𝓚ُ

‏اعادي من يقول انت وش بك عسى ما باس ‏ احس انه ينرفز شعوري ويغضبها ..

‏احيان اسلم من اجل تأنيب الضمير ‏واحيان لا اسلم . . ولا ارد السلام :) ‏- مدغم ابو شيبه

‏ترى الكلام الزين مثل المفاتيح ‏تقفل به أفواهٍ وتفتح به قلوب ‏والا الكلام الشين مابه مرابيح ‏تخسر به قلوبٍ وتكسب به ذنوب

‏مملوحة الوجه ما ترضى بغير الغزل ‏وتحبّني كل ما علّمتها بـ الجـديـد ‏ ‏حتّى لو اقـول فيها بيت واحد هزل ‏تقول عز الله انّه بيت يسوى قصييد

‏خلي البيوت العامره بالناس ‏ولا تسكنين الا قفص صدري ‏ما شفت شيٍ يخطف الانفاس ‏الا ابتسامة وجهك البدري ‏العين خدرا كن فيك نعاس ‏حتى لو انك قايمه بدري ‏الجانب العلوي يجيب الراس ‏وشلون عاد الجانب الحدري ‏اقري على الزين الفلق والناس ‏يمكن تصيبك عين ماندري .. ‏- جمال بندر

‏حبيبي كل يوم اشوف في وجهك صباح الخير ‏صباح أطيب من ظنون الحبايب في حبايبها

‏يا سيّد الصبح ‏لا من قمت صبّحني!

‏أترك ملايين و انصى واحد ٍ غالي ‏أما قضى لازمي ولاّ حفظ سرّي . .

انا من الماضي جنيت الغرابيل ونفسيتي دار الفرح غادرتها .. تضيق بي الارض الوسيعه طفيليل لا قللت شمس الغروب سفرتها ماني بداني تالي العصر والليل كم فرحة ذالحزتين آدمرتها آسج لكن لاوطيت المداهيل مافي العيون من الدموع آنثرتها

على شط السهر والليل يسكب ظلمته بدلال تقهويت السهاد وقمت أهيّل وحشة سنيني

شارد الذهن وافكاري تعيد المشاهد في هذاك المكان اللي تمره وامره جالس اجاهد الدنيا واهلها واجاهد .. وصلك المنقطع وطيوفك المستمره

لا ضاقت الدنيا قل الحمدلله حتى و لو انك من الوقت هايم ما خاب من هو يحسن الظن بالله و ما ضاق صدر يذكر الله دايم

سرى الليل والذكرى ثلاثية الابعاد بعد ما تغيب الشمس تبدأ طواريها على الساعة الثنتين في وقتها المعتاد عسى الله يعين اللّي سواتي يعانيها حنينٍ على الماضي وشوق وعنا وجهاد وجمرة غضى لا هبّت الرّيح تحييها يا كم ذكرياتٍ نزفها فالحنايا حاد لو اتصنّع النسيان مانيب ناسيها

ما بعد سيح المدامع وتلويح الكفوف الا دمّاح الخطايا ومسّاح الصور :( - شامان بن وقيّان

وتذكر يوم اعذرك وانت لا صادق ولا معذور أدورلك عذر وأصدقه وأكذب احداقي وبعد هذا رحلت ولا بقى الا بيتك المهجور والا ياكبرها لا من رحلت ومنزلك باقي :( - محمد جارالله السهلي

كلٍ عنك رااااضي

انا كل ليل اجلس مع جنودي العشرين اضحي بهم بـ اسراف واحد ورا الثاني يدور الزمن ماعندي لصدمته تأمين وعلى دورته مايعطي الدرس مجاني مع اني عدو التهلكه واكره التدخين وحسَبته بعد فرقاك من حسبة اخواني - ناصر بن احمد

اصطفي بك رادي الاسماع وابهج بك عيوني . .

كل ما اشيّد من احلامي مقاصير وعماير لا انتهى ليلي . . تصبحها مراسيم الازاله قصةً تبدا من الضيقه اليا نثر العباير مالها تفسير في علم البلاغه والدلاله - سفر الدغيلبي