عُرُبًا أَتۡرَابࣰا

الوسائل الحديثة يسّرت طلب العلم للنساء - بما يناسب أحوالهن- تيسيرا عظيما. وبعض الناس يصد النساء عن طلب العلم أو التوسع فيه معللا ذلك بأن صرف وقتها في خدمة أهلها أولى ! ولا معنى للترجيح مع عدم التعارض فإن المرأة غير المقصرة في خدمة أهلها ستجد - غالبا - فضلة وقت لطلب العلم الذي هو عبادة وكمال في الدنيا ويرجى به الثواب في الآخرة. فضلا عن كثير من النساء اللاتي يجدن فراغا كبيرا في أوقاتهن، والوقت سينقضي على كل حال فإشغاله بالعلم الشريف أولى. والعاقل ينبغي أن يفرح إذا رأى إقبال بعض النساء على طلب العلم فغيرهن يمضين أعمارهن في تفاهات بل ومحرمات !

خطبة الجمعة صيحة نذير | قبل نتيجة الثانوية

أكثر آفة بتقع فيها البنت الملتزمة حديثا واللي ربنا أنعم عليها بنعمة الخمار أو النقاب مثلا، إنها تجري تاخد دفعة من صحباتها على السوشيال ميديا بإنها تسمع المباركات والتهنئة علشان تستمر. وللأسف حب الظهور بييجي عند كثيرات منهم من أول المرحلة دي. فتبدأ تنشر الصورة تلو الأخرى لاستنشاق بعض الراحة من آراء (الناس) عموما. واحدة واحدة لحد ما الشيطان وهوى النفس يجروها للي بنشوفه سواء على انستاجرام أو غيره. الخطوات الصغيرة دي محدش هينتبه لها في الأول، ولكن مع التكرار بتبتدي تكبر والواحد بيعتاد عليها. أكثر فعل ممكن المرأة تعمله وتحمد ربنا به، إنها تبتعد خالص عن الظهور وعن المجاملات المسموعة والإطراءات الكثيرة اللي ممكن تولد في قلبها حب النفس والزهو بها والظهور. ربنا هداكِ ولله الحمد لشيء من الستر، احمدي ربنا عليه بإنك متظهريش خالص، واصطبري عليها وعرفي اللي حواليكي على أرض الواقع واكتفي بذلك. ذلك أقوم وأحفظ وأطهر للنفس.

من ضمن القناعات اللي طلعت بيها من كل الدروس والحاجات اللي قرأتها تخص النفس البشرية الأنثوية. (( إنَّ الخوف في المرأة أصل؛ وشعورها بالإطمئنان استثناء وإنّ المرأة في كل الأحوال وعلى مر العصور والأزمان دائمًا خائفة! باختلاف الأعمار والثقافات والشخصيات. باختلاف أنواع الخوف نفسه، وباختلاف الأسباب. عمرها ما تاخد أي قرار هي مش حاسة تجاهه بالأمان دراسة، زواج، عمل، إنجاب؛ أي ارتباط من أي نوع ولما بتحس بالأمان -وده قليل- بيبان عليها في كل تفاصيلها. بتخاف لما تتحجب، ولما تتزوج وبتخاف أول مرة تشيل طفلها؛ ولما تجرب أكلة لأول مرة وهكذا. على رأي د. عبدالرحمن ذاكر "هي كدا كدا خايفة؛ فاقبلها بخوفها وطمنها؛ ده دورك أصلا.." بيقول أنا نفسي زوجتى بعد 6 شهور زواج قالتلي: عبدالرحمن أنا النهاردة حسيت بالأمان! هي خايفة من ضعفها، ومن حبها، ومن بكرة محتاجة تطمن إن مفيش حاجة هتتبدل وإنها هتتصان في كل الأحوال ومحتاجة تسمع ده على فترات مش بعيدة، ويتقالها ويتعملها حاجات تطمنها. بشوف إنّ من أكثر الأسباب اللي نقدر كـ نساء نسكِّن بيها خوفنا ده، هي التسمك بالوحي، ((القرآن والسنة)) وارتباطك بالسماء عمومًا؛ هيقويكِ.. وهيغذي عقلك، وينمي فكرك؛ وشخصيتك. ثم باختيارك للرجل الصحيح، لشريك حياة يستحق يشاركك خوفك؛ يستحق يطلع على عيوبك وضعفك وتبقي مطمئنة إنه هيسترك ويراعيكي، وده مبيتوفرش كتير مع الأسف، عشان كدا اسألي الله التوفيق والسداد والمدد. المرأة لو اتطمنت وحست بالأمان؛ بتتبدل كل أحوالها! بيبان في تصرفاتها، وفي كثرة لجوءها، وفي الإتكاء على شريك حياتها. هي كائنٌ ممزوج بالخوف؛ فإذا شعرت بالأمان سلمت لك الزمام وأرخت يدها من كل التفاصيل، وهدأ خوفها وسكن..)) - منار علي

