﮼أثـر 🫀.

بالأخير الحياة راح تشوفك انت ليش جنت دتنتضر إو ليش جنت دتصبر فَـ لإتستعجل عليها الحياة راح تـشوفك كُلشيً .

الفرحة الي تنتظرها مو هي الي ناقصتك، مو كل شي تحسبه راح يسعدك هو فعلاً الي تحتاجه،مو دائمًا الفرح يجي من حدث،مرات يجي من قبول،يمكن الي ناقصك مو فرحة جديدة،بس نظرة أهدأ لنفسك ورضا بسيط بالحاضر،وتصنع سعادتك باشياء بسيطه مو جبيره مثل ما انت تتخيل

‏سمعت بارت بمسلسل مصري يكول "أنا بعمل نفسي نسيت علشان الدنيا تمشي والأيام تعدّي، بس أنا مش بنسى حاجه أذتني في يوم" وحقيقي الإنسان صعب ينسى، لكنَّه دايم يتناسى .

مستحيل الانسان المدرك الغلط بشكل واضح يعيد اغلاطه ويكررها الادراك بأن تعرف نفسك انت ليش دا تسوي هالغلط وشنو الاستفادة منها وليش بكل مرة تكرر هالغلط من تعرف اجوبة كل هاي النقاط راح تصير انسان مدرك والمدرك غلطه لا يعيده بل يتركه .

“لن تكون حياتك كاملة، لا بد من نقص يختبر جذور رضاك.” هاي الجملة تحچي عن واقع الحياة يعني ماكو حياة كاملة أو مثالية لازم يصير بيها نقص، ألم، خيبة، أو شي ما نريده بس هذا النقص مو عبث هو مثل امتحان يشوف شگد إحنا راضين ومتصالحين ويه حياتنا حتى لو ما جابت كلشي نريده يعني كأنما تريد اتگول: “ لا تتوقعون السعادة الكاملة بكلشي لازم أكو شغلة تنقص بس هذا مو دليل فشل هذا اختبار لرِضاك الداخلي، لهدوءك، لقناعتك.”

مرات توصل بينا مرحلة نبدي نتقبل الاشياء كما هي لان مهما تحاول تنطي رد فعل اتجاه هاي الاشياء راح تبقى نفسها مهما كانت نواياك وراح تبدي ترضى بالي يجيك بغض النظر عن اهتماماتك او رؤياك اتجاهها ، وهالشي الي يوصل الانسان لأقصى مراحل النضج والرضا بكل الأمور .

افهم نفسك بنفسك لان العالم معايشة الي دا تعيشه ولا تفكيرها مثل تفكيرك ولا تباوع للموضوع من نفس زاويتك ولأ اهتماماتك نفس اهتمامهم

هواي اشياء راح تتغير بمرور الوقت ومن ضمنهن مشاعرك اتجاه هواي امور جنت معتقد هي الانسب الك .

بَحياتك راح تلگه إلي يگلك شغلك ميوكل خبـز راح تلگه إلي عيـنه عليك بَالصغيرة والچبيرة راح تشَوف الحسـد بَعيون ألمُقربين مَنك بـس مراح تلگه إلي يگلك أستمر ولا توڪف مراح تشَوف ألنضرات الحقيـقية إلي تدعمك حتىٰ بگلبهم وبَكلشي حَتكون وياك فَـ أبتعد واعتمد علىٰ نفسك لا تخلـي كلام أحد يأثر بيك أبدًا أستمر بكلشي أنتَ مقتنع بّي .

الأنسان ما ضامن عُمره ولا ضامن إذا باچر هو مَوجود أو لا ، فَـأكثر شَي صِرت مقتنع بي انُ فُرصَتي الوَحيدة هو يَومي الأعَيشه أما باچر فَـما مَعلوم شنو !! هَالحقيقة خَلتني ما أتهاون ولا أترك ولا أأجل شي اريده ولا أضم ولا أبخل بأي تفصيل وإذا صار باچر هم راح اعتبره فُرصتي واني مسؤول عنها وماكو مَجال للتأخير أو التهاون بأي عَمل حابين نسويه ، يعني بكُل بَساطة تَخيل عُمرك هو يوم واحد فَـخليك عايش هاليوم صَح وبُكل تفاصيله وأستشعر نِعم رب العالمين عليك ."

اجيت اذكرك بكمية الاشياء المؤجله بحياتك .. انتَ عايش مرة وحدة اتخذ خطوة تجاة كل الأمور اللي خليت تنفيذها بعدين بحجة انو حتلحك ! خليك شجاع كدام نفسك وأبدي بالخطوة الأولى بمزاجك مهما چانت صعبه احسن من مابعدين الوقت يفرض عليك تسويها وتكون عكس رغباتك وتحت ضغط انتَ مو كادر تتحملة .

راح تكون انسان مرتاح من تتعلم تكول لا لـ كُل شي ماتريدة .. شعور مو مُريح راح يلازمك من تسوي اشياء انتَ متحبها بَس علمود المُقابل يكون راضي !! وهو اصلاً بألاساس ما حاطك بالخانة يلي انتَ مفكر نفسك موجود بيها ..

مرحلة التعافي تاخذ وقت مو كل يوم راح نكعد من النوم نكون فاهمين نفسنا ومشاعرنا ، يمكن يوم نكعد ونحس انو خلاص اختفى الوجع وتحررت روحنا من عندة وباليوم الثاني نكعد ونحس انو البارحه صار ما راح يكون التعافي بشكل مستقيم ، راح نبقى هيج يروح ويرجع الشعور لحد منتعود .

‏في مرحلة من مراحل السلام النفسي اسمها معرفش ومش عايز اعرف .

أحب خصوصيتي مع نفسي، وعدم وصول أي شخص لها مهما ظن أنه وصل.!

نتعايش يوميًا بشكل صامت مع كل الأمور التي تستدعي الصراخ .

لتخلي احد ياخذك لبعيد حتى متتعب وأنت راجع لوحدك.

الكوارث مستمرة والمشاكل مستمرة بَس انت إلي تحدد اذا تخلي هالشي يأثر بيك او لا ، و خلي ببالك اذا انت بكل سالفة تتأثر فبالنهاية حتصير حُطام ..

ومّا الحُبَّ ألا لـِ ريال مدريد 🇪🇸.

لحّظة ادراك : آني عُمري مَ تركت لشخص ذكريات سيئة بهدف أنهُ اعذبه بيهن ، كل إلي أتركه هي الذكريات الحِلوه وهاي عذابها يكون أقوى ، مرات أكبر عقاب تعاقب بي الشخص المؤذي هوَ إنك تكون متربي و تخاف الله أكثر من اللازم .