ما هاك بيها صيت سوت للملح أمي من تخسرنه عدها اهواي يم الله ربح أي وحگ المحسن الطاح وخنگها أمـي إسم الله فـلا فـارگ حلگها الله للجنة أشتهاها اشتهاها فدوه أخذ روحي ابراها ابراها ماتت أمي .... ** احترگ واصبر واگولن يحچي البراسه الشمع اقتراح الخاطر أمي رايد الكل يستمع لازم البيبان تصبح ريش خافن تندفع حتى من تنـدفع باچر لأمـي مانكسر ضلع نكتب ابكـل باب لازم أمـي رحمة كلمة التابع بعـد تنشال زحمة ويرجع الدم ابضناها ابضناها فدوه أخذ روحي ابراها ابراها ماتت أمي .... *** ګلَـمَاتّ الـشٍاعـر " مَحـمَـدِ الـنِــوِاس "

#شبيها أمي وليش متغير وضعها للرادود باسم الكربلائي 🥀🦋 الشاعر صباح العتابي 🥀🦋 🖤🖤🖤 شبيها أُمي وليش متغير وضعها من اريد احضهنا ليش اتضم ضلعها 🖤🖤🖤 الچنت من أگبل عليها تضمني بچفوف الحنان من اشم ريحة حضنها أحمد الله اعله الأمان من الصبح للصبح تبچي حفظ ونتها المكان كسر خاطرها وضلعها اللهُ اكبر ع الزمان اتدير من عندي الوجه لو گابلتها وتبچي إذا عن لون الـ بخدها اسألتها خايف الچم خدها إذا امسح دمعها 🖤🖤🖤 قصد عندي وما اسألن عن وضع خدها الجريح خاف إذا تحچيلي همها طيحة المحسن اطيح بس على الباب أرد اناشد ليش تنظرله وتصيح وتفز چن فزة حمامة من تحرك الباب ريح ولو اندگ الباب تركض تلزم ايدي اتگول لا يا باب لاتاخذ وليدي تعتب اعله الباب والچف الدفعها 🖤🖤🖤🖤 هذا ياضيم الـ على امي الوصلاها الهيچي حال ضعفت الحد ماشفتها مايبين الها خيال شگد اريد اسألها واسكت خاف يلچمها السؤال والله مشتاگ الحضنها الچنت بي اشبع دلال الله لا ينطي الباگ البسمة منها الهسه آنه وزينب ابعازة حضنها الچانت اتضوي لنه طفو شمعها امي يارحلة حياتي التزدحم بالذكريات والله يرتاح ابمماته كل بشر گبـل امه مات واليفارگ طيبة أمه تزغر بعينه الحياة شلون اغمض عيني وأغفه وبالگبر أمي تبات بعد ماثق بالزمان الخذها مني اظل حد طف كربله ماعوف وني اليمه بغيابچ بعد محد سمعها شما اسولف عالزچيه تخجل حروف الكلام أمي متصلي لوحدها يصلي وياها الحمام بالحرب من تدعي أمي تترس العالم سلام سنبله ومحنيه فوگي شكثر سهرت حته انام عِلة التكوين ماعرفوا قدرها زهرة الله انگطعت وذبحوا عطرها صفع عرش الله بچفوفه الي صفعها 🖤🖤🖤 مثل لون ثياب حزنچ صفت كل ايامي سود ماتعود أيامي تضحك إلا عافيتچ تعود ليش جفج گاد ضلعچ ردته لچفوفي يگود فوگ خدچ أثر طالع يشبه آثار السجود ياربيع الله شعجب ذابل خضارچ نارهم خطار وتعزبلها دارچ جايعة النيران بس بابچ شبعها ياسلام الله اعله ونها وع الدموع الـ بالعيون اتهون كل الدنيه عندي بس دمعها الما يهون باچر اتسولف الجدي عاليوافي وع اليخون وع التمسك بالوصية وع الغدر بالأقربون سولفيله إعله الوصي چتفو يمينه باب التحبه ابحطبهم دافنينه يارسول الله البشر تبعت طمعها 🖤🖤🖤🖤 ونسألكم الدعاء لتعجيل الفرج لاأجيز حذف الاسم كلمات الشاعر - صباح العتابي

