متن نوحه

احوالات مجلس ابن زیاد @matnenoheh   بو غصه باغریمی قان ایتدی یا امام زمان هاچان ظهور ایده جاقسان اولوم سنه قربان   کمال عذرایدورم نظمینه بو بیرخبرین گیدوبله مجلس ابن زیاده عمه لرین   او گونکه مجلسینه گتدی آل طاهانی بهشت عدنیده یاندوردی قلب زهرانی   اولاندا اخلمجلس او دختران بتول باخوبلا مجلسه یکسر اولوبلا زارو ملول   گورنده مجلسین اوضاعینی خانم زینب خدا بلورکه نه حاله قالوب او کان ادب   بو یازدیقیم سوزی راوی بیله بیان ایلیوب خانم او بزمیده اول اوزین نهان ایلیوب   گرک بیان ایلیم علتین نییدی سبب که گزلدوردی  اوزین خلقیدن خانم زینب   دیار کرببلاده زبسسویولموشدی اوئیدی علتی حالی که چوخ پوزولموشدی   علی قیزیدی هامی عالمین عزیزیدی زنان کوفه سراسر اونون کنیزیدی   گورون نه ظلم اولونوبدور بیرایله خاتونه الومدن آرتوق او مجلس اولوب او محزونه   زیادین اوغلی او دم مجلسه نظرسالدی اسیرلر آدینی بیربه بیر خبرآلدی   سوروشدی کیمدی او عورت قدین کمان ایدوری اسیرلرآراسیندااوزین نهان ایدوری   جواب ویدیله برج سماده کوکبدور بتول فاطمه نون یادگاری زینبدور   ایشتدی زینب آدین آچدی لال اولان دلینی یارالادی خانیمین دردیله دولان دلینی   دیدی تکلم ایله ای عزیزه دوران که سنده واردی دیولر غریبه نطق و بیان   نه آه و ناله دی نه غصه دور داخی نه ملال ندورایدن سنی آیا بیله پریشان حال   ایکی سپاه ستیزه اولان زمان طالب بو رسمدوربیری مغلوب اولاربیری غالب   یزیده بیعت اگرایلسیدی قارداشین بو گون بو بزمیده دونمزدی قانه گوزیاشین هزار شکراولا درگاه حی لم یزله گتورموشم هامی آمالیمی بو گونده اله آتان نقدری توکوب قان خیالیمه سالدیم بالالاریندان عجب منده انتقام آلدیم هانی آتان هانی جدون هانی آنان زهرا گلوب بو مجلس آرا سیزلری گوریدیله تا یزیده بیعت ایدیدی حسین ازلدن اگر قانی توکولمزیدی کربلا چولینده هدر حیات گلشنی هرگزجهاندا سولمازدی حیالی قیزلاری دشمن اسیری اولمازدی الوب جوانلاری گیتمزدی عزت و جاهی یانوب تالانمازیدی کربلاده خرگاهی گور ایمدی سیزلری الله ننوعی خارایلدی بنی امیه نی عالمده کامکارایلدی بو سوزلر اوخ کیمی قلبین او غمکشین دلدی آتاسی شیرخدا تک او دم دله گلدی تمام قوت قلبیله دختر زهرا ایدوبدی ابن زیادی او بزمیده رسوا بویوردی باده کفرایلیوب منی سرمست ویروبسن ایله بلورسن بیز اهلبیته شکست غرور و کبرسنی حقیدن ایدوب غافل بونی بلورس اوزون کیمدی حق کیمی باطل بوگون زبسکه سالوبسان بیراختیارالیوه او اختیاریله مالک اولونموسان دلوه دلیوه هرنه گلور ایتموسن حیا دیوسن پیمبر عترتینه حرف ناسزا دیوسن و حال آنکه بیزوق عترت رسول کرام هامی یارانموش اولوب جدیمه طفیلی تمام بیزی عزیز ایلیوبدورخدا پیمبریله تفاخرایلروق عالمده بیزاوسرورلن بو فخربسدی بیزه بیز عیال طاهایوق علی بالالاریوق دختران زهرایوق جوانلارین الومی داغلیوبدی سینه میزی اوتان حیا ایله یاندورما سن دوباره بیزی خانم بو سوزلریله آندوروب اصالتینی ولیک ابن زیادآرتوروب شقاوتینی او ظالیمین ستمی دوتدی ماه تا ماهی دانشدوروب او قدر دخت غیرت اللهی زیادین اوغلی ایدوب بسکه ظلمیده طغیان دوروب ایاقه او حالتده قارداشی عثمان اولوب  علی قیزینین گورایشی هارا منجر که دشمنین اورگی یاندی توکدی اشک بصر @matnenoheh ادامه 👇👇👇👇👇

استمداد حضرت ابوالفضل (ع) اثر غفاری اردبیلی حسین جان گل علمدارون یاتوبدی نهر علقم اوسته بابام حیدر ئوپن اللر کسیلدی قانلی پرچم اوسته برادر دلاوریم گل بویاندی قانه پیکریم گل دئدیم آللام سو لشگردن گتیرم اصغرون ایچر سو آناسیندان اولار راضی گولر دوباره تشنه آهو دگوب پیکان سو مشکیمدن قاریشدی قانیمه توکولدی خجالتدن وورور اشکیم ستاره تک یوززومده سوسو غریق بحر محنت اولدوم رقیه دن خجالت اولدوم فرات اوسته دورورب باخدیم سولار آخان مسیره ساری دئدیم آی سو دایان باری عطشدن ئولدی بیر قناری گویرچین تک چالور شهپر امور دوداقلارین عطشدن قوجاقلاردا دوشوب دیلدن رقیه نون سوسوز نگاری گل آخ بیر آزدا تله ساری ربابین ئولدی شیر خواری ندور چاره باشیم یاره کسیلدی قوللاریم بدندن بو غوغادن بو سودادن یوخومدی هئچ گلایه سندن فقط آرزیم بودور گلسون اگر بو قانلی قتلگاهه ایاقوندن ئوپم قارداش امانیم اولسا باش کسندن بودور محنلی سرنوشتیم گل آی منیم گوزل بهشتیم آخوب قانیم یازوب یرده شرفلی افسرم حسینه ادب رسمین وفا رسمین ئولونجه گوزلرم حسینه منه گلدی امان نامه اولام سپاه شامه سردار دئدیم مین یول باشیم گئتسه وفالی نوکرم حسینه واریم یوخوم حسینه قربان آزیم چوخوم حسینه قربان منیم دردیم آشوب باشدان هایانداسان گوزل طبیبیم اوشاقلیقدان بودور آرزیم سینونده جان وئرم حبیبیم ابوالفضلی گوروب قولسوز یوبانما گل ننمده گلدی بو صحرای غم افزاده بهشت اولوب منیم نصیبیم اولوب کمان مثالی قدّی یوزونده واردی سیلی ردی @matnenoheh ☑️کانال متن نوحه 👆👆👆