"إنَّ نفسي مطيَّتي، وإن لم أرفق بها لم تبلِّغني" عمر بن عبد العزيز

السلام عليكم ورحمة الله وبركاته مساء الخير يا شباب مهما الظروف صعَّبت عليك الالتزام بالدين، تمسَّك بيه أكتر واعرف إن دا تمحيص! ناس هتسقط ومش هتكمل وهتتحجج وأصل هنبقى مش زي الناس اللي حوالينا و… وهكذا. وناس تانيه هتخترع طريقة بأى شكل ممكن وهتكمل رغم الظروف ورغم الناس ورغم كل حاجة. واللي بيحاول بصدق؛ ربنا بيهديه! ومن يتق الله يجعل له مخرجًا ومش بس كدا! ويرزقه من حيث لا يحتسب.. فـلو الظروف حواليك بتصعَّب عليك الالتزام؛ ماتخافش واستعن بالله واسأل نفسك فورًا ها هنعمل إيه؟ هنخرج من دا إزاى؟ هنخترع حل إيه؟ وابدأ اتحرك علطول.. أصل ده طريق نهايته الجنة بإذن الله.. والجنة أكيد تستاهل! t.me/moh_elghaleez

السلام عليكم ورحمة الله وبركاته أنا اخوكم في الله /شاعر الغلابة محمود التلاوي من محافظة سوهاج. رأيت أمس رؤيا عجيبة ورب الكعبه والله على ما أقول شهيد. رأيت أن النبي محمد جالس في المسجد الحرام بجوار الكعبة ومعه سيدنا عمر بن الخطاب وعلي بن أبي طالب وعبدالرحمن بن عوف ويجلس أمامه علي كرسي أبيض الشيخ المنشاوي وكان يلبس لباس الأزهر وبدأ يقرأ بصوت جميل قول الله عز وجل {قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ ۝١٦٢ لَا شَرِيكَ لَهُ ۖ وَبِذَٰلِكَ أُمِرْتُ وَأَنَا أَوَّلُ الْمُسْلِمِينَ ۝١٦٣﴾ [الأنعام ١٦٢-١٦٣]والنبي ينظر له بتأثر شديد وكأنه يعجبه صوته حتي سمعنا بكائاً شديدا فقال صلي الله عليه وسلم من الذي يبكي فقال سيدنا عمر إنه رجل من مصر يسمي حجازي فتبسم صلي الله عليه وسلم وقال إئتنا ياحجازي كي نراك . فتقدم وهو يبكي ويقول يارسول الله أحبك يارسول الله احبك .وجلس أمام النبي صلى الله عليه وسلم فقال صلي الله عليه وسلم. ومايبكيك . قال إني أحبك واخاف ألا تحبني يارسول الله أو تردني خائبا . فقال صلي الله عليه وسلم وهو يضحك ونواجذه كلها ظاهرة. ومالي لا احبك وقد نصرت سنتي وزدت عنها أشهدك أني أحبك وان الله يحبك بحبك لي وكذلك أصحابي هؤلاء . ويعلم الله أني إنتبهت علي آذان الفجر رحم الله الشيخ المنشاوي رحم الله الشيخ الحويني

‏أما الوقارُ، ووضعُ الكلامِ في موضعه، والتوسطُ في تدبير المَعيشة، ومُسايَرةُ الناسِ بالمُسالَمة؛ فهذه الأخلاقُ تُسمى الرزانةُ، وهي ضِدُّ السُّخف! _ ابن حزم الأندلسي.

