باك رياضيات 🗂️⏳

#آخر_توصيات_مادة_الفيزياء_للأستاذ_بلال 👈حاول تنظيم ورقة إجابتك بشكل جيد متبعا مايلي: 👈 ترقيـم الجواب حسب السؤال. 🔹 كتابـة العبارة الحرفيـة متبوعة بالتطبيق العددي. 🔹 كتابة قيـمة المقدار متبوعة بالوحدة الملائمـة⛔رد بالك تنسى ماتحطش الوحدة (unité) . 🔹 عليك بتوجيـه المحاور أثناء رسم المنحنى وتوضيح سلم الرسم 👈في الدارةRC و RL كي يقولك: اُكتب المعادلة التفاضليـة اـ .... لازم ترسم مخطط الدارة(circuit) ودير توجيه الشدة والتوترات (les tensions) ومن بعد تكتب قانـون جمع التوترات. 👈إذا عطاك عبارة تاع أي حاجـة وقالك برهن هذه العلاقة وانت لا قدر الله مانجمتش تخدمها (لا تتعارك معها ) خليها ماتضيعش وقت، وتقـدر تستعملها في السؤال اللي بعدو. 👈بالنسبة للكيمياء : ⛔رد بالك ديـر جدول تقدم مختصر. 👈موش ديمة مطالب باش تعمل برهـان تاع علاقات، أنت والسؤال 📍مثلا : كي يقولك : أعط عبارة الـ: pH ، تكتبها طووول كيف ماحفظتها. 📍كي يقولك :برهن العلاقـة، وقتها لاااازم تعمل برهـاان. سبق و قولتلكم الفيزياء فيها أسئلة كلاسيكية تتعاود ديمة مكانش سؤال ما شفتوش قبل، فقط ركــز و كلك ثقـة في نفسك . 💥 في اي جزء سواء كيمياء او فيـزياء، إذا عطاك منحنى لدالة خطيـة أو تآلفيـة ما تخافـش، انت مطالب تكتب معادلة البيان اولا ، ثانيا باش تلقاها تشبه لعلاقـة نظريـة أنت تعرفها و هنا تعمل المطابقـة و تبحث عالـمجاهيل.... الاختبـار راهو ديمة في متناول التلميذ المتوسـط. دعواتـي لكم بكامل التوفيق والسداد ياااااااااااااااااارب 🤲🤲🤲 💐 حـظ موفق للجميع.

👈كيف تختار أيها التلميذ موضوع البكالوريا في مادة الفيزياء ✍️كل تلميذ يمتلك نقاط قوة او افكار متنوعة أو معارف غزيرة في وحدة من الوحدات 👈وكذلك يعاني من بعض الغموض في وحدة أخرى لذلك يكون اختيارك للموضوع مهم جداا جداا ✍️✍️اولا يجب قراءة الموضوعين قراءة مركزة و في كل سؤال من التمرين: 👈 ضع علامة( —) اذا كان هذاوالسؤال فيه غموض او تجهل اجابته 👈ضع علامة (+) لكل سؤال متأكد من إجابته 👈صع علامة (؟) لكل سؤال لست متأكدا من اجابته 100٪ اجمع كل علامة( +) لكل موضوع اختار الذي يحقق اكبر عدد ✍️اذا وجدت تقريبا نفس الاجابات الصحيحة اختار الموضوع الذي تطمئن اليه ✍️لما تختار الموضوع لا تفكر في تغيير الموضوع اذا كان الوقت قد مضى ✍️أجب عن السؤال مباشرة اذا كان السؤال بسيط دون تدوينه في المسودة مثل اكتب معادلة تفاعل حمض مع الماء او ارسم دلرة كهربائية تحتوي على ناقل اومي ومكثفة ✍️عند حساب مقدار فيزيائي يجب ان تكتب عبارته حيث المجهول في الطرف الايسر والمعاليم في الطرف الايمن قبل التعويض ✍️لما تقوم بالعملية الحسابية تأكد من الحساب وذلك باعادة الحساب مرتبن ولا تنسى الوحدة فمثلا يطلب منك حساب قيمة تسارع القمر الاصطناعي تكتب عبارة بعدما قمت بإستنتاحها من تطبيق قانون الجذب العام والقانون الثاني لنيوتن a=G. Mt/(R+h) ^2 ✍️اذا صادفك سؤال ولم تعرف اجابته اترك لم متسع من الصفحة وانتقل الى السؤال التالي ✍️عليك الكتابة بخط مقروء و واضح مع التنظيم الجيد عند تمثيل القوى استعمل المسطرة مع مراعاة طول شعاع القوة كيفيا فقط 👈فمثلا اثناء سقوط جسم في الهواء وفي المرحلة الانتقالية خذ طول الثقل 3cm بينما دافعة ا خميدس 1cm و قوة الاحتكاك 1.5Cm وهذا حتى يكون تمثيل القوى منسجما مع الظاهرة 👈قد تقوم بحساب مجهول وهذا المجهول يعتمد على علاقة لم يطلب منك تحديدها فلا تتردد في الاعتماد عليها فإجابتك صحيحة ✍️لا تشغل بالك كثيرا بالوقت حتى لا يصبح هاجس قلق لك ✍️اطمئن و اجعل ثقتك بنفسك مصدر راحتك النفسية لان لما تكون اكثر راحة يكون تفكيرك اكثر عمقا