🌺﷽ﯾٰﺎﺍَﺑَﺎﺍﻟْﻔَﻀْﻞِﺍﻟْﻌَﺒٰﺎﺱ(ع)🌺 باخ کیچیح قبره سوروشما نه گلیپ قامتینه چوخ اوجیدی قدوبالاسی ابلفضل آغام الی سنسن اوکی بوستاندا اوجا سروی کسه کسیلن سروی گورنده دل عشاق اسه ای قلم آش سوزی عشق اهلی گورورسن هله سن غم عباس آغامن فاطمیه اتدی اثر گلدی امدادینه زهراسی ابلفضل آغامن اوددی جان بالا ایثاروه احسن دییرم بوددی آی ننه ممنونم ایاقین اوپرم اوددی باادب اوغلوم سنه قوربان کسرم اوددی منده حسین وای دییپ آتدان دوشرم اودم اولدی دم حساس ابلفضل آغامن ای گوزوم اشکیوی قان ایله بوسوزغم سوزودی اشیدن اولسه ده وار حق محرم سوزودی سو سوزی مشک سوزی باش سوزی پرچم سوزودی ﺍَﻟﺴَّﻠٰﺎﻡُ ﻋَﻠَﯿْﮏََ ﯾٰﺎﺍَﺑَﺎﺍﻟْﻔَﻀْﻞِ ﺍﻟْﻌَﺒٰﺎﺱ "علیه سلام یاﺑﺎﺏ ﺍﻟﺤﻮﺍﺋﺞ اَللّهُمَّ عَجِّل لِولیّکَ الفَرج.…اَللّهُمَّ عَرِّفْنی حُجَّتَکَ (((((((((اللهم الرزقناکربلا))))))))) #حضرت_عباس ع🌹 @matnenoheh ☑️کانال متن نوحه👆👆👆👆

کوچ از قتلگاه زبانحال حضرت زینب (س) قوی دیوم نلر چکمیشم حسین بو گیچن گیجه روزگاردن بیر یانان چادر منزلیم اولوب گور نه دوشموشم اعتباردن دویموشام داخی روزگاردن آختاریب نقدری تاپامادیم بیرنفرمسلمان گچن گجه پاسبان اولا اهل بیتوه اولمیاخ هراسان گچن گجه صبح اولنجا اطراف خیمه نی گزمیشم هراسان گچن گجه اینجیدیم داخی بوردا قالمارام گورمدیم وفا روزگاریدن پر شکسته قوشلار یغیشدیلار ظلمله یانان اشیانیمه بیر نفر پرستاریم اولمادی قورخودان دوشوب لرزه جانیمه نصف شب اوغلسوز انام گلوب خیمگاهیده بیرجه یانیمه پاسبان اولوبدور اوشاقلارا قورتولوب باجون گیر وداریدن ایتدی بیر قیزون درد و غصّه دن بُل بو قدر خرسندیدم اُلم باش قویوب دالینجا من ایستدیم آختارام تاپام حالینی بُلم بیر شقی منه رحم ایلدی قتلگاهی گوستردی تا گلم ویردی اوز بالاندان منه خبر گوردی گیتمیشم اختیاریدن سن اوزون بُلورسن نه حالیله گلدیم ایله بیر دمده یانیوه کاش کلمییدیم گلن کیمی اللریم باتوب تازه قانیوه گوردوم اللرون ساربان کسوب لعن حق گله ساربانوه بیله بیوفالوق زمانه ده گورمیوبدی بیر یار یاردن باشوی بدنده گورنمدیم تار اولوب گوزومده منیم جهان آنلادیم که حرمت ایدوب سنه کوللر اوسته خولی ویروب مکان هر کسه دیدیم باشون ایستدیم کوفه نی منه ویردیلر نشان نه جواب واردور پیمبره حشرده دوراندا مزاردن گورموشم بو عریان جنازه وی یوز ویروب منه غضّه و محن چون سویولموشام یوخدی بیر زادیم ایلیم سنون نعشیوه کفن بیر گلور گمانیم بو ساچلارا اذن ویر آچوم نعشون اوسته من چاره یوخدی نیلوم خجالتم چخمشام بو گون هر نه واردن ساخلا ال « ثریا » داخی دایان یازما بوندان آرتوق بو محنتی بسدی بو قبول ایلسه اگر پادشاه خوبان بو خدمتی دل سنون دگول اوزگه نوندی دل باشلیوب بیله طرز صحبتی قیل یقین که تأیید خاصّدور لطف اوزیله پروردگاردن @matnenohe ☑️کانال متن نوحه 👆👆👆👆

‍ ‍ آی یارالی سلطانیم وروبدولار سنی چوخ قارداش سوکوبدی قلبیوی اوخ قارداش سسیمه سس ویرن یوخ قارداش @matnenohe ای بدنی صد پاره قالوبدی زینبون آواره گیدیبدی غارته گهواره رباب اولوبدی بختی قاره یارالی آقام ایوای     یارالی آقام ایوای دربدرم آی قارداش گزر بونسگیلین دلرده قالوبدی کوینگون الرده رقیون آغلیور چولرده دربدرم آی قارداش همیشه یاره باغلار زینب سنه ئولونجه آغلار زینب غمونده سینه داغلار زینب یارالی آقام ایوای     یارالی آقام ایوای دربدرم آی قارداش(۲) منه بوبیر مصیبت بسدی چخاندا شمرسینوه اسدی سوسوز باشیوی دالدان کسدی فاطمه نون ریحانی اولوبدی پیکرون اوراقی نه باش قالوب نه ده بارماقی گوروم سنیدی آت دیرناقی امان از دل زینب    امان از دل زینب دربدرم آی قارداش دورایله بوسوزه بیر چاره گلین گرک سالا گوشواره نه کی اولا قولاقی یاره هاردادی داماد الله گوره عروسی گل تک سولدی الینده کی حنا قــان اولـــدی گوزی صحاب غم تک دولدی امان از دل زینب    امان از دل زینب ‍ ‍ ‍  @matnenohe ☑️کانال متن نوحه👆👆👆

