کانال رسمی محرم محمدزاده(محرم عمی)

بادهای خشن، کوچه‌های خاموش روستا را می‌دَرند. اینجا دورترین نقطه آذربایجان شرقی است، جایی که آب هرگز مهمان همیشگی نیست. کودکان، با چشمانی خسته و تنی خاک‌آلود، چشم به افق دوخته‌اند. وقتی تانکر پیدا می‌شود، شادی مثل جرقه‌ای خاموش در دل‌شان روشن می‌گردد. پاهایشان بر خاک می‌کوبد، یکی با کفشی تا به تا، دیگری پابرهنه، اما هیچ‌چیز توان دویدن‌شان را نمی‌گیرد. کنار تانکر، دبه‌های بزرگ مثل دیوار بر زمین ایستاده‌اند. دست‌های کوچک، ناتوان از بلند کردن‌شان... انگار وزن همه‌ی سختی‌های دنیا در همان دبه‌ها جا خوش کرده است. در خانه‌ها، دیگی روی آتش می‌جوشد؛ دیگی که باید دریا باشد، اما تنها مشتی آب است. آبی برای شستن، برای زنده ماندن، برای لحظه‌ای وانمود کردن که زندگی هنوز ادامه دارد. باد می‌وزد، گرد و خاک بالا می‌رود، و کودکان، خیسِ عرق و اشک، باز هم می‌دوند. چون می‌دانند در این دیار، زندگی یعنی دویدن به سوی تانکری که شاید دیر برسد... شاید هم هرگز. کاری از شهرام عبدی و محرم عمی

اِئله گلرم دئدین کی گِئدیرم گوزلریم دولدی دئدین لاپ یوبانسام ایله گلرم سن گئدین گلمه دین آیلار ایللردی دِئمه دین آغلارام دیله گلرم ◼️◾️▪️ شاهید دی گویده کی قالان آی ایندی گئدیگین گونلرین اوزون سای ایندی منه تاپانمازسان دَلی تای ایندی بیلسم هایانداسان اِئله گلرم ◼️◾️▪️ گئدیرم آشاغی صونرا یوخاری آیدا من نَن کوسوب یوخدو چئخاری دئسه لر گئد سئله ،سئللر آخاری چئرپارام اوزومو سئله گلرم ◼️◾️▪️ جان وئرن زاماندا سئوه جَم سنی خیالدا ساچلارین هوره جَم سنی بیلسم کی بیر باخیم گوره جَم سنی سورونه سورونه بِئله گلرم ◼️◾️▪️ شعر،اجرا: محرم عمی ۱۴۰۴/۴/۲۶

عومور گون گئچیری قوجالیرام من فلک سویوداجاق کوزومو بیرگون حک ائدیب شعریمی خوش خط یازارسیز قبیرلر داشینا سوزومو بیرگون ◼️◾️▪️ چوخ سوزوم قالیب دی دیلده آغیزدا مین نن بیری نی من جیزدیم کاغیذدا منی اونوداجاق اوغول دا قیزدا هئچ کس چکمه یه جک نازیمی بیر گون ◼️◾️▪️ آغاشدان بیر عصا تیتره ر اَلیمده گورَرسیز بیر اَیری کمان بئلیمده سوز توتماز آغیزیم ، قالار دیلیمده فلک بوکه جک دیر دیزیمی بیر گون ◼️◾️▪️ قوجالیق بیزلری گوزدن سالاجاق وار دولت گئده جک کیمه قالاجاق بو فلک نامرد دی بیرگون آلاجاق آنام اَن سئودیگی گوزومو بیرگون ◼️◾️▪️ من نَن قوجالاجاق تورپاغیم داشیم قال ماقال چکه جک بلالی باشیم آغارار ساچلاریم آغارار قاشیم ایتررَم گوزلردن ،اوزومو بیر گون ◼️◾️▪️ سایارام عوموردن یوزومو بیر گون قارتال تک ایتیررم ایزیمی بیر گون نیلیرم قوجالسام دوزومو بیرگون یامان چوخ سانارسیز آزیمی بیر گون ◼️◾️▪️ شعر ،اجرا :محرم عمی

