تجارب طلاب المكافح

https://t.me/cit223/4831

الحمدلله على تمام الوصول 🤍 وأخيرًا وصلت لنهاية رحلتي في القدرات، رحلة كانت مليانة تعب ومحاولات وسهر وشكر خاص لأستاذ مكافح، فعلًا ما قصرت معي، شرحك وتوجيهك ومتابعتك فرقت معي كثير. استفدت من الدورة بشكل كبير، وما ندمت أبدًا على اختياري لها. شكرًا مكافح، كنت جزء جميل ومهم من رحلتي في القدرات.

الحمدلله الذي يسر البدايات وبلغنا النهايات اليوم وصلت لنهاية الطريق نهاية طريقي في القدرات واقدر اقول فخوره بنفسي ، الفضل لله ثم سهر الليالي … شكراً لكل من دعمني ، شكر خاص لاهلي الي عطوني الثقه ولكل من دعمني ومن لا يشكر الناس لا يشكر الله شكراً استاذ مكافح 🤍. شكراً لان ماقصرت وجهتني وساعدتني ، تابعت شرحك للتاسيس والتدريب ، تعلمت واستفدت من الدوره واقولها بكل صراحه مو تسويق .. ماندمت على كل لحظه وكل ريال دفعته لدورتك ، شرح هادئ ورايق وقصير

اكيد اكيد اشتقتوا لدرجات طلابنا 😌.. Soon⏳⏳⏳ …

بديت تأسيس مع اكثر من مصدر وكنت متشتتة وما افهم مع احد لين طلع لي المكافح بالصدفه واشتركت معه والحمدلله كان افضل مصدر اول محاولة اختبرت بتأسيس بس بدون تدريب وذي غلطه وما كانت درجتي مرضية فنصحني المكافح اعيد التأسيس ومشيت بنصيحته وبديت تدريب معه وشرحه بالبنوك كان رهيب ويشرح بالتفصيل وحتى بالتيليجرام كان متجاوب يعطيه العافيه ويساعد اختبرت محاولتي الثانية الحمدلله جتني من اسئله بنوكه نسخ لصق وان تغير بس الارقام وارتفعت درجتي بالكمي كثير بفضل الله ثم بفضل شرحه انصح فيه وبقوه مصدر رهيب للتأسيس والتدريب🔥

( من لا يشكر الناس لا يشكر الله ) اولا شكراااا لك من اعماق قلبي ، بديت بالقدرات من السنه الي راحت وكنت ضايعه حرفيا ولا لقيت مصدر تاسيس كويس جرببت اكثر من مصدر ولا واحد نفعني بدون مبالغه لين شفت تعليق بالتيك يقول المكافح للقدرات وعلى طول خشيت اتابعك وكان افضضضل شي شرح واضح ومفهوم ومختصر حرفيا ندمانه اني ما عرفتك من اول والله يسعدك ياررررب دنيا واخره مثل ما سهلتها علينا ، نصيحتي الاولى والاخيره لا تتعدون المكافح ابد تاسسسو وتدربو منه مصدر موثووووق والله العظيم وشرح جباااار

السلام عليكم أنا كنت ضعيفة جدًا بالكمي وبدايتي كانت مشتتة وما كنت أعرف من وين أبدأ بدأت التأسيس مع مكافح والصراحة الشرح لا يعلى عليه لكن وقتها ما كنت أعرف طريقة المذاكرة الصحيحة ومع ضغط المدرسة كنت أشوف المقطع بدون لا احل او اتاكد اني فهمت فكنت أضيع وقت كثير بداية الترم الثاني قررت أبدأ من جديد بطريقة صح وتأسست بشكل أفضل صرت أوقف المقطع وأحل تقريبًا أخذ مني التأسيس شهر بعدها بدأت مرحلة التدريب وهنا الصراحة طولت معي شوي بالبداية كنت مصدومة جدًا من مستواي وأحيانًا أخطائي توصل ٢٠ وأكثر وهذا أكثر شيء أثر فيني وخلاني أحس إني ما أعرف أحل لكن استمريت وما وقفت ومع كثرة التدريب بدأت ألاحظ إن أخطائي تقل ومستواي يتحسن تدريجيًا جلست تقريبًا أربعة شهور في التدريب وأقدر أقول إن الفرق بين بدايتي ومستواي الآن فرق كبير جدًا وتقدرون باقل براحه بعد فإذا أحد كان ببدايته ويحس إنه ضعيف أو أخطاؤه كثيرة لا يستعجل على نفسه أهم شيء يكون تأسيسه صح ويتدرب باستمرار ويعرف أخطاءه ويشتغل عليها ومع الوقت فعلًا بتلاحظون الفرق

Channel photo updated

أول شيء بديت بالتأسيس من المعاصر، وبصراحة في البداية واجهت صعوبة مع باب الزيرو، وحسيت إن أسئلته كانت صعبة شوي، فكنت أوقف عند بعض الأفكار وأرجع لها أكثر من مرة لين أفهمها. لكن أكثر شيء فرق معي كان شرح المكافح، شرحه فعلًا مرتب وواضح، ويبدأ معك من الأساس ويشرح الفكرة بطريقة تخليك تستوعبها، مو بس تحفظها. عشان كذا اشتركت معه في دورة التأسيس، وأشوفها خيار ممتاز لأي شخص ناوي يبدأ تأسيسه بالصيفية أو من الصفر. أما طريقتي بالمذاكرة، فكنت أول شيء أشغل فيديو الشرح، لكن قبل أشوف الحل أحاول أحل السؤال بنفسي، حتى لو غلطت. بعدها أشوف طريقة الحل وأقارنها بحلي، وإذا كان عندي خطأ أو نقطة ما فهمتها، أحددها باللون الأحمر وأكتب ملاحظة إذا احتجت. وفي نهاية كل أسبوع أرجع لكل الأخطاء اللي علمت عليها وأراجعها وحدة وحدة، وأتأكد إني فهمت سبب الغلط وكيف أحله بالطريقة الصحيحة. هالطريقة فادتني كثير لأنها خلتني أتعلم من أخطائي وما أكررها كل مرة.

