My،world

❤️

يصارع المرءُ نفسَه، وشيطانَه، وحزنَه، وفشلَه؛ فيهزمهم تارةً ويهزمونَهُ تارة، ويستشعر لطفَ الله في كل مرة… ويأمل ألا يملَّ من المحاولة.

مش كل الناس بتفرحلك، ومش كل الناس لما تشوفك بتنجح بتكون مبسوطة. في ناس أول ما تلاقيك ربنا كرمك في شغل، أو رزقك بحاجة حلوة، تلاقيها اتضايقت بدل ما تقول: "ربنا يباركلك". ودي للأسف بقت حاجة بنشوفها كتير. في ناس قلبها نضيف، لما تشوف غيرها مبسوط تفرح من قلبها، وتدعيله ربنا يزيده. وفي ناس تانية عينها دايمًا على اللي في إيد غيرها، وعمرها ما تبص للي ربنا رزقها بيه. تفضل تقارن نفسها بالناس، لحد ما الغيرة تاكل قلبها. الإنسان اللي بيحب الخير لغيره عمره ما هيخسر، لأن الخير بيرجع لصاحبه. لكن اللي يشيل في قلبه حقد أو غيرة، أول واحد بيتعب هو نفسه، لأنه بيعيش طول عمره زعلان من نعمة ربنا على الناس. عشان كده، متستناش إن كل الناس تفرحلك، ولا تزعل لو لقيت حد اتغير عليك بعد نجاحك. كمل في طريقك، واشكر ربنا على نعمه، وسيب كلام الناس ومشاعرهم عليهم. وفي الآخر افتكر إن الرزق بإيد ربنا، والنعمة اللي مكتوبة ليك محدش يقدر ياخدها منك، واللي مش مكتوبلك مهما جريت وراه مش هتناله.

.

