📚 آغـری‌داغـی

مناجات: الهی یاندی باغریم چاره قیل سن گل اوز لوطفون منِ بیماره قیل سن اتک سندندی ال مندن الهی ! بیلن سن قلبلرده گیزلی آهی نظر سالسان گدانی شاه ائدرسن سلیمان مولکونو بیر کاه ائدر سن آتامنان چوخ آنامنان مهربان سان اوزومدن چوخ یاخینسان منده جانسان اورکدن دیرچَلنده اودلو آهیم پناهیم سن،پناهیم سن ،پناهیم منه لوطفون حسینین شامل ائیله منی بو یولدا یارب کامل ائیله او گور کیمدی ملک لر دسته-دسته گلیبلر بیربه بیر قونداقی اوسته و امّا ایندی بیر نئی نینواده اوجا نئی لر قاتیندا نئی نواده گلیردی سوزیلن قرآن نواسی اوزو قرآن سوزو قرآن، صداسی فلک بیر داش ویریبدیر لاپ یاخیندان دییب شاهِ شهیدانین باشیندان اورک بحرینده سیزلار سینه داغلار قلم لر نوحه باشلار دفتر آغلار. آغری

تدبیر قتلِ آلِ عبا قیلدین ای فلک فکر غلط خیالِ خطا قیلدین ای فلک برقِ سحابِ حادثه دن تیغ لر چکیب بیر- بیر حواله ی شهدا قیلدین ای فلک عصمت حرمسراسینا حرمت روا ایکن پامالِ خصمِ بی سرو پا قیلدین ای فلک صحرای کربلاده اولان تشنه لب لره ریگِ روان و سیل بلا قیلدین ای فلک تخفیف قدر شرعدن اندیشه قیلمادین اولاد مصطفی یه جفا قیلدین ای فلک بیر رحم قیلمادین جگری قان اولان لارا غربتده روزگاری پریشان اولان لارا ‐--------------------------- ای درد پرورِ المِ کربلا حسین وی کربلا بلالرینه مبتلا حسین غم پاره پاره باغرینی یاندیردی داغیله ای لاله ی حدیقه آلِ عبا حسین تیغِ جفا ایله بدنین اولدو چاک- چاک ای بوستان سبزه ی تیغ جفا حسین یاخدی وجودونو غمِ ظلمت سرای دهر ای شمعِ بزمِ بارگهِ کبریا حسین دور فلک ایچیتدی سنه کاسه -کاسه قان ای تشنه ی حرارتِ برقِ بلا حسین یاد ائت( فضولی) آلِ عبا حالین ائیله آه کیم برق آه ایله یاخیلیر خرمنِ گوناه

🥀🍃🍃 🍃🥀 🍃 بو هاوانین دردی چوخدو، ائله آغلاییر، آغلاییر. کرم دئییر «گرک یانام!» له‌له آغلاییر، آغلاییر. دردی چمن-چمن شاعیر، اوره‌یینده وطن شاعیر، ائل-اوباسی ایتن شاعیر، بئله آغلاییر، آغلاییر. «شوجاعت»ام، بختیم دویون، دؤزمور اورک، دؤزمور بئیین. منی سوروشسالار، دئیین: هله آغلاییر، آغلاییر... #شوجاعت_کلبجرلی @Can_Can_2_Azerbaycan •┈┈••✾•🇦🇿🇹🇷•✾••┈┈•

اینسان اولان وطنینی ساتار می ؟  سویون ایچیپ چؤره‌یینی یئدینیز  دونیادا وطندن عزیز شئی وار می ؟ بَی‌لر بو وطنه نئجه قییدینیز ؟    اونو دیدیک-دیدیک ، دیدیکله‌دی‌لر  ساچلاریندان توتوب سوروتله‌دی‌لر  گؤتوروپ کافیره : ".بویور.." دئدی‌لر  بَی‌لر بو وطنه نئجه قییدینیز ؟    اَلی قولو زینجیرلره وورولموش  وطن چیریل ـ چیپلاق یئره سریلمیش  اوتورموش کؤکسونه تئگزاسلی چاووش  بَی‌لر بو وطنه نئجه قییدینیز ؟    گونو گلیر چرخ دوزونه چئوریلیر  گونو گلیر حئسابینیز گؤرولور  گونو گلیر سووالینیز سورولور :  بَی‌لر بو وطنه نئجه قیدینیز ؟ ناظیم_حیکمت @mohammdqpoor

