قَسْوَرَة art

الله ياخذ البشرية

يعني أكو بشر يعرف من البداية انو النهايه راح تكون مؤذيه بس يحاول يقنع نفسه آخر مرة أسوي هلشي وبعدها يعيدها مره ثانيه زين إذا انته تعرفه خطأ وتعرف نهايته وتعرف شكد راح يأذيك ليش تعيده انا من أحجي بهيج مواضيع ما أحجي لأن أشوف نفسي أحسن من غيري ولا لأن انا ما غلطت بلعكس وحجيت بالبداية انا هم مريت بأخطاء وماكو إنسان ما غلط بس لازم نتعلم ونتغير ونصير أقوياء ونصير أقوى من الشي الي جان يضعفنه ويخلينه نطيح لأن إذا كل مره ننطي نفسنه عذر ونرجع لنفس الغلط وبعدين نلوم الظروف والناس والنصيب والأهل والمجتمع ف احنا بهيج حالة مجاي نصلح نفسنا إحنا جاي نطيح حظ نفسنا بيدنا ونبرر لأنفسنه لا أكثر المفروض ما أصير عدو نفسي إذا شي أذاني أتركه ابتعد عنه طز إذا شخص استغلني أبتعد عنه ليش أظل أزك بي إذا طريق خربني وجابلي سمعه مو حلوه أغيره طز بي ليش لأن انا إنسان والله أبدع بخلقي ونطاني شي ميزني بي عن كل مخلوقاته وعندي عقل أميز بي الصح من الغلط ف ليش أستخدم عقلي حتى أبرر لنفسي الغلط بدل ما أستخدمه حتى أنقذ نفسي منه المهم الله يصلح الكل وانشالله كل شخص غلط بحق نفسه يصلح غلطه وكل شخص ماشي بطريق صح الله يوفقه ويثبته

أكو شغلة أتمنى الكل يفهمها فهمو هل شي فهموا زربتو بلواقع ماكو بني ادم بلدنيا راح يضيع نصيبه ماكو خير مكتوب إلكم راح يروح لغيركم رب العالمين قاسم لكل إنسان نصيبه وشريكه وحياته ومستقبله وماكو بني ادم راح يضيع حقه عد رب العالمين ليش جاي تدمرون نفسكم والله العظيم…

أكو شغلة أتمنى الكل يفهمها فهمو هل شي فهموا زربتو بلواقع ماكو بني ادم بلدنيا راح يضيع نصيبه ماكو خير مكتوب إلكم راح يروح لغيركم رب العالمين قاسم لكل إنسان نصيبه وشريكه وحياته ومستقبله وماكو بني ادم راح يضيع حقه عد رب العالمين ليش جاي تدمرون نفسكم والله العظيم جاي أشوف شباب وبنات عوائل وناس أهلهم تعبانين عليهم وبلأخير يذبون نفسهم على أشخاص ما يسوون أشخاص مرضى نفسيين بحجة شهوة أو لحظة رايحه منتهيه لو حب وعشك الله يطيح حضكم وحق تفكيركم بنات بعمر الورد أهلها مربينها وتعبانين عليها يجي فصعون ذكر يضحك عليها انتي لبنيه ليش تعرضين نفسج مفكره من دزين صورج لشخص راح يكول عنج شي حلو شنو راح تحصلين بلنهايه لحظه اهتمام لو كلمه حلوه وبعدها شنو شنو راح تستفادين غير التعب والندم والشاب همين يلزبايل الله يطيح حضكم وحض كبربكم وحض اهلكم الي ما عرفو يربوكم يا خمامات مرخصين نفسكم مخلين حياتكم وسمعتكم ومستقبلكم مربوطين بشخص ممكن يختفي من حياتكم باي لحظه الله يطيح حض كبرتكم ادفهم ليش تخلون نفسكم بمواقف زباله ليش تخلون الحيوان احسن منكم ليش تخلون لحظة ضعف تدمر سنين من حياتكم افهمو محد مجبور يلحك رغبه تجي انتو بشر بشر الله ميزكم عن كل مخلوقاته لاحكين أليسوا وما يسوا عليمن يعني اتمنا الكل يؤمن بنصيبه وحافضو ع نفسكم واحافضو ع سمعت أهلكم وتعبهم عليكم ثقو بالله ومحمد الشي المكتوب إلكم راح يجيكم الشخص الصح راح يجي بوكته لحد يستعجل على شي ممكن تخسرون بسببه نفسكم وحياتكم وسمعتكم اتمنا نشوف جيل يعرف قيمه نفسه وبي خير