القصيدة: ولدي علي أداء: مسلم الوائلي كلمات: حمزة الحسناوي ~~~~ ولدي علي ولدي علي ~~~~ بطل ونينك حرام گمت اعله حيلي من رف دليلي .. وجيت اتمنه اشبگك ونام بس انته تنزف وجفوفي ترجف .. بجيت يتعبي وركضت سنيني گضت روحك عمت عيني ~~~~ گالولي ميت وجيت غير انته تعبي حسيته دربي .. بعيد بس انه يمكن بطيت بس جابوا إسمك تجالي عمك .. يحيد شگل لمك إذا حنت يفزت روحي لو فزت ~~~~ يم جسمك اوگف وحوم كون بمجانه لو ميت انه .. رضيت يوليدي اطيحن وگوم بويه وغلاتك أنشد خواتك .. عميت اصدگ بس أرد حاير وگل الزينب شصاير ~~~~ ودتلك امك سلام ما مات ابنهه تحجي الحضنهه .. وتگول ما نايم وتوه نام ابني واعرفه لو بسته يغفه .. اعله طول شسوي بعمري ما ريده إذا ما لاعب وليده ~~~~ ما صدگت بلمصاب گالت يحبني ما ميت ابني .. وتهون تتفكر اعله الشباب تغلط بسمهم بسمك تگلهم .. يجون تناشدهم ونه شبيدي ييمه بگدكم وليدي

مو مال اعتب ما تسوه تستاهل رگضه الخوه من چانن مابيهن شي عيوني يروحلڪ فدوه شگد هاي العين بصف هاي احنا اقرب منهن بهواي الطبهم ثالث يفترگون بيني وبينك طب الماي شرد اسولفلڪ عليهن من دوت بخيمنه نار ماي ما عندي بوڪتها برمل طفيت الزغار والجمر ڪله سحگته ولا تشوفه شلون حار المشكله الجمره يخويه ما تبين بالنهار لا اله الا الله سُبيت زينب لا تنشدني اعله احوالي موزين الفارگ غالي مثل الطير الراد ينام مايل راسي اعله شمالي الما داير بال لروحه معناهه اكبار جروحه االحد الحصران انه وياڪ ما رهمت الحد الوحه محد اليركض وره اختك انه ماريد استراح هو ينسه شلون يگعد لغله واحد منه راح الخيل ما سحگت اصفاحڪ اصلا انت بلا اصفاح انت بيدڪ خلصتهن لمن العباس طاح لا اله الا الله سُبيت زينب ساعات افتر بصفڪ لو ما اختڪ ما عرفڪ ما سالمتڪ تعرف ليش خاف تحس ناقص چفڪ لميتڪ بس شيلمڪ اكثر من شيبڪ دمڪ من گد ما فوگاڪ احجار ما يگدر يطلع دمڪ ميلو من صدره الحوافر صحت كافي حسين مات سالبين اهدومه المن هنه غير مشگگات هواي رڪضتو بناته ڪافي ما عدكم بنات تايهه وبروحي اصبر هنه ذني التايهات لا اله الا الله سُبيت زينب من طبن للشام النوگ نسوان اتهلهل من فوگ السلبوهن منڪ يحسين گدامي انباعن بالسوگ والكاسر خاطرنه اهواي ارخص شي بالشام الماي والسوگ اشگ بي قمصان وانت امسلب ترهم هاي اُمدا الدنيا السبتنه وخذت من عدنه الحُسين گبل چنه مدللين وهسه صرنه امدوهنين قد خُزينا يا آل هاشم صار كل الشام عين السوگ ما يستحي من الله واحنه كلش مستحين لا اله الا الله سُبيت زينب يا خويه وكل اشويه من الهزله اتطيح ابنيه ومن تجزيها الناگه اتصيح اننه وياكم مسبيه ​بلكي الله وكل ذني احلام وما مسبيه اطلع للشام اقنع روحي احلم يحسين بس اليحلم غير اينام ارد اگلك يا ابن امي وخاف اعورك من اگول بالخرايب گعدونه والخرايب للخيول گوه اغفيها اليتامه وتجي تفززها الطبول بت اصول وبيد وادم ما يعرفون الاصول گوه اغفيها اليتامه وتجي تفززها الطبول صوت الطبل ما جفلاني كلمات:- سعد شميل

