قلبي إط𓂆مأن(¯◕‿◕´¯)

الفاظ بنقولها كل يوم احذروا منها *1. "الله يخرب بيتك" و "الله يقرفك"* متفق عليها عند أهل العلم إنها من السب واللعن. الدليل: النبي ﷺ قال "ليس المؤمن بالطعان ولا اللعان ولا الفاحش ولا البذيء" رواه الترمذي. وإحنا مأمورين ننزه ربنا. ربنا قال "ليس كمثله شيء". فمينفعش ننسب لربنا الفعل ده في الغضب والهزار. الحكم: حرام لأن فيها سب، مش لأن ربنا بيعمل كده. *2. "ربنا يخليك"* هنا الفرق بين المعنى اللي الناس قصده وبين المعنى اللغوي. - الناس تقصد: "يبقيك ليا" - المعنى اللغوي في المعجم: "خلى" = ترك. "أخلى المكان" يعني تركه. عشان كده الشيخ ابن عثيمين وغيره نصحوا نستخدم ألفاظ أوضح عشان نسد باب اللبس. الحكم: مش حرام، لكن الأولى نبدلها بـ "ربنا يبارك فيك" عشان الدعاء يكون واضح 100%. *3. "نوم الظالم عبادة"* دورت في كتب الحديث: لا هي حديث ولا أثر ولا قول صحابي. هي مثل شعبي مصري. العبادة لها نية. النوم عبادة لو نمت عشان تتقوى على الصلاة والشغل. غير كده هي راحة. الحكم: مش حرام تقولها، بس هي مش دين. والأدق نقول "الحمد لله الذي كفانا شره". *الخلاصة* أنا مش بفتي من دماغي. القاعدة: "الكلمة الطيبة صدقة". فطالما في بديل أحسن وأوضح وأبعد عن الشبهة يبقى نمسك فيه.

أنا حقيقي بتمني أكون أول جنازه تطلع من بيتنا عشان معنديش طاقة لفراق أهلي اللهم أجعلني أول الراحلين عن أهلي وأحبتي.🫀

ماما وهي بتحاول تديني أمل قالتلي أنا كل عمري بحلم ببنت جميلة ربّنا رزقني إيّاكِ أجمل وأفضل وأحسن ممّا تخيلت وتمنيت كنت بتمنى بنت جميلة أتيتِ أجمل كنت بتمناها خلوقة جئتِ أكثر خلقاً كنت بتمناها محبوبة وأنتِ كل النّاس بتحبك الحمدللّه على فضله ورزقه وكرمه أحسنوا الظنّ باللّه وتأملوا خيراً وتذكروا: "أنا عند ظنّ عبدي بي".❤️

أنا عارفة إن الشيطان شاطر، وبيجي للبنت اللي بتكسل يقول لها: "إنتي لسه مصلتِش الظهر، والعصر أذن، خلاص بقى راحت عليكي وصلي بكرة من الأول". لأ، متسمعيش كلامه! ربنا بيقول في القرآن: "فَوَيْلٌ لِّلْمُصَلِّينَ * الَّذِينَ هُمْ عَن صَلَاتِهِمْ سَاهُونَ" عارفين مين دول؟ دول اللي بيأخروا الصلاة عن وقتها من غير عذر، لمجرد الكسل! ربنا بيتوعدهم بالويل، فما بالك بقى باللي مابتسجدش أصلاً ومقاطعة ربنا؟ الكسل ده وهم إنتي اللي بتكبريه في دماغك، لكن أول ما بتقولي "أعوذ بالله من الشيطان الرجيم" وتقومي تتوضي، بتلاقي جبل الكسل ده انهار في ثانية، وبتحسي براحة ونور في وشك ملوش مثيل. > يا غاليات الموت غفلة، والقبر صندوق العمل، وأول حاجة هنتحاسب عليها يوم القيامة هي الصلاة. النبي ﷺ قال: "إن أول ما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدت فقد خاب وخسر" يعني لو صلاتك بايظة، كل حياتك، ومذاكرتك، وطيبتك، وحبك للناس مش هينفعوكي، هتكوني من الخاسرين! بلاش نخسر أخرتنا عشان لحظة كسل أو متعة زايلة في الدنيا. تعالوا نأخد قرار من اللحظة دي، قرار فوقة وتوبة حقيقية، نرجع لربنا ونقول له: "يا رب توبنا إليك، ومش هنسيب فرض تاني أبداً، واعفُ عن كل اللي فات ولازم تتوبى وتبدى من الاول وقولى لنفسك انا هلتزم بالصلاه ومش هعصى ربنا".🫀