مرعبة الحياة والله واقعنا مرعب وما أعرف شنو الوصف الي ينطبق على هذا الواقع المقرف الي جاي نعيش بي يعني إحنا عايشين بين بشر لو حيوان لو شنو بالضبط ما أعرف والله كائنات غريبة تصرفاتهم غريبه وأشياء تخليني أشك بفكرة الإنسان نفسها يعني أكو فئة مقرفة الي هما بيحجون بـ الرحمة وهمه مجردين منها ما يعرفون شنو يعني رحمة بشر غدارين يردون الثقة وهمه ما يعرفون شلون يحافظون عليها يطلبون من غيرهم يكون إنسان وهمهه نفسهم ذرة إنسان ماكو بداخلهم هواي شغلات تخوفني مثلا التصرفات الي صارت طبيعية قتل زنا اغتصاب قال وقيل فتنة تشويه سمعة غدر ونفاق أشياء المفروض تخوف البني ادم بس صارت عادية جزء طبيعي من الحياة ما أعرف والله شنو أوصف مجتمعنا أحسهم كائنات عايشة تتحرك تحجي تضحك تتعامل بس مجردين من الإنسانية يعني فكره تحيرني مو لمفروض الإنسان يكون أعقل وأرحم كائن ليش جاي نشوف العكس ما أعرف شنو اسم هذا الواقع ولا شنو الوصف الي ينطبق عليه الله ياخذ البشرية

شكد يحبنا الله تعرفون من نكون على نيتنه ويا شخص وننطي أمان وثقة عمياء ما يخطر بالنا يوم من الأيام انو هذا الشخص ممكن يغدر بينا لو يسوي شي من ورانا نبقى نفكر ونخطط لمستقبل ويا شلون نخلي مرتاح شلون نوكف ويا شلون نخلي دائما مطمئن وإحنا ما نعرف شنو جاي يصير من ورانا وشنو هذا الشخص جاي يسوي بوكت هوا مو يمنه وبلحظة الله يكشفلنا الحقيقة نصدم ننجرح ونسأل شنو بذر مني حتى الكي وستقبل من هل شخص هيج شي متعب شلون أنا هنت على هذا الشخص وبعد فترة راح يتحول هل شي لنعمه يعني مرات الله يكشفلنه الشخص قبل لا نقدمله الشي الي جان ممكن نندم عليه طول عمرنه يكشفلنه حقيقته قبل لا ننطي فرصة أكبر قبل لا نخسر أكثر صحيح هوا الحقيقة تاذي بس الجهل بيها جان ممكن ياذينه أكثر ف نحمد الله حتى على الأشياء الي كسرتنا لأن يمكن نفس الشي الي خلانه نبجي اليوم هو نفسه الشي الي نقذنه من الم باجر الجبير حمدالله على كل حال

الليل ليس ملاذه الدموع.

