قصائد مكتوبه

(ويـن هاشـم) ................ ويـــن هاشــــم هالعــــــده كومولها داست اعله حسين شوفـو اخيولها ,,,,,,,,,,,,,,,,,,,,,,,,,,,,,,, ويـن هاشـــم ويـن ماواحــد سمع مادريتــو الصــار والكــون أنفجع احسين راح حسين عجلـو بالفزع وزينـب اوحيـده وتــون لحكولهـا ,,,,,,,,,,,,,,,,,,,,,,,,,,,,,, ياعمـام حسيـــن كومــو ياهلــــه وشــدو اعله الخيل وأتنعـو ألــــه حسيــن ماتدرون طـــاح بكربلــه كومــو وبصولت علـــي طبولهـا ,,,,,,,,,,,,,,,,,,,,,,,,,,,,,,, هــا يهاشـــم ماسمعتـــو بهالخبــر حسيــن سيدكم ابـن سيـــد البشـــر عالتـرب تلكــوه مكطـــوع النحــــر جثـــه والعــدوان تفتــــر حولهــا ,,,,,,,,,,,,,,,,,,,,,,,,,,,,,,,, راح ياهاشـــم حبيـــب المصطفـى وطـاح عالشـاطــي بدركم وأنطفـه بلا كفيـل الظعـــن ياهاشــم صفـه ومالت الحـره برحيـلـــه احمولها ,,,,,,,,,,,,,,,,,,,,,,,,,,,,,,, صعـب كلـش بالحسيـــن ألي جره بس جسد مسلوب ظل اعله الثره وجثتـه بسحـــك الخيــول اموذره عالتـــرب ياهاشــــــــم اتعنولهـــا ,,,,,,,,,,,,,,,,,,,,,,,,,,,,,,,, اتعنــو للمذبــــــوح شيلـــو جثتـــه وأخذو ثاره من الخيـول الداستـــه من السبي خلصو العقيله وعيلتــه زينــب بحاجــة ولــــي روحولهــا ,,,,,,,,,,,,,,,,,,,,,,,,,,,,,,,,, خادم أهل البيت(ع) الشاعر: حيدر كامل العبودي

:تصيح بت عقد الوله… شيبتني كربله ******** عشرتي الليله ويه اخوتي تروح وي طرت الفجر خدري بس هالليله يمي باجـــر يــروح الخـــدر الله يدري شنهـــي بيه يصير لـــو صـــار العصر خاف اروحن كوه منــــهم وامــشي بدروب اليسر ليتني لا اصبحت.. موتت اخواني متت بصبح باجر لاهله… شيبتني كربــــله ******* هاي ليله من الليالي ليلة نياح ودمــــــع حسين بس هالليله يمي وبعد ماضن ننجمع والله وسفه وي اخوتي العشره باجر تنكطع ليله بس نوح الفواطم بالميخيـــم ينسمـــع امنين اجيبنلي صبر… صبح باجر لو يطر ظل دمعتي هامله… شيبتني كــــــربله ********** رحت يم عباس اخويه وكمت احلفه بخوتي موكلت يوم الطلعنه زينب اختــي بذمتي وياك اجيت امن المدينه وانت تحدي بناكتي شلون عني تروح باجر وانت خدري وهيبتي شلون ياحامي الضعن… لون نسوان انسبن ضعني ياهو اليكفله... شيبتني كـربـلـــه ********* جيت يم حسين اخويه كلبي خالفني ورجف حضنته لاچن من حضنته دمي بالشريان يجف كمت اشم عطر الاخوه دمعي هل دم ونزف كلي خويه من اطيحن ديري وجهج للنجـــف صي

