المخدر الذهبي{ يوسف باسم }

https://apps.apple.com/iq/app/%D8%A7%D9%84%D9%85%D8%AD%D8%B7%D8%A9-%D8%AF%D9%84%D9%8A%D9%84-%D8%A7%D9%84%D9%88%D9%82%D9%88%D8%AF/id6787746071?l=ar

نعزّي صاحب العصر والزمان (عجّل الله فرجه الشريف)، والأمة الإسلامية جمعاء، بذكرى وفاة سيد الخلق والمرسلين، النبي محمد ﷺ. أعظّم الله أجورنا وأجوركم بهذه الذكرى الأليمة، سائلين الله تعالى أن يرزقنا شفاعته وحسن الاقتداء بسيرته الطاهرة. اللهم صلِّ على محمد وآل محمد 🖤

فهرست أدوية صالة العمليات

معدلات طب الأسنان والصيدلة اكو أحتمال ينزل معدلها .

خلي نفصل الكيس بالتفصيل الممل حسب طلبكم بالخاص. اولاً المريض عنده ارتفاع بالضغط وسكر نوع 2 ومسيطر عليهن فهنا الوضع لوز. ثانياً المريض صايم قبل العملية وقت كافي فهنا مو شرط انطي GA حتى اامن مجرى الهواء بالتيوب. ثالثاً العملية بالجزء السفلي من الجسم واحنا متفقين دام العملية بالجزء السفلي وترهم Regional وماكو اي مانع فـ اتجنب الـ GA رابعاً المريض ماعنده مشاكل بتخثر الدم فهنا هاي شغلة تفيدني من انطي Regional خامساً مدة العملية ساعتين ضمن مدة عمل الـ Regional هنا خياري صار Regional بس شنو اختار spinal لو epidural ؟؟ اختار spinal لان يبدي يشتغل اسرع ونكون مسيطرين على مستوى التخدير بشكل دقيق اكثر من الـ epidural ويحتاج جرعة اقل من الـ epidural.

زين هساا حددنا نوع التخدير شون نستعد ، شون نقييم المريض ونجهزه حتى ننطي تخدير ، شون ننطي تخدير ، شون نراقب بعد مننطي تخدير ، شون نتعامل وي المضاعفات اللي 95‎%‎ راح تصير ، شنو هالمضاعفات وليش تصير ، شون اعالجها ، الخ …. كلهن نتعلمهن سوية بالايام الجاية والبوستات والريلزات الجاية. سلسلة حتستمر تقريباً 25/30 يوم بس نتيجتها انت تصير مُخدّر فايف ستار 😂😎🫶🏻🤍

الجواااب هو Spinal anesthesia التوضيح : التخدير النصفي هو أفضل خيار بهاي الحالة لأن العملية بالجزء السفلي (تبديل مفصل الورك). بالإضافة لـ ذلك، يساعد على تقليل فقدان الدم أثناء العملية، ويقلل من احتمال حدوث الجلطات بعد العملية، ويوفر تسكين جيد للألم بعدها. وبما أن المريض ما عنده أي مانع يمنع استخدام التخدير النصفي (مثل اضطرابات تخثر الدم أو التهاب بمكان الإبرة)، فيكون هو الخيار الأنسب.

A 65-year-old man with a history of controlled hypertension and type 2 diabetes mellitus is scheduled for elective total hip replacement surgery. He has been fasting appropriately, has no history of coagulopathy, and his airway assessment is normal (Mallampati II). The surgery is expected to last 2.5 hours. Which of the following is the most appropriate anesthetic technique?

خلال 2/3 ايام موضوعنا القادم راح يكون الـعلامات الحيوية vital signs راح نفصلهن بشكل نظري وعملي من داخل صالة العمليات منا لذاك اليوم تضبطون اساسنا مال اليوم 🤍🫶🏻

ملاحظة شباااب تقرون اللي بالصورة والشرح الكتااابة حتى تضبطون الاسااااس 🤍🫶🏻

واهم شي تفاعلكم خلشوف دتتابعون لاله 😑😑

شباب هذا اسااااااس التخدير اساااااس القسم مالتنا كله اسااااااس التدريب الصيفي اساااااس الامة العربية كلهن ضروري ضروري ضروري تضبط وتفهم كل حرف كتبته الك فوگ وموجود بالصورة حتى يالايام الجاية من نشرح عن الادوية او العربة او غيرها انت تعرف وين دا احجي وشنو دا احجي يااابعد عيني انت 🤍🤌🏻

