محمد قاسم 💊

ليش الشخص الي يتعرض الصدمة او خرعة او ضغوط 😪مستمرة راح ممكن يصير بي مرض السكري ( Diabetes Mellitus ) لان الشخص من يتعرض الإجهاد نفسي ⚡️ راح تطلع هرمونات ↗️ التوتر مثل الكورتيزول (cortisol) والأدرينالين ( adrenaline ) وهذني الهرمونات راح تزيد انتاج السكر من الكبد بشكل جبير وبالتالي هاي الزيادة بالسكر المستمرة راح تؤدي إلى تحطم 👊🏻 الخلايا الموجودة بالبنكرياس ( Beta cells) وبالتالي راح يقل الانسولين ويصير مرض السكري .

اجتك مريضة 🙋🏼‍♀️ للصيدلية وكلتلك عندي عملية 🤦🏼‍♀️ بعد فترة وكتشفت انو هي تأخذ اسبرين 💊 كمضاد للتخثر فلازم انت تنصحها تترك الاسبرين قبل أسبوع من العملية لان الاسبرين هو مضاد تخثر وفي حال ما تركتة قبل العملية بأسبوع راح يصير عند المريضة نزيف أثناء العملية وهاي التوصيات كلش مهمة منك كصيدلاني .

ال Metformin 💊 المعروف بالاسم التجاري ( Glucophage ) من الأدوية المشهورة الي تعالج مرض السكري ( type 2 diabetes ) الشغلة المهمة الي أريدك تعرفها عنة انو هذا الدواء يقلل ⬇️ امتصاص فيتامين B12 . لذلك انصح المريض الي يأخذ الدواء على المدى البعيد انو يفحص فيتامين B12 لان ممكن يصير عندة نقص بي وممكن بسبب هذا النقص يصير عندة فقر دم ( anemia ) او مشاكل بالأعصاب ( peripheral neuropathy )

اجاك مريض للصيدلية وكلك عندي كحة بيها بلغم 🤧 شلون راح تكدر تعرف المرض الي عندة من لون البلغم ؟ 🤔 إذا جان لون البلغم أبيض او شفاف ⚪️ فغالبا راح يكون عندة اما عدوى فايروسية او حساسية . وإذا جان لون البلغم اخضر او اصفر 🟡🟢 راح تكون اما عدوى بكتيرية او فايروسية . واذا جان لون البلغم اسود ⚫️ فغالبا الكحة العندة نتيجة تدخين او تعرض للملوثات والدخان . اما إذا جان لون الكحة احمر او وردي 🔴 فممكن يكون عند المريض سل ( Tuberculosis ) او ممكن سرطان وبهالحالة فورا تحيل المريض للطبيب .

اجاك مريض سكري للصيدلية يحقن انسولين 💉وكلك اني يومية احقن انسولين بنفس المكان والبارحة حقنت انسولين وما اشتغل وصعد سكري ‼️ انت كصيدلاني باوعت على نفس المكان الي يحقن بي يومية راح تعرف انو صاير عندة التهاب بهذا المكان ،، ونتيجة الالتهاب تكونت اجسام مناعية وانزيمات كامت تكسر الانسولين من يحقنة بنفس المكان لهذا يا بطل انصحة يغير مكان الحقن وراح يرجع الأنسولين يشتغل ويبدي يرجع سكر دمة للطبيعي ✅

الوقت المثالي ⏰ لأخذ مضادات الحموضة مثل دواء (Rennie) او الحب الكرط هو بعد الاكل بساعة لان بهذا التوقيت راح يقل نزول محتويات المعدة إلى ⬅️ الأمعاء وبذلك راح يبقى الدواء بالمعدة لفترة اطول ✅ ويسويلي شغل لفترة اطول ( تقريبا 3 ساعات ) مقارنة بلو أخذنا الدواء على معدة فارغة ( يطول شغل الدواء نص ساعة او ساعة بس ) . #محمد_قاسم

دائماً ننصح المريض انو يأخذ دواء ال omeprazole قبل الاكل وهنا المريض حيفهم خطا ❌ وممكن راح ياخذ الدواء بفترة طويلة كلش قبل الاكل وهنا الدواء راح يقل شغلة كلش كلش ‼️ بس ليش وشلون أوجه المريض صح 🤔 تعالوا نسولف هذا الدواء راح يقلل ⬇️ إفراز حامض ال HCL بالمعدة عن طريق انو راح يثبط مضخات البروتون ( النشطة ) وركزلي على كلمة النشطة لان هاي المضخات راح تنشط لمن نبدي ناكل وإذ أخذنا الدواء قبل الاكل بفترة طويلة راح تكون المضخات غير نشطة وبذلك الدواء ما راح يثبطهن لان كلنا الدواء يشتغل على المضخات النشطة حصرا . وبذلك راح ننصح المريض انو يأخذ الدواء لازم قبل الاكل بفترة كصيرونة ( بنص ساعة او ساعة ) حتى يمتص الدواء خلال هالفترة الصغيرونة و وراها يأكل المريض وتبدي تبدي تنشط المضخات والدواء يشتغل عليهن . #محمد_قاسم