@حيدر الشمري:على طور عريس الولد جابوه يتجوله للعريس نايم يالولد لا لا تكعدونه عايف فرحته ومسلهم عيونه 〰️〰️〰️〰️شدو صواب راسه وحيل الطموله ويه امه الحنينه اليوم ونوله يله بلعجل اجفان جيبوله مصوب يالولد بلهامه تدرونه 〰️〰️〰️〰️مطول نومته جاسم شمحلاته يبجن بلخيم امه وعماته مغمضهن عيونه وتجري دمعاته للخيمه الهولشم خل يجيونه 〰️〰️〰️〰️جاسم نام وامه تضل للونه تكله يالولد شو عايف الحنه ضحى بيوم عرسه وشترى الجنه بعد ماكو عرس بي ويهنونه 〰️〰️〰️اظن روحه هدت وطول النومه ياجرح النشده تنزف ادمومه غفه بطيوف عرسه وفرحته ويومه جروحه اهواي بله لا تجلمونه 〰️〰️〰️〰️ايده مسبله جا وين حناته نايم يلحلو وبكلبي وناته عجنن حنته يله يعماته ليش الولد نايم ماتحنونه 〰️〰️〰️✍🏻 بقلمي الفقير خادمه اللتول المله ولشاعره ام نادين المحمداويه ملكه الحسجه الجنوبيه

سلام عليكم اريد واحد، وحدة تقره قصيدة

اذا باجر اموت وتغمض عيوني كبر حسين اريدنكم تزوروني * اذا حانت وفاتي وخلصت اسنيني وملك الموت اخذ روحي وجرت عيني يالجناز كبر حسين وديني وعالشباج خل اهلي يطوفوني *** اريدن لو متت مجلس تسوولي وزينب يا غريبه بكبري تقرولي عن حسين اريد اهواي تنعولي وكون برايته الحمره تلفوني **** منكر لو سألني وشافها اعمالي غير حسين اكله محد ابالي وادري حسين يحضر اول وتالي ولو شافو حبيبي ما يحاجوني **** شيلو اجنازتي يم صاحب الرايه وطوفوني بضريح الكافل اهوايه وحلفو بالغريب الما شرب مايه ويم عباس اريدنكم تأمنوني *** انه العمري خلص بالحسينيه وريحة كربله من الزغر بيه اريد اعله الكبر تقرولي لطميه وكل مجلس اريدنكم تذكروني **** ودوني العلي وخلوني ازورنه وطوفن يم قسيم النار والجنه علي هوه الشفيع اشلون اعوفنه اريدن بالنجف يمه تدفنوني **** تمت تحسين الخفاجي

