For helping

For helping pinned «تجارب الطلبة .....؟☀️»

السلام عليكم ورحمة الله وبركاته مرحلة الكلينك مرحلة جديدة نسأل الله أن يباركلكم فيها موادكم حتلقوا المنظومة منزلتهم بروحها جزء منكم بيقرأ عيون قبل والجزء الثاني فورنسك وتوكسو وكومينتي وبعدين حتبدلوا مادة العيون تقسيمة درجاتها 50 فاينل 30 أوسكي 20 سلايد أول أسبوعين محاضرات نظري حني شددو عالحضور وعأساس ممنوع غياب أكثر من 25% كنهادا يحرم من الفاينل لكن بعدين ماصارش فالي يقدر يحضر يحضر لأن الدكاترة أغلبهم كويسين بعدين أربعة أسابيع عملي وتتوريال الي هو محاضرة سلايدات في المدرج فيه الي يقول إن العملي ضياع وقت وفيه الي يقول برو احضرو أنتم الي تقدرو تحضروه احضروه ، حاولوا تمروا شوية عالمنهج بش لما تشوفوا الحالات ويسألوكم الدكاترة تبدو مدركين شوية للموضوع مافيهاش امتحان نصفي مصدر الدراسة الكل متفق عليه د. معز شلفيط سواء تسجيلات قديمة الي تعتبر ممتازة أو منصة وفيه مصادر هلبا في اليوتيوب تلقاهم في البوت بتاع مقابلة 1 تقريبا الشيتات شيتات معز ومروا على pdfs الكلية لأن مرات يجيبو من شرحهم ضروري كيف تقروا الفاينل تقروا معاه سلايد لأن الوقت ضيق بين الامتحانات الثلاثة وحيسهل عليكم هلبا كيف تقروه قريناها في عشرين يوم كانوا مضغوطات فحاولوا تبدو بكري امتحان السلايد داتا شو وريتن https://t.me/oldslidesdrmoez فسطها فيديوات نفسهم تلقوهم يوتيوب امتحان الأوسكي في المستشفى تقعمز مع الدكتور يوريك صور كأن امتحان سلايد لكن حيكون عليها أسئلة وتتناقش معاه مادة العيون تنقرا غر أبدو فيها بكري الكومينتي 20 نصفي الي في الغالب مضمون تجيبو فيه درجات كويسة 40 فاينل حني جانا أغلبهم كيسات دسم شوية فيه الي يقول كومينتي 2 أخف من 1 وفيه الي العكس هي شيتاتها أكثر لكن ينقرا منهجها مش معقد إلا بعض الشيتات فيه الي قراها ب chat gpt بس وفيه تسجيلات قديمة لمعاذ وفيه منصة هادي قناة لامة المصادر https://t.me/+xpyzmgHjuJUyYjU0 وعندنا زميلنا في الدفعة عوف وزميلنا يحي ماقصروش بارك الله فيهم قنواتهم👇 https://t.me/+TdI8bFsmUuw0MDU0 https://t.me/healthconnect442 حضور محاضرات النظري معروف فيه الي يمنع في تسجيل وفيه دكاترة كويسين زي كومينتي 1 أكيدة عارفين الأجواء حضور العملي اربعة أيام فقط يعني اربعة اسابيع كل اسبوع محاضرتين عليه 4 درجات بوستر عليه 4 درجات ساهل وبسيط و2 درجات على مقالة تتنقدوها مع الدكتور والنصفي في العادة يجي ساهل مضمون فيه الدرجات ال20 OSPE بعد الفاينل ثلاثة لجان تطبق قدام دكتور H.H orPPE Vaccinations Nutritional assessment الباقي ورقة قدامك وتحل السؤال 30 درجة كل لجنة 3 درجات أعطوها 20 يوم أقل شيء وتنقرا بإذن الله آخر مادة الفورنسك والتوكسو 15 نصفي 5 حضور مش كل سيم يعطوا فيها ومرات يضيفوا فيها للفاينل 20 عملي 60 فاينل الفورنسك مصدرها الأول والأخير دكتور أنور الي يبيه يقوله في المحاضرة احضروله محاضراته خفيفة وقصيرة وفي الفاينل يدير في مراجعة ويمنع التسجيل فما تفوتوهاش أكيدة فهمتوا علاش فيه زوز شيتات يعطي فيها دكتور عصام يمنع في التسجيل احضروهم لأن مرات حتلاحظوا في محاضرته يركز على حاجة ويكتبها معناها حيجيبها في الامتحان المشرحة تجربة مش ساهلة الي قلبه قوي وإيمانه قوي يمشيلها الي يخاف ويكوبس عليه الأمان لأنها مش إجبارية هي مجرد تجربة بعيدا عن العلم توريك إن الدنيا فانية وتشوف روحك شن قدمت في حياتك نسأل الله حسن الخاتمة التوكسو دكتور محمد أبوخشيم يركز عالي يبيه فيه دكاترة يمنعوا في التسجيلات مصادرها فيه هلبا اشتركوا عند أمجد وهلبا عند إلياس وفيه الي اعتمد على هاجر ملخصاتها قنينات هادي قناتها https://t.me/Drhager2022 بالنسبة ليا من كل بستان زهرة قريت وتعتمد عالحفظ وجهدك فيه هادي قناة فيها مصادر للتوكسو والفورنسك https://t.me/+iGCgvkH16OdlMWE0 https://t.me/+tYGepkV6y7E5YzE8 العملي ريتن عنده شيتات خاصة بيه لكن مروا عالنظري شوية أو بالأحرى فيه شوية معلومات بتجيكم من النظري ولو قاريين للفاينل كويس حتجاوبوهم قنوات للعملي https://t.me/+0gHPLdzC0UM0MThk https://t.me/+tYGepkV6y7E5YzE8 https://t.me/FT44044 https://t.me/looodffg كان عندنا 16 اليوم ليها وفيه الي يقول كافيات حتى أقل وهادي قناة لبنية دفعتنا جزاها الله خير مرجع لأي شيء في محاضرات الكلية وخارجها https://t.me/z910o/706 قنوات الأقسام👇 🔸️رابط قناة مقرر الطب الشرعي والسموم https://t.me/+iRTEhc0AWxEzYzE0 🔸️ رابط قناة مقرر طب الأسرة والمجتمع 2 https://t.me/CM442 قناة قسم العيون https://t.me/+rwshmOU3bzNmNWNk في النهاية توكلوا على الله واستعينوا بيه حتمشي أموركم سيم طويل هو بس حيمشي بلطف ربي🌸 سدد الله خطاكم