السلام عليكم ورحمة الله وبركاته 💗 إحنا عايشين في الدنيا دي كأننا مخلدين، وبنقول لسه العمر قدامنا، وبكرة هنتوب، وبكرة هنلتزم. بس السؤال اللي بجد هو إحنا ضامنين بكرة؟ هو الموت بيستأذن حد؟ الموت ده بييجي فجأة، في ثانية، ومن غير إنذار. بنسمع عن بنات قدنا في السن، نايمين ومقاموش، أو نزلوا ورجعوا في كفن. ربنا بيقول لنا في القرآن "اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مَّعْرِضُونَ" إحنا في غفلة مرعبة يا بنات! اللي مابتصليش خالص دي، واللي بتقطع وتصلي بمزاجها وعلى حسب المود والكسل، فوقي! هتفوقي إمتى؟ لما نكون تحت التراب ونقول يا رب رجعني أصلي ركعة واحدة؟ ساعتها مش هيكون ينفع الرجوع.تخيلي كدا لو قبضت روحك وإنتي سايبة فرض، أو وإنتي مأجلة الصلاة عشان حلقة مسلسلك أو خروجتك أو لمة صحابك؟ النبي صلى الله عليه وسلم قال كلام صريح وواضح ومفيهوش مجاملة: "العهد الذي بيننا وبينهم الصلاة، فمن تركها فقد كفر" . الموضوع مش بسيط، دي مش معصية عادية، دي الفارق اللي بين المسلم وأي حد تاني! الصلاة دي هي الحبل السري اللي رابطك بربنا، لو قطعتيه، إنتي قطعتي علاقتك بالسما كلها. لما ربنا ينادي عليكي 5 مرات في اليوم "حي على الصلاة.. حي على الفلاح"، يعني بيبعت لك طوق نجاة، وإنتي بكل بساطة بتقولي له "لأ يا رب، مش فاضية، شوية تانية، أنا كسلانة"! إزاي بتهون عليكي نفسك تكسري بكلام ربنا اللي خلقك ورزقك الصحة والستر؟🥹💗💗💗💗💗💗🌸

🫀

*«أولئك الذين لا يُجيدون الطيران، يُحبّون كسرَ الأجنحة».* ▪️وهذه حقيقة؛ فمَن لا يستطيع أن يصل إليك، قد يُقلّل من شأنك إذا كنت ناجحًا، والحزين إذا رأى سعيدًا قد ينتقص من عقله؟! ▪️وهذه طبيعة البشر؛ فهم أسرع إلى الإساءة منهم إلى الإحسان، فاصبر على ما يُقال فيك، وما يُساق إليك، ولا تُظهر الضعف؛ فيطمع فيك مَن لا ينبغي له أن يطمع.🫀

° "اللهم إني أستغفرك عدد ما أنساني الشيطان ذِكرك، وعدد ما ألهَتْنِي الدنيا عن الرجوع إليك، فقد قصَّرت ولم تُقَصِّر، ونسيتك ولَمْ تنساني.. فأستغفِرُك رَبِّي وأتوبُ إليك."🫀

