Malak Alnagar 🤍

ما فاتك لم يُخلق لك وما خُلِقَ لك لن يفوتك!❤️

عادى أكون انسان عادى! عادى مش أكون طبيب أو مهندس عشان تعتبرنى ناجح، عادى البوست اللى انزله يكون عليه لايكين أو تلاتة، عادى أشتغل شغل بسيط واسمى مش يكون معروف، عادى أعيش حياة هادية بدون إنجازات ضخمة، يعنى عادى أكون عادى)"" فى الزمن دة نسينا إن العادى مش عيب، وانه الحياة مش سباق، أنا بكون ناجح مش لما امشى على معايير المجتمع النجاح إن اسعى فى تحقيق الأهداف اللى حطيتها لنفسى)" عشان كدة عادى أكون عادى✨

مرحبًا ديسمبر… مرحبًا بالصفحة الأخيرة من حكايةٍ أثقلتها الفصول. جئتَ بعد عامٍ حملنا فيه ما يفوق طاقة القلب، فكن لطيفًا كما يليق بضيفٍ يصل متأخرًا، وكن خفيفًا على الأرواح التي أنهكها السعي الطويل. اجمع ما تناثر من تعبنا، واضمد ما خلّفته الأيام من خوفٍ وارتباك، واكتب لنا خاتمة تليق بمن صبر، وبداية تُشبه الأمل الذي لم يخفت رغم العواصف))" لسنا نرجو الكثير؛ مجرد نورٍ بسيط يفتح طريق العام القادم، وسلامٍ صغير يستقر في صدورنا. ولا أعرف ماذا تخبّئ لي فى آخر العام، لكنني أتمنى—كما أتمنى كل عام— أن أستطيع أن أصنع فيك شيئًا صغيرًا يغيّر نظرتي لأمور كثيرة، ويفتح بابًا لى أفضل، ولو بخطوة واحدة… خطوة تشبه البداية التي ننتظرها جميعًا.♥️

فتح تاني‼️🚨🔔 فرصة تطوّع في معرض القاهرة الدولي للكتاب ✨ 📍 فرصة لطلاب الجامعة والشباب يشاركوا في واحد من أكبر الفعاليات الثقافية في مصر، وتكتسب منها خبرة قوية في التعامل مع الجمهور وتنظيم الأحداث. ✨ هتستفيد بإيه؟ • مهارات تواصل وتنظيم الوقت في بيئة ضغط. • شغل مباشر مع فرق التنظيم ودور النشر. • فرصة تبني علاقات مهمة وشهادة تطوّع تضيف لسيرتك. 📝 المهام المتوقعة: • مساعدة الزوّار وتوجيههم داخل القاعات. • دعم الأجنحة في التنظيم والتنسيق. • التعامل مع أي استفسارات بشكل مهذّب وسريع. 🎯 خطوات التقديم: • تدخل على الرابط وتملى البيانات. • ممكن يبقى فيه انترفيو بسيط. • بعد القبول هيبقى فيه briefing وتوضيح المهام. 🔗 رابط التفاصيل والتقديم: https://nawishoghl.com/u/youssefmagdy/youth-book-fair-volunteer-guide82628272

وأنا ببحث عن ازاى يُشفى القلب بعد الخذلان لقيت إجابة في بودكاست شدتني وهى: "الرضا… إن اللي اتكسر مكنش خير لك، والإيمان… إن ربنا هيجبرك بحاجة أجمل." 🌿 كلمات بسيطة، لكنها قادرة تهدي الروح وتديها أمل، تفتح باب الصبر والسلام في قلبك 💛

"طب بعد ما كتبت… أعمل إيه؟" الورقة بين إيدك دلوقتي، يمكن أول مرة تشوف نفسك بوضوح. ولكن خلينى أقولك حاجة: الصدق مع النفس هو البداية))"♥️ الخطوة الجاية بقا 👇 🔹 رتب أفكارك، ولو بعشوائية! مفيش حاجة اسمها "طريقة صح"، المهم تكتب. ابدأ مثلاً بـ: إيه اللي شدّك وأنت بتكتب؟ ايه اللى مش عاجبك وحابب تغيره ؟ 🔹 دوَّر على الخيط اللي يربط كل دة ببعضه مش شرط تلاقي إجابة نهائية، ولكن ممكن تلاقي "نقطة بداية". نقطة تقدر تقول عندها: "أنا هبدأ أغيّر، ولو حتى خطوة صغيرة." 🔹 اسأل نفسك السؤال دة: "لو قررت آخد خطوة واحدة بس، هتكون إيه؟" ولو حسيت إنك محتار… استناني في البوست اللي جاي ♥️ ملك النجار ✍🏻