اویان ای یار وفاداریم اویان منی تک قویما علمداریم اویان یولووی خیمه ده گوزلور بالالار سنه قربان اولا قیزلاریم اویان شرف الناسیم اویان        گوزل عباسیم اویان   سنه من قانه باتان آی دیَرم سینه وی لاله لره تای دیرم داش آتانلاردان اگر اولسا امان توکرَم گوز یاشی لای لای دیرم قره معجر لریمون وای گونونه صود امر اصغریمون وای گونونه شرف الناسیم اویان        گوزل عباسیم اویان   دئمورم قارداشووام گویلومی آل دئمورم دور گئدک اخیامیده قال دیورم دشمنی گولدورمه منه کسیلن قوللاریوی بوینوما سال صاق گوزوندن توکولن قانه قسم ایاقیم خیمیه گلمور قِییدَم شرف الناسیم اویان        گوزل عباسیم اویان   یارالی باشیوه قربان اولانیم گوزیوی آچ باشوا من دولانیم نئجه سنسیز گئدرم خیمه لره ئوزون انصاف ائله ای قهرمانیم گوزوه پرده چکوب قان یارالی نیه بو حاله قالوبسان یارالی شرف الناسیم اویان        گوزل عباسیم اویان   بویاما گُل یوزوی گوز یاشووا دیله گَل ایله بیان قارداشووا سنی زهرا ننه مون جانی دانیش نه آغیر یاره ووروبلار باشووا ئورگین اودلادیلار قارداشووین بِلیمی اگدی یاراسی باشووین شرف الناسیم اویان        گوزل عباسیم اویان (حسین غفاری اردبیلی @matnenoheh ☑️کانال متن نوحه👆👆👆👆

‍ شام غریبان 🏴 🏴 حسین شمس هدی دیر ذبیحا به قفادیر رئیس شهدادیر حسین پنج تن ایچره گل اهل کسادیر هامو شاهلار حسینین قاپیسینده گدادیر حسین صبح و صفادیر حسین ظهرو زیادیر حسین درده دوادیر حسین باب رجادیر او یر که وطن اتمیش ادی کرب بلادیر عجب حال فنادیر عجب حال فنادیر هامو شیعلرینن سلام اولسون حسینه امام الثقلینه سراج الحرمینه هامو شیعلرینن سلام اولسون حسینه اونون سقفی طلادیر همان گنبد نابدا براورده دعادیر در قبلده موسی سر صحنیده عیسی اونون کفش کنینده دوران حضرت یحیی بوجاقینده دایانمیش ملک عفوا وصفا سوپورر حرمینن یرین طره ی هورا سیلر قبر شریفین توزون مریم وسارا محرملر اولاندا گلر حضرت زهرا حسینین بوقازوندان اوپر سسلر ای وای امام الثقلینه سراج الحرمینه هامو شیعلرینن سلام اولسون حسینه حسین خالیق َزارو .بلایَ دده لبیک اونا حی توانا .ندادت دده لبیک نقیان معظم سماده  دده لبیک نبیان معظم سماده دده لبیک علی دوم اهل کساده دده لبیک خانم فاطمه باغ صفاده دده لبیک حسن چهارم آل عباده دده لبیک اوزون گوردون او یتمیش مراده دده لبیک رضیتُ بقضائِک رضا دَ دده لبیک وتسلیم لِاَمرک قضا دَ ددی لبیک حسینین بدنین دَ دِماء دَ دِدی لبیک تعجب دی دیل آشدی بلا دَ دِدی لبیک خلاصه اونا آق دا ، قَرا دَ دِدی لبیک امام الثقلین سراج الحرمین حامی شیعه لرینن سلام اولسون حسین حسین سجده زمانی چیخان جانوَه قربان یاشیل شیشه ده عرشه کِدن قانوا قربان علا صحنه سی دولدی برازنده فَدادن حسین عشق وِلا ده حسین اولدو بلاده حسین دوشدوکی مقتل خراج الدو منا دن دِیَلَ توپراقا کِچَر مغز طلادن او خلوت گه معنا جلالند جلاله دوشوب جلوه ی جانا مصاف او و سمادن حسین غسل طوافو اِدیب خون خدادَن دونوب جامه ی احرام حسین قانو ردا دن حسین دشمنین اوستَه هجوم اِددی جدادن او موسی یه زمانه سلاح اِددی عصادن توزوب اسم یزیدی ردیف دو نو جوادن یخیپ قله ی ظلمی فنا اِددی بنادن یِتیب خلقت احسن اونا خیر بلادن کَلیب کلمه تحسین اونا بیت خدادن دل غار نبیدَن لب کوه حرادن اوجالدو گویه لبیک عروق شهدادن اوتوزلوب که فضاسی دوروب عین اَخادن غنی ایلَدی زینب اونو سعی و صفادن کلیب قِبطه صداسی اونا مرو صفادن امام سقلین... اَلین آتدی دَیانسین عصا دَ دِدی لبیک دیانمیشدی جِدایَه جِدا دَ دِدی لبیک علی اکبری قانلی عبا دَ دِدی لبیک جوان قاسم اَلیندَ حنا دَ دِدی لبیک عروس حجله ی ماتم سرا دَ دِدی لبیک اونا صاحب مَشک و لِوا دَ دِدی لبیک بِشیک دَن اوزون آتدی بالا دَ دِدی لبیک خلاصه اونا آق دا ، قَرا دَ دِدی لبیک حسین سجده زمانی چیخان جانوَه قربان یاشیل شیشه دَ عرشه گِدَن قانو وَ قربان امام الثقلین…♩ الله الله کربلا یَ قان یاغور به غریب اوست نه پیکان یاغور یا حسین بو جمعی نن یک سر سلام اولسون سنه بیزدن که فرزند پیغمبر سلام اولسون سنه مظلوم حسین غریب حسین