في ناس وجودهم في حياتنا بيكون أكبر من مجرد شخص... بيكونوا جزء من يومنا، من دعواتنا، من فرحتنا، وحتى من تعبنا. بنديهم من وقتنا، ومن اهتمامنا، ومن طاقة قلبنا، وإحنا فاكرين إن اللي بيطلع من القلب هيرجع للقلب. لكن أصعب حقيقة ممكن الإنسان يكتشفها، إن مش كل اللي بنحبه بيكون مقدّر حجم اللي بنعمله عشانه فيه شخص بتديله كل حاجة... بتسأل عليه قبل ما يسأل، بتفرح لفرحه كأنها فرحتك، وبتزعل لزعله كأنه وجعك، وبتستحمل منه مواقف لو جات من غيره كان خرج من حياتك من أول مرة. مش لأنك ضعيف... لكن لأن مكانته عندك كانت كبيرة لكن المشكلة إن العطاء لما يفضل من طرف واحد، بيتحول مع الوقت من حب لتعب... ومن اهتمام لخذلان... ومن شغف لصمت. وكل مرة بتعدّي على قلبك من غير ما يحس بيك، أو يقدّر وجودك، بيطفّي جواك حاجة. يمكن هو مش شايفها، لكن أنت بتحس بيها كويس والناس فاكرة إن القلب بيتقفل فجأة... والحقيقة إنه بيتقفل بالتدريج. بموقف اتكسرت فيه وسكت، بكلمة وجعتك وعدّيتها، بإهمال استحملته، وبخيبة أمل كنت بتقنع نفسك إنها آخر مرة. لحد ما ييجي اليوم اللي تلاقي فيه نفسك مش قادر تحس بنفس المشاعر اللي كنت بتحسها والغريب إن الشخص اللي كان مطمن إنك مستحيل تبعد، هو أول واحد يتفاجئ لما يلاقيك اتغيّرت. يبدأ يسألك: "مالك؟ إيه اللي حصل؟" وهو مش مستوعب إن اللي حصل، حصل على مهل... وهو كان شاهد عليه، بل ويمكن كان السبب فيه وقتها هتبقى بتتكلم معاه عادي... لكن من غير لهفة. هتسأل عليه... لكن من غير خوف. هتشوف رسالته... من غير ما قلبك يدق. وهيستغرب جدًا إنك بقيت نفس الشخص اللي كان بيجري عليه أول ما ينده، وبقى دلوقتي بيتعامل بهدوء وكأن وجوده وغيابه واحد وأصعب إحساس، إن الإنسان اللي كنت شايفه الدنيا، يرجع بالنسبة لك شخص عادي جدًا. مش لأنك كرهته... لكن لأن قلبك تعب. والتعب لما يوصل لنهايته، بيحوّل أقوى مشاعر الحب إلى لا مبالاة وساعتها، مهما حاول يرجّع اللي فات، هيكتشف إن فيه حاجات لما بتتكسر، مبتتصلحش بالكلام. لأن الحب ممكن يستحمل الزعل، لكن عمره ما يستحمل الاستهانة المستمرة. والاهتمام لما يتقابل بالإهمال، بيموت واحدة واحدة افتكر دايمًا... أخطر لحظة مش لما الشخص يزعلك، أخطر لحظة لما يوصلك لمرحلة إنك تبطل تزعل أصلًا. لأن الزعل معناه إن لسه فيه مكانة، لكن اللامبالاة معناها إن القلب قفل بابه، والمفتاح اتساب ورا الباب من زمان وساعتها، هيبصلك ويقول: "إنت اتغيرت." والحقيقة إنك ما اتغيرتش... هو اللي اتأخر جدًا في تقدير إنسان كان بيديله قلبه كله، لحد ما القلب قرر يحافظ على اللي باقي منه.