📌قصيده مربعه  للحسين ع لليله العاشر من محرم عتاب زينب ع تصيح بت عقد الوله  شيبتني كربله ليله بيها ذبح اخوتي ونار قلبي مسعره 🎤🎤🎤🎤🎤🎤🎤🎤🎤🎤🎤🎤 حسين بس هليله يمي وباجر يطش الشمل ليش من عكبك يخويه ضاع من عندي الامل ولله وسفه بعد اخوتي واني برجاهم اظل ابقه اتانيهم انه    وهمه نومه بلفله بس دمعتي هامله     شيبتي كربله ليله بيها ذبح خوتي ونار قلبي مسعره 🎤🎤🎤🎤🎤🎤🎤🎤🎤🎤🎤🎤 شلون ترضه حسين خويه امشي انه ميسره من عكب ذاك الدلال وجنت خويه مخدره هسه بس الشمر يبره بسوط متني ورمه وياي اطفال ونسه   وحايره وياهم انه يبقى قلبي عد اخوتي  نومه بأرضج كربله ليله بيها ذبح اخوتي ونار قلبي مسعره 🎤🎤🎤🎤🎤🎤🎤🎤🎤🎤🎤🎤 حسين والعباس ظلو نومه بارض الطفوف لا محامي اليحمي عني واني بعيني اشوف حركو خيمنه علينه والعده كامت تحوف الراس شالوهه العده   وانه بعيني انظره صعب يومك يخويه     كلي اشلون اتحمله ليله بيها ذبح اخوتي ونار قلبي مسعره 🎤🎤🎤🎤🎤🎤🎤🎤🎤🎤🎤🎤 اليله ليله وحشه خويه  كثرت عليه الهظام  واني كعدوني بخرابه وحيل محرومه المنام بس رقيه تبجي يمي وحيل كاتلهه الغرام منين اجيبلي صبر    صبح باجر لو يطر بس دمعتي هامله         شيبتني كربله ليله بيها ذبح اخوتي ونار قلبي مسعره 🎤🎤🎤🎤🎤🎤🎤🎤🎤🎤🎤🎤 احسين ياروحي وحياتي لجلك انذرت العمر انت كلها امنياتي يلخذك مني الدهر ليش هسه رحت عني واني كاتلني السهر ابجي من هم العليه   اه من غدر الدهر شفنه منج بس مصايب   شيبتني كربله ليله بيها ذبح اخوتي ونار قلبي مسعره 😭🎤🎤🎤🎤🎤🎤🎤🎤🎤🎤🎤🎤      تمت والحمد لله ✍ بقلمي الشاعره ام احمد شهد الرضوي 🏴أنت المعزى سيدي يا صاحب الزمان ... عظم الله اجوركم💔 ✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿.......

#فزاعيه_للوداع_من_ديوان_مسير_الفواطم_ج٢ ❥━──➸➽❥❂❥━──➸➽❥❂ باچر يطيحون الزلم والوداع هالليله ❥━──➸➽❥❂❥━──➸➽❥❂ الليله وداع اخواني وامصابهم هضماني التمو بصيواني وحسين لم العيله ❥━──➸➽❥❂❥━──➸➽❥❂ حسين لملم عيلته وزينب الحره نادته قبلت نحره وشمته عدها هضم تشكيله ❥━──➸➽❥❂❥━──➸➽❥❂ عدها حزن عدها هضم باچر الحره تنظلم تشكيله بهموم والم وحسين هدمت حيله ❥━──➸➽❥❂❥━──➸➽❥❂ هدمت حيله والگلب وفراگه عليهه صعب ويطيح باچر بالحرب وما واحد ايتچيله ❥━──➸➽❥❂❥━──➸➽❥❂ محد يعينه لو وگع هالليله توديع ودمع باچر الحره تنفجع واعضيدها تبچيله ❥━──➸➽❥❂❥━──➸➽❥❂ تبچي عليه تبقه وتون عگبه تصير ام الحزن وتتراكم عليهه المحن تبچي ودمعها تسيله ❥━──➸➽❥❂❥━──➸➽❥❂ *بقلم ✍🏻خادمة اهل البيت ع* *الشاعرة العلوية مريم النور نسألكم الدعاء الفاتحه الى روح اختي ولأمواتكم 🚫 #اللهم_عجل_لوليك_الفرج #یوسف الزهراء 💔

رباطات هوسه ¯------------------- اليوم محتاره زينب راح اخوها…. اليوم محتاره ------------ طشره الحافر حسين شلون المه.. طشره الحافر ------------ كسرت ظلوعه وخرو الخيله عنه ..كسرت ظلوعه -----**-- زينب غريبه اخلاف عين العباس ..زينب غريبه *-****-*---- حركو خيمها ..حسين زينب تنخاك حركو خيمها ---*--***- جا وين اهلهه.. ام عون تمشي ويجناب جا وين اهلهه *-*----*** وهوسو بيهن… جابو روس الهلهه وهوسو بيهن &----*-*------* هيج تاليها… اختك يبو فاظل هيج تاليها &**-* ياهو يحميها… زينبكم غريبه ياهو يحميها --**-------* مو هودج بهزله… ام عون سلبوها مو هودج بهزله ابو سلام الجابري 🚫 #اللهم_عجل_لوليك_الفرج #یوسف الزهراء 💔