کوفه دن شامه روان الدوی قطار اسرا نیزه لر اوسته آی الدور کیمی راس شهدا قولی باغلی چکلوب سلسلیه زین العبا زینبون مین غمی غصه سی وار دور دلده اوتوروب غملی رقبیله سنق محملده کیم علی صحرانورد اولدی بو بی ماوا کیمی کیم دئر مجنون بیابانگردیدی لیلا کیمی من سنون امیدیویله ایلدیم ترک وطن ایمدی سرگردان هجرم وادی حیرتده من چون فنا فی اللهوم، خوف ایتمرم بو ورطه دن خوشدی مین غوغا اولا باشونداکی غوغا کیمی تار زلفون فکرین از بس ایلدیم شام و سحر حالیم اولدی عاقبت زلفون کیمی آشفته تر تار اولوب دنیا گوزومده سنسیز ای نور بصر روزگار روشنیم اولدی شب یلدا کیمی اسدی صحرای بلاده صرصر جور و جفا تیز خزان اولدی بهارون ای گل باغ وفا شوره گلم بلبل شوریده تک قیلام نوا نیزه باشندا باشون گورجک گل حمرا کیمی گر چه هر ثکلا اوغول هجرینده ایلر چوخ فغان باغرین ایلر زخم داغ هجر غور ایتدوقجا قان اولماز اما بیله سونمز اوددا لیلا تک یانان یانمیوب عالمده بیر ثکلا من ثکلا  کیمی هانسی بیر اوغلی ئولنده وار بو درد بی دوا اوغلون ئولدورسون اسیر ایتسون اوزون اهل جفا دمبدم گل تک اوغول باشین گوروب زیب جدا باشلاسون فریاد و شیون بلبل شیدا کیمی آتش عشقیله چون تخمیر اولوب آب و گلیم شمع رویونله یانان پروانه تک خوشدور دلیم حاش لله ایلسون شکوه بو یانماقدا دلیم یوخدی بیر پروانه بی پروا بو بی پروا کیمی شعله آهیم زبس آتشفشاندور دمبدم منظر حرا اولوب اوز منظرینده مرتسم اوز اودیمله یانماقا مثل سمندر شائقم راضیم یانسام سراسر بو دل حرا کیمی رشته دمله رفویه ایتسه عیسی اهتمام زخم داغ فرقتون ایتمز قبول التیام وار مریض هجریوون بهبودینه یاس تمام ای اوزوندن مریمین مهجور ایدن عیسی کیمی نقطه سیز صورتده ویمرز حسنه چون معنا جمال کلک قدرت لوح حسنونده قویوب بیر طرفه خال حبذا حسنون او خالیله تاپوب حد کمال صورتون توحیده برهاندور عجب معنا کیمی ای جمالی مظهر حسن رسول کردگار سنده کامل قدرتین نقاشین ایلوب آشکار صفحه ایجادیده مشگلدی چشم روزگار بیرده بیر صورت گوره بو صورت زیبا کیمی گوز دولاندور نیزه دن بیر قیل نظر بیمار امامه گور نجه آغلور باخاندا ازدحام اهل شامه گردنینده غل جامع یوخدی باشندا عمامه قان اولوب بو ماجرادن خاطر آگاه زینب بیر نفر یوخدور دیسون بو شمره ای شوم جفاکار ناخوشی ورمازلا ظالم، نیلیوب آخر بو بیمار قمچی بیماره ویراندا یالوارولار شمره ناچار گه رقیه گه صفیه گه سکینه گاه زینب کربلادن شهر شامه ویرمیوب مهلت بو لشگر قیزلارون بیر آغلاسونلار سس سسه ویرسونله یکسر وار نه غمخواری نه یاری نیلسون بو بی برادر ناله شبگیر اولوبدور روز و شب همراه زینب ‌@matnenoheh ☑️کانال متن نوحه 👆👆👆👆

استمداد حضرت ابوالفضل(ع) 🖤( سبک : آخشام اولدی ننه)🖤 سویگلوم سروریم مرشدوم رهبریم اوخ وردی اعدا مشکیم جالاندى دوشمشم تپراقا یوخدی بال و پریم سقّا وئرور جان تز گل آماندی تنگ ایتدیم عرصه نی بی حیا لشگره سوئی سالدیم أله وورمادیم لبلره دولدوردوم مشکیمی گتورم اصغره جام آرزو سیندی تالاندى سقّا وئرور جان تز گل آماندی دام محنت قوروب یول کسدی اهرمن اوخلار زِه دن چیخوب کینه اولدی علن گیتدی مشکون سوئی قالدیم شرمنده من خرمن عشقیم اود دوتدی یاندی سقّا وئرور جان تز گل آماندی سویلدیم لشگره یول اوسته دورمیون غیرتوز وار اگر منی سیندرمیون اوخلیون گوزومی مشگه اوخ ورمیون یانور سوسوزدان گوللر هاچاندی سقّا وئرور جان تز گل آماندی قویمادی اشقیا حرمت نه ئوزومه نه یاندی حالیمه نه باخدی سوزومه گوزلروندن ایراخ اوخ وردی گوزومه مرکب همت یولدان دایاندی سقّا وئرور جان تز گل آماندی توش اولدی خنجر اعدایه شهپریم نه گوز قالدى منه نه سالم اللریم دوشدوم آتدان یره باشلاندی محشریم باشیمه غمدن دنیا دولاندی سقّا وئرور جان تز گل آماندی ایلرم ایندی بو صحنه ده آرزو قسمتیم اولمادی ویروم اطفاله سو کاش ئولنده اولا لبلریم مشکبو گرد قدومون داروی جاندی سقّا وئرور جان تز گل آماندی ای مسیحا نفس قویما حسرت منی قیل کرامتوندن غرق منّت منی گلمه سون ئولدورر بو خجالت منی کاسه ی صبریم داشدی جالاندی سقّا وئرور جان تز گل آماندی دوزدی من عترت عشقووه ساقی ام یاریمون طالب لطف انفاقی ام مقدموندن آقا بوسه مشتاقی ام دیدارون منه عین جناندی سقّا وئرور جان تز گل آماندی دیلیمون ازبری یار زیبا جمال آخر نفسیمده اوستومه سایه سال پرچم عشقووی گل مندن سالم آل عفو ایله اگر شُقّه سی قاندی سقّا وئرور جان تز گل آماندی دیداره گلمه سون نیّته چاتمارام سن سن قبله گهیم من سنی آتمارام مین جان اولسا ویروب عشقووی ساتمارام سینمش باشیمدا سنه قرباندی سقّا وئرور جان تز گل آماندی * ✍سید تقی سیفی اردبیلی @matnenoheh ☑️کانال متن نوحه👆👆👆👆