أجتك أم للصيدلية 👱🏻‍♀️وهمين وياها طفلها 👦🏼 وكللتك ابني إسهال صارلة فترة 😣 لان عندة بكتريا بالأمعاء شنو اهم نصيحة راح تنصحها انت كونك صيدلاني شاطر ‼️ لازم نعرف انو الحليب 🍼 الي يشربة الطفل راح يزيد الإسهال عندة لان يحتوي على اللاكتوز Lactose وبسبب الالتهاب الي صاير عند الطفل بالأمعاء ادى انو يحدث ضرر 👊🏻 بالخلايا الموجودة بالأمعاء وبذلك راح يقل ⬇️ إفراز إنزيم اللاكتيز Lactase الي يكون مسؤول عن هضم اللاكتوز وهالشي راح يؤدي انو اللاكتوز ما راح ينهضم زين وبالتالي حيزداد الاسهال عند الطفل 😣 وبالمناسبة هاي الحالة مؤقتة نصيحلها ( Lactose intolerance ) لهذا انت كصيدلاني بطل راح تنصح الأم انو تستعمل لطفلها حليب خالي من ال Lactose لفترة مؤقتة لحد ما الطفل يطيب من الإسهال الي عندة . #محمد_قاسم

من الأشياء الخطرة الي حتسويها المضادات الحيوية (antibiotics) إذا تم اخذها بكثرة وبدون سبب مقنع ‼️ تعالوا نسولف اكو نوعين من البكتريا بالأمعاء ،،،،، النوع الاول هو البكتريا الحبابة و الغير مؤذية 😇 الي اسمها ( normal flora ) ☺️ والنوع الثاني هو النوع الخبيث والشرير مثلا بكتريا ال( Clostridium difficile ) 😈 وهذني النوعين عايشين بحالة توازن وبدون أي خلل بالأمعاء ولكككككككنننننن ‼️ في حال شخص يأخذ مضادات حيوية بكثرة راح يقتل البكتريا الصالحة ☺️ الي موجودة بالأمعاء وراح تفرغ الساحة للبكتريا الشريرة 😈 وراح يزيد عددها بشكل جبير وراح تسويلي التهاب حاد بالأمعاء ويا إسهال ( Diarrhea ) والآم بالبطن ( abdominal pain ) . لذلك كصيدلي إذا أجتك هيج حالة لازم تنصح المريض انو يتوقف عن أخذ ال antibiotics ويراجع الطبيب فورا لان ممكن تكون هاي الحالة خطرة ⚠️ #محمد_قاسم

هذا تصوير مقطعي للدماغ يوضح الفرق بين دماغ الشخص المكتئب عن الشخص الطبيعي المناطق الحمرة والصفرة تمثل انتشار النواقل العصبية المسؤولة عن السعادة مثل السيروتونين ( serotonin ) والنورابنفرين ( norepinephrine ) وتبين شلون هي قليلة بدماغ الشخص المكتئب مقارنة بالشخص الطبيعي . #محمد_قاسم

غلطة جبيرة يمر بيها اغلب الصيادلة اتجنبها انت ‼️‼️ من يجي شخص عندة التهاب بالبلاعيم 😷( sore throat )،،،،،،، بعض الصيادلة ينطون راساً مضاد حيوي ( antibiotics ) وهالشي خطا ثم خطا ثم خطا ❌ ،،،، زين ليش ؟ لان بنسبة 90 % من التهاب البلاعيم يصير بسبب فايروسي viral infection 🦠 وليس بكتيري وما راح يحتاجون مضاد حيوي …… وفقط 10 % من حالات التهاب البلاعيم تصير بسبب البكتريا وراح يحتاجون ذولة مضاد حيوي لان المسبب بكتريا . لذلك غالبا ما راح ننطي الأشخاص الي عدهم التهاب بالبلاعيم مضادات التهاب وراح نكتفي انو ننطيهم حبوب مص مثل ال ( strepsils ) و همين ننطي مسكن للألم وخافض للحرارة مثل ال ( paracetamol ) لان ممكن همين يعانون من صخونة 🤒 وية الم بالبلاعيم …. وبعدها وتقريبا لمدة أسبوع راح تشوف المريض الي صايرة بي التهاب بلاعيم بسبب عدوى فايروسية طاب من كيفة 😊 . #محمد_قاسم

