ن

عسى الله لا يحيي حبك البارد ولا يبقيه ‏كثر ما ذبّل بوجهي ربيع العمر وأتلفني

يكفيني أغيب وخافقي ماجاك منه قصور ويكفّيك تتذكر كل ليلة لهفة عناقي تذكّر يوم أخليك تتباهى كبرياء وغرور يوم إني اتحدى بك وأخيّب هقوة الهاقي وتذكّر يوم أعذرك وأنت لا صادق ولا معذور أدور لك عذر وأصدقه وأكذّب أحداقي وتذكّر يوم جيت من الحزن متضايق ومكسور فرشت لك الضلوع وقلت لك يا سيد عشاقي وبعد هذا رحلت ولا بقى إلا بيتك المهجور وألا ياكبرها لا من رحلت ومنزلك باقي

‏وإن حكى بأسلوبه العذبّ الرزين ‏يسرق من الجوف قلبٍ يسمعه

دايم أخاف من طاري ذبولك رحلة الورد في الدنيا قصيره

‏في زحمه الاعجاب وهتاف الحضور ‏وش مطمعي بغيرك وانا كلي لك ومعك ‏ما اخترتك من الناس يا وجه السرور ‏لاجل ازعزع ثباتك وافزعك ‏لو تشوف اثار حبك بالصدور ‏كان اقتنعت اني محال استشبعك

أبي منك "وعد" إنّك ما تخليني ولا تساوي غلاي بـ أحد ثاني وإنّ كانك تحبني بجد وتغليني لآمني خطيت اسمح لي عشاني وأنا في محبتك ما يلزم توصيني من يمّك الروح تامرني وتنهاني

عرفت إن العمر كله ليالٍ قصار معك ولا بدونك .. كلها تمضي

ماعلمك صمتي وش كثر فيني كلام ؟ ولا انا بس الي احسك و اسمعك ما ذكرك مُرّ الجفا ب حلو الغَرام ؟ ولا انت بالثنتين ما تفرق معك ؟ لا يخدعك هالبعد لو مر بسلام ترا اول ايامه يا حبيبي تخدعك بكره بتجيك ايام ما تقدر تنام يجيك الوله و ذكراي توجعك

‏وأنت جنبي ‏أحس السبت ‏ليلة خميس

تزور القلب ما زرت الأماكن يا أطيّب الزوار تمشى فوق قلبي ما تمشت خطوتك حدري سهيت ووين ما وليت وجهي شفت لك تذكار صبرت و ضحكتك مرّت مسمعي وأنكسر صبري سلامي بارد وقلبي سلامه وسط صدري حار يا ليتك تقدر تشوف الضلوع اللي ورى صدري متى بوصل مع قصة هواك نهايه المشوار متى تطري لي العادي مثل ما أنا عليك أطري متى ما أحس لك لهفه متى ما أوله متى ما أغار متى برضى على القسمه متى بنساك مدري أحس إني انا المجبور وأحس اني الجبار من اللي علم احساسي يساومني على قدري ؟ كأن الجمر في قلبي يولع من ضلوعي نار أبي غيم السما يمطر على صدري مطر مقري

وإن كان شمسك تساومني على ظلك ماعاد أبي منك لا شمس ولا فيّه

أنا على محبتك عند شهود وعندي دلالات وثبوت وقراين من العايدين وجعلت أعيادك تعود وجعل الظروف القاسيات تلاين أهم شيء إنك على الأرض موجود وباقي الأمور الي وراها هواين

يالراحل اللي عقبك الصدر جيّاش ‏ما جيت لحظه فـ الخيال ونكرتك ‏وشلون بنسى عطفك اللي معي عاش ‏وانا لا مات اللي ما اعرفه ذكرتك

تمعن في الوجيه و ما لقى شرواي ‏و أعرف إنه يعيش متيّمي و يموت ملهوفي

مافيه مثلك ي الشمال 😢

من كبرتي وصرتي تشبهين الشّمال يمكن أغيب لكن مستحيل أهجرك