السلامُ عليكم ورحمة الله وبركاته 💕 خنحكيلكم حتى اني تجربتي مع 3 مواد ، أول شي السيم طوييل والبوست طويييل🤣 وبسبب طول السيم حتحسو هلبا اوقات أنكم فديتو وتعبتو وفشلتو ونسيتوا كل المنهج خاصة أن مش حتقروا الثلاثة مواد في نفس الوقت فديما أستعينوا بالله وتوكلوا عليه وبعون الله حيمشي زيه زي اللي قبله. اني كُنت القروب الاول فورنسك وكميونتي والقروب الثاني عيون ونشوف فيها أفضضل بهلبا من ان تكون القروب الاول عيون لأن منهج العيون حرفيا يتبخر يعني اني قريته مرتين وكل مرة كأن نتعرف عليه من اول وجديد مع أن هو المنهج حلو الحق ويمكن لان حني قريناه في رمضان فكانت تجربة سيئة🥲أني اشتركت عِند دكتور مُعز في المنصّة عيبه أن الفيديوات قدم حتى لو مغطيات المنهج اني نشوف انه كان مفروض يراجعهم ويضيف الحاجات الجديدة لأن الكلية قالو هلبا حاجات فالمحاضرات وجابوهم في امتحان الفاينل النظري يعني في النهاية الطالب دافع باش يقرا أحدث شي موجود مش كورس قديم. المُهم العيون عندكم عدة مصادر تقدرو تسمعوا تسجيلات او يوتيوب أو كورسات اهم شي فيها أنكم تقروا أول بأول اني مثلا بعد امتحان النظري جيت اول قروب عملي واول قروب اوسكي وكلهم كانوا ورا بعض لدرجة معاش نتفكر في روحي كيف امتحنت فحرفيا قريب طلعت منها واني نهدرز في روحي 🤣 الاوسكي والعملي طبعا في طلبة حضروا محاضرة السلايد ف الكلية اللي تنعطى كل يوم خميس وقالوا نفس السلايدات بالضبط اني الحق سمعت كورس معز وتبعت معاه وعيبه الوحيد ان مافيش السلايدات مش ناشرهم يعني وحتى ف الامتحان مجاش منهم بالضبط لكن لان هو يفهمك في المحاضرات حتلقى الصور اللي تجي فالامتحان مألوفة ومش صعبة وحتى الاوسكي انت وحظك الصور واضحة غير البوستيرور سيقمنت ملقطين صور مش واضحة من قوقل لكن تعتمد ع الدكتور اللي بيمتحنك فكثثثفوا الدعاء من توا ان يجوكم دكاترة لطيفين🫢🤣 الفورنسك والتوكسو الفورنسك حلووووة هلبا كمنهج وكدكاترة (خاصة دكتور أنور محبوب الجماهير ✨ ) والعملي بسيطط وحتى تقدرو تمشو للمشرحة في الطبي ففيها اجواء الحق وقرايتها حلوة التوكسو عبارة عن صداع وفارما وميكرو وكل شي مش حلو لكن بالرغم من ان منهجها مش حلو الا ان امتحاناتها ساهلة ويركزو عالمهم الزوز قريناهم من دكاترة الكلية شرحهم كويس والتوكسو الحق تبي حفظ مش مهم فأني اشتركت عند الياس لان نحب حد يقرالي الشيت قبل لا نبدا نقرا 🥲 فلو انتم زيي اشتركو عنده لأن يسمع للكلية ويقول فاللي يقولو فيه وهكي وهما اي شي يقولوه يجيبوه فالامتحان والحق امتحان متاعنا ف الفاينل كان اصعب بشوية من مستوى الامتحانات القديمة لكن دارولنا مراجعة فالفورنسك ومطلعوش من محتوى الاسئلة متاعها و كان في هلبا اسئلة فيهم اخطاء ومش معروف عدلوهم او لا لأن غدوا بتنزل نتيجتها فأدعولنا ☺️💕 بالنسبة لتقسيمة الدرجات : العيون مافيهاش نصفي ، فاينل نظري 50 درجة ويجيبوا في كم سؤال غريبات متاع ميبوكمش تجاوبوهم لكن الباقي ينجاب ومش صعب بعون الله ، والعملي20 عبارة عن سلايدات تشوف وتجاوب الاسئلة اللي مع السلايد ( ودفعتي تجربتهم مش حلوة بككككل في السلايد لان كل صورة حاطين معاها الف سؤال ومفروض سؤال او سؤالين بس) والاوسكي30 درجة عبارة عن لجنتين انتيريور وبوستيريور وربع ساعة تقريبا الامتحان ويعتمد عالدكتور اللي بيمتحنك 🤣 نسيت الكميونتي طبعا الحق الكميونتي احلى من كميونتي 1 منهجها مش صعب هلبا وامتحانها الفاينل مكانش صعب هلبا يعني متوسط … المنهج طوويييييييييييل الحق لكن ينفهم ماعدا جزئية زوز دكاترة بنتحفظ ع اسمائهم 🫢 معروفين من كميونتي ون فيها نصفي والحق النصفي جانا كويس وواضحة اسئلته وفي فاينل وفيها OSPE وتجربة قنينة الحق مع ان يسرقو في درجات لكن فيها اجواء وان شاء الله متجوش اول قروب زيي الا لو أهلكم مسميينكم بحرف ال أ وفيها نشاط اللي هو تقييم نقد وبوستر او مطوية وحتى هما انتم وحظكم في دكاترة يلقوك بيرفكت ويقولولك تستاهل فل مارك لكن بينقصوا منك وفي دكاترة يعطوك الفل مُوفقييين يارب أدعولي ولو في حد يبي أي مساعدة في اي مادة يتفضل مدايرة شوية ملخصات توا نجمعهم في قناة ونبعثهم💕