الشاب في مصر النهارده لازم يبقى خارق علشان يعرف يعيش حياة عادية زمان كان الشاب بيحتاج يشتغل علشان يبني نفسه. دلوقتي؟ الشاب محتاج يبقى خارق علشان يعرف يقف على رجله بس. محتاج يتعلم ويشتغل في نفس الوقت. ويطور نفسه في نفس الوقت. ويجيب فلوس للكورسات في نفس الوقت. ويصرف على نفسه في نفس الوقت. ويفكر في الجواز في نفس الوقت. ويحاول يساعد أهله في نفس الوقت. والمطلوب منه بعد كل ده يبقى مبتسم ومتفائل ومحدش يسمع له كلمة شكوى. الواقع بقى قاسي بشكل ناس كتير مش مستوعباه. شاب لسه متخرج. معاه شهادة قضى فيها 4 أو 5 سنين من عمره. ينزل سوق العمل يكتشف إن الشهادة لوحدها مش كفاية. يقولوا له اتعلم لغة. يتعلم لغة. يقولوا له خد كورسات. ياخد كورسات. يقولوا له لازم خبرة. طب أجيب الخبرة منين؟ يقولوا له اشتغل ببلاش الأول. وبعد كل ده ممكن يفضل مرتب أول وظيفة ميكفيش أساسيات حياته. وبعدين يطلع عليه حد يقوله: "أصل جيلكم مش بيستحمل." لا يا سيدي... الجيل ده استحمل اللي أجيال كتير قبله ما استحملتوش. الجيل ده بيعيش في ضغط مستمر. ضغط اقتصادي. ضغط نفسي. ضغط اجتماعي. ضغط مقارنة. ضغط مستقبل. ضغط بيخلي شاب عنده 24 سنة يفكر في حاجات المفروض واحد عنده 50 سنة هو اللي يشيل همها. المشكلة الأكبر إن المجتمع أوقات بيزود الحمل بدل ما يخففه. تلاقي شاب لسه بيدور على شغل. يطلع له حد يقوله: "ابن عمك اشتغل." "ابن الجيران سافر." "فلان اتجوز." "فلان فتح مشروع." كأن كل الناس نسخة واحدة. كأن كل واحد عنده نفس الظروف ونفس الفرص ونفس الطريق. وده بيولد إحساس قاتل عند الشباب: إنهم متأخرين. مع إن الحقيقة إن أغلبهم مش متأخر... أغلبهم بس بيحاول ينجو. بيحاول يلاقي مكان ثابت يقف عليه وسط عالم بيتغير كل يوم. المشكلة الحقيقية إن الشاب النهارده مطلوب منه يبقى سوبر مان. لازم يبقى شاطر. ومتعلم. ويعرف إنجليزي. ويعرف AI. ويعرف تسويق. ويعرف يشتغل. ويعرف يعمل فلوس. ويعرف يبني نفسه. ويعرف يبقى مستقر نفسيًا. وكل ده قبل ما يتم 30 سنة. ولو تعب أو اشتكى... يتقال عليه ضعيف. مع إن الطبيعي أصلًا إنه يتعب. لكن وسط كل ده... فيه حقيقة مهمة جدًا. رغم صعوبة الواقع... الاستسلام عمره ما كان حل. لأن الواقع الصعب بيكسر ناس... وبيطلع ناس أقوى. والفرق مش في الظروف. الفرق في رد الفعل. في شباب قررت تستسلم. وشباب تانية قررت تتعلم وتطور نفسها وتكمل رغم كل شيء. مش لأن الطريق سهل. لكن لأن مفيش طريق تاني. النصيحة لكل شاب: بطل تقارن نفسك بحد. ركز على نفسك. اتعلم مهارة مطلوبة. ابنِ مصدر دخل. اهتم بصحتك النفسية. اختار صحاب يرفعوك. وابعد عن أي حاجة بتسرق وقتك وتركيزك. متحاولش تحل حياتك كلها النهارده. حل مشكلة واحدة. وبعدين اللي بعدها. وبعدين اللي بعدها. لأن الجبال الكبيرة بتتبني من حجارة صغيرة. وفي النهاية... الشاب المصري النهارده مش محتاج حد يقوله "شد حيلك". هو أصلًا بيشد حيله كل يوم. هو محتاج حد يفهم حجم المعركة اللي بيعيشها. ومحتاج هو نفسه يفتكر حاجة مهمة: إنك طالما لسه بتحاول... يبقى لسه ما خسرتش. 💙

فكرة أنك تعيش وسط مجتمع غير سوي هي في حد ذاتها أمرٌ مؤسف للغاية. للأسف، كثير من الآباء والأمهات قبل أن يخرجوا جيلاً إلى المجتمع لا يحرصون على تعليمه الحب والألفة، وروح المبادرة، وحب الخير للغير، وعدم إيذاء الآخرين، والابتعاد عن الحقد والغل والكراهية. ولذلك، فإننا نواجه الآن مشكلةً كبيرة، ولا حل لها إلا بالتضرع إلى الله سبحانه وتعالى أن ينقذنا من هذه الفئة، وأن يصلح أحوال المجتمع. بقلمي: منصور محمود ✍️

خد الخلاصة... حياتك تخصك أنت، ولازم تدرك ده كويس. لو سيبتها لأحكام الناس وآرائهم، هتستنزف نفسك في التفكير والقلق. ابحث عن الصح، واتبع ما يطمئن له قلبك وعقلك، ثم توكل على الله. الناس مش ملائكة رحمة، ولا أصحاب الحقيقة المطلقة؛ هم بشر زيك بالضبط، يخطئون ويصيبون. ومن أبشع ما في واقعنا إن قيمة الإنسان أحيانًا تُقاس بالمال أو النفوذ أو المحسوبية، وكأن الكرامة تُشترى وتُباع. شوف الفنان، أو المغني، أو الراقصة، أو أي شخص يضعه المجتمع في دائرة الضوء؛ في النهاية هو إنسان عادي مثلنا جميعًا. لكننا كثيرًا ما نصنع هالة مبالغًا فيها حول البشر، حتى ننسى حقيقتهم. وأنا مثلك، قد أقع في هذا الهوس أحيانًا. لكن صدقني، طالما بقيت أسيرًا لعقول الناس وأفكارهم، ولم تمنح عقلك حقه في التفكير والاختيار، فستظل حبيس سجنٍ بشريٍّ معقد، صنعه الآخرون وأقنعت نفسك بالبقاء فيه. #قلمي: منصور محمود ✍️