ما تنساش تحول آلتك الحاسبة من الراديان للدرجة

✅ #نصيحة للمراجعة النهائية ❤️👇 🔴 #حذار لا تهتموا بالأسئلة الصعبة و حل التمارين الصعبة في هذه الفترة 🔴 👈 راجعوا الإجابة عن الأسئلة الشائعة في كل وحدة، الأسئلة السهلة، الأسئلة الروتينية ... هي تمثل 95% من موضوع البكالوريا 🔵 باختصار الأسئلة التي تتكرر في أغلب التمارين ك التعريفات ... ذكر عبارة ...(قانون) جدول التقدم كيف تتغير سرعة التفاعل ، علل لماذا أذكر طريقة أخرى لمتابعة التفاعل السابق... #بكالوريا_2026 🔴 تستطيع الحصول على العلامة الكاملة💯👌 🟫 نعم تستطيع عزيزي الطالب الجيد في المادة أن تتحصل بسهولة على العلامة الكاملة فيها💯💥 ننشر لك عزيزي الطالب سبل الوصول إلى العلامة الكاملة 👌 1- التوكل على الله 🤲 2- الاختبار الجيد للموضوع 3 -قراءة الأسئلة بشكل دقيق والتركيز في القراءة و تصور الظاهرة أثناء القراءة ( تجربة - محاكاة - تحليل لوثيقة ) 4- الشروع في الإجابة بداية بالتمرين الأسهل 5- عدم الإكثار من الكتابة على الاوراق المسودة 6- كتابة عنوان الجواب وترقيمه مثال 1 -أ حساب كمية المادة 1- ب تمثيل جدول تقدم التفاعل 2-ج اثبات العلاقة 7- الكتابة الواضحة والمقروءة نصا و رموزا 8- كتابة العبارة الحرفية متبوعة بالتطبيق العددي مثال Xmax=C2V2/2 Xmax=(0.2×0.1)/2=0.01mol 9- إرفاق كل نتيجة بوحدة المقدار المحسوب وحسب السؤال مثال 4- ب حساب ذاتية الوشيعة L=0.2H 10- التقريب الجيد والمنطقي بنتيجة الحساب ( التدوير) مثال 3- ج حساب قيمة ثابت الحموضة ka=4,79 لا نكتب ka=4.7 بل نكتب ka=4.8 اذا اردنا أخذ رقم واحد بعد الفاصلة 11- الرسم الجيد على الورقة الملمترية باستعمال قلم الرصاص واختيار سلم رسم مناسب 12- كتابة التعاريف بشكل جيد وكامل حسب البرنامج مثال 🟦 تعريف النظائر 🔻 لا نكتب النظائر تتشابه في Z وتختلف في A 🔺️ نكتب النظائر هي أفراد كيميائية تنتمي لنفس العنصر تتشابه في رقمها الذري وتختلف في عددها الكتلي 🟦 زمن نصف التفاعل 🔻 لا نكتب المدة التي يبلغ فيها التفاعل الخ 🔺️بل نكتب المدة التي يبلغ فيها تقدم التفاعل الخ 13 - التنظيم الجيد لورقة الإجابة 14- المراجعة الجيدة لورقة الإجابة قبل تسليمها للحراس ✅ بهذه التوجيهات وكذا توجيهات الأولياء ستنال العلامة الكاملة بإذن الله😊 ربي يوفقكم و يسدد خطاكم يا أبطال