"أنا تايه… بس ليه؟" عارف لما تفتح خريطة وتحركها بإيدك شمال ويمين بس مش بتعرف تحدد اتجاهك؟ دة بالضبط اللي بيحصل لنا… مش لأننا مش عارفين نتحرك، لكن لأننا مش عارفين إحنا واقفين فين على الخريطة أصلاً. التوهان مش دايمًا بسبب كسل أو فشل، أوقات بيبقى بسبب: 🔸 إنك ماشي في طريق مش بتاعك أصلاً. 🔸 أو بتقلّد ناس مش شبهك. 🔸 أو بتجري على حاجة مش فاهم أصلًا إنت عاوزها ليه. 📌 علشان كدة قبل ما تتحرك… لازم تسأل نفسك: ✅ هل الطريق اللي أنا ماشي فيه فعلاً بتاعي؟ ✅ لو كملت بنفس اللي بعمله كل يوم… حياتي هتروح فين بعد سنة؟ ✅ أنا بتعب ليه؟ وإيه الحاجة اللي بتستنزفني كل يوم؟ خد وقت مع الأسئلة دي، وجاوب بأبسط الكلمات… مش لازم تقول إجاباتك تكون فيها فلاح وتطوير وهكذا .. عادى جدا تبقا اجاباتك : أنا عايز أرتاح، أكتب، عايز وقتي يبقى ليا. أوقات التوهان بتكون هدية… لو سمحت لنفسك تسمعها. استنى البوست الجاي… فيه أول خطة بسيطة نمشى عليها سوا ♥️👈🏻 ملك النجار ✍🏻

"مين أنا؟ وفين أنا؟" بتعدّي أيامك كأنك واقف في طابور مش عارف آخره إيه؟ حاسس إنك عايش كدة من غير خطة ومش عارف تبدأ منين؟ مشكلتنا مش إننا فاضيين... المشكلة إننا مش عارفين نمسك أول طرف للخيط. مش عارفين نبدأ نشتغل على نفسنا منين، ولا حتى إزاي! ↖️ البداية محتاجة نقطتين أساسيتين:- 🔹قعدة صدق مع نفسك: اقفل كل حاجة حواليك واسأل نفسك بوضوح))" أنا فين؟ ورايح على فين؟ إيه اللي مش مريحني؟ إيه اللي ناقص؟ 🔹 اكتب إجاباتك - مش تسيبها في عقلك: لأن الورقة هتخليك تشوف اللي جواك بعين أوضح))" اكتب: الحاجات اللي نفسك تغيرها. الحاجات اللي بتحبها بس مش بتعملها. والأكاذيب اللي صدقتها عن نفسك. إيه أكتر حاجة بتعملها وبتحس إنها بتسرق وقتك؟ إمتى آخر مرة حسيت إنك راضي عن نفسك؟ لو يومك ليه عنوان… هيبقى إيه؟ ابدأ بالإجابات دى، وسيب الباقي عليا في البوست الجاي ♥️👈 ملك النجار ✍🏻

Hope is a good thing, maybe the best of things, and no good thing ever dies.💜✨

Channel photo updated

مؤخراً رجعت أسمع بودكاستس من جديد !💚 رجعت أعمل الحاجة اللى بحبها، وأكون بعيدة عن آراء الناس ومشاكلهم، رجعت للحظة اللى بكون فيها نفسى.✨ الجملة اللى أثرتنى مع أول بودكاست سمعته: "أنت مش محتاج تبقى كامل… أنت محتاج تكون حقيقي."♥️ الجملة دي لمستني جدًا. أوقات بنتعب وإحنا بنحاول نكون النسخة المثالية، ولكن يمكن كل اللي كنا محتاجينه نكون "نفسنا بصدق". لو بتسمعوا بودكاستس أو بتقرؤا كتب خفيفة ، شاركوني ♥️ ملك النجار ✍🏻 #نتعلم_سوا #تطوير_ذاتي #ملك_النجار

مش كل وقت ينفع للتعلم… ومش كل تعب اسمه إنتاج!💚 أوقات كتير بنتلخبط بين إننا "مشغولين" وإننا "بننجز". نفضل ندوّر على كورسات ،وبودكاستس ، وكتب .... وننسى نسأل نفسنا: هو الوقت ده فعلًا مناسب؟ أنا بدأت أراجع السؤال ده قبل ما أحمّل على نفسي. بقيس كل فترة: – إيه اللي محتاجاه دلوقتي؟ – أتعلم؟ أطبّق؟ أرتاح؟ لأن التوازن مش في عدد الحاجات اللي بعملها لكن في توقيتها🫰💚 ملك النجار ✍️

عمرك جرّبت تخلّي فى يومك لحظة شبهك؟💜 مش قصدي لحظة مثالية، ولا إنك تعمل إنجاز كبير محتاج سقفة … قصدي لحظة صغيرة، تحس فيها إنك راجع لنفسك… ولو لدقايق بسيطة. أنا بدأت أدوّر على اللحظات دي مش عشان أعيش يوم "مثالى" ولكن عشان اليوم ميضعش منى بالكامل وأنا مش واخدة بالي. وحبيت أشارك معاك ٣ حاجات حسّيت إنهم بيرجعوني لنفسي كل فترة : ✍🏻 الكتابة اليومية… حتى لو سطرين: مش دايمًا بكتب حاجة تستاهل تتقال، بس مجرد إني أسيب فكرة على الورق… بيريّحني. مجرد إنى فرّغت جزء من مشاعرى على الورق ... بيخلينى أهدى. 📖 قراءة 10 دقايق من غير هدف: مش لازم أطلع منها بحكمة كفاية إني أسمع صوت تاني غير صوت العالم حواليا. 🌙 نص ساعة قبل النوم من غير موبايل: هدوء بسيط، بس بيفرق فى جودة النوم، وبتكون اهدى لما تصحى. مش لازم نعمل حاجات خيالية وكبيرة عشان نعيش لحظة صادقة مع نفسنا، أوقات التفاصيل الصغيرة بتبقى أصدق بكتير.💙 ملك النجار ✍🏻 #كتابة_من_قلب_هادئ #٣-عادات-فى الصميم

