Study with Mar 👩🏻‍⚕️🩺

وفّقكُم الله و سدد خُطاكُم 🤍🫶🏻 قبل الإمتحان : «اللهمّ إنّي توكلت عليك وسلمت أمري إليك، لا ملجأ ولا منجا منك إلا إليك. رب أدخلني مدخل صدق وأخرجني مخرج صدق، واجعل لي من لدنك سلطانًا نصيرًا بسم الله الفتاح، اللهمّ لا سهل إلا ما جعلته سهلًا، وأنت تجعل الحزن متى شئت سهلًا، يا أرحم الراحمين» عند النسيان : «اللهم لا سهل إلا ما جعلته أنت سهلًا انت تجعل الصعب إذا شئت سهلًا، اللهم علمنا بما ينفعنا وانفعنا بما علمتنا وزدنا علمًا، اللهم إنا نعوذ بك من علم لا ينفع ومن قلب لا يخشع ومن دعاء لا يسمع، اللهم أجب دعاءنا ويسر أمرنا، وافتح علينا فتحًا عظيمًا يا أكرم الأكرمين»

📎 أكتبوا رقم الموضوع اللي اخترتوه في ورقة الإجابة، ماشي لازم بصح نتوما أكتبوا 😾✅ 📎 ابداو بالتمرين الساهل ماشي لازم بالتمرين الأول، و رقموا الأسئلة و سطروا بين كل سؤال و سؤال ✅ 📎 ما تقسموش الورقة، أكتبوا في الوسع و كي قريب تخلاصلكم الورقة أطلبوا ورقة إضافية من حقكم ✅

نصائح يوم الباكالوريا ( باختصار ) 🚨: 1️⃣ - نوضو بكري ، كولو حاجة فيها الطاقة ، تقدرو تدو معاكم حاجة حلوة لقاعة الاختبار . 2️⃣ - تجنبو تدو حاجة تلطخ او حاجة توسخ الورقة . لكي لا تتسخ ورقة الاجابة . 3️⃣ - اقراو الادعية تاعكم ، الاذكار ، باش تخففو من التوتر و القلق. 4️⃣ - التلاميذ لي يعرقو يداهم بزاف ، ادو معاكم مناديل ورقية . 5️⃣ - لما يحطولكم الورقة تأكدو ان لونها هو نفس لون القُصاصة التي على الطاولة . 6️⃣ - ماتخافوش اطلاقا ، هذا مجرد امتحان و بس . 7️⃣ - اجبدو الاستذعاء و بطاقة الهوية و حظوها فوق الطاولة باش كي يجي الاستاذ الحارس مباشرة يحكم الوثائق و يتأكد . 8️⃣ - كي يحطولكم اوراق الاجابة اكتبو معلوماتكم الشخصية بتأني ، ماتتقلقوش . ماشي تكتبو الاسم في خانة اللقب و اللقب في خانة الاسم 🥲. 9️⃣-حط راسك في ورقتك مش في ورقة زميلك . و حاول تخلي اوراقك امام وجهك مش تخليهم على يمينك او يسارك لانو الاستاذ ممكن يشك فيك و يبقى يدور جهتك . 🔟- خلي تفكيرك حول الاختبار ، ماشي كي تلقى حاجة صعبة تقول راح الباك . السؤال لي تجاوبو عليه ديرو ☑️ . و اذا خليتو سؤال للاخير ديرو رمز او اشارة باش ترجعو ليه . - كي تسلمو ورقة الاجابة اكثرو من حمد و شكر الله .

هذوك لي كادر مايتمسوش ماتكتب فيهم وااالو ، الطالب لا يكتب فيهم اطلاااقااا‼️‼️ لي قتله الفضول و حاب يعرف فايدتهم : هذوك يكتبو فيهم الكود تاع كل تلميذ ( ماشي رقم التسجيل ) و انما كود يميز التلميذ و بس

هكذا تعمرو الورقة ببساطة + كيفاش تلصقو الورقة الإضافية بالنسبة للترقيم : مثلا كتبتو عشر صفحات ، من الافضل تديرو ترقيم هكذا 1/10 : بمعنى الصفحة الاولى من اصل عشر صفحات ... 2/10 ... 10/10