خادمة البتول المله ولشاعره ام نادين المحمداويه 👇👇👇👇 حال لسان زينب مولاتي عندما رات شجاعه العباس وهو يضرب عن اليمن وعن الشمال ..... تكله خويه عباس فخر الهاشميه وبيك تكحلت كل عين شنهي الوصيه الوصتك بيها ام البنين ياساس الاخوه ويلشارب حليب الزين 〰️〰️〰️المستهل شكتيله ولعب جوله يبدويه ابنج يليدك بلساس حربيه 〰️〰️〰️〰️〰️ مثل غيم ومطر ابنج نزل بيهم مسلح بلسيوف وما يحاجيهم بجفوفه السخيه اليوم لا ويهم ((( فرحانه الخوه اتباهت))) 〰️〰️〰️〰️ شحجيتي وياه يوم الغربو بينه اضن كتيله يمه يبع جفينه الج يم البنين اليوم هنينه ((ابنج ضحلي بناضر من عيناه))) 〰️〰️〰️〰️ وكف وكفت شجاع اليوم ابو فاضل بعيونه يشد الحمل لو مايل يوديلج سلام ولج بي كايل ((( نيشان اجفوفي ضلن بلطف)) 〰️〰️〰️〰️ منك تستحي الخوه وطاريها يعباس الثنايا انته الحاميها وانته كل صفات الخوه حاويها ))تشهد ذرعانه ابنج ماقصر)))) 〰️〰️〰️ شنسولف على ابنج اه يبدويه حلوه كل صفاته وبيها حديه هذا الي يحط للزلم وعديه ((بي عباس الحد متونس))) 〰️〰️〰️

#كلمات قصيدة #ليالي_الجروح # محمد_باقر_الخاقاني ليالي الجرح رزقي بالدمع ما ينكطع نحيبي وسحابة هظم تمرني فطرتي . البجت . والكلب يون ناعي الحزن حبيبي وغربته وجع كسرني ياليالي الجروح هلي وأريد بمصاب خلي أضج بالنحيب أعيش أنعى لخيام ڰلبه وعلى اسمه اليفوح غربة واموتن غريب أمير الخدم أميري وكعبه الشيم حسين ونعم الأمير يعتني الألم وأسمعه بعتبة الخيم ينادي إلا من مجير ليالي الجروح .. مشت بيه وين اضجن وانوح حبيبي حسين إلا ياجرح عاشر الظمأ يافاطمه أرد أنادي وابتدئ باسمها نوحي علي تلتفت وأنا باللطم جمرة هظم بديها تحطها بوسط جروحي وأنا منطي مولاي كلمة ماعيشن بغير خدمة وادور رضاه بخدمته ادعي يزيد حضي ابواجي يدوم نبضي واعيش بهواه طويل الدرب يريد الگلبه يدي حب مروؤه وعلى ألطف غيور حبيب الگلب سمحلي بهالعزاء أطب مؤاسي ورغم كل قصور للانطاني روح والانطاني عين اضجن وانوح حبيبي حسين حبيبي حسين حبيبي حسين ليالي الجرح منبع الشيم عند الخدم عقيدة الدمع لليحب طهارة محزمه لعزاء صاحب الفضل الماكو مثل حنانة إله بكل گلب شرارة بلا حبة الحياة صحرة اليحبه گصير عمرة صفنته تطول وبغرامة الجروح ولهى وفدائه العيون كلها حبيب البتول تحير الجمل بجماله وناظري انشغل بعيونه عليها السلام طويل الأمل برحمته وادري بيه قبل خدمتي ودموع الغرام اجيله واروح وامدله الايدين اضجن وانوح حبيبي حسين حبيبي حسين حبيبي حسين ليالي الجرح مهبط النعي وي مدمعي اشوفه بغربته وصحت ياظامي لخدمته انتمي وللبجي استعد ماابتعد واعوفه غريب الوطن أمامي ياليالي الجروح زيدي على المايعوف أيدي يحقلي العويل أرد اذوب بهواه واتعب عليه ابجي دوم وانحب واصيحن دخيل أسير العدة يصير وجرحه ضاهده ياويلي شعظم هالمصاب بعيد الصده ونينه بهيمة وحده وجروحه لجمها التراب وقميصه يلوح بسما الخافقين واضجن وانوح حبيبي حسين حبيبي حسين . . حبيبي حسين ليالي الجرح مهبط النعي وي مدمعي اشوفه بغربته وصحت ياظامي لخدمته انتمي وللبجي استعد ماابتعد واعوفه غريب الوطن أمامي ياليالي الجروح زيدي على المايعوف أيدي يحقلي العويل أرد اذوب بهواه واتعب عليه ابجي دوم وانحب واصيحن دخيل أسير العدة يصير وجرحه ضاهده ياويلي شعظم هالمصاب بعيد الصده ونينه بهيمة وحده وجروحه لجمها التراب وقميصه يلوح بسما الخافقين واضجن وانوح حبيبي حسين حبيبي حسين . . حبيبي حسين

