ما وراء علم النفس

عن جابر رضي الله عنه عن النبي صلى الله عليه وسلم قال: «مَنْ قَالَ سُبْـحاَنَ الله العَظِيمِ وَبِـحَـمْدِهِ غُرِسَتْ لَـهُ نَخْلَةٌ فِي الجَنَّةِ».

عن جويرية، أن النبى صلى الله عليه وسلم خرج من عندھا بكرة حين صلى الصبح، وھى فى مسجدھا. ثم رجع بعد أن أضحى، وھى جالسة. فقال " ما زلت على الحال التى فارقتك عليھا؟ " قالت: نعم. قال النبى صلى الله عليه وسلم " لقد قلت بعدك أربع كلمات، ثلاث مرات. لو وزنت بما قلت منذ اليوم لوزنتھن: سبحان الله وبحمده، عدد خلقه ورضا نفسه وزنة عرشه ومداد كلماته"

اللهم إني أسألك من فضلك ورحمتك فإنه لا يملكها إلا أنت.

صباح الخير بفكركم أن ‏"كل إنحناءة تعب في سبيل التعليم هي استعداد لإنتصار مؤجّل." 🤎 #جهاد_بنت_الرضا #ما_وراء_علم_النفس

في رحلتنا مع نفسنا بنتعلم إن القوة مش دايمًا في التحمّل،🥺 أحيانًا في الاعتراف. الاعتراف إننا تعبنا،🥺 إن في أيام بنصحى فيها ومش فاهمين إحنا ليه مرهقين،🥲 وإن العقل أحيانًا بيجري أسرع من قدرتنا على اللحاق بيه. الصحة النفسية مش رفاهية، دي أساس.☺️ أساس إنك تعرف توقف شوية من غير إحساس بالذنب😀، تسمع لنفسك بدل ما تكتمها، وتفهم إن الراحة مش ضعف، دي إعادة ترتيب من الداخل. مش مطلوب منك تكون قوي طول الوقت،😔 ومش مطلوب تشرح وجعك لكل الناس.🫤 يكفي إنك تكون صادق مع نفسك،🫡 وتديها حقها في الهدوء، وفي المساحة،🤗 وفي إنك تحبها حتى وهي مش في أفضل حالاتها. النفس لما تُحتوى بتتعافى،😍 ولما تُهمل بتطالب.🫣 فاختار تحتوى نفسك قبل ما تطلب منك التوقف.🤨 #ما_وراء_علم_النفس #جهاد_بنت_الرضا

الراحة مش كسل، الراحة علاج. واللي بيستنزف نفسه من غير توقف بيكسرها بإيده. #جهاد_بنت_الرضا

السلام عليكم ورحمة الله وبركاته اخباركم يا جماعه اتمني تكونوا بخير في واحده معانا جوزها اتوفي من كام شهر وهو شغال وقع من السقاله  ومفيش معاش وعليها ديوان حوالي 18 الف جنيه وعندها من الاولاد اربعه تعبانين وبتعملهم جلسات ومصاريفها زادت والناس اللي ليها فلوس طبعا مش ساكته اللي يقدر يساعد باي حاجه يبقي جزاكم الله خيراً وبارك الله فيكم جميعا يارب للكاش 01017198449

القوة الحقيقية مش في الظروف اللي بنمر بيها، لكن في الطريقة اللي بنفكر ونفسر بيها كل حاجة. 💡 علم النفس بيأكد إن العقل لما ندربه بيبقى أقوى سلاح ضد الإحباط والخوف. السيطرة على النفس هي أعظم انتصار يقدر يحققه الإنسان. السلام النفسي مش غياب مشاكل، لكنه فن التعامل معاها بوعي. خلّي بالك: عقلك يصدق كل كلمة بتقولها لنفسك، فاختار كلماتك بعناية. 🌿 #جهاد _بنت _الرضا

"إن ضلَّ قلبي، فقلبي أنتَ تعرِفُهُ أو كانَ ذنبي عظيمًا أنتَ غفَّارُ"

" لا تحزن إن الله معنا " قد لا يكون معك أحد ولو خذلك كل أحد ولو تخلى جسدك وصحتك وقوتك عنك لا تحزن. الله معك.