" فضولی " یارب بلای عشق ایله قیل آشنا منی بیر دم بلای عشق دن ائتمه جدا منی آز ائیله مه عناینینی اهل درد دن یعنی کی چوخ بلا لره قیل مبتلا منی اولدوق جا من؛ گوتورمه بلادن ارادتیم من ایسته رم بلانی چو ایستر بلا منی تمکینی نی بلای محببت ده قیلما سست تا دوست طعن ائدیب دئمییه بی وفا منی گئتدیکجه حسنون ائیله زیادت نگاریمین گلدیکجه دردینه گینه ائت مبتلا منی مندن هارا ؛ ملازمت اعتبار و جاه قیل قابل سعادت و فقر و فنا منی اویله ضعیف قیل تنیمی فرقتینده کیم وصلینه ممکن اوولا، یئتیرمک صبا منی نخوت قیلیپ نصیب فضولی کیمی منه یارب مقیید ائیله مه مطلق ، منا منی " فضولی" @mohammdqpoor

غزل سوزوم آغزیمدا قالاندان ،یامان های سیزلامیشام !!! مسکنیم دیر ساوالان زیروه سی ،یای سیزلامیشام ! بونجا حاخدیرسا سوزوم ،کیمدی کی مندن سوزآلان ! چنلی بیر گویدو کونول، گورنئجه آی سیزلامیشام ! آیریلیق سانکی هورومجکدی ، ائشیب دیر ایپیمی کوشلاییب باغریمی غم ،یوخسا نانای سیزلامیشام الیم الدن اوزولوب ، آرپا چاییندان دء منه خان چوباندیر اوره ییم ،گور نه سارای سیزلامیشام ! گئدمه گوزدن من اولوم، سنسیز اوزومدن گئده رم سووقاتیم غمله کدردیر، اونا پای سیزلامیشام ! آی کوچن آرزیلاریم ، گل داها باغریم قان اولوب دیله ییمدن ساری هر آندا اوخای سیزلامیشام ! آمان الله ؛ لاپ اوجوز قییمه ته قویمیشلا منی "آغری"یاندان سوزوم آغزیمدا هارای سیزلامیشام ! https://telegram.me/mohammdqpoor

رباعی ساقی کرَم ائت شرابِ گلفام یوروت گلفام شرابه وئرمه آرام ، یوروت بزم ایچره حبابِ اشکِ گلگونیم دن مین جام یوّرتمه جان اوچون جام یوروت فضولی

ائیله سرمستم کی ادراک ائتمرم دونیا ندیر من کیمم ساقی اولان کیم دیر می و صهبا ندیر گرچه جانانِ دلِ شیدا اوچون کام ایسته رم سورسا جانان بیلمرَم کام ِ دلِ شیدا ندیر وصل دن چون عاشقی مستغنی ائیلر بو وصال عاشقه معشوق دن هردم بو استغنا ندیر حکمتِ دونیا و ما فیها بیلن عارف دئییل عارف اولدور بیلمه یه دونیا و ما فیها ندیر آه و فریادین فضولی اینجیدیب دیر عالمی گر بلای عشق ایله خشنودیسن غوغا ندیر . # فضولی