⛔️ تعلم كيفاه تضمن نقطتك في الانجليزية🇬🇧🤩حتى وما فاهم والو✅🧠 : 🔴ورقة لاسئلة بناء فكري نموذجية في بكالوريا من قبل مفتش عليها 7/7 هكا عادي تكون اسئلة 100 % لي ميعرفش انجلي يتبعني عادي يدي على اقل 7/5 😍 في اسئلة و هذا ضعيف اما متوسط قادر تدي 7/7 العلامة الكاملة عليهم عادي تبقالك نقاط ساهلة نوريلك كيفاه تجيبها و تدي 10😁. 😍 📌نبدأ : ◀️سؤال الاول type of text يعطوك ثلاث خيارات : 🔸Lettre 🔸Nwes paper artical 🔸Web site artical ✔️باش تعرف جواب شوف تحت غاع في نص اذا لقيت تاريخ و اسم تاع جورنال معناها خيار ثاني Nwes paper artical و اذا لقيت www معناه خيار ثالثWeb site artical اما Lettre متجيش غاع ◀️سؤال ثاني تاع صحيح و خطأ باش تجيك ساهلة شوف كي دير: 📍يعطوك ربع جمل مضيعش وقتك و تبقى تحوس في غاع نص لا شوف 🏷جملة الاولى {باش تعرف لا Tو F روح للفقرة الاولى من نص 🏷جملة ثانية """"""""""""""”"""""""""""""""""للفقرة ثانية من النص 🏷جملة ثالثة """""""""""""""""""""""""""""""""""""للفقرة ثالثة من النص 🏷جملة رابعة """"""""""""""""""""""""""""""""""""للفقرة رابعة من نص ◀️سؤال ثالث: 💯 🔸In which pragraph is ...... ? هذا السؤال معناه اين توجد هذه الافكار في النص يعني يمدلك فكرة ويقلك في اي فقرة توجد الفكرة 100% كونك هاني بلا ماتعرف المعنى او تلقى كلمتين او اكثر متشابهين اك تقدر تضمن هنا ✍️💪 ◀️ سؤال رابع يعطوك ثلاثة اسئلة واحد فيهم يكون يبدا ب : 🔸Do ,did ,does 🔸is, are, was 🔸Were ,will 🔸Have,had,has 🔸Can ,must 🔴غير تشوف سؤال يبدا بيهم جاوب بنعم او لا yes او no 📌مثال 🔸Was islamic smart? 📌سؤال بدا was معناه نروح لنص و نشوف اذا كاين هذي جملة و لا لا اذا لقيتها جاوب كيما هك 🔸Yes ,islamic was smart 📌دير نعم و قلب بلاصة تاع فعل و فاعل 📌بصح شوف كلمات مفتاحية في سؤال كيما islamic و smart ليق نلقاهم في زوج كون تلقى islamic برك اجابة تكون لا no و هذا مثال برك لي مفهمش نزيد نبسطله 📌يبقو زوج اسئلة تبعني اذا تشوف سؤال و 100% كاين يبدا wh كيما هك مثال 🔸Whe ...... 🔸Where ...... 📌مهم يبدا wh بهذو زوج حروف غير تشوفه يبدا بيهم الاجابة تلقاها في النص وتكتبها كيما هي ...... الاجابة ب yes او no فقط مع الاسئلة اللي مايبداوش ب wh ◀️سؤال خامس: 🔸who or what do the underlined ........? 📌معناه يقولك كلمات لي تحتها سطر علا من تعود شوف كي تجاوب تلقى this (معناها هذا )مسطرين عليها جواب تاعها يكون يا قبلها يا مورها لاصق فيها و مفرد مفيهش s و يكون اسم و نعطيك عفسة باه تعرف كلمة لا اسم و لا فعل اذا شفتها تكمل ب ion ,tion ,ing ,معناها هذي اسم هذو اغلبية تاع اسماء تكمل هك 📒 نعطيك مثال: imprimés this education ⚪️و يسطرولك علا this جواب تاعها غلنا لاصق فيها يا قبلها يا موراها و اسم، شوف جملة ،وين راه اسم لي علا ليمنا و لا ليسرى، باينة ليمنى خطرش يكملion و اصلا لي علا يسرى فيها s مع تالي، معناها جمع محال تجي خطرش جمع و thisمعناها هذا .اسم مفرد ◀️يعطوك كلمة و يسطرولك عليها و يغلولك 🔸Underlined .......? .و كلمة مسطرة تكون that جواب تاعها يكون اسم معناها يكمل ion.ing.tion اغلبية اسماء و مفرد مشي جمع معناها مفيهش s و جواب بلاصته تكون قبل على ليسرى دايما 📌.مثال .........that....... 📌و يكونو مسطرين علا that جواب تاعها على ليسرى بصح مشي لاصق فيه زيد بعد شويا مهم يكون اسم و مفيهش s كاين ثاني thes هذي اسم جمع معناها جواب يكون فيه s مع تالي و يكون احتمال قبل كلمة و لا موراها مهم فيه s و اسم مشي فعل Those ايضا جواب تاعها على ليسرى فقط و مشي شرط لاصق فيها بعد شوبا و حوس سطر سطر و نص كاين it جواب تاعها يكون شيئ كيما حصان مهم شيئ غير عاقل و مفيهاش s مع تالي و بلاص تاع جواب قبل و لا بعد مشي شرط لاصق فيها كاين its جواب تاعها احتمالية قبل و لا بعد مهم يكون فيه s مع تالي كاين where جواب تاعها لاصق فيها دايما على اليسار. 💡وفي الاخير إذا استفدت طاغي صحابك متبخلهمش 😊

