شعر

شيعوضني الدمع وانا الخسرته هواي

أنا جروحي أنبياء بس أنبياء هواي متى يبعث محمد حتى يختمهن

تغير هواي الشكل إلا اكول الاسم يلا يعرفوني

جنها هالمرة صدك متفاركين اليوم اودي وين كل هذا الحنين

جنك فاتحة سادة ازدحام اعليك

لا يا شريط العمر يمرايتي تهدي شيسوي هذا الگطن ع الليل متبدي

هذا آخر لقاء وياج راح يصير كلمن بينا خلي يسولف العنده والباب الفتحنا بالضحك ياحيف بدموع الفراك ثنينا نسده من كتيلي احبك ورده كتلج هاج طلع مو حب صدك رجعيها للورده أنا بكد الترافه وانتي كد الشوك كلمن بينا خيحب واحد بكده

يمكن مو هالمرة يمكن الخير مجان بهالسنة يمكن لو ناجح تتأذه تتأذه بنزول معدلك تتأذه انو ماكو كلية تقبلك تتأذة بالدرجات الغير كافية انت مراح تحس ب الاذية اول يومين لان ناجح وخلصان من السادس بس بوكت تقديمك ومن تشوف ماكو قسم زين ممكن تكمل مستقبلك ب اتجاهه هنا حتكون الاذية ف خلينا نعرف من هالباب ( وعسا ان تكرهوا شيئ وهو خير لكم ) واكيد رب العالمين كاتب كلشي ومقدر الوصول من عدمه ف الحمد لله على كل حال الاعادة مو نهاية طريق او فشل هيه سعي واستمرارية 🤍

حتى من گتلي احبك چنت مـا احس بأمان وچنت ادورلـي ببرودك عَن حنان شقدمتلي ؟ وعشت يمك بإمتنان تأخرت من افتهمتك فات جرحك بعد ما فات الاوان

يجوز اگلك عاشگك بالليلة هاي وما اريد الگاك من يلفي النهار يجوز اگلك عوفني وسافر بعيد وتلتفت وتشوفني اركض عالقطار مرة اعوفك تضحك ويمك غريب ومرة إذا شفت النده يطخك اغار

مِن تقوي گلبك وانت مَجروح مامهتم تبين وانت مُهتم مِن تبتسم بس بداخلك نوح الدموع اباب عِينك سكتة تلتم تضطر تمشي ولكُن انت مُكسور عِزة نفسك تبررلك الهم وراها تِعيش لكُن گلبك يموت وأحساسك الطيب يبدي يفهم .

اليوم الگط جروحي منك حتى اطيب مثل ميلگطون جكليت الصغار

احنا ثنينا رحنا من ادينه بدينه بغلطة وبغلطة انتهينه مشهد مؤلم الجان اني بروجه غرگان وانت گبالي لكن ع السفينه

أصفَن واباوع عَالصُور ومخَلي عِيني بعينَك الگاك تضحَك وأبتسِم أبچي واگُلك وينَك يمعَود بهاي الصور چنّه أحنا المضحگينَك .

رديت مُو من الصَفر حتىٰ الصُفر ما يبدَي رَديت منك مِنگسر والبال أبد ما يهَدي جَندي ورجع من مَعركه وخسران كلشي العندي

لا تقتربْ منِّي لقد ماتَ الذي ‏ما بيننا والآنَ حقّاً أكرهُكْ ‏كم كنتُ أقدر أن أردَّ لكَ الأذى ‏أضعافَهُ! لكنّني لا أشبهُكْ