پولسوزون یانیندا پولدان دانیشما دیلیندن یلیک اول ،سوزوندا چاشما بیر آز آرتیریبسان ،بو قدر داشما یاتیبسان ، یاتانی زامان اویاتماز کیمسه نین چیراغی سحره چاتماز آتین باش آپاریر؟ یاواشجا یئری بیر زامان گزردین لاپ اولمه دیری ایندیسه اولوبسان هامیدان ایری فلک ایشینده دیر بیر گئجه یاتماز کیمسه نین چیراغی سحره چاتماز سن ائله ازلدن بیر گوزو دارسان هم اوزون بیه نن، هم بئچیخارسان بیر آز یاواش یئری، یوکو ییخارسان اینسان اوزونونکون ماناتا ساتماز کیمسه نین چیراغی سحره چاتماز ازلدن گوره نین اوره یی توخدو سورادان گوروب سن سنده سوز یوخدو اون اوچون سوزلرون اورکده اوخدو روزگار نامردین بویون اوجاتماز کیمسه نین چیراغی سحره چاتماز اوزگه نین مالینی یامان یئییرسن هم یئییب،هم ایچیب،همه ده گئییرسن مالینا هئی منم ، منم دئییرسن دوز اینسان مالینا حرام پول قاتماز کیمسه نین چیراغی سحره چاتماز آللاهیم نامردی، اوجاتماگیلان !!! ال آچیخ بنده نی ،قوجاتماگیلان یوخسولو بوندان چوخ قاراتماگیلان یاخشی لار یوخسولون اوزون قیزاتماز کیمسه نین چیراغی سحره چاتماز آغری

غزل: آیریلیق قورشونو باغریمدا چیچک لندی قاییت ! هَنَمین چئشنیسی تک قیرمیزی رهلندی قاییت ! غمی چیگنیمده دولاندیرمالییام سن گئده لی عومرومون حاصیلی سندن سۏرا جَهلندی قاییت ! آغری لار جرگه سینه سئوگین آداخلاندی بو گؤن شاعیرین سندن اؤتور درده اتَهلندی قاییت ! دَفه لنمیش پوتا چئوریلدی منیم روزگاریم کدر آدلیم اوره ییم ,بلکه فرهلندی قاییت ! حسرتین کؤنلومو یاندیرمادادیر دای دور گل دردو غم سن گئده لی کؤکسومه تهلندی قاییت ! ائله گئتدین داها ایز قالمادی سندن ,خۏش اۏلام آیریلیق قورشونو باغریمدا چیچکلندی قاییت ! آغری @mohammdqpoor

رباعی : فریاد ز دستِ فلکِ سفله نواز شه زاده به محنت و ،گدازاده به ناز نرگس ز برهنگی سر افکنده به زیر صد پیرهن حریر پوشیده پیاز #فضولی به سبک هندی صد سال پیش از صائب

ساری شین : ائلینین نازلیجاسی ,سانکی سارای دیر ساری شین بولود آلتیندا قالان ,هاله لی آی دیر ساری شین ساچینین هر تئلینه بیر دلی گؤردوم اۏ قیزین کؤفر اۏلور سویله مَییم , آللاها تای دیر ساری شین تانری نین کئفلی چاغییمیش, یارادان گون ده اۏنو تانری دان ائل لرینه بیر اولو پای دیر ساری شین کؤکره ییر سوس باخیشی, یوردونا نیسکیل توره دیر آغی دیر- مرثیه دیر, گؤجلو هارای دیر ساری شین باخیشی ماوی, گؤنش ساچلی ،ائلین بیرداناسی چیسگی دیرسه ,آراز آدلیم منه چای دیر ساری شین اۏ داغیستان دا ,اۏ قیرقیزدا, او استانبول دا آغری یوردون دا سۏیوق قیش گونو یای دیر ساری شین #آغری‌ @mohammdqpoor

⛵️کشتی نوح در کوه آغری، مرز آذربایجان غربی و ترکیه کوه‌ آغری (که ارمنی‌ها آن را آرارات می‌خوانند) در شمال شرقی ترکیه (استان آغری) در نزدیکی مرز ایران، ارمنستان و جمهوری آذربایجان واقع شده‌است و مرتفع‌ترین کوه ترکیه است. این کوه دارای دو قله آتشفشانی بزرگ (۵٬۱۳۷ متر) و کوچک (۳٬۸۹۶ متر) است. در کتاب آفرینش در عهد عتیق از آغری به عنوان محل به خاک نشستن کشتی نوح پس از طوفان ذکر شده‌است. https://t.me/Barishann