عارفين إحساس لما تحط حاجة (فلوس أو مستندات مهمة أو موبايل) فۍ جيبك أو شنطتك ، وتحط إيدك فيها ، وفجأة متلاقيهاش ، وتخاف ، وجسمك يقشعر ، وبعدين تدور ڪويس وتلاقيها ؟ فرحت جدًا لما عرفت أن الفزعة دۍ ڪفّارة للذنوب ، ڪما قال ﷺ: "حتۍ البضاعة يضعها فۍ ڪُمِّ قميصه فيفقدها فيفزع لها."

‏لو حسيت إنك عايش في قلق وإفراط في التفكير (overthinking) ردد الأدعية دي : - اللهُمَّ أخرجني من حَولي إلى حَولك ومن عزمي إلى عزمك ومن ضعفي إلى قوّتك ومن انكساري إلى عزّتك ومن ضيق اختياري إلى براح إرادتك.. ‏- اللهُمَّ إني أسلمت نفسي إليك، ووجهت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجا منك إلا إليك.. ‏- اللهُمَّ لا تحرمني وأنا أدعوك، ولا تخيّبني وأنا أرجوك، اللهمَّ إني أسألك يا فارج الهم، ويا كاشف الغم، يا مجيب دعوة المضطرين، يا رحمن الدنيا، يا رحيم الآخرة، ارحمني برحمتك فلا راحم غيرك ولا إله غيرك لا إله إلا أنت سبحانك.. ‏- اللهُمَّ إنك لا تحمّل نفسًا فوق طاقتها فلا تحمّلني من كَرب الحياة ما لا طاقة لي به، وباعد بيني وبين مصائب الدنيا كما باعدت بين المشرق والمغرب يارب.. ‏- اللهُمَّ ارزقني رزقًا لم أتوقعه و خيرًا لم أفكر به و تحقيقًا لأمنيات ظننت يومًا أنها مستحيلة وإستجابة لدعوات أكررها دائمًا ولا تشغل عقلي بما يُقلِقه ولا قلبي بما يُرهِقه يارب. - يا حيّ يا قيّوم برحمتِكَ أستغيثُ أصلِح لي شأني كُله ولا تَكِلني إلى نفسي طرفة عين.

يوم عاشوراء اليوم اللي علّمنا إن الطريق لما يقفل من كل ناحية، ربنا يفتح باب ماكانش حد يتخيله، اليوم اللي وقف فيه سيدنا موسى عليه السلام قدّام البحر، والناس شايفة النهاية وهو قال بيقين: ﴿كَلَّا إِنَّ مَعِيَ رَبِّي سَيَهْدِينِ﴾، فربنا شقّ البحر وبدّل الخوف نجاة، وعاشوراء مش بس ذكرى نجاة، عاشوراء في اليوم ده ربنا استجاب لـ موسي عليه السلام سبع حاجات اجابها اللّٰه دفعه واحده لعل ربنا يستجيب لكل ما نتمناه ونعيش شعور الايه"قَالَ قَدْ أُوتِيتَ سُؤْلَكَ يَا مُوسَىٰ وَلَقَدْ مَنَنَّا عَلَيْكَ مَرَّةً أُخْرَىٰٓ"، ده يوم وصّى النبي ﷺ بصيامه، وقال إن صيامه نحتسب به تكفير ذنوب السنة اللي فاتت، يمكن أجمل حاجة في اليوم ده إنه يفكّرك إن ربنا قادر يغيّر الحال في لحظة وإن الدعوات اللي شايلها في قلبك من زمان، ربنا يسمعها ويجبرك من حيث لا تحتسب صوم اليوم ده مش عادة صومه وأنت داخل بقلب بيقول: يا رب زي ما نجّيت موسى، نجّيني من اللي في قلبي، وزي ما فتحت له طريق وسط البحر، افتحلي طريق وسط اللي مستحيل، يمكن يوم واحد لكنه عند ربنا يغيّر سنة كاملة، ويمكن يغيّر فيك حاجات بقالها سنين مستنية فرج.