قالَ رَسُولُ اللهِ ﷺ: «مَن قامَ بِعشرِ آيات لم يُكتَب مِن الغافِلين، ومَن قامَ بِمائةِ آية كُتِبَ مِن القانِتين، ومَن قامَ بِألفِ آية كُتِبَ مِن المُقنطِرين». رَوَاهُ أبو داود. 📚🌿 اقتراحات تجمع لكُم بعض السُّوَر القصيرة التي مَجموع عددِ آياتها يُساوي مِئة آية أو يزيد [سورتان بِمقدارِ ركعتان]، قوموا بِها كُل ليلة، عسانا نُكتَب مِن القانِتين.. ق + القمر = ١٠٠ آية. ق + المُدَّثِر = ١٠٠ آية الذَّاريات + النبأ = ١٠٠ آية الواقِعة + الإخلاص = ١٠٠ آية الرَّحمـٰن + البُروج = ١٠٠ آية الذَّاريات + القيامة = ١٠٠ آية القمر + النَّازِعات = ١٠١ آية الطُّور + الحاقَّة = ١٠١ آية الطُّور + القلم = ١٠١ آية النَّجم + القيامة = ١٠٢ آية المُدَّثِر + النَّازِعات = ١٠٢ آية النَّجم + النبأ = ١٠٢ آية القلم + المُرسَلات = ١٠٢ آية الذَّاريات + عبس = ١٠٢ آية الرَّحمـٰن + الإنشِقاق = ١٠٣ آية الذَّاريات + المَعارِج = ١٠٤ آية القمر + المُرسلات = ١٠٥ آية ➖➖➖➖➖➖➖ 🔆جدول اقتراحات الألف آية من القرآن الكريم (المقنطرين) لمن ارتفعت همته.🔆 •الشعراء +الصافات +الرحمن+الواقعه+جزء تبارك=١٠١٤ ايه.. • من ق إلى الواقعه+ جزء عم= ١٠٠٩ ايه.. •الحجر+يس+ص+المؤمنون + الدخان+جزء عم=١٠١١ ايه .. المؤمنون +مريم +طه +الحجر +جزء عم = ١٠١٤ آيه.. جزء عم + تبارك + الكافرون فى الوتر ١٠٠١ ايه.. منقول.

مصحف القيام ممكن يسهل عليكم القراءة بتكون فيه سورة البقرة ب١٢ صفحة

وفاءً لأخينا الغالي أبي طلحة ولأسرته رحمهم الله، هذه القناة لنشر إنتاجه العلمي وما شارك فيه،صدقةً له ولأسرته بإذن الله تعالى. نرجو نشر القناة على أوسع نطاق https://t.me/+bXJWMB1lmDBkMjY0

