مُحمَّد

مفتره وياي بشكل مو طبيعي اسوء سنة هيه هاي والله مادري منين تتلگاها

والله مادري شبيها الدنيا

الوجَع هَدّني الجِسم من كُل مكان يصِيح خُلصت طاقِتي وتَعبان ما انكُـر يوميه بحَياتي أنصِدم بالأحداث انهِدم حيلي وبعَد مابيّه حَيل احـزِر؟ ماچِنت ادري الظُروف تغَيـر الأنسان مَصدوم شكـثُر يا انهَ متغَيـر!

اريد ابچي على صدرك مشتهي النوح واريد اگعد گبالك وأحسب جروح بيَّ نار و هيَ مو كُل نار نار ابچي مايطفر دمع يطفر شرار

تدرِي شكثِر تانيت مِن گتلي تاني رد يوسف ليعقوب وانا بمُكاني..

أنا أصبحت چتال وانت الضحية ؟ چاي هيَ بالمگلوب چا هيچ هيَ

هاي هيه وداعتچ لا تستحين دوسي فوگ الراح ألعبي واعديني ولا تجين حبي غيري تشاقي أضحكي صاحبي وحقچ يحلوة تصاحبين انتِ مو أول حبيبة تشرح بسچينها هدوم السنين صير يا زرع العُمر شتلة ونين مو عجيبة تموت گطرة ندة بخد الياسمين أنتِ وين وآنه وين

ماتت ضحكة ايامي وچفن حسرات لف روحي ولياليها

لا أكدّر اضْمهن الا افضفضهن لا مَيت ولا خلصان من عَدهن انه جروحِي سُوالف بيت مَا أكدَر اطلِعهِن

طاحَن بالخَريف اوراقَي گلت تهوّن تانيّت الرَبيّع و طاحَت الشَجرة أجر بيّها بسَناسَل ما اجَت وياي وَيّ الغَيّر اجَت بخيّوط بَكرة .

عشر ايام مشايف هلضحكة عشر ايام ممخابرتني عشر ايام مكايلتلي حمودي جيبلي حب او حلويات عشر ايام واني ممستوعب راحت وبعد ماشوفها عشر ايام ممصدك بعد ماسمع كلمة يمة عشر ايام ممشتم عطرها عشر ايام مكاعد وياها ع الريوك احسب يوم يوم واليوم يصير سنة علية بدونها

راسك مِن تِعَلا فوگ الرِماح ضَلّ راس الزَمن لليوم نازِل

واتلكه اليجيني.. منين ما يشتاكً.. اليمر عابر عليَّ من روحي ما طلعه لعدوي وصاحبي.. تغبش ضحكتي اوياي.. اليجي سيف اعله نحري.. استحي وما رجعه!

ليش خليتيني أتعذب بدونج وأنتِ ام گلب الحنين وليش عايش اني بعدج جنت وين وهسه وين وراحت الفرحة من ادية وهسه سابيني الونين واني منتظرج ييمه وباقي انتظرج سنين ابنج الضحكات حلوة هسه معزول وحزين يمه تعبتيني كلش والله مشتاگ واني اشوفج مري مره ولاتجين والله خايف كلش اني خاف اجيت وتتندمين يمه اعذريني على حالي ادري متخربط وليدج خاف لاتتعذبين يمه خاف هناك ضلمة ووحشه يمج اني وصيت الحسين يخلي بيدج ضوه الجنة وضلي يمه هناك بس تتأملين

كبرت سنة يحبيبي هلسنة وباقي السنين ابد مراح اصير حلوة جنت اكبر بحضنج احس هسه اني اكبر مو بس عمر لا داكبر هموم وتعب من بعدج اني حيل مشتاقلج جنتي تستحين تعايدين أحد من عدنه بس تكسريها وتضحكين وتعايدينه اعرف شكد جنتي تحبينه وشكد فخورة بينه نكبر گدامج هسه كبرت بس تعبان من بعدج مشتاق الصوتج وسيلتي الوحيده اكتبلج واحاجي بصورتج بس هاي

بَعدني اشتاگلك رغم الخلافات وبَعدها بغيبتَك ساعة الدقيقة صدُك زعلان لكن زعَل چذاب طَبع الياس مَيعوف الحَديقة وأچذب لو گِلت أرهم بلياك شنو نَفع الورد لو ما رَحيقه ؟ صعُب فرگاك كُلش تدري يَفلان وهجرانك عَذابي الما أطيقه..

ماتجين! شلج بنوم المكابر فزي منة وعني لاتتعطلين ماتجين! البيت ظلمة بدون وجهج كل مكان البي كعدتي اذكرج ليهسة وحزين ماتجين! والله احس بعدج گبالي وگلبي ماينطيني اعدج وحدة من الميتين

مَو سَهِل انتَ عليه جَرح عَايش لسَه بيه ومَـا تطيب ؟ وانَي مَا أريدك تَطيب أبقَى بِين ضَلوعي خَنچر وأن چان مَا مِرتاح ، افتر گطع شَمتريد گطَع وأخذ كُلش ولا تَرجع وبَعثر بَروحي ، وانا خَليني اجمع .

دليتك أعلى الفرح يَال علمتني البچي ولو تدري يا صاحبي صدري شكثر بي حچي من كثر ما مبتلي الساني بسكوته اكتفى مشكور ما قصرت فضلك ببيش اوصفه؟ بصدري غرزت الرمح وتحطلي سم على الجرح وتگلي بيه الشفه بكل هذا ما يقتنع گلبي ويحسبك وفي شگد غشيم الگلب يترجه منك وفه.