#فزاعيه_نسائية "وين بهالضعينه تريد .. خوية حسين حاچيني" ✺✹✺ـــــــــــــ✽✾✽ـــــــــــــ✺✹✺ وين تريد يالوالي؟ ماشي وبيرغك عالي! ريض و أرحم بحالي يبن امي وبعد عيني ✺✹✺ـــــــــــــ✽✾✽ـــــــــــــ✺✹✺ ريض وين هالمسره؟ كاصد ديرة الغربه يبن الطاهرة الزهره و ارجع لاتوديني ✺✹✺ـــــــــــــ✽✾✽ـــــــــــــ✺✹✺ خاف هناك اشوف الويل ورجعها هلـزلم والخيل ماينفع بعد تعطيل يبن امي وكثر وني خاف بـكربلا تذبني والعدوان تسبيني ✺✹✺ـــــــــــــ✽✾✽ـــــــــــــ✺✹✺ خوية حسين گلبي يخاف من السيف والاسياف وهلال الشهر ينشاف حزنان ويبچيني ✺✹✺ـــــــــــــ✽✾✽ـــــــــــــ✺✹✺ هلال الشهر بچاني شفته وزود احزاني لو طحتوا يـولياني منهو الذي يحاميني؟! تم طلب #نسألكم_الدعاء

قصيده الي فقد علي الاكبر ع وني يارمله وياليله أعله الشباب طاح الاكبر طاح نايم علي تراب ✪ ✪ ✪ ✪ ✪ ✪ ✪ ✪ ✪ طاح الاكبر طاح وني يم علي اليوم. بالميدان افكدكم هلي بت علي تبجي وتون علي الولي طاحت الشبان خويه علي التراب ✪ ✪ ✪ ✪ ✪ ✪ ✪ ✪ ✪ طاحت الشبان نومه بالشمس من العطش والحر يزينب من امس من الحزن والنوح كلبي المنحمس اصيح ياعباس مااسمع جواب ✪ ✪ ✪ ✪ ✪ ✪ ✪ ✪ ✪ اصيح ياعباس يا جعفر و عون ياحبيب ابن مظاهر ويا جون هامت افكاري وحرت بيها الكون اليوم كلبي منكسر عليهم انصاب ✪ ✪ ✪ ✪ ✪ ✪ ✪ ✪ ✪ اليوم كلبي عله الولد يبجي وحزين وعلي المظلوم اليظل ماله معين اه يادنيه وياعيني علي الحسين واحرمتني من اولادي والاحباب ✪ ✪ ✪ ✪ ✪ ✪ ✪ ✪ ✪ بس تعب حصلت طوله ماشفت يبني لكبر يا بعد عمري الحرت للمشيب ويا الكبر ردتك كلت اه ياا دنيه اشبعد عندج مصاب ✪ ✪ ✪ ✪ ✪ ✪ تـــــمـت والحمـــــدللـــه ✍ *الشــــاعره ام آمـــنه* واسالکم الدعاء🌹 شرعا"لایجوز حذف اسم خادمةاهل البیت علیـــــــهـم الســــــلامـــ ======================== . قناة نداء الحسین علیه السلام 🌷قصايد الشاعرة ام امنه🌷

هاا انت اول واحد واخر واحد مايه بمتنه وضل عطشان نافل العيناوي السلام ع حامل اللواء

اليل خيم والخيم حركوها واهل زينب بيها مــايدروها ــــــــــــــــــــــــــ اليل خيم والعقيله ابــــلا والي وينكم زينب تـــنادي ياهـــــلي والاطفال تصيح والون يعتلي وزينب بلايه ويلي ايخلوها اليل خيم والخيم حركوهـا وهل زينب بيها مايدروهــــا ــــــــــــــــــــــــــ شبت بنص الخيم نيرانهـــــا اليل ضلمه ويخنك ابدخانها ومعتلي فوك الهضم تربانـها وزينب إبين العده يضربوها اليل خيم والخيم حـــركوها وهل زينب بيها مــــــايدروها ــــــــــــــــــــــــــ زينب بليل هدعش حيرانه من السياط منالهظم تعبانه شيبت ومن الهضم كبـرانه منهو يمها وزينب يحاموها اليل خيم والخيم حركوها وهل زينب بيها مـــايدروها ــــــــــــــــــــــــــ لمت النــسوان زينب عالتــــرب وكلهن النسوان دكن فد كــــلب وهمت العدوان زينب والحرب والايتام تشردت ضيــعوها اليل خيم والخيم حركوها وهل زينب بيها مـــايدروها ــــــــــــــــــــــــــ تلم بيتام وحرم وبـــــــــليله والعليل الطايح اتـــــــــجيله يبجي زين اعبادها وتشكيله وين باجر هالنسه يودوهــا اليل خيم والخيم حركوها وهل زينب بيها مـــايدروها ــــــــــــــــــــــــــ اليل خيم والكفيل اعله النـــهر وزينب بليل هدعش تشبع قهر اليل ضلمه وماطلع بيها كـــمر كمر زينب راح ويشتموهــا اليل خيم والخيم حركوها وهل زينب بيها مايدروهـــا ــــــــــــــــــــــــــ تشكي للســـــــجاد ودموع التصب عمه كلي شلــــــــون اكضيه للدرب شلون لو صار الصبح وحنه ابغرب وعمتك اعله الهزّل يصعدوها اليل خيم والخيم حــــركوها وهل زينب بيها مـــــــايدروها ــــــــــــــــــــــــــ الشاعر حسام الجنابي القصائد للثواب