مكنتش حابب أتكلم في الموضوع ده، بس راجعت نفسي من باب إن مينفعش أخفي معلومة ممكن تفيد، إن شاء الله، واحد بس.. من يومين كده شفت حد أعرفه كويس، وبالمناسبة نفس سني تقريبًا، لما شفته اتصدمت، شكله كبر كأن حد في الستينات من عمره.. والتحول ده جه فجأة وبدون أي سابق إنذار، وده خلاني أركز في نظام حياته اللي أنا عارفه كويس. كتير من الناس فاكرة إن العجز والشيخوخة مرتبطين بالسن بس، لا والله العظيم.. فيه حاجات للأسف أغلبيتنا بيعملها وبشكل متكرر، ومن وإحنا أطفال للأسف، ونتيجتها مش بتظهر بالتدريج علشان تعرف تلحق نفسك، لا، نتيجتها للأسف بتظهر مرة واحدة بدون أي إنذار.... إيه اللي بيخلي الناس تعجز بدري؟ الـ Isolation، الانعزال، ولاحظ أنا مش بقولك الوحدة، لا بالعكس، البعد عن الناس غنيمة دلوقتي أصلًا 😅 لأن الوحدة مش معناها إنك معندكش أصحاب كتير ولا أهل، لا، بتبقى محاوط بكل الناس حواليك، بس مفيش حد فاهمك، ومفيش لغة حوار، وفيه gap كبيرة بينك وبين اللي حواليك، لحد لما ربنا يكرمك بحد يقدر يفهمك.. لكن الانعزال هو سلوك، مش شعور، أنت بتختار تبعد عن الناس أو تتواصل معاهم، ومش عاطي فرصة لأي حد إنه يقرب منك. دايمًا قاعد في أوضتك وقافل عليك، وفي شغلك مش بتتواصل، وقاطع كل علاقاتك حتى بأهلك. الانعزال قاتل لخلايا المخ للأسف.. التوتر اضطراب النوم القلق أو الاكتئاب وهنا مخك اللي بدأ يعجز، مش جسمك... تاني حاجة: الـ physical inactivity انعدام الحركة والكسل، ومش قصدي gym وتمارين، لا لا، فيه ناس للأسف مش بتمشي، جسمها مش بيتحرك على مدار اليوم. قاعدين في الشغل طول الوقت، في الشارع في العربية أو المواصلات، في البيت قاعدين على موبايلاتهم. الـ movement، الحركة انعدمت، وبالتالي كل عضلات جسمك تبدأ تختفي، خصوصًا في الأربعين.. لأن الحركة بتدي إشارة لعضلاتك وعظمك: أنا لسه محتاجكم، لكن لو حركتك انعدمت، خلاص، الجسم بيبدأ يستغنى عنهم بالتدريج. وهنا جسمك بدأ يعجز. كمان الـ Distraction أو تشتيت الانتباه، وللأسف أغلب الناس بتعملها.. أغلبية الناس مبقاش عندها القدرة إنها تحط تركيزها كامل في حاجة واحدة.. وأنت بتذاكر بتمسك موبايلك، وأنت بتشتغل قاعد تفكر في مشاكلك.. إلخ التشتت بيضعف القدرة الذهنية، وبيسبب ليك مع الوقت cognitive decline، يعني خلاص الـ capacity بتاعة المخ مبقتش قادرة تستحمل تشتغل، تذاكر، تحل مشاكل.. خلاص، راجل تسعيني بيودع الدنيا 😄.. والـ stress، الضغط، وللأسف ده أغلبنا بيعاني منه. بس خلي بالك، الضغط مفيد، بس مفيد على الـ Short term، بيزيد الانتباه وبيخليك جاهز إنك تحل مشاكل كتير.. لكن لما بيبقى نمط حياة يومي، بيأثر على كل حاجة في حياتك: حركتك، نومك، مزاجك، هرموناتك... للأسف الـ Stress لوحده قادر إنه يضرب ليك المخ والجسم مع بعض.. جمع كل العادات دي مع بعض كده: الانعزال الكسل التشتت الضغط على قد ما تقدروا ابعدوا عنهم، لأن والله العظيم تأثيرهم مش هيظهر بالتدريج، لا، مرة واحدة هتيجي تبص في المراية مش هتعرف نفسك. Mohammed Ali oransa

_سفيان بن عيينة

هل تجوز صلاة النساء وفي رجال ولا تبطل الصلاة؟ ج/ نعم، وجود رجال بحضرة المرأة حال صلاتها ليس مِن مبطلات الصلاة، ولا من مبطلات الوضوء، ولا من موجبات الغسل، ولا من مبيحات تأخير الصلاة حتى يخرج وقتها، ولا من مسوغات الصلاة قاعدة، والظن أنه من مبطلات الصلاة شيء عجيب غريب شائع لدى النساء حتى إن بعضهن ترتكب أمورا لا تحل بسبب هذا الوهم الفاسد، فربما أخرجت الصلاة عن وقتها بالكلية لئلا تصلي بحضرة الرجال، وربما صلَّت قاعدة لئلا تقف وتركع أمام الرجال، وهي آثمة في الحالة الأولى لإخراجها الصلاة عن وقتها بغير عذر، وصلاتها باطلة في الحالة الثانية لإخلالها بأركان الصلاة دون عذر. الشيخ القاسم الأزهري #إجابات