حضرت ابوالفضل العباس علیه السلام سبک نوحه: کمی آهسته تر به کجا میروی... آچ گؤزون ابالفضل تپراق اوسته یاتما اوغولسوز حسینی بو قدر آغلاتما ای منیم با وفا قارداشیم ابالفضل اویان ای غم گونی یولداشیم ابالفضل آرخام الیم یاتما قارداش سیندی بیلیم یاتما قارداش یاندیرور قلبیمی باشوین یاراسی اللریمده یوخدی دردیوون چاراسی سن یولسن ابالفضل صودامر اصغرین دوشه جک اللره خوردا گهواراسی ای منیم با وفا قارداشیم ابالفضل اویان ای غم گونی قارداشیم ابالفضل بیر دانیش منیلن عاشقم سؤزووه هم اوجا بویووا هم سنون ئوزووه جسمووه باخورام یانوب اودلانیرام آلنوا اوخ دگوب قان دولوب گؤزووه ای منیم با وفا قارداشیم ابالفضل اویان ای غم گونی یولداشیم ابالفضل آی کیمین یوزووه هاله غم دوشوب شرمنده یاتوبسان آلنوا خم دوشوب کسیبلر یوللارین سالیبلار قوللارین اللریندن یئره قانلی پرچم دوشوب ای منیم با وفا قارداشیم ابالفضل اویان ای غم گونی یولداشیم ابالفضل وورموسان آی قارداش علقم اوسته پرچم حیف او پرچم دوتان قوللار اولدی قلم قوی باشون سینمه سسله قارداش منه بلکه آرام اولوب غصه دن دینجلم ای منیم با وفا قارداشیم ابالفضل اویان ای غم گونی یولداشیم ابالفضل @matnenoheh ☑️کانال متن نوحه 👆👆👆👆

نوحه حضرت علی اصغر (ع) زبانحال امام(ع)با حضرت ابوالفضل(ع) ای داغیلان لشگره سرلشگریم اللریم اوستونده قالوب اصغریم (سوز عطشدن اودلاندی اصغر دور آل الیمنن اوخلاندی اصغر) گلمور اوزومنن خییمه قیترم یاسه باتا تازه دن اهل حرم درک ائله احوالیمی بی یاورم قانه باتیبدور بیلوسن اکبریم تیر جفادن چوخالوب محنتیم محنت عظماده گئدوب طاقتیم بیلسه بو حالی یاناجاق عترتیم غرق مصیبت اولاجاق ائللریم چاره یولون قوم لعین باغلادی اوخلیوب حلقین سینه می داغلادی اصغریمه دشمن ئوزی آغلادی قوپدی بو صحراده منیم محشریم حرمله نین درک ائلدوم نقشه سین اصغرین ئوپدوم خشکیده سین قوی دئدوم اوخ ورسالا دیسگینمه سین پرپر اولار غنچه ی نیلوفریم تیری گوروب رنگ جمالی سولوب گوزلری میدانیده قانه دولوب یوخ سویا میلی داخی سیراب اولوب زهریلی پیکانی اموب اصغریم سوز عطشدن داخی بو غم یمور زهریلی پیکانی بو غازدان امور چکمه خجالت داخی سو ایستمور دویدی قانیندان بو گل پرپریم آهو کیمی تیتردی اوخ دگجگین چکدی الیمدن بالاجا اللرین منده فغان ایلدوم اصغر کیمین آخدی گوزیمدن اوزه اشک تریم چاتدی بو میدانیده آمالینه یاندی ملکلر بالامین حالینه آغلادی دشمنلریم احوالینه یر گویی آغلاتدی گل احمریم @matnenoheh ☑️کانال متن نوحه👆👆👆👆

زبانحال حضرت اباعبدالله الحسین (ع) در بالین برادر ☑️ سوال و جواب ابوالفضل عباسی معروفان .. .. .. .. .. ▪️ امام:: علمدار لشگریم آی ابالفضل سئنوب سن سیز شهپریم آی ابالفضل اوغولسوز قارداشووم منه سس ویر قالیب بئلده اللریم آی ابالفضل .. ایاقه دور قهرمان قارداش الیمدن دوت مهربان قارداش .. .. .. .. .. ▫️ سقا:: گؤزل رهبر گؤزلریم سنه قربان حسین سئنمیش شهپریم سنه قربان قولوم اولسیدی دوتاردیم الیندن قلم اولموش اللریم سنه قربان .. اخا درد و محنتیم چوخدی باغیشلا قارداش الیم یوخدی .. .. .. .. .. ▪️ امام:: قولون هدیه دلبره وئرن عباس سودا اصغر عکسینی گؤرن عباس ایشیم دوشدی مشکله منه سس وئر سنی سسلر مشکله دوشن عباس .. علمدار لشگریم سن سن منیم تنها یاوریم سن سن .. .. .. .. .. ▫️ سقا:: حسین سنلن درد و غصه قاچاردی وجودیندن جنت عطری ساچاردی سالیب اعدا ظلمی یئرده قالیبدی او ال که هر یئرده مشکل آچاردی @matnenoheh ☑️کانال متن نوحه👆👆👆👆👆