اول اختبار قدرات لي رحت كتجربة وجبت في الكمي في الستين، بعدها بشهرين تقريبا كان اختباري الورقي وقررت ابدأ تأسيس وقتها احترت وضعت وبديت اتأسس مع المعاصر، دورت احد يشرح المعاصر ولقيت قناة مكافح للقدرات قررت ابدا معه لان شرحه ناسبني، بعدها اشتركت معه في دورة الكمي شرح المعاصر، بدأت معه واستمريت اذاكر واتأسس واتدرب لين قرب اختباري الورقي وجاني وقتها قلق قوي اني ماخلصت تأسيس دورة المكافح بسبب التسويف كان باقي لي وحدتين اتوقع حتى قسم الهندسة ماخلصته يعني حرفيا تأسيس ماخلصته ويعتبر ناقص فما بالك باقي لي التدريب بغى يشيب راسي وقتها من الهم وقتها توكلت على الله وراجعت بسرعة ملفات وتجميعات المفكر الحمد لله بفضل الله رب العالمين ثم تأسيسي مع دورة مكافح ارتفعت اكثر من 25 درجة في الكمي !!! والشيء والله العظيم ماتوقعته ابدا لاني حتى تأسيس ماخلصته وكان باقي لي مقاطع كثيرة ويعلم الله هذا الكلام انه مافيه اي تحيز او مجاملات قسم بالله تجربتي كاملة والحمد لله رب العالمين

السلام عليكم ورحمة الله وبركاته مساء الخير أستاذ سلطان حبيت أشكرك من كل قلبي، والله ما قصرت معنا أبدًا بفضل الله ثم بفضل دورتك قدرت أجيب نسبة الحمد لله واستفدت من شرحك وطريقه حل الاسئله ماشاء الله تبارك الرحمن وأيقنت أن الأخذ بالأسباب، مع القرب من الله عز وجل، والدعاء، كلها كانت سببًا بعد توفيق الله في الوصول لهذي النتيجة الله يجزاك عنا خير الجزاء، ويبارك لك في علمك ورزقك، ويوفقك ويرزقك من حيث لا تحتسب، ويسخر لك الأرض ومن عليها، ويجعل والديك من أهل الجنة، ويرفع قدرك في الدنيا والآخرة، ويجعل كل ما تقدمه في ميزان حسناتك الله يكثر من أمثالك، وشكرًا من القلب على كل شيء. 🤍

الصراحه تجربتي كانت بالتاسيس كانت مع مكافح تاسيسي قوي بسببك الصراحه لان إول مابديت اذاكر قدرات احترت من منو اذاكر ومحد ناسبني وسبحان الله طحت على قناتك باليوتيوب بالصدفه وبعدها عرفت ان تسوي دورات واشتركت والحمدالله قفلت

وبكذا أقدر أقول انتهت رحلة القدرات مع المكافح، والحمد لله على كل تعب، وعلى كل ساعة مذاكرة، وعلى كل دعوة كانت سببًا في أني أكمل. 🤍 أسأل الله أن يبارك لي فيما رزقني وأن يوفق كل طالب وطالبة ويرزقهم الدرجات اللي يتمنونها وأكثر ولا تنسوني من دعواتكم. اليوم حبيت أشارككم تجربتي بكل أمانة لأن يمكن تكون سبب يطمّن شخص محتار أو متردد وبعد توفيق الله أقدر أقول إن المكافح كان السبب الأكبر في هذا الإنجاز. بكل أمانة المكافح بالنسبة لي هو أفضل معلم للتأسيس والتدريب شرحه واضح جدًا مرتب ويخليك تفهم الفكرة من أساسها بطريقة بسيطة بعيدًا عن التعقيد سواء كان مستواك ممتاز أو متوسط أو حتى تبدأ من الصفر أشوف أنه مناسب لجميع المستويات لأنه يبني مستواك خطوة بخطوة أما التدريب، فهو أكثر شيء صنع الفرق معي كنت أحل بنوك المكافح باستمرار ولما دخلت الاختبار حصلت الاسئله نفسها اللي تدربت عليها في بنوك المكافح اي احد محتار مع مين يتأسس و يتدرب برشحلك المكافح والله كل شي قلته حقيقي وبدون مبالغه ولا تسويق أشكره بعد الله على كل المجهود اللي يقدمه وأسأل الله أن يبارك له في علمه ويوفق كل طالب وطالبة ويرزقهم الدرجات اللي يتمنونها وأكثر.

هذي ثانيه طالبه قفلت بنسبة ١٠٠٪؜ هالشهر نكتفي فيها ؟ طبعاً لا !… اخذوا الطالبه الثالثه الي قفلت خلال هالاسبوع ماشاء الله تبارك الله

ماشاء الله ماشاء الله مثل منتم شايفين ثاني طالب خلال هذا الشهر يقفل معانا مئويه اسطورتنا كانت طالبه في دورة التاسيس ودورة التدريب وماشاء الله قفلت من اول محاولة وارتاحت من القدرات ، وش عذرك انت ؟🔥 مكافح مصدرك الاول في التأسيس وفي التدريب