Farg'ona shahar 1-sonli alohida ta'lim ehtiyojlari bo'lgan kar va zaif eshitadigan bolalar uchun ixtisoslashtirilgan maktab

Boshqarma boshlig'i bitiruvchilarga Prezident tabrigini yetkazdi 🦻 Ijtimoiy himoya milliy agentligining Farg'ona viloyati boshqarmasi tasarrufidagi 1-sonli (kar va zaif eshituvchi bolalar uchun) ixtisoslashtirilgan ta'lim muassasasida "Yuksak ma'rifatli avlod - Uchinchi renessans poydevori" shiori ostida ma'naviy-ma'rifiy tadbir tashkillandi. 👮‍♂️ O'zbekiston Respublikasi Davlat madhiyasini ijro etish bilan debocha olgan tadbirda boshqarma boshlig'i Saidfarrux Islomov qatnashdi va muhtaram Prezidentimizning mamlakatimiz maktablarini bitiruvchi o'g'il-qizlariga yo'llagan tabrigini o'qib eshittirdi. Shuningdek, bitiruvchilarga o'zining samimiy tilaklarini izhor etib, ularga mustaqil hayotda ulkan va davomli yutuqlar yor bo'lishini tiladi. 😲 Tadbirda o'quv yili davomida namunali xulqi va bilimi bilan tengdoshlariga o'rnak bo'lgan o'quvchilarning ota-onalariga minnatdorlik bildirildi. O'quvchilar ijrosidagi badiiy chiqishlar tadbirga fayz kiritdi. 👥 Ma'lumot uchun, Ijtimoiy himoya milliy agentligining Farg'ona viloyati boshqarmasi tasarrufidagi 11 ta ixtisoslashtirilgan maxsus maktab va maktab-internatlaridagi tahsilni joriy o'quv yilida 81 nafar o'g'il-qiz tamomlamoqda. 🟢 IHMA Fargʻona viloyati boshqarmasi Axborot xizmati.

​🤖 Robototexnika to‘garagida birinchi amaliy qadamlar! ​Bugungi mashg‘ulotda o‘quvchilar nafaqat elektr o‘tkazgichlarini to‘g‘ri ulash qoidalari bilan tanishdilar, balki haqiqiy muhandislik asoslarini ham o‘rgandilar. Yosh ixtirochilar qalay va kanifol nimaligini, shuningdek, kavshargich bilan ishlash sirlarini bilib olishdi. ​Amaliy ishga kirishishdan avval o‘quvchilar texnika xavfsizligi qoidalari bilan batafsil tanishib chiqdilar va jarayonda ularga qat'iy amal qildilar. Kavshargichning ishchi harorati 350°C dan 500°C gacha yetishini hisobga olib, har bir harakat katta mas'uliyat bilan bajarildi. ​Foto suratlarda esa yosh muhandislarimizdan biri raqamli tabloda aynan 420°C harorat o‘rnatilgan kavshargich yordamida, xavfsizlik qoidalariga rioya qilgan holda simlarni sxema asosida to‘g‘ri ulashni amaliy tarzda bajarayotganini ko‘rishingiz mumkin! ⚡🔌 ​Yosh ixtirochilarimiz yangi bilim va ko‘nikmalarni katta qiziqish va yuqori mas'uliyat bilan o‘zlashtirmoqdalar!

Shu oʻrinda Davlat hizmatlari hodimlari bilan maktab oʻquvchilariga master klas darslar oʻtilishi haqida istiqbol rejalar qilindi

Bugun yoshlar uchun muhim bo‘lgan davlat xizmatlari jarayoni bilan yaqindan tanishish maqsadida Davlat xizmatlari markaziga tashrif tashkil etildi. Tashrif davomida ishtirokchilar markaz faoliyati, fuqarolarga ko‘rsatilayotgan zamonaviy xizmatlar hamda elektron tizimlarning ishlash jarayoni bilan tanishdilar. Mutaxassislar tomonidan ID karta olish, biometrik ma’lumotlarni rasmiylashtirish, elektron arizalar topshirish va davlat xizmatlaridan onlayn foydalanish tartiblari haqida batafsil ma’lumot berildi. Yoshlar amaliy jarayonlarni kuzatib, o‘zlarini qiziqtirgan savollarga javob oldilar. Mazkur uchrashuv yoshlarning huquqiy savodxonligini oshirish, davlat xizmatlaridan foydalanish ko‘nikmalarini shakllantirish hamda raqamli imkoniyatlardan samarali foydalanishga xizmat qildi.