ستنطقين اسمي في زحام الناس، وتذكرين صورتي في اجتماع الأقارب، وتبحثين عن طيفي في وجوه العابرين، فلا تجدين إلا فراغاً تركته خلفي، ستدركين حينها أنني لم أكن عابرا، بل كنت العمر كله.

تمرُّ أيام ثقيلة على روحِ الإنسان، يصعب عليه قول كلمة واحدة، يرى كل أبواب الدنيا مغلقة أمامه، لا يعرف الوجهة التي يريدها، حتى يقول: "رَبِّ اشْرَحْ لِي صَدْرِي، وَيَسِّرْ لِي أَمْر، وَاحْلُلْ عُقْدَةً مِّن لِّسَانِي، يَفْقَهُوا قَوْلِي، وَاجْعَل لِّي وَزِيرًا مِّنْ أَهْلِي" تهون على المرء شدائده، إنه لطيف يقضي الهموم بقدرته : )) - شذى حبيب.

مفيش إنسان سوي متربي خارج من بيت طيب؛ هيستحمل يبقى مصدر ضرر أو قلق أو تعب أو أذى لغيره الإنسان النضيف دايمًا؛ هترعبه فكرة إنه يكون نقطة سوداء في حياة حد.

‏عارف لما تبقي عارف الشخص دا بيعاني ازاي فانت مش عايز تزود عليه و تكون من ضمن اسباب حزنه بس في نفس الوقت انت مش بإيدك حاجة تعملها عشان ممكن الشخص دا في وقت يبعد و يأذيك فتختار اقرب سيناريو ومتبقاش عارف اللي عملته صح ولا غلط اول مرة افهم معني كلمك مدعكة جوا دماغي

فكرة: منصور محمود تصميم:AI

التعب النفسي فيه شباب كتير النهارده شكله عادي جدًا من برّه… بيرد، وبيضحك، وبيتكلم، وبيكمل يومه كأنه تمام. لكن الحقيقة إن من جوّه فيه حاجة مكسورة. مش مركز. مش طايق. ومش عارف حتى يشرح هو مالُه بالظبط. وده أخطر نوع من التعب… التعب اللي ما بيتقالش عليه تعبان. لأن الناس بتشوف اللي ظاهر بس، فتفتكر إنه كسلان، أو متدلّع، أو مش عايز يتحرك. وفي الحقيقة هو مرهق من جوّه بشكل ملوش صوت. المشكلة إننا بقينا نستهين بالتعب اللي مش باين. نعرف نتعامل مع الوجع لما يبقى دموع، لكن ما بنفهمش إن الوجع ساعات بيظهر في شكل صمت، أو عزلة، أو إنسان مبقاش له نفس لأي حاجة، أو شاب كل يوم يصحى وهو حاسس إنه شايل جبل من غير ما يقدر يشرحه لحد. والأصعب من كده إن الشخص نفسه يبدأ يصدق إن ده “مزاج”. يقول: أنا كده، النهارده مش في مود. وبعدين تتحول “مش في مود” لحالة طويلة، وللأسف الشديد يبدأ يتعايش مع الإنهاك كأنه وضع طبيعي. ومن هنا بيبتدي الانطفاء الحقيقي… لأن اللي بيتساب لوحده، من غير فهم، بيتسحب شوية شوية من نفسه. الحل إننا نخفف على نفسنا شوية. مش لازم نكون أقوياء طول الوقت. مش لازم نتحمل كل حاجة لوحدنا. وأول خطوة حقيقية هي إنك تعترف إنك تعبان، وتبطل تضغط على نفسك أكتر من اللازم. نام أحسن لو تقدر، وخفف العشوائية، وابعد شوية عن كل حاجة بتستنزفك، وكلم حد تثق فيه بدل ما تفضل شايل كل حاجة جواك لحد ما تثقلك. ولو التعب ده بقى مستمر، ومأثر على نومك، وشغلك، وتركيزك، ومزاجك بشكل واضح، فما تستسهلش الموضوع. أحيانًا اللي محتاجه مش جلد نفس… محتاج تفهم، وراحة، ومساندة حقيقية. لأن التعب النفسي لو اتساب، بيأكل كل حاجة تانية واحدة واحدة. أما لو اتفهم بدري… بيخف. وبيفك. وبيسيبك ترجع لنفسك تاني.

