Cpp27

السلام عليكم مساء الخير جميعًا لاحظت الاغلب يبغا يختبر البترول المبكر وتجيني اسئلة كثير متى اذاكر سبب ومتى اذاكر تحصيلي البترول ومن هذي الاسئلة حرفيًا محد يقدر يعطيكم افضل اجابه، وحتى اللي جوني وجاوبتهم لو حسيتوا انكم مو مرتاحين لوجهة نظري او المصادر اللي…

Channel name was changed to «Cpp27»

آخر شيء اذا خلصتوا الاختبار انسووووه وانسوا شيء اسمه ارامكو وسبب ولا تراجعون وذاكروا تحصيلي

نصائح بسيطة مني بحكم قرب الاختبار، أتمنى تفيدكم . أولا، قبل الاختبار بيوم او في يوم الاختبار، لا تذاكر او تحل كثير، بالكثييير راجع المواضيع اللي انت سيء فيها، ولكن لا تجهد نفسك ووفر قدراتك العقلية للاختبار . حاول تروح للاختبار وانت مستعد، كيف مستعد ؟ نم كويس، لا تاكل اكل ربما يسبب لك مشاكل اثناء الاختبار، اشرب قهوة والا اي شي يصفي ذهنك ويعدل مزاجك ويخليك أقل توتر. ايضا استعد نفسيا ولا توتر نفسك وتفكر كثير، انت سويت اللي عليك والباقي ارزاقك وتوافيق وتذكر انه مجرد اختبار مكون من ٦٠ سؤال بس !، روق واقرأ اذكارك وادع ربك واطلب الله التوفيق ... والتوتر تراه مؤثر جدا، حاول تقلل تأثيره بعدة طرق منها التنفس ( شهيق وزفير ) ومنها تطمين النفس والكلام لها بان الموضوع بسيط واللي انت مقبل عليه مجرد اسئلة تافهة قد تدربت على اصعب منها. دخلت القاعة، وجلست، وبدأت الاختبار، ايش المفروض تسوي ؟ ( اكيد في البداية روق واهدا ) ابدأ في الحل، وأي سؤال " مهما كان " تواجهه وتحسه بياخذ وقت سواء مافهمت فكرته بسرعة او يبدو لك صعب اسسححب عليه ( وحط عليه حفظ ) وروح للي بعده، وبكذا إلى انت تنتهي من جميع الاسئلة وبتلاحظ ان باقي لك وقت، هنا ارجع للأسئلة سؤال سؤال وصدقني بتعرف تحل اغلبها اذا مو كلها في وقت وجيز ( الحالة الذهنية بداية الاختبار تؤثر، ولكن بعد الانخراط فيه تبدأ تدرك وتتحسن ). اذا خلصت منها كلها وباقي لك وقت راجع كل الاسئلة مرة ومرتين وثلاثة ( إياك ثم إياك ان تغتر بنفسك وتسلم قسم الرياضيات قبل ماينتهي وقته، استغل الوقت الكامل ولا تخاطر )، ايضا اذا ماقدرت تحل سؤال أبدا، تذكر ان عندك خيارات تقدر تجربها وتحل بها السؤال. انهيت الرياضيات، ودخلت على الانجليزي، الموضوع ابسط خصوصا للي عنده لغة ولو بسيطة، ووقتها بتكون دخلت جو الاختبار خلاص، ولكن نعيد نفس الكلام اي سؤال يشكل عليك خله لبعدين ولا تستعجل في التسليم . قسم المهارات سواليف مايحتاج تشيل همه . اصمل إلى آخر الوقت، حتى وإن يئست وحسيت الموضوع صعب، او حالتك النفسية ساءت وتركيزك في الحضيض ... مهما كان لا تستسلم قبل الوقت ( الاختبار ابسط بكثير، واعرف اغلبكم مايحتاج هذا التذكير، ولكن لابد منه، فالأمور الصغيرة تحدث فرق ) . اذا انهيت الاختبار احمد الله أن وهبك هذي الفرصة، وادعه ليل نهار ان يرزقك القبول في الدنيا والآخرة، وطبيعي تجلس متوتر إلى ان ينزل القبول والرفض ... ولكن اقلك مهما حصل سواء انقبلت او انرفضت لا سمح الله، تذكر ان الدنيا ليست حكر على ارامكو، وان الفرص في كل مكان، وأن رزقك مكتوب، فلا تبالغ في الحزن والأسى، وإذا انقبلت،  لا تنسيك الدنيا ان تحمد الله على هذه النعمة العظيمة، وتدعوه وتتضرع اليه كما كنت تفعل قبل حصولك عليها . اسأل الله يوفقكم جميعا وييسر اموركم .

