𝐌𝐄𝐍𝐓𝐎𝐒 ׁ ֢

‏كنت بستغرب أوي لما أسمع حد بيقول إن الإنسان ممكن يتعب من نفسه لحد ما فهِمت إن أصعب معركة فعلاً هي اللي بينك وبين دماغك.

‏مساء الخير من أصعب الحاجات إللى اتعلمتها الفتره دي هي "كظم الغيظ" تخيلي تبقي عاوزه تمسكي حد تنفخيه بسبب تفكيره العقيم بس أنتي بتختاري إنك تبقي اهدي الموضوع في منتهي الصعوبه عامةً.

‏كل ما تكبر هتكتشف ان الـ Life Goals الحقيقية هي الستر والصحة ومحدش يقرفك في عيشتك

‏في فرق كبير جدًا بين أنك تقدر تتجاوز حزنك وتتخطاه بشكل صحي وبين أنك تركنه على جنب وتكومه في قلبك وتعدي من فوقه علشان تقدر تكمل، فتتكعبل فيه في كل خطوة وتعمل كويس علشان لازم تبقى كويس.

كان في حد بيسأل إزاي أعرف إني اخترت صح ؟ سواء صحاب أو حب أو أي علاقة عامة، كنت قرأت جملة من فترة جميلة أوي " ما أحتاج أناديه، هو دايما منتبه لي" فأعتقد يعني مفيش شعور يحسسني إني في المكان الصح ومع الشخص الصح أكثر من الشعور ده.

‏كل المشاعر السيئة في الدنيا كوم وشعور الوحدة وعدم الإنتماء لحد أو حاجة كوم تاني يا ربّ ارزقني الونس.

اتمني الدنيا تبقي هاديه و حنينه طول الوقت زي وقت الفجر .

‏عاملة نفسي قاسية وبعرف أخد حقي وأنا لو حد أذاني في حياتي وضحك في وشي بعدها بحس أني ظلمته وببدأ أطلعله مبررات أنه أكيد مكنش قصده.

أن تَّكون مشيئة الله هى نَفسُها مُرادى آمين .

‏الحل الوحيد علشان متتعبش نفسيا هو إنك تسامح نفسك وترحمها،وتصدق إن فعلا مفيش حاجة في إيدك،مهما حاولت تعمل كل حاجة صح وتظبط الدنيا،مفيش حاجة هتمشي مظبوط غير بإذن ربنا مهما حاولت تساعد،وتدعم،وتصلح الأمور في الآخر لازم تفتكر وتتأكد إن ﴿ليس لك من الأمر شيء..قل إِن الأمر كله لله﴾

‏تبقى قاعد عادي وفجأة تكتشف انك بتمشي كتير اوي بس مبتوصلش ف متفهمش انت اللي تايه ولا كل الجهات رفضتك ولا أصلا ملهاش لازمة تمشي.

‏أحسن مهارة ممكن تكتسبها في حياتك هي قدرتك إنك تعمل لنفسك restart بسرعة، مريت بموقف محرج؟عدي وكمل. يومك كان زفت؟ ابدأ على نضافة بكرة،خسرت حد بتحبه؟الدنيا واسعة جداً، الحياة مش هتبقى أحسن لمجرد إن الحاجات الوحشة هتبطل تحصل..لكن لما نبطل ندي الحاجات دي وقت وتفكير أكتر من اللي تستحقه

الانسان مبقاش محتاج في حياته إلا الناس المريحه القادره تهون الدنيا بوجودها ومبقاش في اي طاقه للاشخاص اللي ممكن يأثروا علي نفسيتك بالسلب ف مش مهم في حياتك ناس قد ايه بس مهم اوي في حياتك ناس قلبهم عامل ازاي

عقل الشخص مُغرى أكتر من شكله .

"ده مش مكانك انت شوية وماشي ماتتعلقش ماتعيطش ماتزعلش ليست دارنا، ولا ديارنا، كل ما فيها متعب وكل من فيها متعب، لا الدنيا لنا وما كنا للدنيا كلنا لله وإنا إليه راجعون، لبيك أن العيش عيش الآخرة."