عاشقه اهل البيت🖤 pinned «سلام عليكم اريد وحدة تقره قصيدة❤️»

#قتال_العرب علي علي ..علي علي ..علي علي ..علي علي تنظيم الاكوان بعلي وسر الوجود بحيدرة علي علي ..علي علي ..علي علي ..علي علي تسبيح الافلاك ابتده ونور الشمس من ناظره علي علي ..علي علي ..علي علي ..علي علي موسى انتخه وشگ البحر چي صاح بسمه وعبّره علي علي ..علي علي ..علي علي ..علي علي بحروفه منتچيه السمه وبيده النجوم مسطرة علي علي ..علي علي ..علي علي ..علي علي علي علي ..علي علي ..علي علي ..علي علي ... چف العجايب والفلق والطارق ولوح السمه علي علي ..علي علي ..علي علي ..علي علي ربّك خلق كلشي بعلي وابلا حجاب ايكلمه علي علي ..علي علي ..علي علي ..علي علي كل دگه تصرخ ياعلي وكل ياعلي يافاطمة علي علي ..علي علي ..علي علي ..علي علي ماطلگت الكعبة ابشر بس بعلي حامي الحمة علي علي ..علي علي ..علي علي ..علي علي علي علي ..علي علي ..علي علي ..علي علي ... نفس الرسول ومهجته وروحه وشريكة البالگلب علي علي ..علي علي ..علي علي ..علي علي يتسمى قتّال العرب چي بالحرب ماينغلب علي علي ..علي علي ..علي علي ..علي علي من عطره حبينه الهوا وصلينه باسمه عل درب علي علي ..علي علي ..علي علي ..علي علي ترهب صفاتك ياعلي أنت السهل وأنت الصعب علي علي ..علي علي ..علي علي ..علي علي علي علي ..علي علي ..علي علي ..علي علي ... وجه الله وآلاءه علي ومن العلي اسمه ابتده علي علي ..علي علي ..علي علي ..علي علي والهدّم اصنام الشرك والحارب الجن وحده علي علي ..علي علي ..علي علي ..علي علي يا قالع الباب التي ما تهتز بچف العده علي علي ..علي علي ..علي علي ..علي علي أنتَ العظيم أنت الأسد والكون أميره وسيده علي علي ..علي علي ..علي علي ..علي علي علي علي ..علي علي ..علي علي ..علي علي ... قد قاب قوسين ودنه ونور الإله امجلله علي علي ..علي علي ..علي علي ..علي علي قل لا فتى إلا علي وبس هو راعي المرجلة علي علي ..علي علي ..علي علي ..علي علي خلّف سبع عالگنطرة ومن عده ترجف كربلا علي علي ..علي علي ..علي علي ..علي علي آدم سجد يم حضرته وصاح اسمه گبل البسملة علي علي ..علي علي ..علي علي ..علي علي علي علي ..علي علي ..علي علي ..علي علي ... ـــــــــــــــــــــــــــــــــــــــــــــــــــــــــــــــــــــ ✿ اداء : سيد فاقد الموسوي ✿ الشاعر : سيد محمود الموسوي