لتعلم أنَّ المسألةَ مسألةُ توفيق! انظر إلى الذِّكرِ الَّذي هو أيسرُ العِبادات، لا يُوَفَّق لفعله كثيرٌ من النَّاس. -الشيخ ابن عثيمين رحمه الله.

هل لين القلب يؤخَذ عليه أجر ؟ إن عيني تدمّع أو قلبي يوجعني على شخص أو حيوان أو موقف حصل ؟ رد عليها رد جميل أوي، قالها: "دي صفات أهل الجنة ، يدخلون الجنة بغير حساب قلوبهم مثل أفئدة الطير ، الناس اللي قلبها حنيّن ودمعتها قريبة ، سيدنا عُثمان في غزوة بدر كل الجيش طلع وهو فضل جنب السيدة رُقية زوجته لأنها كانت تعبانه فَقعد يخدمها ويطببها فَدعاله النبي ﷺ لأنه إنسان حنيّن ، فَالقلب الرقيق ده إن شاء الله يدخل الجنة بغير حساب" الطيّب مش عبيـط واللي دمعته قريبة مش ضعيف ، إنك تكون إنسان حسّاس وحنيّن وقلبك رقيق دي أعظم حاجه ممكن تبقى عند إنسان في الدنيا ، أه ممكن تتعب شوية بسبب تصرفات بعض البشر لكن كفاية إنك تكون ضمن اللي وصفهم سيدنا النبي ﷺ وقال (قلوبهم مثل أفئدة الطير) وتدخل الجنة بغير حساب والسبب بس رِقة قلبك دي. 🤍

عايز تطور نفسك؟ ابدأ بخطوة صغيرة.. وده أولها!" كتاب "العادات الذرية" لجيمس كلير. هيعلمك إزاي العادات البسيطة ممكن تعمل تغيير ضخم في حياتك. والأهم إن مفيش كلام نظري كتير، كله عملي وأمثلة من الحياة. ولو قرأته قبل كدة وأثر على حياتك متنساش تشجع غيرك يقرأه ويستفاد 🩵🩵

الأمر ليس سهلاً لكن دعائك سيفعلها 💛

صباحُ الخير يا صديق الرحلة وهل لنا في الدنيا إلا السعي؟ وهل لنا في الدنيا سوى العمل؟ فالعبادة سعي، والتعب سعي، والعلم سعي ولن يُهزَم أبدًا بإذن الله من سَعَىٰ🖤

📌 حضرت كام رمضان في حياتك ⁉️ 📌 خرجت من كام رمضان بذنوب أقل وتغيير للأحسن ⁉️ 📌 فكرت قبل كدا ازاي ممكن تستعد لرمضان علشان تبدأه وأنت عارف هتستغله ازاي ⁉️ 📌 فكرت ازاي هتوصل إن رمضان اللي جاي دا يكون أحسن رمضان ⁉️ *لو مافكرتش فاحنا جايين نفكر معاك ونستعد سوا، ولو فكرت فإحنا جايين لك بدورة " أحسن رمضان " للشيخ محمد الغليظ علشان نوصل سوا لأحسن إخلاص، أحسن توبة، أحسن دعاء، أحسن قرآن، أحسن صلاة، وأحسن صيام.* 🎀ربنا بيحب المُحسنين فـ كان لازم نِعرف الطريق للأحسن؛ فعلشان كدا جينا لكم بالدورة دي وفي الوقت دا علشان توصل لأحسن رمضان وتخرج منه بالشعور دا فعلًا وأنت حاسس ولامس التغيير بنفسك لتصل إلى حب الله عزَّ وجلَّ. 🚨*وهيتوفر لكل محاضرة 🔽* 1️⃣ تفريغ. 📒 2️⃣ تلخيص.📃 3️⃣ تسجيل صوتي للمحاضرة. 🎧 4️⃣ رابط يوتيوب. 📷 5️⃣ رابط ساوند كلاود.🔊 6️⃣اختبار بعد كل محاضرة 📌 *دورتنا هتبدأ قريبًا وتحديدًا يوم الجمعة الموافق 3 يناير _إن شاء الله_* ولمدة شهرين مستني إيه ⁉️ سارع وبادر بالإشتراك واعمل شير للإعلان: فالدال على الخير كفاعله.🤍 https://forms.gle/yTPVbMsrBjwTQ3LB9