med corner's "Achieve your dream" 🩺🩵

طريقة دراستي لعلوم ❤️

📍ما عليك معرفته قبل الدخول المدرسي: ⬅️-الرياضيات: ♡النهايات /ازالة حالة عدم التعيين /حالات خاصة/نهايات شهيرة. المستقيمات المقاربة مركز /محور تناظر رسم المنحيات القيمة المطلقة المناقشة البيانية ⬅️العلوم: مكتسبات قبيلة تعريف Adn /Arn و مكوناته بعض معلومات عن تركيب البروتين التدرب على المنهجية ⬅️فيزياء: مكتسبات قبلية كمية المادة جدول التقدم بعض الأسىلة النظرية https://t.me/boost/medcorner7

السلام عليكم ورحمة الله وبركاته ❤️ شفت بزاف منكم حابين يديرو تغيير من شعبة علوم تجريبية إلى شعبة رياضيات، وحبيت نعطيكم نصيحة من القلب، خاصة بعد التعديلات الجديدة في البرنامج والمعاملات. 🫀 📍أول وأهم خطوة: ديرو الاستخارة 🤲🏻، وبعدها سقسو روحكم بصدق: هل أنتم متمكنين من الرياضيات أكثر؟ و قادرين على شقاكم؟ ولا فقط سمعتو هدرة من و من وهل راكم مستعدين تخدمو عليها و تمدو وقتكم كامل ليها؟ لأن التغيير ما لازمش يكون فقط على خاطر سمعتو بلي شعبة رياضيات عندها مستقبل أفضل أو اولوية في بعض التخصصات. 🔹 بالنسبة للتعديلات الجديدة: شعبة الرياضيات ما حذفو منها العلوم الطبيعية، وفي المقابل ارتفع معامل الرياضيات إلى 8، و شعبة علوم رفعو حجم ساعي تاع علوم مع خفض معامل الفيزياء في الشعبتين. وهذا معناه أن الرياضيات في شعبة رياضيات ولات مادة أساسية جدًا جدااا مستحيل تلحق mention اذا ما خدمتش فيها وأي واحد حاب يبدل لازم يكون واعي بحجم المسؤولية. 🔹 وش الفرق بين شعبة علوم و الرياضيات؟ ماشي فقط شوية دروس إضافية؛ كاين تعمق أكبر في بعض المحاور، ومن أبرز ما يميز شعبة رياضيات: 📌 الأعداد والحساب (Arithmétique)، ومنه: القسمة الإقليدية PGCD وPPCM خوارزمية إقليدس مبرهنة Bézout الموافقات (Congruences) الأعداد الأولية وقابلية القسمة وزيد على هذا، بعض المحاور المشتركة بين الشعبتين تكون في شعبة رياضيات أوسع وأعمق من حيث المحتوى والتمارين. لهذا ما تقولوش: “نبدل لرياضيات لأنها فيها غير بعض دروس رياضيات زيادة” ❌ لازم تشوفو البرنامج كامل وتعرفو واش راكم مقبلين عليه. ومن سبتمبر وحتى وقت التسجيلات، عندكم فرصة مليحة باش تجربو قبل ما تاخذو القرار: ✅ شوفو برنامج شعبة رياضيات كامل. ✅ اطلعو على الدروس والمحاور. ✅ جربو تحلو تمارين وبكالوريات سابقة. ✅ قارنوا مستواكم في الرياضيات والفيزياء. ✅ وشوفو هل تقدروا تتأقلموا مع حجم البرنامج الجديد. وبالنسبة للفيزياء، كاين تعديلات كذلك، لذلك ما تعتمدوش على البرامج القديمة أو كلام التلاميذ لي قراو في السنوات السابقة. وفي الأخير خاوتي ❤️ ما كاش شعبة سهلة وشعبة صعيبة على الجميع. كاين شعبة تناسب قدراتك أكثر من الأخرى. إذا كنت متمكن في الرياضيات، تحبها، ومستعد تخدم عليها، ما تخافش من شعبة رياضيات. وإذا كنت مرتاح أكثر في العلوم، ما تبدلش غير بسبب كلام الناس. اختار الشعبة لي تقدر تبدع فيها، ماشي الشعبة لي الناس يقولولك عليها “مليحة”. ودائمًا تذكرو: **لي يحب حاجة ويخدم عليها بجد، يقدر يوصللها بإذن الله.

سيبقى الإسلام محفوظًا، وستبقى الجزائر بلدًا مسلمًا محافظًا بهويته وقيمه وثوابته، مهما حاول البعض تشويه الدين أو استغلال كل حادثة لتمرير أفكار دخيلة لا تمت إلى مجتمعنا بصلة. قد يسيء أفراد إلى الإسلام بأفعالهم، لكن الإسلام لا يُختزل في تصرفات الأشخاص، بل في مبادئه التي قامت على العدل والرحمة والأخلاق. أما الحق، فلا يضره افتراء المبطلين، ولا حملات المستغلين، ولا ضجيج مواقع التواصل. قال تعالى: ﴿إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ﴾ [الحجر: 9]. فالدين الذي تكفّل الله بحفظه لن تهزه حملة إلكترونية، ولن تنال منه محاولات التشويه، وسيبقى الإسلام منارةً للحق، وتبقى الجزائر، بإذن الله، متمسكة بدينها وهويتها وقيمها الأصيلة.