لي مزال مبديتوش تقراوو وش راكم تستناو!!؟علبالكم ذي العطلة راهي فرصة ذهبية ليكم غير نوضو افطنو مدام راكم في ليتساع ابداو هذا فصل اول أطول فصل خلصتووه يستما مابقاا والوا بقاا5أشهر في يديكم ياتبداو وتنوضو ياراح تندمو ندامة حياتكم الباك مشي صعيب جوستت لازم تعرفو تنظمو وقتكم برك ومبعد كلشي يساهل ابداووو ابداوو يوصل باك راح تولو في ستراس مش نورمال هيااا هياا لي مبداش ذي فرصتك الأخيرةة لازم تنوض وتطيح وحدك مكاش لي راح ينوضك من غير نتااا ونتا المسؤول الوحيدد على هذا شي تفكرو فرحة الباك برك وفخر والديكم في هذاك نهار🥺💗حاجة بزاف شابة لذلك هيا خمو فيها ومتبقاوش تستناو فلفرصة تجيك لازم نتا لي دير الفرصة لروحك وتقرا✅💪💪

🔴موقع التسجيل في شهادة الباكلوريا "دورة 2026" https://bac.onec.dz/

🔴 رسميا و لأول مرة : حقوق التسجيل في بكالوريا 2026 الأحرار !! زوج ملايين لي مجابش الباك و رايح يترشح للمرة الخامسة

الامتحانات الرسمية

الالة حاسبة كازيو تعاونك في التاكد من الاجابات خاصة الدوال الاعداد المركبة 👌 استعملوها في التأكد وليس الاعتماد الكلي 🍀

عييت!! كرهت!! عندك شك أنك مرحش تلحق!! اسمع قصة عملاق رياضيات الاستاذ نوردين ⚡ "وأن ليس للإنسان إلا ما سعى، وأن سعيه سوف يُرى، ثم يُجزاه الجزاء الأوفى."