🔸️كمصادر قريت من د.ايمان وبغض النظر علي التقصير الي ف الكورس و الغائب عذره معاه ولكن المادة تبي من يقصرها وتقرا المهم ماتبيش هلبا فهم، وهذه وجهة نظري يعني اغلب المعلومات منطقية وفيه اسئلة ينحلوا بالمنطق ، فيه الي قروا من د.معاذ وحتى هما يشكروا فيهم. 🔸️الامتحان النصفي ف العادة في الأسبوع الدراسي السادس و يدخلوا فيه 15 الشيت من العادة. 🔸️الامتحان النظري 40 سؤال وهما 59 يعني فيه شيتات مش حيسالوا فيهم و توقع فيه شيتات يجي عليهم اكثر من سؤال. 🔸️الامتحان العملي لو تقراه بالوسع ( تمر عليه قبل الامتحانات ) فبسيط جدا ومش محتاج كورس وفيه احتمال يكون شفوي او كتابة و الزوز الاسئلة معقولة. 🔸️ونذكر انه اعمال السنة مهمة في الكميونتي و ماتهزاش علي درجات الحضور لانه كلما تكون درجتك كويسة في الاعمال كلما تقرا وانت مرتاح في النهائي. 🔸️وفي كل المواد اسئلة معتز مش خسارة فيها الفلوس، كل شبتر تقراه حل اسئلته طول و هكي ماتتعبش لما تراجعه. 🔸️المادة مهما ينحطلها وقت ف حتحس انك مزال تبي تراجع. ونصيحة انك تعرف منين تقرا يعتبر قريب 40% من القراية نفسها. وموفقين بعون الله