سینه زنی بسته شدن راه فرات کوفیان  سو   یولونی   باغلادیلار دلِ   اهل    حرمی       داغلادیلار قدغن اولدی   سو    اهل     حرمه ایش قالوب صاحب مشک و علمه کسدیلر   آب   حیاتین   یولونی مایه ی شور و نشاطین یولونی دشمنون   لشگری  سد   ایلدیلر خیمیه   نهر   فراتین    یولونی سو آخوب چوللره داغلار دئدی وای گلشن عترته    باغلار    دئدی   وای قوریان   مشکه   باخوب  حسرتیلن خیمه ده تشنه دوداقلار دئدی  وای اشقیا    ظلم      مدام   ایلدیلر علقمی   عترته    دام     ایلدیلر فاطمه    اوغلونا   اشرار   زمان مهر    زهرانی    حرام   ایلدیلر محنت و غم بولودی گویده شاخور نهر علقمده       سو   آهسته   آخور الده سو جامی سوسوزلار دایانوب گوزلری    مشک   ابالفضله    باخور راه چاره نجه   گور    کسدی    عدو تشنه لر خیمه ده    سسلندی    عمو عمو   رحم   ایله    ربابون    گولونه بیر   ایچیم   اصغره احسان ائله سو کربلاده   بو   گئجه   محشر  اولوب بانگ   یا   فاطمه   صحرایه  دولوب اسدی   محنت   یلی   حیدر   باغینا فاطمه     گللری    ظلمیله    سولوب ابوالفضل عباسی معروفان اهری @matnenoheh ☑️کانال متن نوحه👆👆👆👆

بسته شدن راه فرات کربلاده سو یولی باغلانور الله بو گئجه ال پیغمبر عطشدن یانور الله بو گئجه کربلاده سو یولی باغلانور الله بو گئجه ال پیغمبر عطشدن یانور الله بو گئجه گینه سالدی سو سوزی دللره عباسین ادین اورگدور اهل حرم اصغره عباسین ادین سسلنوللر چاغیرون بیر بیره عباسین ادین ال پیغمبر عطشدن یانور الله بو گئجه نهر علقم او طرفده اخوری ئوز باشینا ال هاشم بو طرفده بویانوب گوز یاشینا تاپا بیلمور سو رقیه صود امر قارداشینا ال پیغمبر عطشدن یانور الله بو گئجه کیم گوروب نامه یازانلار سویی کسسون قوناقا بارماقین خورداجا قزلار قویوب عطشان دوداقا ساقی تشنه لبان باشینی سالمیش اشاقا ال پیغمبر عطشدن یانور الله بو گئجه گلستان قالسا سوسوز غنچه صولار گل سارالار چاره یوخ عترت طاها گرک عطشان قالالار بیر بیرین خیمه سقاده قوجاقلور بالالار ال پیغمبر عطشدن یانور الله بو گئجه قلبلر قانه دونوبدی نیه دونمور قانا سو خیمه ده گوز یاشی اخدیقجا اخور هر یانا سو عمه سو باجی سو  سسلور بالالارسو  انا سو ال پیغمبر عطشدن یانور الله بو گئجه کبریا اهلی لب عطشان . سو ایچور اهل ریا ایلمور فاطمه دن کوفه و شام اهلی حیا هشتم ماه محرمدی قیامتدی و یا ال پیغمبر عطشدن یانور الله بو گئجه هاردادی ساقی کوثر ائده بو مشکلی حل الینوب تحت نظر دایره خیمه و تل زور و زر بنده لری قویمادیلار دینه محل ال پیغمبر عطشدن یانور الله بو گئجه ولی الله کلامی زنجانی @matnenoheh ☑️کانال متن نوحه👆👆👆👆

حضرت قاسم سبک : 👇🙏 یا امام زمان شیعه ده احساسه باخ استادکلامی آیریلیق اشگیمی قانه قاتوب یا حسین قاسم بن الحسن قانه باتوب یا حسین وئرورم جان عمو سنه قربان عمو ای عمو جان غم اکبرده بو قلبیم عزاخانه دی سن وفا شمعی سن جان سنه پروانه دی ئولورم مونسیم آه یتیمانه دی مجتبانین گولی چولده یاتوب یا حسین وئرورم جان عمو ... من اون اوچ یاشدا بیر عاشق دلداده یَم سنه دل وِرمیشم بنده ی آزاده یم ظلمه باش اِیمَرم ئولماقا آماده یم کیم بو یولدا ئوله کامه چاتوب یا حسین وئرورم جان عمو ... بو شهادت عمو شهد عسلدور منه مین یول ئولسم اگر خوشدی گوزلدور منه عشقیده رهنما عهد ازل دور منه عاشقون، باشینی باشدان آتوب یا حسین وئرورم جان عمو ... غم هجرون عمو مضطر ائدوب قاسمی معرفت پیرو اکبر ائدوب قاسمی نیزه لر گل کیمی پرپر ائدوب قاسمی نفسیم اوخلارون آلتدا باتوب یا حسین وئرورم جان عمو ... @matnenoheh ☑️کانال متن نوحه👆👆👆👆👆