القسم الثالث من الـ Regional anesthesia هو peripheral nerve block -يستخدم للعمليات اللي تكون بالاطراف فقط سواء عليا اى سفلى -نستخدم بي ادوية التخدير الموضعي ( ليدوكايين،…..) -يحافظ على تأثير ادوية التخدير الموضعي بمنطقة العملية فقط وراح نوضحه بشكل مفصل بالبوستات القادمة. اما النوع الرئيسي الثالث من انواع التخدير فهو Lacal anesthesia (LA) نستخدمه بالعمليات البسيطة مثل خياطة الجروح ، او عمليات الاسنان ، الخ نستخدم بي اما ليدوكايين فقط او نخلط وياه ادرينالين حتى نطيل مدة العمل مالته ونقلل النزيف ( لأن الادرينالين يسبب تقلص بالاوعية الدموية وبالتالي يقل النزيف)

المخدر الذهبي{ يوسف باسم } pinned a photo

النوع الثاني من انواع التخدير هو Regional anesthesia (RA) هذا ينقسم 3 اقسام : القسم الاول spinal anesthesia : -يكون مناسب للعمليات اللي بالجزء السفلي من الجسم ، -الحقن يتم بالـ Subarachnoid space بين L3/L4 او L4/L5 يعني تحت المكان اللي ينتهي بي الحبل الشوكي حتى منسوي دمج للحبل الشوكي وبالتالي يصير شلل للمريض ، -يشتغل بسرعة خلال 5/10 دقايق ويطوب تقريباً ساعة ونص الى 3 ساعات حسب الـ drug المستخدم ، -من نكول spinal anesthesia نخلي ببالنا hypotension و bradycardia لذلك لازم نكون مجهزين اتروبين وإفيدرين. القسم الثاني epidural anesthesia : -مكان الحقن يعتمد على مكان العملية ، -الحقن يتم بالـ epidural space ، -يشتغل خلال 10/20 دقيقة ويطول اكثر من الـ spinal ، -اهم استخدام اله بعمليات الولادة بلا الم ، -من نكول epidural anesthesia نخلي ببالنا hypotension و bradycardia لذلك لازم نكون مجهزين اتروبين وإفيدرين.

مراحل التخدير العام General anesthesia (GA) هنة 4 : 1. Pre medication هاي المرحلة تبلش من 30 الى 60 دقيقة قبل بداية العملية وبيها نجهز المريض للعملية ( اذا جان قلق ومتوتر ننطي مهدئات ، اذا جان مملتزم بوقت الصيام قبل العملية ننطي مضادات قيء ، نقلل الإفرازات اللي بحلگه حتى تسهل علينا عملية الـ Intubation , نشدله كانيولات ، نجهز الفلودات ، الخ ) 2. Induction هي المرحلة اللي ننطي بيها الادوية للمريض وننقله من مرحلة الوعي الى مرحلة اللاوعي ( ينام ). هاي المرحلة هي اخطر مرحلة من مراحل التخدير ( هنا السؤال ليش ؟). تتم بطريقتين اما عن طريق مثلث التخدير العام المثالي اللي وضحناه بالبوست السابق يعني عن طريق الوريد، او عن طريق الغازات الاستنشاقية خصوصاً بالاطفال. ملاحظة مهمة / الـ Induction الوريدي اسرع من الاستنشاقي.

النوع الاول من انواع التخدير هو التخدير العام General anesthesia (GA) بهذا النوع المريض يكون فاقد للوعي وميحس بأي ألم وعضلاته كلها مرتخية ، يرهم لكل العمليات الجراحية ، نحققه عن طريق مثلث التخدير العام المثالي. مثلث التخدير العام المثالي : يتكون من 3 اركان 1. المنومات Hypnotic agents مثل البروبوفول او الثايوبنتال ( تخلي المريض ينام ويفقد وعيه ) 2. مسكنات الالم Analgesic agents مثل الفنتالين والريميفنتالين ( تسكن الم المريض ) 3. المرخيات العضلية Muscle relaxation agents مثل الاتراكوريوم والروكورونيوم ( تسبب ارتخاء بكل عضلات جسم المريض ) ملاحظة مهمة جداً / ميصير ندفع المرخيات العضلية بالبداية لان راح نخنگ المريض بهالحالة ( نشل عضلات الجسم كلها ومن ضمنها عضلات التنفس والمريض بعده صاحي ) التسلسل العملي الصحيح للدفع : مسكنات الالم بعدين المنومات بعدين المرخيات العضلية