سلام عليكم اريد وحدة تقره قصيدة❤️

🚩 عمه شو هذا الشمر بهدومه دم🚩 عمه شو هذا الشمر بهدومه دم وبیده راس واكف اباب الخیم راسمن هذا یعمه . شایله ویسیل دمه   **** من طلعت امن المخیم شفته كدامي الشمر شایل الراس ابجفوفه والدمه منه یخر خفت من شفته یعمه وجیت اكلج بالامر عمه عطر الراس اشمه وهذا اعرفنه العطر مو غریب اعلیه یاعمه تره عطر ابوي وجنت اشمه ابمنحره هسه شو بالراس اشمه **** یله كومي ویاي عمه نسئل الشمر اللعین راسمن هذا التشیله ویجري دمه امن الجبین شوفي سبحانك یلاهي امن الشبه سوه اربعین تباوعیله ابروح اخیج عمه مو جنه الحسین حطي عینج عل الملامح عمتي عمه شو توجعني كامت ركبتي وعمه واشتاكیت اضمه **** عمه طك صبري دخیلج بعد مابیه احتمل سولفیلي شبي حبیبي مات لو بعده عدل عمه هذا الراس میت بس دمع عینه نزل اسمع ایكلي رقیه ازغیرة انتي اعله الحبل شو اشوفه ادموعه یاعمه تصب ایكلي متنج ترف ما یحمل ضرب حالي یاعمه یهمه **** شفته فك عینه علیه اكبالي نزلت دمعته نشغ من شافاني عمه وحالتي شو آذته ایرید یشبكني احسه امحسب انه ابنیته امن العطش ذابل اشوفه وكوه یفتح شفته عمه ذابل شفته من كثر العطش خدوده صفره وصایر اعلیهن نقش نقش ما اكدر افهمه **** غوشت عیني یعمه انه ما شوفن بعد جفوف خشنات وخبیثه كامت ابعیني تسد عمه شو واحد احسه حبل بجفوفي یشد هیست كل حیلي مات ورحي ظلت تنمرد عمه كلیلي شنو الصار وحصل الوادم ایصیحون الحسین انجتل هذا ابوي الاسمع اسمه **** ✍الشاعر مصطفى البدیري

جروح السبي.. ياخويه عالنـوگ .. طبينه للسـوگ مـن لـمت الناس .. دلالي محـروگ وبالعـلويات  ..  كـلهم شمات ……………………… يخويه حسين شحچيلك  من دار الوكت بيه من ذبحـوك يبن امي  خـذتـني الناس مسبيه اني ام الخــدر زيـنب  الما شـافـو طـرف لـيه بيا شـيمـة عـرب يحسين  تركب هـزله علويه بت حامي الجار .. وبيه الوكت دار وبالهيمه يحسين .. اركض من النار واشبع طيحات .. كـلهم شمات ……………………… اني ام الخـدر ياحـيـف  المـحـد شـاف اليه اخـيال اني ام الـدلال الچـان  العـرب بـي تـضرب الامـثـال بـين الخـيل بـين النوگ  امشي ويـاي غـربه ارجال وراسك يمـشي عالي وياي  بس فوك الرمح ينشال او ويانه عباس .. هم يمشي بس راس بـلا رايـه ويـاي .. ولا سيـفـه لا طـاس الكـافل من مات .. كـلهم شمات ……………………… وطبـيـنـه بـهذيـچ النـوگ  ويخـويـه النـاس ملـتمه مستحـيه واگـول اشلـون  هـذا السوگ اطب زحمه والـتـمشي بضـوه العباس  بمـصابـيـح المـدن تعـمه المتعلمه عله حچي حسين  بذنها اترن صفت شتمه تلـگـونه بطبـول  .. ومراگـص اخيول وغمضنه العـيون .. شنحچي شنگول ونجر حسرات .. كـلهم شمات ……………………… شحـچـيـلك شـسـولفـلك  طبـيـت وذهـيلـه الراي زلـم نسـوان مـتحضرين  يحـسين الشماتـه هواي الحچي بوجهي الأسمعنه ضعـفين انحچه بمگفاي شـي بحـجـار طـگـونـه  وشـي دارو الحــار المـاي بنظرات العـيون .. ياخويه يحچـون بت فاطمه هاي .. واسمع يشـتمـون صعبه حچايات .. كـلهم شمات ……………………… وحـتى اطفـالهـم خويه نسمـعـهم يشتـمونه ومن فوگ السطوح هناك  ابكلشي يشمرونه بشوارع ضيگـه مزدحـمه متعـمدين  مشونه مهـضومات مكـسورات  كـل الناس شافـونه ما بيـن الفروع .. مشونه ونلـوع وراسك عالرماح .. ويانه مرفوع وبينه الطگات .. كـلهم شمات ……………………… وعگب ذاك الحصل بالسوگ  يبن امي ادخلت ديوان مـتحضريـن الي الشمـات  شـفـت كـل القـصر ملـيان نصارى وعـرب بيه ويـهود  بـزلـم مـتروس وبنسوان واني ابـيـن هـاي النـاس  وحـيده ومـا الـيه اخــوان ربات الخـدور .. طبن للقـصور ماعدنه وليان .. ذبحها عاشور وبالمسبيات .. كلهم شمات الشاعر عقيل الحسناوي