شهادت حضرت رقیه (س) درسبک(ای غملر آشناسی …) ای دردیمین دواسی _ لای لای رقیه لای لای… ویرانه نین صفاسی _ لای لای رقیه لای لای… ای روحیله روانیم _ یاتما شیرین زبانیم تپراقه قویما باشون _ سن سن عزیز جانیم *** یوللاردا اینجییبسن _ سیلی دگوب یوزونن دور صحبت ایله منلن _ دورمام شیرین سوزونن ای فاطمه مارالی _ دوشمه منلن آرالی اکبر باشی جداده _ آغلور سنه یارالی لای لای رقیه لای لای _ لای لای رقیه لای لای * ای زینت خرابه _ سن سن منیم وقاریم سن سیز گدر الیمدن _ ویرانده قراریم ای سنبل سه ساله _ ائتدون چوخ آه و ناله گورجاق یارالی باشی _ قالدون نیه بو حاله لای لای رقیه لای لای _ لای لای رقیه لای لای *** اکبر آدی شعارون _ آدین اولوبسان ازبر قارداشوین اولوبدی _ باشی جداده پرپر اکبر اولوب عزیزون _ منده سنون کنیزون تا وار نقدری دنیا _ اولام من اشکریزون لای لای رقیه لای لای _ لای لای رقیه لای لای ** ویرانسراده قالدون _ اولدی بویر صفالی زهراکیمین ئولوبسن _ ای فاطمه مثالی تپراقلار اوسته یاتما _ گوزدن ربابی آتما سن سیز دوزنمز عمون _ یاددان منی چیخاتما لای لای رقیه لای لای _ لای لای رقیه لای لای **** اول صورتی کی اکبر _ ناز ایلیب ئوپردی سیلی ویریب او ضالم _ سولدی یوزی گوردی دوتدی سنی بهانه _ هی وردی تازیانه دویدون غم و محنن _ گلدون رقیه جانه لای لای رقیه لای لای _ لای لای رقیه لای لای **** چوخ ایلدی یزیدین _ دختی سنه شمادت آج ئولمگون رقیه _ ائتدی منی خجالت مظلومه ی وطن سن _ غمدن سولان چمن سن قارداشیمین مثالی _ بی غسل و بی کفن سن لای لای رقیه لای لای _ لای لای رقیه لای لای **** آباد اولوب خرابه _ زهرا گلر عزایه سن سیز نجه گدوم من _ صحرای کربلایه آلسا خبر حسینیم _ بس هاردا نور عینیم ورم بله جوابین _ ئولدی قیزون حسینیم لای لای رقیه لای لای _ لای لای رقیه لای لای ** ای مفخر امامت _ دخت شه کرامت ((احسانه )) ایله ((احسان)) _ محشر گونی شفاعت ای نور چشم طاها _ لط ف و سخایه دارا روز جزا یوباتما _ پروندمه ویر امضاء لای لای رقیه لای لای _ لای لای رقیه لای لای @matnenoheh ☑️کانال متن نوحه👆👆👆👆👆

🩸 حسینیم وای حسینیم وای 🩸 ئورکده شوروشینیم وای امامیم وای امینیم وای سراج العالمینیم  وای حسینیموای حسینیموای باش آچموش حیدر و طاها گلوبدور مقتله زهرا دیر مریم  دیر سارا حسینیم وای حسینیم وای دیور اول مفخر نسوان حسین ای آیت سبحان سنه زهرا ننون قربان حسینیم وای حسینیم وای منیم ای شمس رخشانیم سنیدون راحت جانیم آخار گوزدن ئورک قانیم حسینیم وای حسینیم وای ایا شمع عزاخانه سنه عالمدی پروانه یایلدی عطرون هر یانه حسینیم وای حسینیم وای غریب ئولدون او غربتده باجون زینب بو محنتده قوجالدی گور نه حالتده حسینیم وای حسینیم وای مگر بیلموردی بو دونان سنیدون حجت یزدان اوخوردون نیزه ده قرآن حسینیم وای حسینیم وای ننون آلدی اله معجر اراده قالدی گل پیکر گور آتلار درناقی نیلر حسینیم وای حسینیم وای جنازون مقتله دوشدی باشون الدن اله دوشدی بهانه بجدله  دوشدی حسینیم وای حسینیم وای منیم بند دلیم اسدی دئدیم ای ساربان بسدی نه گوردوم بارماقون کسدی حسینیم وای حسینیم وای آچوقدور خوان احسانون بو (نادر)اولدی مهمانون دیر یاسلی نوا خوانون حسینیم وای حسینیم وای @matnenoheh ☑️کانال متن نوحه👆👆👆👆👆

نوحه زبان حال خانم زینب کبری(س) بر بالین زهرای سه ساله 🌹سبک عجب محشر یاراتدون🌹 +++++++++++++++++++++ خلاص اولدون غم و رنج و بلالردن رقیه سنه چوخ ظلم ائیدوب هرلحظه ده آل امیٌه یوزونده رد سیلی اولوب گل مثلی نیلی باتوبسان اللریمده سپهر غم سهیلی ننم بنذری_ آچ اول گوزلری بالام دور یاتما یاتما ئوپوم قوی گوزون_ منه ده سوزون_ منی بونوعی آتما +++++++++++++++++++++ قوتاردون شمر الیندن گوزلرون گرم اولدی خابه لبون بابا لبینده یوز قویوبسان سن ترابه علی اصغر شهید اولدی سنه دیل باغلامیشدی بالا سندن صورا قالماز ئولر رحم ائت ربابه یورولدون بو قفسدن بو دنیایه عبثدن اوپنده قانلی لبدن داخی دوشدون نفسدن یارالی بالام_ عزالی بالام_ سنه لای لای رقیه عزا ساخلارام _ سنه آغلارام _ دیلیمده وای رقیه +++++++++++±+++++++++ نجه تپراق توکوم بو عارض گلنارین اوسته دئولدون شامه جاق بو آخرین دیدارین اوسته ایاقون قوی ئوپوم قلبیم یانور یاده دوشنده قاچوبسان نصف شب چولرده ویلان خارین اوسته گوزونده ابره قربان دیلونده صبره قربان ئولیدی عمّون ای کاش بوخیردا قبره قربان سنه جان فدا_ رقیه بالا_ یورولدون درد الیندن اورکده یادون_ همیشه آدون _ بالا دوشمز دیلیمدن +++++++++++++++++++++ قوی امداد ایستیوم نهر اوسته کی خونین لوادن او قولسیز قهرمان بی بدیل کربلادن چاغیرسام تز گلر امدادیمه قارداشیم عباس قوی آگاه ائیلیوم اول باوفانی ماجرادن اودور سردار غیرت اودور ماه وجاهت ولی حیف اولدی سندن اولوب سو اوسته خجلت چاغیرسام گلر_ سنه اشک الر_ اوقانلی چشم ساغی گلر مجلسه _ ویره سس سسه _ دوتار دوتماز ایاقی +++++++++++++±+++++++ ابوالفضل هارداسان یاندیم اخا سوزو گدازه الیم اوسته قالوبدی یارلی خیردا جنازه دمم قاز قبرینی یا آل الیمدن چون قولون یوخ!! ولی شرکت ایله دفن ائیلین وقته نمازه رقیّم ئولدی قارداش دیلین غم بولدی قارداش زبس کی قمچی دگدی بدن یول یولدی قارداش یورولدی بالام_ دئولدی بالام_ اونا زینب فدادی باخا گوز گوزه _ قویا یوز یوزه _ اونا زهرا به جادی ++±+++++++!+++++++++++ سفارش ائیله اکبر ده گله اگنینده قاره یوموب زیبا گوزون دای ایستمور هیچ گوشواره اگر امکانی اولسا اصغری ویرسون ربابه اوزی قویسون بو زهرا اوخشاری پوزقون مزاره سولوب گوللر چمن یوخ بوطفلی دفن ائدن یوخ قازان یوخ قبرین حتی ندور چاره کفن یوخ باتوبدور سسی _ یانور عمه سی_ دنن تز گلسون اکبر یوموب گوزلرین _ آچوب الرین_ اونی هرلحظه گوزلر ✍جهان سلیمانی @matnenoheh ☑️کانال متن نوحه👆👆👆👆👆