حيل ماضل بيها زينب من وكع حامي الضعن تعاين اعله حسين وحده والخيول اتفازعن ــــــــــــــــــــــــــــــــــــــــ فزعت اعله حسين كلها تفازعت عدوانها اتعاين الميتين كلها عالترب اخوانها نادت ومحد وصلها غير بس نسوانها ابطيحت العباس زينب شافت اشكال المحن حيل ماضل بيها زينب من وكع حامي الضعن تعاين اعله حسين وحده والخيول اتفازعن ــــــــــــــــــــــــــــــــــــــــ خويه وينك يبو اليمه حسين زينب نادته حسين مابين وجاها لا رجع شافته صوت من حسين اخيها زينب ولا سمعته وشافت النيران تلهب والخيول اتهاجمن حيل ماضل بيها زينب من وكع حامي الضعن تعاين اعله حسين وحده والخيول اتفازعن ــــــــــــــــــــــــــــــــــــــــ بقت زينب بين اخوها والخيم محتايره تحمي بالنسوان زينب لوتحامي ابداره ما بعد عدها كفيل ولا تصيرن جاره كومن النسوان نادة والخيام اتحركن حيل ماضل بيها زينب من وكع حامي الضعن تعاين اعله حسين وحده والخيول اتفازعن ــــــــــــــــــــــــــــــــــــــــ بين سلب ونار ضلت والخيول الدايره الصارت بزينب يعالم هاي ابد ماصايره صاحت العباس زينب هاي اخيتك حايره كوم ياحامي الضعينه اليوم زينب بالمحن حيل ماضل بيها زينب من وكع حامي الضعن تعاين اعله حسين وحده والخيول اتفازعن ــــــــــــــــــــــــــــــــــــــــ وين تنطي الوجه زينب مادرة وتعذبت لاذة النسوان بيها يوم الخيول اهجمت بين اخوها احسين زينب والعيال اتحيرت والاطفال ويه الحرم تاهن ويتصارخن حيل ماضل بيها زينب من وكع حامي الضعن تعاين اعله حسين وحده والخيول اتفازعن ــــــــــــــــــــــــــــــــــــــــ تنشد اعله حسين زينب تريد شنهو الصاير شافته مصوب وحيد دمه ينزف حاير الجيت الزينب حسين ضل وحيد امناطر امصيبتي وجرحك ياخويه اتكله خويه وتوالمن حيل ماضل بيها زينب من وكع حامي الضعن تعاين اعله حسين وحده والخيول اتفازعن ــــــــــــــــــــــــــــــــــــــــ الشاعر حسام الجنابي القصائد للثواب

يا مصيبة زينب الما تنحمل جور كل الدنيا فوگـها وكتل ــــــــــــــــــــــــــــــــــــــــــــــــ وكلها روس اخوانها تلوح برمح وكلهم عزاز وجرح يذبح جرح تعاين ولا منحر المامن ذبح ميته ريت ولا مشت فوگ الهزل يا مصيبة زينب الما تنحمل جور كل الدنيا فوگـها وكتل ـــــــــــــــــــــــــــــــــــــــــــــــ حال زينب ما مثيل الحالها ويمشي وياها الذبح كفالها مات مو بس انفطر دلالها هدب زينب گام عالعين ايهدل يا مصيبة زينب الما تنحمل جور كل الدنيا فوگـها وكتل ــــــــــــــــــــــــــــــــــــــــــــــــ ناشف الريج ونشف حتى الدمع جرعة المر زينب الما ينجرع هيه طبع امدلـله ومو هالطبع كامت من العين حسرات اتهمل يا مصيبه زينب الما تنحمل جور كل الدنيا فوگـها وكتل ــــــــــــــــــــــــــــــــــــــــــــــــ هيه زينب بالغرب و تغربت فوگ ذبح اخوان وتالي انسبت وتالي من ديره لديره اتعذبت ظلت بغربتها وانحل الشمل يا مصيبه زينب الما تنحمل جور كل الدنيا فوگـها وكتل ــــــــــــــــــــــــــــــــــــــــــــــــ هزل النوگ ويماشيها الشمر زينب ابطرگ العبايه ام الخدر عفا گلبچ زينب اشيحمل صبر اتمنت العباس لو يمها وعدل يا مصيبه زينب الما تنحمل جور كل الدنيا فوگـها وكتل ــــــــــــــــــــــــــــــــــــــــــــــــ حايره وما ينمشي ابعيد الدرب الف يراد لها زينب مو گلب هيه زينب وينها وين الحرب وتالي لبن زياد ودوها النذل يا مصيبه زينب الما تنحمل جور كل الدنيا فوگـها وكتل ــــــــــــــــــــــــــــــــــــــــــــــــ الشاعر حسام الجنابي القصائد للثواب

