رياضيات حسن الموسوي

اسئلة اليوم فرحتني كلش لان اخر اسبوع نزلتلكم محاضرتين خاصات بالفصل السادس و شرحت بيهم التباديل والتوافيق ومسائلهم والحمد لله اليوم اجا عليهن 15 درجة السؤال الثالث (فرع B النقطة الثانية) اجت نصاً مثل ما شرحناها والسؤال السادس فرع B هذا السؤال ايضا شرحناه ، بالوزاري فقط مغير الارقام ، واني بالمحاضرة شرحتلكم كل ملاحظاته ( ملاحظات اللجان ) وطبعا بالمحاضرات السابقة بالفصل الرابع شرحتلكم فقط موضوع النسب المثلثية واجا السؤال نفسه ( السؤال الخامس فرع C ) 10 درجات وايضا 40 درجة اجت من المحاضرات الي شارحهم بالقناة ( طريقة الحذف - المتتابعة الحسابية - المقدار المميز - تركيب التطبيقات ) نفس الاسئلة والافكار بالضبط فقط مغير بالارقام يعني المجموع 65 درجة مع العلم اني ما شارح كل المنهج وانما فقط بعض المواضيع يعني بالفصل الرابع والسادس شرحت منهم موضوعين فقط واجا عليهم 25 درجة وسؤالين اجن نصاً ف 65 درجة على هالمحاضرات صراحة شي ممتاز يمكن اكو شغلة وحدة مزعجة انو ما اجا ولا سؤال على الجذور رغم اني شارحهن بالتفصيل لان هن جدا مهمات وبالسنوات السابقة كل سنة يجي عليهن سؤال او سؤالين لكن هالسنة ابو الوزاري ما جاب منهن لا دور اول ولا ثاني اما بالنسبة للاسئلة بشكل عام فكانت بسيطة واغلبها اجت سهلة وان شاء الله التوفيق للجميع ملاحظة مهمة / هذا الشي ما يعني انو اني كنت متوقع شنو الاسئلة الي رح تجي ، وانما احنة فقط ركزنا بمحاضراتنا على المواضيع المهمة ، لانو لا اني ولا غيري يكدر يتوقع الاسئلة الوزارية وانما ال65 درجة كانت مجرد صدفة .

بهذا السؤال مطلوب الحل بطريقة التعويض اذا حليت بطريقة التعويض رح تاخذ درجة كاملة 10 درجات اما اذا حليت هذا السؤال بطريقة الحذف فراح ينطيك 5 درجات ( مثل ما واضح بالصورة باللون الاصفر  )

هالورقين بيهن مسائل التباديل ومسائل التوافيق مع الحل ان شاء الله رح تضمنون بيهن ال 10 درجات وطبعا اني شرحت كل هالمسائل بالمحاضرة الاخيرة

https://youtu.be/fzUxFJ36Ybk?si=DuQtYklP0N2UlVQ1

وبالنسبة لمسائل التباديل والتوافيق باجر تنزل المحاضرة باليوتيوب المحاضرة جدا مهمة لازم تدرسوها

https://www.instagram.com/math.hasan

السلام عليكم طلاب في حالة توقف التليجرام يمكنكم متابعة قناة الانستكرام انشر بيها اي تحديثات جديدة بخصوص امتحان الدور الثاني

https://youtu.be/67msOsGy4uA?si=uqoDYNzLckjr9UPF

ياريت  الكل يشارك بالتصويت

السلام عليكم طلابنا الاعزاء اكو موضوع واريد اعرف رأيكم هاي  السنة ناوي اشرح اساسيات الرياضيات ومنهج الثالث متوسط  ولكن بترتيب مختلف نوعا ما , واريد اعرف بالنسبة للطالب شنو الافضل تكون المحاضرات طويلة ام اقسم المحاضرة الواحدة الى اكثر من مقطع , لان مثل ما تلاحظون بعض محاضراتي مدتها ساعة او اكثر لان اني احب اشرح الموضوع وملاحظاته واسئلته الوزارية وافكاره بفيديو واحد ولكن انت كطالب شنو افضل بالنسبة الك

اسئلة خارج القطر سهلة جدا

اسئلة اليوم تعتبر متوسطة ، نعم اكو اسئلة بيها صعوبة على بعض الطلاب لكن بنفس الوقت اكو اسئلة سهلة يعني الطالب الي دارس كل الفصول فراح يجاوب بدون مشكلة لكن اغلب المدارس ما كملو المنهج بشكل صحيح  بسبب ضيق الوقت واغلب الطلاب اصلا مستواهم ضعيف لذلك رح يشوفون الاسئلة صعبة و بما انه القسم الاكبر من الطلاب مستواهم ضعيف وما جاوبو فمعناها رح تكون هنالك مساعدة بالتصحيح علما اني بمنشور سابق موجود بالاعلى توقعت نسبة النجاح ما رح تتجاوز ال50% هالسنة حسب هالمناهج ، لذلك الوزارة مجبرة تساعد اكبر قسم من الطلاب حتى تغطي على فشل هالمناهج يعني تخيل هو الطالب مستواه زفت وتجيك الوزارة بدل ما تعالج مشكلة الطالب والتعليم والمدارس تجي تحط منهج يفوق امكانية الطالب فاكيد النتيجة رح تكون كارثية , هو الكلام هواي بس نسكت احسن ملاحظة الاسئلة ما تعتبر صعبة ابدا ولكن بشكل عام منهج الرياضيات ضخم بالنسبة لطالب ثالث متوسط والمواضيع كثيرة والافكار متنوعة والوقت لا يسمح للطالب باستيعاب كل هذا الكم من المواضيع والافكار