. "الأمان النفسي هو أن تشعر بأنك تستطيع أن تكون على حقيقتك دون خوف من الحكم عليك." — من كتاب العلاج بالقبول والالتزام صباحك أمان😍 #جهاد_بنت_الرضا

الأمان… إحساس إنك لابس شراب دافي في شتا برد😵‍💫 عارفة الإحساس لما تكون قاعد في بيتك والدنيا برا شتا ورعد، وإنت متغطي بالبطانية ومعاك مشروب سخن؟😊 هو ده بالظبط "الأمان" في علم النفس، بس على مستوى الروح والعقل. 👈🏻في نظرية ماسلو، الأمان بييجي بعد الأكل والشرب على طول. يعني قبل الحب، الشهرة، أو حتى السفر، دماغك عايز يتأكد إنك مش هتصحي تلاقي حياتك قلبت فيلم رعب.👉 أنواع الأمان (نسخة الحياة اليومية) 1. الأمان الجسدي: زي لما تمشي في الشارع وانت عارفة إنك مش هتقابل عربية طايرة فجأة.😳 2. الأمان النفسي: إنك تحكي سر لصاحبتك ومتبصيش تلاقيه "تريند" على الفيسبوك.😔 3. الأمان المادي: لما تروح تشتري حاجة من البقال وأنت متأكد إن الفلوس هتكفي، مش هتضطر تحلف للبقال إنك هترجع تكملّ بكرة.🌝 4. الأمان العاطفي: إنك تكوني مع ناس تقدري تقولي اي حاجه في اي وقت من غير تفكير كتير ومبررات اكتر 😟 الأمان ودماغك… قصة حب♥️ الدماغ عنده "جرس إنذار" اسمه اللوزة الدماغية، شغلتها تقولك "خطر!"، ولما تكوني في أمان، الجرس ده بيسكت، وساعتها تلاقي نفسك قادرة تضحكي من قلبك، تاخدي قرارات بهدوء، وتنامي نوم العوافي. لكن لو الأمان مش موجود، دماغك بيبقى عامل زي قهوة مغلية على النار طول اليوم—توتر وقلق وصداع.😟 غياب الأمان يعني… بتعيشي على أعصابك، كأنك مستنية إشعار "مصيبة جديدة". ممكن تلاقي نفسك بتشكّي في كل الناس حتى لو جابولك شوكولاتة.🧐 العلاقات تتحول لمعركة مين يطمن التاني أكتر.🤨 وصفة بناء الأمان احاطي نفسك بناس قلبهم عليك مش عليكِ. خلي مكانك مريح حتى لو هو ركن صغير في البيت. واجهي مخاوفك واحدة واحدة، مش لازم قفزة بطولية. حطي حدود، عشان الأمان يبدأ من احترام نفسك. في الآخر، الأمان هو المفتاح اللي بيخلي باقي أبواب حياتك تتفتح… من غيره، كل حاجة بتحسّسك إنك واقفة على أرض مهزوزة. #جهاد_بنت_الرضا

🧼 "أنا مش مجنون… بس غسّلت إيدي ١٧ مرة علشان أطمن!" لو بتراجع الباب بعد ما تقفله ٣ مرات… وتتأكد إن البوتاجاز مقفول وانت أصلاً ما طبختش… وتعيد الصلاة علشان شكيت إنك نسيت آية… فـ غالبًا انت بتلعب في دوري الوسواس القهري… بس بلطافة 😅 🧠 علم النفس بيقول: الوسواس القهري مش معناه إنك مجنون، هو اضطراب بيسبب أفكار متكررة وقلق… والعقل يضطر يكرر تصرفات علشان يهدّى نفسه. بس المشكلة؟ كل ما تطاوع الوسواس، كل ما يبقى أقوى… يعني عقلك بيقولك: "اتأكد تاني"، وانت بترد: "حاضر!" وبكده، هو اللي بيسوق وانت راكب في الكنبة وبتبص من الشباك! 🎯 الحل؟ تبدأ تقول لنفسك: "أنا سمعتك يا وسواس، بس مش همشي وراك النهاردة." وتسيب الباب… مقفول ولا مفتوح؟🤔 خليها على الله، هو الحافظ 🙌 #ما_وراء_علم_النفس #جهاد_بنت_الرضا

📘 غادة السمان: > "نحن نحب الأشخاص لأنهم يشبهون شيئًا داخلنا، لأنهم يُشبهون فقدًا قديمًا… أو حلمًا لم يكتمل."