على حسين الطفل عبد الله مو سهله ضامي وينذبح عبد الله بالنبله ــــــــــــــــــــــــــــــــــــــــــــــــــ بيده حسين شاله امن العطش بيده ولن بسهم العده حزوله وريده بيده حسين ضامي وينذبح وليده ضل حسين حاير ونخطف شكله على حسين الطفل عبد الله مو سهله ضامي وينذبح عبد الله بالنبله ــــــــــــــــــــــــــــــــــــــــــــــــــ مات وماشرب عبدالله ولا كطره وحسين الطفل شايل على صدره ويعاين طفله مصيوب بسهم نحره مصابك يالولد جا محد يحمله على حسين الطفل عبد الله مو سهله ضامي وينذبح عبد الله بالنبله ــــــــــــــــــــــــــــــــــــــــــــــــــ سايل دمه بجفوف الابو دمه شلون يرد الطفل مذبوك لمه ثكل همه على وليده ثكل همه بعد وكت الطفل ياحرمله كتله على حسين الطفل عبد الله مو سهله ضامي وينذبح عبد الله بالنبله ــــــــــــــــــــــــــــــــــــــــــــــــــ يرفرف طير جنه ومنذبح توه بيده حسين شاله وبيده يتلوه يكله يبني واكف على الارض كوه ويرد لمه الرباب هناك متامله على حسين الطفل عبد الله مو سهله ضامي وينذبح عبد الله بالنبله ــــــــــــــــــــــــــــــــــــــــــــــــــ كل ضنها الطفل سالم يرد الها جابه وبيده مذبوح شيكللها ماحصلت ولا كطره لرياكه ويبللها ماشوفه وتمنيت انذبح قبله على حسين الطفل عبد الله مو سهله ضامي وينذبح عبد الله بالنبله ــــــــــــــــــــــــــــــــــــــــــــــــــ ياثمره فؤادي امك يابعد امك تمنيت انذبح عبدالله جاه قبلك ولااشوف النحر مذبوح وبدمك وزينب والرباب التمن ورمله على حسين الطفل عبد الله مو سهله ضامي وينذبح عبد الله بالنبله ــــــــــــــــــــــــــــــــــــــــــــــــــ ياثلث جيدها امك دحاجيها وينه اليوجعك عبدالله دليني وحيده اشلون يايمه تخليني غيرك يابني بيها الدنيه مايحله على حسين الطفل عبد الله مو سهله ضامي وينذبح عبد الله بالنبله ــــــــــــــــــــــــــــــــــــــــــــــــــ الشاعر حسام الجنابي القصائد للثواب