طاعة الزوج… هي معركة من أصعب المعارك اللي بتدخلها الأنثى جوه الجواز. مش لأن الكلمة تقيلة في ذاتها… لكن لأنها بتيجي عكس تيار جواها. الأنثى بطبيعتها كائن مشاعري… محتاجة تتحس، تتسمع، يكون ليها مساحة… يكون ليها رأي. مش كائن سلبي يتلقى أوامر طول الوقت: “اعملي… ما تعمليش”. فلما الدين يقول لها: "أطيعي زوجك في المعروف" هو مش بيطلب منها حاجة سهلة ماشية مع طبيعتها… هو بيطلب منها مجاهدة حقيقية. إنها تسيب آخر كلمة وهي قادرة تقولها وتكسب الجولة… إنها تختار تهدي الموج بدل ما تركبه… إنها في لحظة الغضب ما تدمّرش بيتها بإيدها… حتى لو هي “على حق”. الدراسات في العلاقات الزوجية ما قالتش إن الجواز الناجح هو اللي مفيهوش مشاكل. قالت العكس تماماً: اللي بيفرق هو مين فيكم يعرف ينزّل من انفعاله بعد ما يعلى. وخصوصًا الأنثى… لما تعرف تهدي نفسها وترجع تتكلم بهدوء: رضاها عن العلاقة بيزيد… ورضا زوجها بيزيد. ده اسمه عندهم: تنظيم انفعالي. لكن النبي ﷺ سماه: حُسن تَبَعُّل. وعلشان كده الفقهاء سموه: جهاد المرأة. لأنها مش بتقاوم راجل… هي بتقاوم نفسها. بتقاوم اندفاعها… بتقاوم كلمة لو خرجت مش هترجع تاني. فالدين لما وعدها بالأجر… ما كانش بيكافئ طاعة عمياء. كان بيكافئ مجاهدة داخلية محدش شايفها غير ربنا. الطاعة هنا مش ضعف… الطاعة هنا قدرة مرتفعة على إدارة وتنظيم الانفعالات بكفاءة. مهارة استثنائية على استيعاب الطرف الآخر. هي تحتوي لتملك… وتتراجع لتقود. المرأة التي تطيع الرجل… امرأة مخيفة. لأن طاعتها دي بتتحول لقيد مخملي ناعم… يأسر الرجل لديها طوال العمر. طاعة الزوج هي السحر الذي لا ينفك… ولو بألف حجاب. الآن نفهم لماذا أمر بها الرسول ﷺ… وهل يأمرنا الحبيب إلا بخير. عمرو خاطر.

أثناء ما بترجم دراسة عن القلق والاكتئاب.. وجدت الكلام دا.. الدراسة بتقول إن الرجال الغير متزوجين أكثر شعورًا بالاكتئاب عن الرجال المتزوجين.. مع إن البعض قد يظن العزوبية حرية! في قول الله عز وچل: "لتسكنوا إليها" قيل أنه عز وچل استخدم "إلى" ليقصد بها المجاورة النفسية، فيهدأ المرء ويسكن قلبه.. وليست "مع" التي قد تقصر المعنى على المجاورة "المادية". فالحمد لله الذي أنزل على عبده الكتاب! تامُّ العِلم به وبضعفه وأنزل له وحيًا.. شرعًا يحترم احتياجه! الحمد لله الأحن على عبده من نفسه وذويه! :)) "وما شيء أحب إلى أحدهما (الزوجين) من الآخر من غير رحم بينهما" — تفسير البغوي. نهال خطاب.