اكو حديث للإمام علي عليه السلام يكول (الأمور بالتقدير لا بالتدبير) يعني شكد احنه مخططين وشكد نسعى وشكد نحاول نسوي رواحنه أذكياء ونحسب كلشي بالملي بس بالأخير مو كلشي راح يصير مثل ما احنه نريده لأن أكو أشياء أكبر من تخطيطنا وأكو أمورر مكتوبة إلنه احنه ما نعرفها واكو اكو أمور احنه نشوفها النه بس هيه مو النه وهذا الشي ينطبق حتى على الزواج اكو شباب هواي يخطط ويختار شريك حياة زين ويدقق بكلشي ويسوي روحه حسبها صح وبالأخير ممكن الله يبتلي بشريك مو زين مثل ما ابتلى النبي نوح والنبي لوط عليهم السلام بزوجتين مو صالحات ف مو كلشي نكدر نضمنه بتخطيطنا النبي محمد يكول (الإيمان بالقدر يذهب الهم والحزن) ف احنه لازم نؤمن انو مو كلشي بيدنه هيج راح يخف عنه هذا الصراع الداخلي احنه نسعى ونسوي الي علينه بس ما نضل متعلقين بلنتيجة مها جانت نسعى إي نخطط إي نختار وندقق أكيد بس بعد كل هذا نسلمها لله الله شيكول ﴿وَمَا تَشَاؤُونَ إِلَّا أَنْ يَشَاءَ اللَّهُ رَبُّ الْعَالَمِينَ﴾ وهاي هيه فضت راحت الي علينه احنه نسعى بعقلنا ونختار بوعينا ونسلم كلوبنا ل ربنه الرحيم

ماكو اي إنسان بلدنيا يتمنى الخير إلنه مثل ما ذاتنه وعقلنه يتمنى إلنه فكروا بيها شويه منو أكثر شخص يريد يشوفكم ناجحين منو أكثر شخص يريد يشوفكم مرتاحين منو أكثر شخص يفرح من تحققون الشي الي تعبتوا عليه بعد فتره طويله بلنهايه أنتو ذاتكم لأن أنتو أكثر الناس تعرفون شكد تعبتوا وشكد ضحيتوا وشكد انتظرتوا حتى توصلون للشي الي تريدونه هوا أكو ناس تحبنه وتتمنالنه الخير وأكو ناس تفرح لفرحتنه بس يبقى الإنسان بطبيعته أكثر شخص مرتبط بأحلامه وأهدافه وأكثر شخص يحس بتعبه ونجاحه وفشله هو نفسه اقصد بهل شي الذات ذات الشخص نفسه يعني أنا لا تنتظرون من المقابل أو الناس يشوفون تعبنه مثل ما احنه نشوفه وننتظر منهم يفرحون بنفس مقدار فرحتنه أو يوكفون ويانه بنفس القوه الي نحتاجها ومن ما يصير هذا الشي نزعل ونكول ليش ما فرحلي فلان ليش ما وكف وياي علان هذا شي طبيعي لان المقابل أو الناس عندهم حياتهم ومخاوفهم وأحلامهم هما ما يكدرون يشوفون الأمور بنفس الطريقة الي نشوفها احنه ف لا تربطون سعادتكم برغبة الناس ولحد ينتظر تصفيك من أحد حتى تعرفون قيمة الشي الي سويتو لأن أول شخص لازم يؤمن بيكم هو أنتو وأول شخص يشجعكم هو أنتو وأول شخص إذا طحتوا يوكفكم هو أنتو ليش لان الناس تتغير وممكن تبتعد وممكن حتى تختلف وياكم بس الإنسان يبقى ويا نفسه بكل مرحل الحياه ف تعلموا تكونون السند الأول لنفسكم حتى تكونون دائما الافضل وأقوى علاقة لازم تبنوها هيه علاقتكم بنفسكم

عظم الله أجورنا وأجوركم بمصاب أربعينية الامام الحسين عليه السلام نرفع أحر التعازي إلى مقام مولاتنا الحوراء زينب عليها السلام ونعزي مولانا صاحب العصر والزمان الإمام المهدي عجل الله فرجه الشريف بذكرى مصاب جده الحسين السلام على الحسين وعلى علي بن الحسين وعلى أولاد الحسين وعلى أصحاب الحسين السلام على قلب زينب المكسور السلام على صاحب الزمان المعزى بذبح جده الحسين نسأل الله أن يرزقنا وإياكم زيارته في الدنيا وشفاعته في الآخرة وأن يثبتنا وإياكم على نهج الحسين وأهل البيت وأن لا يحرمنا وإياكم من زيارة الأربعين كل سنة (عظم الله لنا ولكم الأجر والثواب)