حضرت قمر بنی هاشم (ع) نهر علقمین اوستونده نه طوفاندی اباالفضل بیرشربه سویون قیمتی بیرجاندی اباالفضل عباس آقاجانلار یاریلان باشوه قربان یارام باشیمی گوزده کی قانیاشوه قربان دین اوسته ئولن یاریوه یولداشوه قربان مشگون علمون قانیله الواندی اباالفضل آخسین سنون عشقونده بوقان قان نه یه لازم یارام باشیمی قوی چیخا بو جان نه یه لازم دیوانه عشقه بابا درمان نه یه لازم باش یاره مه عباس آدی درماندی ابالفضل عباس آقابوقاره گیینلرسنه قربان بوعرض ارادت ائلینلر سنه قربان لبیک اباالفضل دییلنر سنه قربان عشقونده اورک لاله کیمی قاندی اباالفضل شمشیر یازار عشقیمه تفسیر باشیمدا شاهددی همان عشقه بوشمشیر باشمیدا شمشیریم ائدر عشقیمی تحریر باشمیدا هر لحظه دیلیمده آدون عنواندی اباالفضل باش یارماقیما ایسته سه هرکس سندیّت من زینب مظلومیه ائتدیم تبعیّت دیوانه یم عاقل منه چوخ ائتمه اذیت من خانه بدوشم منه سلطاندی اباالفضل ووردی باشینی محمله صدّیقه صغرا آغ ساچلارینی قرمزی قان ائتدی محنّا سسلندی اخا ای اوزی عطشان آدی سقا تز گل باجووین حالی پریشاندی اباالفضل گوزلردن ایراق بیرگونون عرضینده قوجالديم گئتدي او خانمليق نه يامان گونلره قالديم غم بوغدی دار یخدیم باشیمی محمله چالدیم محملده باجون قانینه غلطاندی اباالفضل بیردفعه ده بوکوفیه گلدیم من نالان ساغدا حسنیم صولدا حسین دالدا جوانان ایمدی ایکی قاراداشدان ایکی باش قانا غلطان مرکب اونا نیزه سنه قلخاندی اباالفضل هرچند بلا گلسه منه یوخدی گلایه م من روز الست اوسته کی قالویه بلی یم مین قمچی دگه باشیمه دین اوسته رضایم نیلر بو چتین لر منه آساندی اباالفضل واردور فلک ده نقدر پست و بلندی بیر گون باشیما کوفه ده گللر سپه لندی بیر گونده سینیق محملیمه داشلار الندی یاردیم باشیمی ساچلاریم ایسلاندی ابالفضل الله بیزه احسان ائلیوب فوز عظیمي قارداشیم اوخور واقعه کهف رقیمی آغلار قاپومیزدا قوجا نوکردی کریمی نومید ائلمه لایق احساندی اباالفضل ،شیخ الشعرا حاج حسین کریمی مراغه @matnenoheh ☑️کانال متن نوحه👆👆👆👆

حضرت ابوالفضل نوحسی سبک نوحه؛ یول باشلامشدیم من اخیامه ساری... اچ گوزلرین ارخام الیم قارداش زهراجانی سیندی بلیم قارداش گوزلویور نازلی قیزلاریم یولون یاندی سوسوزدان قیزلاریم قارداش اغلار گوزیم  آی قارداشیم گلمز سنه تای سنن صورا آی قارداشیم ای وای منه وای  وای قارداشیم_وای قارداشیم قارداش ابوالفضل ماه منیریم سن سن پناهیم گوزدن حسینی آتما سرداریم سندن صورا وای زینبه قارداش تکجه بو چولده سن سن امیدیم گلوم سارالای قارداشیم گلمز سنه تای سنن صورا آی قارداشیم ای وای منه وای  وای قارداشیم_وای قارداشیم قارداش ابوالفضل باخ بیراخان قانلی گوزیاشیمه کول توکولدی بو غم ده باشیمه بیر گون اینانمازدیم بو گون اولا حسرت قالام  غم قلبیمی دله عباسیم ای وای قارداشیم گلمز سنه تای سنن صورا آی قارداشیم ای وای منه وای وای قارداشیم_وای قارداشیم قارداش ابوالفضل دورده دشمنلر هی باخیرلار بو حال زاریمه  ال چالورلار گلموربلیم یردن دورام قرداش آرامیمی گل الدن آلولار سندی بلیم دای قارداشیم گلمز سنه تای سنن صورا آی قارداشیم ای وای منه وای وای قارداشیم_وای قارداشیم قارداش ابوالفضل اخیامه گتمسن زینب گلر رخسارینه گوزیاشینی ألر گورسه اگرباشین یاراسین قارداش اللهه اند اولسون اینان ئولر زینب دیروای قارداشیم گلمز سنه تای سن صورا آی قارداشیم ای وای منه وای وای قارداشیم _وای قارداشیم قارداش ابوالفضل ✍شعری از اکبری گمنام @matnenoheh ☑️کانال متن نوحه👆👆👆👆