جتال الهجر يابني صعبه الفركه تدريها ياعبد الله اكسره ضهري هاي امك دحاجيها ـــــــــــــــــــــــــــــــــــــــــ دخاچيي ياعبدالله وينه صوابك الماذيك اشوفك منذبح يابني وذابل حيلك ومابيك معقوله انت عبدالله تسكت لمن اتناغيك جنت مااحجي لو اشوفك انت امك تناغيها جتال الهجر يابني صعبه الفركه تدريها ياعبد الله اكسره ضهري هاي امك دحاجيها ـــــــــــــــــــــــــــــــــــــــــ تناغيني وصدلك وكلك يالولد يابني شو ساكت يابعد امك دحجيو لاتعذبني راح ابقه العمر كله وافراكك يأآلمني وبعدك ماعرف يابني امك من يسليها جتال الهجر يابني صعبه الفركه تدريها ياعبد الله اكسره ضهري هاي امك دحاجيها ـــــــــــــــــــــــــــــــــــــــــ يسليني منو يبني لو عيني تصد مهدك وانه الما احمل الفركه شيصبرني من بعدك شنسه وش ينسيني وبعيوني انرسم شكلك العطش قبل الذبح ماذيك روحك وش بقه بيها جتال الهجر يابني صعبه الفركه تدريها ياعبد الله اكسره ضهري هاي امك دحاجيها ـــــــــــــــــــــــــــــــــــــــــ بيك الصار چا شنهو من صاب السهم نحرك ريته يصوب بنحري ودمي يسيل قبل دمك شنهو الماي ماينطوك ويصير العطش همك وغلاةامك يبعد امك روحي الروحك افديها جتال الهجر يابني صعبه الفركه تدريها ياعبد الله اكسره ضهري هاي امك دحاجيها ـــــــــــــــــــــــــــــــــــــــــ ماينحمل جا فركاك ومثلك بعد وين الكه ويوميه انذبح مرات هيج البعد والفركه ماترجع بعد هيهات ياوليدي ويصح ملكه ياعلت هيج فگدك وياطب اليداويها جتال الهجر يابني صعبه الفركه تدريها ياعبد الله اكسره ضهري هاي امك دحاجيها ـــــــــــــــــــــــــــــــــــــــــ من شفتك بعد روحي ماتتحمل صوابك ونحرك من شفت مذبوح والدم تارس اثيابك عبد الله شكثر مالوم ومن يتحمل امصابك ماتت روحي يابني وياك ياروحي انت ويغاليها جتال الهجر يابني صعبه الفركه تدريها ياعبد الله اكسره ضهري هاي امك دحاجيها ـــــــــــــــــــــــــــــــــــــــــ الشاعر حسام الجنابي القصائد للثواب

مايتگابل العباس كلها اتعرف صولاته المايعرفه ايروح بيها وتنتهي احياته واليعرفه اتصير خلف الجيش ختلاته حته الخيل تعرف معنه حملاته والخاف ايتيه مشراده لو طب عباس ابن الساده

للخدام هوسه للخدام توگف باجر الزهره اليخدم بالمجالس واليلطم ويقره والله ابكل مجالس تحظروالحره مبخوت الخدمهم يخدم العتره باچر خادم ايسمونه وشكبره كله الخير من حسين وشكثره والخادم باچر يردونه خادم للزهره ايسمونه

علي الاكبر بالحرب خيالهم وال هاشم من بعد يدنالهم كام طك راس براس جنه عمه العباس وال هاشم من بعد يدنالهم ـــــــــــــــــــــــ علي الاكبر صال طشرها الزلم يشبه العباس منهم والنعم الموت علعدوان خلا ينرسم بالحرب لو طب نار... جنه جده الكرار هوه حيدر بالحرب عبالهم علي الاكبر بالحرب خيالهم وال هاشم من بعد يدنالهم كام طك راس.... جنه عمه العباس وال هاشم من بعد يدنالهم ـــــــــــــــــــــــ علي طبها الحومه كال افنيها اليوم طشار العده نخليها مثل خيبر علي من طب بيها علي الاكبر من بده... طشر خيول العده كام يرجف واحد منخيالهم علي الاكبر بالحرب خيالهم وال هاشم من بعد يدنالهم كام طك راس.... جنه عمه العباس وال هاشم من بعد يدنالهم ـــــــــــــــــــــــ كام ياكل سيفه بيهم من يطب كال اعلمهم علي معنه الحرب يشبه العباس جنه اشكد صعب اليوم كام افنيها... الحومه والي بيها هاي هاشم يلتريد افعالهم علي الاكبر بالحرب خيالهم وال هاشم من بعد يدنالهم كام طك راس.... جنه عمه العباس وال هاشم من بعد يدنالهم ـــــــــــــــــــــــ ينضر حسين العلي سواها راس طكها براس من طباها هيج شبل المصطفى خلاها كال اعلمها الكفر... النجوم اراويها الظهر على هذا البطل هم هنيالهم علي الاكبر بالحرب خيالهم وال هاشم من بعد يدنالهم كام طك راس.... جنه عمه العباس وال هاشم من بعد يدنالهم ـــــــــــــــــــــــ الشاعر حسام الجنابي القصائد للثواب