صبَاح الخِير 🤍🫶🏻 آخِر يوم قبل البكَالوريا يا نَاس 🥹✨ كِيمَا قلتلكُم يا جمَاعة ما تخَافوش راح يكُون إمتحَان عادِي أسهَل بمراحِل من الإمتحانات الفصلِية اللي اجتزتوها كَامل و المواضِيع راح تراعِي مستوَى التلمِيذ المتوسط بإذن الله 🤍 طبعًا سبَق و قلتلكُم خلوا هاد اليوم لمراجعة الإسلامية و الأدب العربي بصح لي حاس نفسه مراجع مليح و مكمل كلش يقدر يدِي راحة و يخرج يبدل جو شوية 🍃🫶🏻 المهم خاوتِي بالنسبة للأدوات اللي راح تدوهم معَاكُم غدًا إن شاء الله : •| أقلام سودَاء ولا زرقَاء : أدوا معاكُم النوع اللي موالفين تستعملوه و متعودِين عليه و أكيد حذار تدوا هدوك الستيلوات تاع gel لي يتمسحوا ولا سطابيلوا !! و تانِي خيروا لون واحد برك ما تخلطوش يا أسود يا أزرق ✅ •| القلم المصحح ( effaceur) : يكذب عليكُم لي يقلكُم ماشي مسموح لأنه هو مسموح لكن بشرط تعرفوا تستعملوه ماشي تسبغوا بيه الورقة، يعني أدوه راح تحتاجوه أكيد ✅ •| قلم الرصاص + ممحاة + ألوان ( يمكن تحتاجوهم ) + هايلايتر (surligneur) باش تخدموا بيهم في الموضوع ✅ •| كوس + منقلة + مسطرة + مدور ( تحتاجوهم في التاريخ و الجغرافيا في الرسومات البيانية) ✅ •| آلة حاسبة كازيو ولا كاجيب : مسموحة في الباك عادِي و تعاونكم بزاف في الحساب أدوها معاكُم كل يوم ✅ •| بطَاقة التعرِيف + الإستدعَاء ✅ •| قرافوز ( agrafeuse) : هي من المستحسن تدوا معاكم وحدة صغيرة مع les agrafes تاعها مع أنه كاين في كل مركز يمدولهم للأساتذة بصح لا قدر الله ما يكونش كاين ولا بلا ما تبقاو تستناو و تاني أوراقكم نتوما تقرافيوهم باش تروحوا مهنيين عليهم ✅

منهجية الإجابة في الإجتماعيات : 🔴 تعريف الشخصيات : يشترط في تعريف الشخصية : ◀️ ذكر جنسيته ( سوفييتي ، أمريكي ، جزائري ......) ◀️ذكر منصبه ( رئيس ، جنرال ، عسكري .. سياسي) ◀️ذكر أهم أعماله ( يكتفي بذكر عملين فقط ) 📌مثال : هاري ترومان : رئيس الولايات المتحدة الأمريكية ، أمر بإلقاء قنبلة هيروشيما وناغازاكي ، صاحب مبدأ ترومان 12 مارس 1947 🔴 تعريف المصطلحات : ◀️ قراءة السند جيداً ◀️ التركيز على الجانب السياسي أو العسكري للمصطلح التاريخي والجانب الجغرافي والاقتصادي للمصطلح الجغرافي ◀️ شرح المصطلح شرح وجيز بدون إضافات أخرى 📌مثال : الحرب الباردة : هي صراع إيديولوجي بين المعسكرين الشرقي بزعامة إس والغربي بزعامة وم أ ،أستخدمت فيه جميع الوسائل ماعدا المواجهة المباشرة  مابين 1945/1989 🔴 التواريخ والأحداث : ✅ التواريخ 🗓: إذا أعطي لك تاريخ وطلب منك تحديد الحدث فلابد من أنك تذكر الحدث كاملا : مثال : 14 ماي 1955 وتقول حلف وارسو هنا إجابة غير كاملة بل تقول : تأسيس حلف وارسو لأن حلف وارسو لديه تاريخ تأسيسه وتاريخ حله 📌مثال أخر : 13 أوت 1961 وتقول جدار برلين هنا إجابة غير كاملة بل تقول بناء جدار برلين لأن جدار برلين له أيضا تاريخ تحطيمه 🔴 الأحداث : ◀️إذا أعطي لك حدثا وطلب منك تحديد تاريخه فلابد من ذكر التاريخ كاملا باليوم والشهر والسنة حتى تكون إجابتك كاملة غير منقوصة مثال : 📌تأسيس حلف الناتو : لاتقول 1949 بل أذكر التاريخ كاملا بالشهر والسنة : 04 /04/ 1949 🔴 رسم الخريطة : ◀️ تحديد إتجاه الشمال ◀️ عنوان الخريطة ◀️تحديد مفتاح الخريطة 🔴 المقال التاريخي : ◀️ مقدمة :  وتكون كتعريف او إحاطة بالموضوع + طرح إشكال تمهيداً للدخول في العرض ◀️ عرض :  الإجابة على السؤالين على شكر عناصر وكل سؤال عناصره لاتقل عن 04 ولاتزيد عن 06عناصر. ◀️ خاتمة : وتكون كنتيجة أو خلاصة للموضوع

علوم إسلامية : كيفية استخراج الأحكام و الفوائد 🤍⬆️

جدول الفروق للأستاذة بوسعادي 💗