الإمام علي عليه السلام يكول (عند تناهي الشدة تكون الفرجة وعند تضايق حلق البلاء يكون الرخاء) يعني ماكو اي إنسان بهل حياه ما عنده مشاكل وهم وتعب ومستحيل يكون أكو أحد عايش مرتاح من دون هم ومشاكل لأن رب العالمين ما خلقنه حتى نعيش بدون ابتلاءات وعثرات الدنيا بطبيعتها دار امتحان يعني يوم النه ويوم علينه يوم تفرحنه ويوم تكسرنه يوم تنطينه ويوم تاخذ من عدنه حتى الاشخاص الي ممكن نشوفهم دائما مبتسمين نفكر حياتهم كامله وما ناقصها شي يمكن بداخلهم حرب محد يعرف بيها غير الله وكل ليلة ينامون وهموم الدنيا عليهم إحنا دائما نشوف الواجهة وما نشوف الي مخفي بداخل الناس ف لحد يقارن تعبه براحه غيره الوهميه لأن كل واحد بينه عنده معركة مختلفه وكل واحد شايل ابتلاء يناسبه الي علينه احنه لازم نعرف شلون نبقى واكفين بعد كل عثره وكل ما تضيك الدنيا لازم نتذكر انو هذا الطريق يمشي بي كل البشر وماكو أحد مستثني من الابتلاء والمشاكل والفرج دائما يجي بعد الصبر ورب العالمين إذا احب عبده ما يتركه يربي ويقوي كلبه ويعوضه بوكت ما يتوقعه

يمكن الحجيه ماره بصدمه أو فقدان وأكيد لولا ما ماره بهل الشي مجان إجه على بالها هذا السؤال لأن من جانب علم النفس احنه البشر بطبيعته ندور عن معنى لوجودنه خصوصا بعد ما نعيش شي يأذينه أو نفقد شخص عزيز علينه كلبنه يلوع ف بلحضه يطلع هيج سؤال ليش الله خلقنه إذا بلنهاية…

يمكن الحجيه ماره بصدمه أو فقدان وأكيد لولا ما ماره بهل الشي مجان إجه على بالها هذا السؤال لأن من جانب علم النفس احنه البشر بطبيعته ندور عن معنى لوجودنه خصوصا بعد ما نعيش شي يأذينه أو نفقد شخص عزيز علينه كلبنه يلوع ف بلحضه يطلع هيج سؤال ليش الله خلقنه إذا بلنهاية راح نموت هل شي يسمونه علماء النفس سؤال وجودي لأن احنه كبشر من نواجه حقيقة الموت أو المعاناة والألم نضل نفكر بكلشي ف يا حجيه الإسلام ما يكول إنو الحياة هي النهاية احنه كمسلمين نشوف الحياه مرحلة مؤقتة وامتحان وبعدها تبدي الحياة الباقية القرآن الكريم يكول: ﴿وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ﴾، ويكول هم ﴿الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا﴾ ف لو جانت الحياة مجرد سمه وأرض وماي وماكو بشر ف شنو معنى الرحمة والصبر والعدل والمغفرة والإحسان هاي القيم كلها ما تبين إلا إذا أكو إنسان عنده حرية يختار بين الصح والغلط وإحنا كمسلمين الموت بمعتقدنه مو نهاية مجرد انتقال من دار إلى دار يعني مثل واحد يطلع من بيت ويدخل بيت ثاني بس الفرق أن البيت الثاني هو الباقي والدائم أما الدنيا ف هي مؤقتة مهما طالت الإمام علي عليه السلام يكول (إنما الدنيا دار ممر والآخرة دار مقر) يعني الدنيا مو هيه المكان الي نستقر بي ومن جانب علم النفس احنه البشر من نعيش ألم أو نفقد شخص نحبه عقلنه يحاول يلكي تفسير حتى يخفف لوعه الفقد ف هاي الأسئلة الوجودية ف هيه مو عيب ولا كفر لأن حتى الأنبياء دعوا الله وسألوه عن أشياء حتى تزيد كلوبهم طمأنينه بس الفرق انو احنه بشر عاديين نضل ندور ع مبررات حتى نوصل لشي يشفي داخلنه