جنت تدري انو مريض السكري ( diabetes mellitus ) دائما يعاني من التهاب مجاري بولية ( urinary tract infection ) ❗️❗️ زين ليش ؟ لسببين :- الاول :- بسبب ارتفاع نسبة الكلوكوز ⬆️ في اليوريا والي راح توفر بيئة مناسبة لنمو البكتريا بال urinary tract ثانيا :- مريض السكري راح يعاني من ضعف المناعة 🙁 وبذلك ممكن بسهولة يصيرلة urinary tract infection . عودة الالتهاب بشكل مستمر 🔄 على مريض السكري راح نسمي( recurrent infection ) وبالمناسبة هاي الحالة إذا تركت بدون علاج ممكن حتسوي فشل بالكلى ( renal failure ) #محمد_قاسم

تدرون انو التوتر والضغوط 😰😮‍💨 تؤدي إلى ضهور حبوب الوجه ‼️ زين ليش ؟🤔 لمن راح تتوتر راح ينفرز هرمون التوتر الي اسمة هرمون الكورتيزول ( cortisol ) من الغدة الكضرية ( adrenal gland ) وهذا الهرمون راح يحفز الغدد الدهنية الموجودة بالجلد انو تفرز دهون هواية وبوجود هاي الدهون وية خلايا الجلد الميتة راح تنسد مسام الوجه و راح تكون هاي المسام المسدودة بيئة تجنن لنمو البكتريا وبذلك حيصير التهاب وتطلع على شكل حبوب الوجه . لذلك خليكم دائما ريلاكس 😜🤍 وسهلوا الحياة وهي تسهل اتمنى منكم الدعاء الي بالتوفيق اخوكم #محمد_قاسم

إذا جانت المرأة حامل 🤰 وجان بيها صرع برئيكم لازم تعوف ادوية الصرع ؟🤔 الجواب لا ❌ ،،،،، ما يصير تترك الأدوية مال صرع لان هالشي خطر جدا و ممكن يزيد حدوث النوبات . زين شلون لعد محمد ؟ 🤔 مو ممكن تصير تشوهات على الجنين ؟ راح اكلك اكو ادوية مال صرع تكون اكثر أمان للحامل و اكو ادوية مال صرع تكون خطرة على الحامل لازم نتجنبها أثناء الحمل . الادوية الي راح تكون آمنة للحامل هي :- -Lamotrigine ( Lamictal تجاري ) ✅ -Levetiracetam ( keppra تجاري ) ✅ ومن اخطر ❌💀 ادوية الصرع على الحامل هو valproic acid ( Depakine ) #محمد_قاسم

ليش نحس بشعور السعادة 😊 و النعاس 🥱ورة مناكل وجبات دسمة ؟؟🍔🍟 وحدة من الأسباب انو بعض الأطعمة حتكون غنية بالحامض الاميني الي اسمة ( Tryptophan ) وهذا الحامض الاميني راح يروح للدماغ ويتحول 🔄 إلى الناقل العصبي الي هو السيروتونين ( serotonin ) الي راح ينطينا السعادة 🥰 بعد الاكل وبعد ذلك السيروتونين ( serotonin ) راح يتحول 🔄 إلى ميلاتونين ( melatonin ) هو الهرمون الي راح يخلينا ننعس 😴🥱 . #محمد_قاسم

فَنَادَى فِي الظُّلُمَاتِ أَنْ لا إِلَهَ إِلَّا أَنْتَ سُبْحَانَكَ إِنِّي كُنتُ مِنَ الظَّالِمِينَ * فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ} [الأنبياء:٨٧ - ٨٨].

الوحيدة الي انطتني العلاج المضبوط وكالت Dopamine هي دكتورة وفاء وهم شخصت تشخيص صحيح لهذا ربحت ويانا . بالمناسبة أغلبكم شخص تشخيص صحيح بس محد كلي العلاج هو ال dopamine باستثناء دكتورة وفاء لهذا ربحت . عاشت ايدكم جميعا 🎉

اجاكم مريض للصيدلية او للطوارئ وجان ضغطة منخفض وهمين كال الكم انو صارلة يوم كامل ما صاير عندة تبول ( urination ) و ايدة باردة و كاعد يتعرق بكثرة شنو التشخيص والعلاج الصحيح ؟ 🤔

اجاكم مريض للصيدلية او للطوارئ وجان ضغطة منخفض وهمين كال الكم انو صارلة يوم كامل ما صاير عندة تبول ( urination ) و ايدة باردة و كاعد يتعرق بكثرة شنو التشخيص والعلاج الصحيح ؟ 🤔

اجاكم مريض للصيدلية او للطوارئ وجان ضغطة منخفض وهمين كال الكم انو صارلة يوم كامل ما صاير عندة تبول ( urination ) و ايدة باردة و كاعد يتعرق بكثرة شنو التشخيص والعلاج الصحيح ؟ 🤔