نزله ليلة 7محرم الحرام جديد ويـــــــــنه شـــــــيال الـــــوى كـــــــلفه صــــارت نــيــــنـوى ___ كلفه صارت ياكمرنه الـحومه كـلفـه ياكـمر وأنتـه خيال المنايــه وأنـتـه خلاسـه الدهر هـذا جـودي ياكفيلي يالله صول على النهـر عالي زودك هايخويه من العطش كلبي نفطر مــن العطـش كلبــي نــجـــوى كـــــلفــه صــــارت نيـــــنــوى كلبي عطشان ونخيتك أنته ساكي الضاميه الحومه من دمهم يخويه حمره خلها وداميه هالله. هالله يابــو فاظل باالجنود الرامـــيه صــول بيــهم ها يـخويه وكـطها كط الراعيه الـضــــــربتك مـــامـــــش دوى كــــــلفــه صـــــارت نيـــــنــوى ___ أقـسم برب الجــلاله وأله أطـحنهــم طحــن شـنهو تعـطش بت علـينه وانه رواي البـجن اليـوم أخلي بآل أمــيه واقـعه بطـول الزمن تذكر الصوله وخزرتـي مني ضـربات البــدن على الــــــذبح الزمــــو ســــرى كـــلـفـــه صـــــارت نيــــــــنوى سيفي يكطف بالــمناحر والــزلم لامو زلـــم حتى لو يكثــر عـــددهم أبو فاظل مايهـــم والشـرد بالحومه خويه مــوتته تصير بحلم الخاطـرج يـختي يزينـب إله أعــدمهم عدم أكــطــــــع أنـــــفاس الــــهوى كـــــلفــه صـــــارت نـــــيـنـوى ____ أدري خـويه وبالمــعاره مـا تثني على العــدو عالي زودك هايـخويه وكفـو مـــنك والكــــفـو وحـــدك بـــدور الاخــوه .أنته عون ويه الاخـو مــن انــدبك يابو فاظـــل ماتكول أنته العفـــو شـــوفـتك تســـوى الـضــوى كـــــلفه صـــــارت نـــــيـنـوى راح أجيب النهر يمج يخـتي يختي ام الخدر شنهو ماي وشنهو ذوله المعـصبج فدوه العمر والله أذلهم من أطبن وأنفــــي أوراق العـــذر أملي جودي من نهرهم وأســحك انه ع الكفر أعــطــــش وســـــــيفي أرتـــوى كــــــــلفه صــــــارت نـــــيـــنـوى ___ الشاعر الحسيني مرتضى مكطوف الموالي

واويلي على العباس +☆☆☆☆☆☆☆☆☆☆☆☆+ واگع علـ النَهر كـافل .. واويلي على العباس يلوَجه البـَـدر كـامل .. واويلي على العباس وبالـعين السَهم نـازل .. واويلي على العباس شمسَوي العَمد بالرأس .. واويلي على العباس +☆☆☆☆☆☆☆☆☆☆☆☆+ الفـَارس لو وَگع للگاع.. واويلي على العباس يتلَـگه الأرض بــذراع.. واويلي على العباس وشلون البَـلايه چفوف.. واويلي على العباس وبعينَـه النَبل ميشُـوف.. واويلي على العباس واسهام الصَدر وسيوف.. واويلي على العباس وزينَــب ندبَـت العباس..واويلي على العباس +☆☆☆☆☆☆☆☆☆☆☆☆+ صَاح بصوت بس مَبحوح.. واويلي على العباس إدركــنـي يا بـَعد الــروح.. واويلي على العباس حسَينه من سمَع هالصوت.. واويلي على العباس ضـاگ النـفس راد يمــوت.. واويلي على العباس والكـــــون أظلــــم بـــعينَه.. واويلي على العباس بَـــعد مـا ينـــدَل حــــسينه.. واويلي على العباس وصاح بصوت يا نبراس .. واويلي على العباس +☆☆☆☆☆☆☆☆☆☆☆☆☆+ راح وشَـــاف چَـــفينَـه .. واويلي على العباس والـــدَم جَـــامد بــعينَـه .. واويلي على العباس گـله يا بَعـد هـل الـروح .. واويلي على العباس لـيش اعله النَـهر مطروح .. واويلي على العباس جـاوبنـي يا وَرد اليـٓـاس .. واويلي على العباس +☆☆☆☆☆☆☆☆☆☆☆☆+ گـوم انـهَض يا نَـفس حسين .. واويلي على العباس خويه أنتَ الضوَه لهَل العين.. واويلي على العباس حــــــسينه نَيـَـــمه بـــحجرَه .. واويلي على العباس وصـَــار يــسَمعه ويـخَـبرَه .. واويلي على العباس حـــسينَـك منگــسر ظَــهره .. واويلي على العباس وحــاطتني يا خــويه النـاس.. واويلي على العباس +☆☆☆☆☆☆☆☆☆☆☆+ عـِــفت ســـكـينَه بالخــيمَه .. واويلي على العباس تنَسـي الطفــل مِن ضـيمَه .. واويلي على العباس عَــــمك هـَـــسه يــــروينَـه .. واويلي على العباس و زينـَـب خــويه تنــتَـظرَك .. واويلي على العباس متــــعَودَه تشِـــم عــــطرَك .. واويلي على العباس إنــهَض يـا شَــديــد البـَأس .. واويلي على العباس +☆☆☆☆☆☆☆☆☆☆☆☆+ راد يــشـــيله للــــخيمـه .. واويلي على العباس گــــله خَـــلني بـالــهيمه.. واويلي على العباس بــمـاي امــواعِـد ســكينه.. واويلي على العباس خـــويه خـَـلني بـــمچاني .. واويلي على العباس خــلصَت خـــويه أيــامي .. واويلي على العباس وفاضَت روحَه والانفاس.. واويلي على العباس