السلام عليكم ورحمة الله تجربتي في سيمستر الثلاثة مواد و وتي طاسة قهوة قبل ما تقرا لانه حاولت نكتب كل المعلومات على السيمستر 😬 السيمستر عيبه في طول مدة الامتحانات تقعد وقت كبير تحت ضغط ، وفي نفس الوقت كلما يزيد الوقت بين الامتحانات انت تستفيد لانه مهما كان تكون قاري قبلهم ف محتاج كل يوم في الامتحانات الية الدراسة انه الدفعة تنقسم الى قروبين قروب يقروا عيون و القروب الثاني يقروا فورنسك و كميونتي لمدة 6 اسابيع دراسية و بعدين يتم التبديل 🔶️أول شيء الطب الشرعي و السموم 🔸️توزيع الدرجات كان 15 نصفي و 3 حضور العملي و 17 عملي و 65 الامتحان النهائي ( ماتشدش عليا في درجات الحضور ) المحاضرات : يوم الاحد و الثلاثاء محاضرات نظري ويوم الخميس محاضرات عملي و حيتم التقسيم الى قروبين المهم انه طالب حيحضر 3 محاضرات عملي 🔸️الامتحان النصفي ديما عادةً في الاسبوع الدراسي الرابع ويدخلوا فيه في حدود 12 الشيت ومتوزعة بين الطب الشرعي والسموم 🔸️الطب الشرعي لو عطاكم د.انور العربي فمش حياخذ منكم مجهود لانه اسئلته 90% من كلامه و لو يدير مراجعة تكونوا ضمنتوها. وكذلك د.عصام شرحه كويس ، المصادر الثانية عندك د.معز و فيه دكتور مصري عنده فيديوات يشرح كويس. 🔸️طب السموم للاسف شرح الكلية فيها مش مليح هلبا و هيا عبارة علي فارما 4 فيه شيتات فيهم دش هلبا، بالنسبة للمصادر ف امجد يعتبر كويس لانه يمر علي كل الشيت لكن لازم بتسريع ×3 ، وفيه د.هاجر شرحها معقول يعني لو علقت يمكن تساعدك ولكن بش تعتمدها مصدر اساسي جرب قبل ما تعبى عليها ، شيتات د.اكرم ابداع و ملخصاته مليحة. 🔸️قداش تبي المادة في النهائي هذا يعتمد لو اندارت مراجعة او لا ولكن في حدود 21 ل 14 ولو تكون مكمل السموم قبل الامتحانات تكون مستريح في القراية. 🔶️طب العيون 🔸️توزيع الدرجات 50 الامتحان النظري و 20 الامتحان العملي (سلايد) و 30 الامتحان الشفوي. 🔸️المحاضرات أول اسبوعين نظري و اربعة اسابيع عملي ( حضور مع الدكاترة في العيادات و السلايدات في المدرج ) جزئية النظري يعتبر حضورها ليه اهمية و خصوصا انه حاليا الاسئلة يحطوا فيها الدكاترة الي يعطوا في النظري جزئية العملي الحقيقة هلبا من الدكاترة مش ملتزمين انه يشرحوا و حتسمعوا كلمة مانخلصوش ع التدريس في كل يوم رئيسة القسم تغيرت في اخر الفصل الي فات و تبي تشجع اكثر علي حضور العملي و الله اعلم كيف الالية الي حيديروها. 🔸️مصادر الدراسة ف د.معز من وجهة نظري مكفي و موفي وتقدر تصفي المادة بالراحة لو حد يبي الممتاز ف فيه عيوب بسيطة في الكورس و حنذكرها قدام. وفيه الي قروا من د.