شعر شعبي 📖

حبنَي؟ مو بس بالسوالف السوالف ماتهمني المواقف الي تحدد وانت بيهن فشلتني .

مَن تالي جاي تريد تبريني وابريك ؟ يا ذمَه وانا شموع عمَري انطّفن بيك

ترجع مغيم حِزن وتمد حسرتك يطيح ليل الله ضوة تبين دمعتك تبچي وتگلب الرسايل لا هلك يدرون بيك ولا حَبيب الينكسر گلبه عليك ترجع تگلب سنينَك تبچي حَد ماتغفى عينك

جّربته البُعد عنِك صعُب، وهوُاي اذاني وصعُب لمِن اضل ويِاك واحسك عِندك بشَر ثاني

أنه خايف تجيني ٫ بوقت تلكاني بس طاري .

بعَد لَتوَدي طيفك ليلي مابي شوگ أجاني وباب جفني بوجهَه سديته آنة من الورد ظليت أضُم الشوف لأن كلش يشبهك مَا شتميته .

حَرت شكتب كلام يمثل أحساسي ياحُبي وحناني وشجرة أنفاسي يا روحي العزيزة وَالما أملها بيوم يا رمَز المحبة وَيا اعز ناسي

افرزن ريحتك من يا درب مريت اليجي مشتاگ يثكل والهوىْ يدفعه أختصر كلشي وأطول من أريد أنساك وأحس كل صبح بارد وجهك يتبعه

العلي سألوك هم سألوني واحتاريت سويتك نبي وگلت انجبر حگّه .

إخذنِي وياك أريدك أريدك ما إريد الـ غـير وكون بسَدك أگعِد وأگعد بسدي لتخليني وحدي منين اعرف الناس لأكدر اعاشر لاخلك عندي أحِب شلون ! غيرك من أَودّ شلون اني وياك كلش خلصت ودي

مِحتاج نِكعد سِوة و أحچيلَك شِكد خِفت مِن رأحَت عيونَك و مِن گتلي خَل نِلتقي صَدگني مَرني القَلق أبديلَك بِيا بَچي مِن تِسأل شِلونَك .

دليتك عَ الفرح يالعلمتني البچي ولو تدري يا صاحبي صدري شكثر بي حجي من كثر ما مبتلي لساني بسكوته اكفته مشكور ما قصرت فضلك بيش اوصفه؟ بصدري غرزت الرمح وتحطلي سم على الجرح وتكلي بيه الشفة !

مالوك ع غيرك بس عليك فصال أذوبن بيك جن بيدك مسويني أصبر الروح بأسمك من يضكها الشوك وأبرد من جمر طاريك يجويني ولأن رسمك بنصها وخفت لا تنباك شبكتك برمشي وخيطت عيني يا شوغة جروحي أستاحش بلياك مدمن ع النوايب فدوه بجيني