عايز تبقى الاحسن والاول في كل حاجه؟! عايز تبقى متميز ؟! عايز توصل بسرعه ؟! في الدنيا ؟! لا في الاخره كمان ! طب ازاي ؟؟ خلاص اسمع كويس وركز التلات دقايق دول ..! النبي صلى الله عليه وسلم كان ماشي هو الصحابه راح ملتفت لهم كدا وقالهم "سبق المفردون" فالصحابه استغربوا وتسألوا يعني ايه المفردون قال "الذاكرين الله كثيراً والذاكرات" طب هو الكلام دا معناه ايه ؟! انت عارف هاديك مثال : هي عامله بالظبط زي واحد مسافر بري بأتوبيس والتاني رايح بطياره مين يوصل اسرع وبسهوله اكتر ؟! اكيد اللي مسافر بطياره .. صح ؟! اهو الذكر بقا بيخليك تطير وتسبق !! وهو اسرع وسيله لكل حاجه بيخليك ف كل حاجه سابق ! ف الدنيا ؟! لا منا قلتلك وف الاخره كمان ! طب نوضح اكتر ؟! يلا بينا ..! - انت عارف ان الذكر اسهل وسيله تاخد بيها حسنات بكل سهوله وسرعه ؟! هاديك مثال بسيط جدا وانت دور تاني لما النبي يقولك "والحمد لله تملأ الميزان" ياااه الحمد لله بس انا تقولها باستحضار كدا تملأ الميزان كله توزن حسنات اكتر من ذنوبي ؟! اه والله !! طب و "لا اله الا الله" اللي وضعت في كفه وذنوب الرجل اللي كانت سجلااات طويله ذنوب في كفه فطاشة بيهم "لا اله الا الله" وحدها فقط "طاشت يعني نزلت ف الكفه طيرت الذنوب من الناحيه التانيه ف الميزان من تقلها متخيل ! لما يقولك "كلمتان خفيفتان على اللسان ثقيلتان ف الميزان حبيبتان الى الرحمن سبحان الله وبحمده سبحان الله العظيم" هااااه بدأت تجمع معايا قصدي ؟! وقيس على كدا اذكار كتير ممكن اعملك بوست بيها لو عايز ! طب ايه تاني ؟! النبي لما قال سبق المفردون كان مقصود بيها ان تكون نكره للتعميم يعني سبق ف كل حاجه واي حاجه متخيل ! مثال انت شخص ذاكر لله وزميلك شخص لا يذكر الله لكن انتوا الاتنين مجتهدين زي بعض بالظبط ونفس التفكير والالتزام ف الشغل بالظبط .. ! بس انت افضل منه انك ذاكر لله تفتكر مين هايصيبه التوفيق في شغله اكتر ؟! طب شغل بس ؟! لا دراسه .. زواج .. تيسير امور .. حتى الطاعه بيوفق ليها اكتر الملازم لذكر الله عن اللي بيصلي فروض فقط مثلا !! هو ايه الموضوع ؟! الموضوع ان سبق المفردون !! ركز بقا سبقوا في كل حاجه واي حاجه ! طب يوم القيامه ؟! دا سبق المفردون جدا فيه بعباده سهله طلعوا اعلى الدرجات على ناس تانيه شقيت ف طاعات تانيه !! ايوه مهو انت بالذكر ممكن تنال منزله مثلا اعلى من شهيد ودا بكلام النبي مش كلامي ! بالذكر ممكن تسبق واحد عمل عمره مثلا ! اه والله اصل من رحمة الله لعباده ان ادالهم عباده سهله وسريعه واجرها عظيم بل فضلها على باقي العبادات .. والنبي قال عليها "خير اعمالكم " وكل الناس تقدر تعملها الغني والفقير والقوي والضعيف والكبير والصغير واللي فاضي واللي مشغول مالناش حجه والله ! هااااه بدأت تدرك ليه بقولك انك بيه ممكن تبقى الاول ع الكل في كل حاجه .. ممكن تبقى متميز بيه عن غيرك اللي ف نفس قدراتك .. ممكن توصل بسرعه لما ترجوه ف الدنيا وتقضى حواجئك ؟! يلا بقا اذكر الله جعلك الله من الذاكرين الموفقين ⁦وذكر غيرك وخد اجر ذكره كله ⁦❤️⁩⁦❤️⁩ ...