سفيان ولكن ماعنديش عليه خلفية. المادة ساهلة ولكن تبي وقت لانه تبي قراية مرتين و المواضيع مرتبطة ببعض هلبا. د.معز عنده شيت كامل حوالي 250 ورقة و عنده شيتات مفصولة كل موضوع بروحه ، و اول عيب ف الكورس انه سواء خديت هذا او هذا ف انت حتكتب و فيه معلومات في الشيتات الي يشرح منها مش موجودة في الشيت. 🔸️الامتحان النظري ركزوا علي سلايدات دكاترة الكلية لانه فيه معلومات في سلايدات الدكاترة مش موجودة في شيتات د.معز وهذا عيب ثاني وجاوبوا زي سلايدات الكلية بغض النظر على المرجع. 🔸️الامتحان العملي ( السلايد ) رئيسة القسم حاليا حتحاول ادير منهج خاص و شدوا فيها بخصوص الموضوع، سلايدات د.معز القدم كويسات مدتهم 10 ساعات وموجودات على اليوتيوب و مروا علي سلايدات النظري يجيبوا منهم. ولو عندكم وقت اقروا من السلايدات الجدد 20 ساعة لانه يعتبر قراية للعملي و الشفوي. 🔸️الامتحان الشفوي يعتبر كل شيء تعرفه في النظري و السلايد، ويعتبر نصيبات انت وعند مني تطيح، فيه دكاترة امتى يسالوك علي سبب شيء ومثلا يكون ليه 10 اسباب هما الدكاترة مركزين علي سببين او 3 بس الدكتور معز مركز عليهم كلهم لكن د.حنان في لايفاتها تركز على الحاجات الي يبوها الدكاترة. 🔸️الملاحظات علي كورس د.معز مش انتقاص منه ، بالعكس الكورس ممتاز و مبذول فيه جهد كبير، انما ملاحظات بش يكون الكورس كامل و الكمال لله، وللامانة الدكتور مايقصرش وديما يحاول يرد على استفسارات الطلبة. 🔶️و اخيرا طب الاسرة و المجتمع 🔸️توزيع الدرجات 30 درجة اعمال السنة موزعة كالاتي 15 نصفي و 5 حضور و 10 النقد العلمي و البوستر التثقيفي وساهلات جدا. 🔸️المحاضرات... بالنسبة للنظري فعلي حسب الدكتور الي يعطي ، فيه الي عطاءهم ممتاز وفيه الي علي قده. وأما العملي هما 10 محاضرات فيه 5 أيام يعني كل يوم محاضرتين من 9 إلى 1، مرات تكون عندك محاضرة في الاسبوع و مرات محاضرتين. و الكميونتي محاضراتهم يعطوا فيهم سبت و اثنين و اريعاء وغالبا العملي اثنين او اربعاء. 🔸️بصفة عامة المادة شيتاتها بسيطة و معدودة الشيتات الي مركزة ولكن الموضوع في عدد الشيتات.

تجارب الطلبة .....؟☀️

مبارك عليكم 🤍

هانت هانت....

A 25-year-old male is brought to the ER with severe abdominal pain. While evaluating the patient, the physician observes that the patient is lying perfectly still and avoids any movement, as even shallow breathing causes intense pain. What is the most likely diagnosis?