دخيلك لا تكلي مات عباس بعد بيمن يخويه تهابني الناس دخيلك لا تكلي مات عباس (ويا الهيبة / العز ينشال) .................... هاذ هيبتي وعزي ودلالي هذا الجان بيه الراس عالي بجاله الناس ما شافت خيالي (مهيوبة / بجال الكافل) .................... خويه لا تكلي ما يرد ليج ضل عالنهر جف اليحاميج حگج لوبجيتي راح وأليج (من هذا / والخوة وتبطل) .................... بعلمه يابن أمي تهدم الحيل لواح الحنين عليمن انميل تهد بينه الزلم والعايل يعيل (العيالة / تعيل أخلافه) علمه من لفاني طفه العيون بعد ياهو اليرد عين اليعيلون أريد الجاب محملنه عله متون (يرد بيها / الجاب ضعوني) .................... عساه الموت مر بيه وخذاني ولا علمك يبو فاضل لفاني صواب البين طكاني وعماني (طفاها / العين بفگدك)

التحلم كون _ عدها اعيون مو للسوط _ تنطي امتون /////////////////////// الحصته السهر. يخنگه القهر.بجرحه يهم الظاگ السبي . بعينه بعد . يظل ياحلم خوف وعطش . نار وسلب . خيل وزلم احلم چنت صح بالخيم _ وكل اخوتي موجوده مو هسه اغفه اعله الرمل _ وايدي بحبل مشدوده درب الشام _ اليوم بعام فراشي تراب _ بلايه اخيام /////////////////////// بعينه حچي . الشابع بچي . يضل مخنوگ جرحي جرح . ماينمسح . اسمه السوگ فرني الوكت . فرت الرحه . فوگ النوگ لا گبلي لا بعدي نسمع _ فوگ الهزل علويه چان اسمي انه ام الخدر _ وهسه اسمي يالمسبيه جرح الماي _ يمشي وياي شوكت ارتاح _ من دنياي /////////////////////// محله الاخت . ويه الاخو . تگعد سوه يم كل رمح . اگعد جرح . يشح الهوه بنار الهجر . من فارگت . گلبي انچوه حنيتي تتبده دمع _ يم كل رمح يلگوني ومن اوصل الرمح الگمر _ يهيج الوجع بتموني دمعي يگول _ الفرگه اطول يالعباس _ ما معقول /////////////////////// لو غمضت . بحلمي شفت . دم ومهد بحر الظهر . فوگ الصدر . حافر صعد انه بسبي . وبس الحبل . عني نشد يادنيتي موتي تره_ من العاشر امتانيته الخمسين عمره وينسبي _ بيهه شيظل عافيته الناگه تميل _ ودمعي يسيل وين الموت _ تااخر حيل /////////////////////// شيبي كثر . لجفني عبر . من الحزن ماسلهمت . عيني ابد . اگعد واون حالي صعب . بديرة غرب . للخوه احن تالي بخرابه بلاسگف _ زينبكم امگعديها كل ما يمر شامت حچي _ يسمعها ويبچيها شما اندار _ كلها ازغار گلبي اهواي _ ظل محتار /////////////////////// تمت ___ علاء الزيـــدي