مَكْمَن

ما سرّ نفسي مطلع اليوم الجديد ألقي بها لـ التهلكه لين هلكت غطّى على شوق الوعد، خوف الوعيد أضحك على أحلامي كن أحلامي نكت! تدري صباحات الرياض إنك بعيد ضحكّتها مره و لا عاد ضحكت :(

‏سيّد الليل و أنفاس الفجر و المغيب ‏من شرا شوف عينك ما شكى غشّها ‏لو عصافير حيّك ما تشوفك حبيب ‏ما بنت في نوافذ غرفتك .. عشّها

كل شيء إلا شعور الحزن لا ينتابك مستعد أرسم لك الأيام و ألوّنها :)

‏كل ما دنّقت شمس العصر لـ المغيب ‏صار فـ الصدر من شوف الظلام غلقه ‏فاقدٍ لي رفيق و فاقدٍ لي حبيب ‏و هاجرٍ لي ديار و ساكنٍ منطقه ‏صار وجه الحزن تال الزمن وجه ذيب ‏جرح نابه مكين و شوفته مرهقه ‏دوروا لي حلول ودوروا لي طبيب ‏وجهة الصبر كل أبوابها مغلقه

‏تناثر التبغ مدري طاحت الكاسه ‏تساقط شعور مدري فاض له مدمع ‏لبس عباة أصمعي قلبه و نوّاسه ‏و في لغز الأيام من مبطي و هو يرمع ‏لا كبّر الشعر ثم صلى فـ قرطاسه ‏في سفرة الحزن ما يقصر و لا يجمع

‏وش الصبح لولا وجهك و ثغرك البسام؟

‏كحلّت عين السهر و أبدعت في موقه ‏محابري من سديم الليل و إسهاده :(

#قصيدة_الليلة ما يحرك خاطري طاري و لا هرج المفوّه و الشعور اللي عليه أنهي السوالف و أبتديها التواضع و التغافل و التسامح و المروّه ما يذوق المجد رجالٍ مفرط في حديها كل ما أفادي، أفادي لـ أجل دين و لـ أجل خوّه هذي الثنتين تستاهل علشان أفتديها من سمعت اللي يقول اللي يمر البال سوّه ما حسبت حساب لـ الضيقه و لا شيءٍ يليها الشعور اللي مع العاشق و ينمو مع نموّه كل يوم تحدّني نفسي لـ دربه و أحتديها من غلا اللي مرقب أحلامي تعلّت في علوّه غاليه و الغاليه وشلون ما أخسر و أشتريها الفرص من قدرها تقرب مثل : قرب العنوّه ما سمعت إن الفرص جتها و طارت من يديها الهنوف اللي خذت عقل المهوبل و المدوّه كيف ما تجذب شعور اللي من اللهفه يجيها؟ دارها لو طمع فيها من معه حيله و قوّه بـ العيون اللي مثل حد الهنادي تحتميها فاتنه بـ اللون الأبيض و السماوي و المموّه كل لون إن جاء عليها زان، بسم الله عليها الدلال أطوعه و إلا الشموخ تصيد جوّه و الفخر كنّه على باب الرجاوي يحتريها لو تزوجها البخيل تمرّجله و تشب ضوّه خل عاد عيالها اللي يعرقون فـ والديها العلاقه بيننا ماهيب عرضه لـ المشوّه ايه أنا اللي مت منها و ايه أنا اللي مت فيها لو يرجعني الزمن ما أحترت في ليته و لوّه كنت ابيها و كبرت، و أنا كبرت و صرت ابيها ما جعلني أترك الدنيا و أقول العمر توّه غير يوم إنها تفضلني على مما لديها .

من متعة اليوم ذكرى الأمس تسرقنا مشتاق لـ أيام فاتت ودّي أعيده يقال: دنيا تدور بـ وقت تجمعنا ما أتوقع إنها تدور و باتله سيده

على مطيح الحظ ما أخترت السكوت ‏الله عطاني صبر و أعطاني .. عزم ‏أبقعد أحاول ، أحاول لين أموت ‏ما ودي أرجع و أشعر إني منهزم

‏نامي و خلي العالم بـ حيره ‏رضاك، يا صعبه و يا سهله ‏الصبح ما يصبح على خيره ‏إلا لا صرتي أنتي من أهله !

وشلون أرجّع معك ضحك الزمان الرحيب؟ و لـ الضيق بين الضلوع العوج مستعمره خلاني أحسد مطيح الشمس يمّ المغيب و على شعور السكون أحسد هل المقبره الناس ما تدري إن القلب الأبيض يشيب و إن شاب كل القلوب الخضر تستنكره

‏يوم أصبحت لـ الشمس غنى لها المجد لفّت شعرها في يديها و قامت .

الليل لا خيّم علي سكوته و أطلق على هجوسه المفلوته و الريح تأكل من بقايا صبري و تطق فوق ضلوعي المكبوته صفيرها لا من غشاني كنّه صرخة ضعيفٍ قدّموه لـ موته و الليل هذي عادته يشغلني يسرق من حروف الضعيّف قوته معزوفته مع كل نجم أسمعها متقسّمه هالدمع نوته .. نوته تطري لي اللي ما قدرت أنساهم اللي جفاهم ساعته ممقوته ودي أثرثرهم و لا ابقى ساكت الساكت أخطر قنبله موقوته و اللي تعيش الذكريات بـ قلبه ؟ دايم مواعيد الحياة تفوته :(