سنة ثالثة طب l طالب علم

رابع مادة هي مادة علم الطفيليات (parasitology) تعتبر أخف مادة من ناحية المنهج وشيتاتها تلاثة بس : protozoa heliments Arthtopods الدكاترة يلي يشرحوا فيها هلبا ولكن أفضلهم المريمي والطوخي ولو تبو شرح سريع ولام المنهج تلقوا فيديوهات نهى المدبولي على اليوتيوب. المادة صعب تصفيها بدون تجميعات وتمرين على حل الأسئلة.. مش تجميعات الكلية بس حتى تجميعات الكليات الثانيات. المادة من 100 وتقسيمة الدرجات كالآتي : 25 نصفي 20 عملي 55 فاينال

- الرساله ؛ هذا هو الرابط https://t.me/+Yq3VO2Tx4b1jYTRk

ثالثة مادة هي مادة علم الأحياء الدقيقة (microbiology) : المادة هذي حتدرسوا فيها الباكتيريات والفيروسات والفطريات والمناعة مادة ممتعة لو عرفت منين تقراها وخفيفة مقارنة بغيرها وحتى القسم والدكاترة متعها شهادة أنهم أكثر قسم متعاون ومقدر للطلبة لذلك حتلقوا المادة سلسلة وماشية بالنسبة للشيتات General bacteriology bacteriology General virology Virology Mycology Immunology بالنسبة لمع من تقروا المادة فقولا واحداً تقروها مع الدكتور "أحمد عصام" شرح ممتع فوق المتعة وتفهم أكثر مما تحفظ وشيتاته كلهن رسومات وإبداع.. على عكس أغلب دكاترة الميكرو يلي شرحن قراية شيت وتحفيظ بس.. اقرا معاه على طول وحتصفي بممتاز هذي قناته :https://t.me/+vxepO8kTbiY5N2Q0 المادة من 200 40 نصفي 40 عملي 120  نهائي

ثاني مادة هي علم الأدوية "Pharmacology" ثاني أكبر مادة وتعتمد على مزيج بين الفهم والحفظ حتقرا فيها كل دواء شن وظيفته ولشن يستخدم وكيف يخدم وكيف يتفاعل من الجسم والجسم يتفاعل معاه... وشيتاتها هما : General GIT CVS CNS ANS Chemotherapy Blood Respiratory Toxology Autocoids المادة أرخم مادة لما تقراها أول مرة اسماء أدوية غريبه ومش مفهومة لما مع تكرار اسم الدواء أكثر من مره واستخدام طرق الحفظ حتلقاها ساهله أهم شيء تقراها أول بأول ضروري جدا. أما بالنسبة مع من تقراها فعراب المادة هو عبد المتعال بدون منازع ولكن للاسف السنة مضغوطة والمنهج ضخم فاقراها مع محمد حاتم واختصر على روحك أنا قريت منهم الزوز ومافيش فرق في المعلومات غير أنه محمد حاتم ياخد في نص الوقت بس وشرحه ربي يبارك.. شرحه مش متوفر مجاني وكله في منصة أكاديما ويستاهل تشترك فيه لأنك حتوفر وقت كبير هلبا للمراجعات والحفظ. للأسف القسم دكاترته يتغيروا كل سنة مش ثابتين حنا الحمد لله جي حظنا في الدكتور بشير متعاون هلبا معانا وساعدنا.. النصيحة العامة للمادة أنك تشوف الدكتور شن يحب وتركز عليه وما اديرش روحك فالح وتلم مراجع ووو لأنه غيرك كان أشطر.. خودع الشرح السريع يلي يلم كل المعلومات واسمع أكثر من مره وراجع وحل أسئلة وأهم شيء تقرا أول بأول المادة من 300 زي الباثو 60 نصفي 60 عملي 180 نهائي

هذا البوت فيه معظم منهج سنة ثالثة

@med3rdyear_bot

قناة سنة رابعة : https://t.me/med2year قناة سنة ثالثة : https://t.me/medstu05 قناة سنة ثانية :https://t.me/med06year

هذه القناة ستكون مخصصة لسنة ثانية إن شاء الله والادمن من الدفعات السابقة

https://t.me/med06year

Channel name was changed to «سنة ثالثة طب l طالب علم»

Channel photo removed

أول مادة هي علم الأمراض (pathology) أكبر مادة في سنة ثالثة 20 شيت تقريبا مقسمات بين general و systemic شيتات الجينيرال : cell injury inflammation repair hemodynamic immune neoplasia (الأكبر والأهم فيهم) nutrition mutation شيتات السيستيميك: CVS GIT Liver CNS respiratory famale male bone endocrine blood renal المادة هدي صعب تلقى حد شارحها بالكامل وحنتقعد تجرب في هلبا دكاترة لين تلقى حد يمشي معاك ولكن نختصرها ليكم سيدها هو أحمد النمر بالذات في السيستيمك ربي يبارك عنده شرح كامل وكراش كورس للمرجعات وشرحه يغطي كل شيء وشروحاته موجودات هنا @MedicalConnectGuid_pathology_bot بالنسبة لكيف تقرا المادة فبالنسبة ليا انا درت معجزة وهيا اني راجعت المنهج 6 مرات تقريبا وحليت عليها أكثر من 2000 سؤال وخشيت مثبت كل شي لأنني اعتمدت على الكراش كورس فقط فوفرت على روحي وقت هلبا وحصلت وقت كبير للمراجعة.. ولو تبي تقرا كراش زيي لازم تاخد بعض النقاط بعين الاعتبار وهي انك ما تسرع الفيديو وما تسمعش المحاضرة في تقعميزة وحده الافضل كل جزئية لما تكملها توقف الفيديو وتراجع وتسمع على روحك وأهم شيء أنك تراجع وتسمع اكثر من مره مهمه جدا هدي وتحل أكبر قدر من الاسئلة. لو قرتكم الدكتورة رقية فهما شيتاتي https://t.me/med2year/3710 للجزئية يلي عطتهلنا معلم عليهم على كل سؤال جي من السنوات يلي فاتت من الخمس وطرابلس... ما تقراش إلا يلي معلم عليه بس ولو حفظته مليح حتجيب ممتاز في المادة والله الله في العملي ما تغلطش غلطي وتخليه للوقت الامتحان لانك حتندم صدقني وحتعاني والمنهج كبير هلبا ويبي بالوسع وأخيرا المادة عليها 300 درجة 60 نصفي 60 عملي 40 شفوي 140 فاينال أنا استفدت من نصائح يلي قبلي وارتحت نسبيا ولو مشيت بكلامي مش حتخمم في الباثو بعد الامتحان ان شاء الله

ترتيب مواد سنة ثالثة للدفعة الجديدة 05 👇

قناة سنة ثالثة 02-03-04 فيها كل شي يخص السنة من ملخصات وأسئلة وشيتات ومحاضرات

https://t.me/med2year

اخر شيت عملي pcr ملغي✨ الاخبار الحلوة🥹🤍🤍🤍 بارك الله في المندوبين

هو هذا الكتاب الي جاب منه الدكتور في النصفي الأسئلة نسخ لصق، بس ماتعتمدوش عليه الشيتات أهم بهلبا، وهذا لو عندكم وقت مروا عليه

● امتحان 05، نصـفي البـايو2. بالحل. حل الرتن موجود ف شيت.

■ Head and neck practical.

■ Abdomen and pelvis practical.