عارف إمتى الإنسان يبقى رخيص؟ لما يوافق إنه يضحي بروحه علشان حد ما ضحاش حتى بدقيقة عشانه. (الناس ما بتتربيش بالعطاء ،،الناس بتتربي بالحدود) (الحب اللي يشيلك… أهلاً بيه. أما الحب اللي يشيل منك إرميه) (اللي يشوفك موجود طول الوقت ،،مش هيخاف يوم يفقدك) (متديش دور بطولة لناس ما تستاهلش تظهر في المشهد) (كل مرة ترفع فيها الناس فوق نفسك هم مش شايفين إنك بترتفع، هم شايفين إنك بتتنازل ) (كل مرة تسامح اللي ما يستاهلش بتديهم تصريح رسمي يدمروك تاني) ( اللي بيهملك مش غالي، واللي بيوجعك مش نصيب، واللي بياخد أكتر مما بيدي مش حب ) (كرامتك مش خيار وراحتك مش رفاهية ونفسك مش آخر الصف) وأقسى حقيقة لازم تهضمها: (محدش هيخاف على قلبك غيرك. محدش هيوقف الاستنزاف غيرك.) فوق وشوفهم هما والدنيا علي حقيقتهم.. خلاص كفاية نجملهم ف عينا.

أنا جاي أقولك النهاردة أن ربنا سبحانه وتعالى تدبيره عجيب فعلاً يوديك مكان تتعلم فيه علشان تجهز لمكان غيره يوديك مكان صدفة من غير تخطيط فتقابل شريك حياتك يوديك مكان كويس تقابل فيه مدير يعلمك بضمير يجهزك بعد كده إنك تترقى وتكبر يوديك مكان يعلمك فيه درس يخليك تبقى ناضج أكتر.. مفيش حاجه صدفة .. كله تدابير ربنا خير ليك.. حتى لو مش مبسوط دلوقتي فى مكانك أعرف إنها فترة وربنا بعد كده هيراضيك ♥️

"كل المهارات الحياتية كوم ، ومهارة اختيار عدم التأثر بكلام شخص ما لانه عبيط ، او حقود ، أو عفوي بزيادة ، أو حابب ينتقد وخلاص . كوم تاني".

محتاجين ندرّب نفسنا ونجتهد لحد ما نوصل لمرحلة (عدم ذكر أي شخص بسوء) لو مش هنذكر حد بخير ، فبلاش نجيب سيرته إطلاقًا! خلّوا حسناتكم وأعمالكُم الصالِحة لِنفسكم بدل ما اللي تغتابوهم ياخدوها منكم يوم القيامة بمقدار ما أغتبتوهم وجيبتوا سيرتهم بـِ سوء ، متخيّلين!! ‏ الموضوع مُرعب وﷲ ومحتاج قرار وتوبة ومجىاهدة نفس قويّة جدًا.. غفر ﷲ لنا ولهُم.