بسمِ المُهيمِن؛ الفترة الأخيرة أخوات كتير أحسبهم على خير بينزلوا منشورات مزاح وفضفضه ومواقف شخصية على العام، مش قادرة أحدد هل هم شايفين دا عادي ولا بيجاهدوا نفسهم ولا أي الفكرة من دا بالظبط؟ وللأسف كتير منهم لما حد بينكر عليهم كأنهم بيقيموا عليه الحجة واللي هو شاور لي فين الكلمة اللي فيها فتنة؟ أقنعني فين المعصية في كلامي؟ هو ربنا عز وجل لما نهي عن الضرب بالقدم حتى لا يسمع صوت الخلخال ووصف دا " ليُعلمَ ما يُخفِين من زينتهنّ" في حاجه هنا معينة نقدر نحط إيدينا عليها بشكل منطقي بحت أقنعك بيها إنها كارثية عشان تقولي آه فعلًا الأمر يستحق إني أتركه؟ مش كل الأوامر لازم يكون معروف إنها لو اتعملت هييجي بعدها مباشرة مصيبة ربنا عز وجل قال بس إن محاولة إنك تعرّفي الرجال زينتك المخفية، وانتبهوا لكلمة "ما يُخفين" يعني الزينة مخفية بالفعل بس أنتِ عايزاهم يعرفوها دا شيء منهي عنه يعني تنزلي صورة بيچامتك ولا اكسسوراتك قدام كل رجال العالم، وحجتك إنك مش لابساهم وعادي دي مجرد هدوم يعني هم الرجال دول عمرهم ماشوفوا هدوم في الشارع وهم ماشيين؟ البنات دي ماعدّاش عليها إن البنت مش بتنشر هدوم البيت بتاعتها في بداية الحبال عشان مايشوفهاش كل اللي ماشي في الشارع! الطبيعي إن غرفة البنات في أي بيت مش بيدخلها أي راجل غريب، مهما كانت درجة الصلة بيكون معروف إن دي ليها خصوصية، دلوقتي أوضة البنت بتبقى مشاع لأي حد على النت لا تعرفه ولا تعرف شيء عنه تنزل صورة أوضتها، مكتبها، المج بتاعها، أدوات الزينة وكل تفاصيل حياتها وفي الآخر يكون الحجة: فين الفتنة في مجرد أشياء منزلين صورها؟ معذرة أنتِ مش دروك تحددي الفتنة، ولا مهمتنا نقنعك بيها أنتِ مأمورة بدا ولو مقتنعة بألوهية الآمِر فدا تَبعًا هيخليكي مقتنعة بكل أوامره استسلامًا أولًا وآخرًا، وهيكون لسان حالك "وقالوا سمعنا وأطعنا" مش سمعنا واقنعني! أتفضل أقنع هوايا ورغباتي وشهواتي بالأمر دا عشان أمشي وراه يعني مش بنخالف هوانا عشان الأمر لأ احنا بنخالف الأوامر عشان أنا مش مقتنعة حقيقي الفئة دي مشكلتها أكبر من عدم الاقتناع بأمر شرعي، مشكلتها إنها مش مدركة الأمر دا جاي من مين، ومش مدركة يعني أي إيمان باللّـه واستسلام ليه ، أقل شيء الإنسان يجاهد نفسه ويقول بحاول ومايستكبرش على الإنكار لكن دا بقا فيه الفئة اللي بتنكر على اللي بينكر، والبنت تنزل صورتها بالنقاب وعينيها بارزة جدًا وعايزه تقطع لسان أي حد ينكر عليها، وياخدوا اللي بتنكر محتوى بقا في التعليقات ويا حورية وياللي ضمنتي الجنة وسيبتوا البنات المتبرجة ووو وأخيرًا، المشكلة اللي البنت اللي بتنزل خصوصياتها على العام بتغفل عنها، إن الإنكار مش بيكون بس عشانها الإنكار دا عشان في بنات كتير هتقلدها زي ما وصلنا دلوقتي إن الوضع اللي بننكره دا بقا شبه طبيعي، تعتقدوا أول من بدأت الفتنة دي واتبعها كل دول في ميزانها أد أي! اللّـه المستعان. - أم المقدام