وصلت لطف كربلاء اليوم زينب حايره والقلب مالوم زينب خايفه اومتوجله تصيح بت عقد الوله وصلت لطف كربله اليوم 💔 💔💔💔💔💔💔💔💔 اليوم طب ضعن الهواشم وصل وادي نينوى حسين وعياله وبنينه والحرم كلهن سوى نزلوا الشبان كلهم والكمر بيده الوى نصب بيده خيمتي ذخر عودي او هيبتي نادته والكلب مالوم زينب 💔💔💔💔💔💔💔💔 هلت دموع العقيله يوم وصلت كربله شافت جيوش ال اميه حايطين بهل الفله صاح ابو اليمه اخوته بساع نزلوا العايله شاف اخته بهالوضع تبجي وتهل الدمع لا يجه والقلب مهموم زينب 💔💔💔💔💔💔💔💔💔💔💔💔 🏴وصلت لطف كربله اليوم. زينب حايره والكلب مالوم زينب خايفه اومتوجله تصيح بت عقد الوله وصلت لطف كربله اليوم 💔💔💔💔💔💔💔💔💔💔 صاح ابو اليمه العضيده وقال ياراعي العلم روح يم ضعن العقيله اولا تخليها بهضم ياقمر هاشم بهيده نزل اضعون الحرم وشوف حال ام الخدر اولا تخليها بكدر هاي بت حيدر المعلوم زينب 💔💔💔💔💔💔💔💔💔 وصل يم ضعن العقيله ونحنه يمها الكمر وقال مادام انا يمج مايصل ليج الخطر شحدى واحد يصل يمج وانا ابن فارس مضر صاح دمعج لا يصب دونج اقلبها قلب والنعم صاحت يجيدوم زينب 💔💔💔💔💔💔💔💔💔 🏴وصلت لطف كربله اليوم زينب حايره والكلب مالوم زينب خايفه اومتوجله تصيح بت عقد الوله وصلت لطف كربه اليوم

نزله لتبديل الرايات ع طور سدو درب زواري للسيد فاقد الموسوي *** رايات الصحن بدلوهه بالسوده رجع شهره وابو السجاد شيعوده نجددلك عهد يحسين وياك وأمك فاطمه بالحضره موجوده تلطم ويانه عله الحزو وريده نشرت قميصك بالسمه ام الحسن هالليله **** كل أول محرم عالوعد جينه تظل جمرة خيامك تشتعل ببنه دم يبجي الكلب مو دمعه بالعين يضامي بكربله وإعداه إمسلبينه تريد لطامه فواتحنه ثكيله والخير كله بخدمتك ياتاج راس الشيعه **** إذا شفنه الهلال لكبرك إنطوفه ونكصد للكفيل الكطعو جفوفه نذكر زينب المدفونه بالشام ماتت بس بقت لأخوتهه ملهوفه عمة الساده مابين النواصب راحت سبيه ام الخدر من ذبحو ولياهه **** كل شيعي لبسهن الأسود هدومه يخو زينب الطاح إلوحده بالحومه ألا هل من مناصر نسمع الصوت وإنلبي النداء بروح مهضومه ماحضرناهه للراحت سبيه كافلهه طايح عالنهر متكطعه ذرعانه * نجددلك عهد يحسين خدام وتنعاد المصيبه بينه كل عام ماننساك ابد والله للموت ولاننسه رقيه إتبات بالشام وين أبو فاضل منعوهه الزياره ننخاك ياراعي الوفه إيعجل فرج مهدينه