سبحان الله بجد، في ناس كده لما تشوفهم بتلاقي ربنا واضع في وشهم قبول غريب، بترتاحلهم من أول مرة، وتحس نقاء قلوبهم طاغي عليهم من غير حتى ما يتكلموا! عشان كده الإنسان بيتعرف من الطلّة، في ناس طلّتهم مُريحة وطيبتهم مرسومة على ملامحهم والبشاشة اللي في وشهم قادرة تخليك حابب تتعامل معاهم. بيبان والله، الطيّب بيبان، والخبيث بيبان مهما حاول يداري. ربنا يجعل طلّتنا مُريحة في عيون عباده 🫀

الزموا الصلاة على النبي ﷺ!

"اللهم إني أستغفرك من جميع ذنوبي.. صغيرِها وكبيرِها، أستغفِرُك عدد ما طاوعتني نفسي على الذنب، وأستغفِرُك عدد أيام حياتي.. قبل المَوت وبعده، وأستغفِرُك حتى يملّ القمر، وحتى تطلع الشمس من مَغربها، أستغفرك عدد ما استغفرَك المُستغفرون، وعدد ما سبَّح المُسبِّحون، وعدد كل صغيرٍ وكبيرٍ في الكَون، أستغفِرُك ربي وأتوب إليك🫀

۝ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ۝ ❤️

بلاش الراجل المتجوز… بلاش الوجع اللي آخره انكسار 💔 مش كل اهتمام حب… ومش كل راجل بيقول "مراتي تعباني" يبقى ضحية. في رجالة بتدخل حياة الست من أضعف باب… باب الاحتياج. وقت ضعف… وقت زعل… وقت فراغ… وقت قلب محتاج كلمة حلوة أو حضن معنوي. يبدأ بالحكايات… "أنا مش مرتاح" "محدش فاهمني" "اتجوزتها غصب" "عايش عشان العيال" "هطلقها أول ما الظروف تسمح" ويفضل يرسم نفسه قدامك بطل متألم… وانتي من غير ما تحسي تفتحي قلبك وتتعاطفي. لكن اسألي نفسك سؤال واحد… لو هو مظلوم فعلاً… ليه مستخبي؟ ليه خايف؟ ليه علاقتك بيه في الضلمة؟ ليه مكالمات سر ورسائل تتمسح وخوف من ان حد يعرف؟ الحب عمره ما كان مستخبي… ولا الحلال بيتقال عليه "استني شوية". وأصعب شعور مش إنك تحبيه… أصعب شعور إنك تكتشفي إنك كنتِ محطة مؤقتة في حياة حد، بينما حياته الحقيقية كانت مستمرة بعيد عنك. تشوفيه يضحك معاها… يسافر معاها… ينزل صور معاها… وتفهمي إن كل الكلام اللي كان بيحكيه عن تعاسته مكنش مانع إنه يعيش حياته عادي. وساعتها الوجع بيكون مضاعف… وجع حب… ووجع خذلان… ووجع كرامة. والزوجة؟ هي كمان موجوعة… حتى لو بينكم خلاف أو اختلاف، الخيانة عمرها ما كانت بطولة ولا إثبات حب. الراجل الصريح ليه طريق واضح… يواجه… يقرر… ويتحمل مسؤولية قراراته. إنما اللي عايزك في السر ويطمنك بكلام من غير خطوة حقيقية… غالباً مش بيدور على حياة، بيدور على راحة مؤقتة أو نزوة متغلفة بكلام حلو. متقبليش تكوني احتمال تاني في حياة حد… ولا نصف اختيار… ولا علاقة مستخبية. اللي يحبك بصدق ييجي من الباب الواضح… يحط اسمك قدام الدنيا… ويكون فخور بوجودك، مش خايف منه. انتي مش بديل… ولا وقت فراغ… ولا سر بينفتح بالليل ويتقفل الصبح. انتي تستحقي قلب واضح… ورجل واضح… وحياة من غير خوف ولا منافسة ولا دموع.