📌 تحليل إجابتك لما بتتعصب… بناءً على علم النفس 👇 لو اخترت: 🔹 (1) بسيب المكان وبمشي إنت شخص بتحاول تسيطر على نفسك، وما بتحبش تنفعل قدام الناس. غالبًا عندك وعي كبير بسلوكك، وبتفضل تهرب بدل ما تقول كلام تندم عليه. بس خليك حذر… كبت الغضب بيخزن طاقة سلبية جواك. --- 🔹 (2) برد عليه فورًا إنت شخص صريح، مش بتحب الكتمان، وغالبًا بتاخد حقك في ساعتها. عندك ثقة في نفسك، لكن لازم تتأكد إن رد فعلك مش مؤذي. الانفعال مش ضعف، بس التحكم في الانفعال قوة. --- 🔹 (3) بسكت… بس جوايا نار إنت بتحاول تكون متماسك، بس الغضب بيقعد جواك. ده ممكن يخليك تفكر في الموقف كتير بعد ما يخلص. نصيحة؟ جرّب تعبّر عن مشاعرك بهدوء، عشان ما توصلش للانفجار. --- 🔹 (4) بضحك وأغيّر الموضوع إنت دمك خفيف وبتحاول تهدّي أي توتر. غالبًا شخص محبوب وبتحب السلام. بس خد بالك، ما تخليش الضحك يكون وسيلة لهروبك من التعبير عن مشاعرك. --- #جهاد_بنت_الرضا

🧠💥 لما حد بيعصبك… بتتصرف إزاي؟ بصراحة كده ومن غير تجميل… اختار إجابتك وقولي في الكومنت 👇 1️⃣ بسيب المكان وبمشي 2️⃣ برد عليه فورًا 3️⃣ بسكت… بس جوايا نار 4️⃣ بضحك وأغيّر الموضوع كل اختيار فيهم ليه معنى نفسي… وهقولكم التحليل في البوست الجاي 🎯 مستنياكم تشاركوا بصراحة ✨ #جهاد بنت الرضا 😌

مساء الخير 😍 اي رايكم تحبو اول موضوع نتكلم عنه يكون اي 🤔🤔

✨ أهلًا بيكم في "ما وراء علم النفس" ✨ هنا المساحة اللي هنهرب فيها شوية من دوشة الحياة🌝… مساحة فيها هدوء وفهم أعمق لأنفسنا.😊 أنا جهاد، خريجة آداب علم نفس – جامعة حلوان. بحب الهدوء اللي يخليك تسمع صوت أفكارك بوضوح بحب الكتب اللي تاخدني لعوالم جديدة 😵‍💫 وبحب الرياضيات اللي بتعلّمني إن كل حاجة في الدنيا ليها نظام حتى لو باين العكس.🤫 والأهم… بحب الحياة نفسها بكل تفاصيلها الصغيرة.🥰 علم النفس بالنسبة لي مش مجرد تخصص.. هو عدسة بشوف بيها العالم. هنا هشارك معاكم اقتباسات، تأملات، وأسئلة يمكن تخلينا نفكر بشكل مختلف أو نلاقي إجابة كنا بندور عليها من زمان.😊🌝 مش هكون جدية طول الوقت – لأن الضحك جزء من فهم الحياة برضه والحقيقه أنه جزء من شخصيتي😌. يلا نبدأ الرحلة سوا… ما وراء علم النفس. 🌿 هل انتم جاهزون يا رفاق 🫣🤭

Channel photo updated

Channel name was changed to «ما وراء علم النفس»