الله يوفقكم يارب ويكتب لكم اللي فيه الخير

كل شيء وارد، كل شيء قابل للتعويض، و ما لا يتم تعويضه يتم استبداله، و ما لا يمكن استبداله يمكن الإستغناء عنه و التأقلم مع غيابه، و مهما بلغ حجم الخسارة، تظل خيرة

آمنوا بنفسكم و قدراتكم مو تعلقون آمالكم و كل طموحاتكم بشركة لو تعرفون قد ايش العالم كبير و قد ايش الحياة فيها فرص واو و ان سبب مو اخر فرصة رهيبة بيهون كل شيء لا تتعلقون بشيء ان جات جميل و ان ما جات خيرة الله اجمل

الاختبار مقدور عليه آمنوا بنفسكم وقدراتكم وتوكلوا على الله ولو سبب فيها خير لكم راح تجيكم

مره ندمت على كل ساعه ضيعتها بتوتر وهواجيس وهو موضوعي بيد الله ليه اخاف!

لو راحت صحتكم ونفسيتكم وانقبلتوا سبب صدقوني انتو كذا طلعتوا من الرحلة 100% خسرانين

اجتهدوا بس لا تخلون مذاكرتكم تكون اولى من نفسكم وصحتكم

تكفون لا تجهدون نفسكم ولا تتعب نفسيتكم عشان الاختبار

لذلك توكلوا على الله وادعوا بالخير

وياكثر اللي حلوا كل شيء صح ومن اول المرفوضين

ياكثر اللي شوزوا وانقبلوا

صح انه حلم وتبغاه يتحقق، لكن لما تبذل كل جهدك وطاقتك وتذاكر ويكون مستواك رهيب وتحل كويس بالاختبار وتدعي الله، رفضك او قبولك ماراح يجي من اداءك ولا حلك، ماراح يجي من ارامكو، رفضك وقبولك هذا راح يجي رزق من الله

واذا ماانقبلتوا وش بيصير حرفيًا بالطقاق

ابعدوا عن التوتر قد ماتقدرون وربي ماراح يفيدكم

السؤال اللي تعرفه مباشرة تحله و تختاره في الايباد و بما انك ما بتقدر تراجع كل الاسئلة بعد الاختبار يفضل انك تحل السؤال مرة مرتين ماكسمم مثلًا لو كانت معادلة تحلها وحدك اول مرة و المرة الثانية تاخذ الاجابة و تحطها في المعادلة و تجربها هل ضابطة او لا خلاص انت هنا متأكد منه ١٠٠٪؜ فخلاص ما تحتاج ترجع له السؤال الجديدة فكرته عليك تحاول تحله مباشرة اذا حليته خلاص تختاره بس تحط له بوكمارك تحله مرة ثانية نهاية الاختبار ((((((اذا بقي لك وقت كفاية))))) اذا السؤال خلاص متأكد منه ١٠٠٪؜ و ما تحس انك تحتاج تراجعه لا تحط له بوكمارك -السؤال اللي فكرته صعبة اذا حليته خلاص عامله زي ما قلت فوق تحط له بوكمارك تحله مرة ثانية اذا بقي لك وقت كفاية * اذا ضيعت عليه دقيقتين و لسا ما عرفت تحله اتركه خلاص حط له بوكمارك حل كل الاختبار و حط ببالك ان فيه سؤال ما حليته و لازم ترجع و تضمن له وقت هذا السؤال له اولوية على الاسئلة البقية اللي حطيتها بالبوكمارك لما تحل هذه الاسئلة اللي ابدًا ما عرفت لها —> تقدر ترجع للي فوق و تتأكد منها مرة اخيرة

ضروري ضروري ضروري تدخلون الاختبار و نفسيتكم تمام مو ضروري مروقين بس اهم شيء متزنين و مرتاحين عشان تقدرون تركزون و تحلون بدون توتر و لخبطة و قلق عشان كذا قلت الكلام اللي فوق