ساجیم اولمادی مین زحمت له حاصیل اکدیم درمه گه گوجوم اولمادی سورون سورون سونبول بیچدیم خلوره سیجیم اولمادی ◼️◾️▪️ عومور ساتدیم بوغدا آلدیم کولک گدیکلرده قالدیم بوغدا دارتدیم خمیر سالدیم تندیریم ساجیم اولمادی ◼️◾️▪️ منه گاهدان ماه دئدیلر من آه چکدیم آه دئدیلر پوللو واختیم شاه دئدیلر باشیمدا تاجیم اولمادی ◼️◾️▪️ هئچ ائله بیل من یوخودوم آغلار آغلار من اوخودم اوشاقلیقدان فرش توخودوم اوزومه جاجیم اولمادی ◼️◾️▪️ چئیمدیک چایدا چیمدیک گولده عومورگونوم گئچدی چولده یاد اولکه ده غربت ائلده اولنده باجیم اولمادی ◼️◾️▪️ شعر،اجرا:محرم عمی ۱۴۰۴/۴/۲۳

داریخیرام ائله داریخیرام خبرین یوخدور حسرتین قلبیم نن یامان آخیر بیل سئودان اورگیم نن چئخیب گئدمه ییر آلیشیب یانیرام دونوب باخیر بیل ◼️◾️▪️ ائله داریخیرام ائله دولموشام سون باهار گولو تک ائله سولموشام سئوگی دن سونسوزام یئتیم اولموشام دردلریم یاندیریر منی یاخیر بیل ◼️◾️▪️ ائله داریخیرام آغلامیشام من اورگه اود وئریب داغلامیشام من اورکده بیر سنی ساخلامیشام من گئچن گون قلبیمه بیر اوخ تاخیر بیل ◼️◾️▪️ ائله داریخیرام گئتمه گیم گلیر داغلار دومانیدا ایتمه گیم گلیر قایالار چاتیندا بیتمه گیم گلیر بیر دمیر تیکانی یادا چاخیر بیل ◼️◾️▪️ شعر اجرا:محرم عمی ۱۴۰۴/۴/۲۳

آنا وطن اورگیمین بندی دیر بو یاشیل یورد قره بلاغ کندی دیر کانال رسمی محرم عمی در تلگرام @moharrammohammadzadeh

. 🔵🔷️🔹️ بیری واردی بیری یوخدی عومور اولدی ناغیل دونیا بیز سئونلر اولدی گئتدی نه کاریما داغیل دونیا ◼️◾️▪️ بیزی هارا یئتیردین سن اورک ده غم بیتیردین سن یاخشی لاری ایتیردین سن پاخیل اوغلو پاخیل دونیا ◼️◾️▪️ عومرون چاتسین باشا سنین غمین باشدان آشا سنین اوخون دَیسین داشا سنین اوز قلبینه تاخیل دونیا ◼️◾️▪️ باشیمیزی یامان قاتدین اوجوز آلدین باها ساتدین آغلیمیزی باشدان آتدین اولدون بیزه آغیل دونیا ◼️◾️▪️ سن هئش زامان دیلَنمه دین گوز یاشلارین سیلنمه دین هئش یاخشیلیق بیلنمه دین ماغیل بیزه ماغیل دونیا ◼️◾️▪️ گون وئرمه دین دونیا بیزه رحم ائتمه دین آغلار گوزه هئش دوزمه دین ،دوزی ،دوزه ایت گونونده ساغیل دونیا ◼️◾️▪️ شعر اجرا محرم عمی

"یار قدیمی بوشلاما اگر چه یوز یاشیندادی سعی ائله دوست قازان گولوم دوشمن اوجاق باشیندادی" ◼️◾️▪️ آختار ایشه داش یولداشی ایندی یوخدور باش یولداشی یامان چوخدی آش یولداش حورمت سنه آشیندادی ◼️◾️▪️ هاردا یوردون چولچولری اوچوب گئدیب کونج لری ایندی دوسلوخ اولچولری شاسی بلند ماشین دادی ◼️◾️▪️ سنه قالماز اولوب قالان چوخ دوسلارین اولار یالان میلچک کیمی دورو آلان اوگوللو خاش خاشیندادی ◼️◾️▪️ دوسلار سنی ساتان دی بیل گولوشلری یالان دی بیل بیری سنه قالاندی بیل اوز دامیندا داشیندادی ◼️◾️▪️ آغ ایتینده باشی آغ دی چوخ ایتین دری سی یاغ دی گور کیم کیمین ایتین ساغدی چوخ داش ،اوزوک قاشیندادی ◼️◾️▪️ اولدوخ یامان به داد دارای اوزگه لردن چئخماز هارای سنه کاخدی سنه سارای اوز چئی کرپیچ کاشیندادی ◼️◾️▪️ شعر؛اجرا:محرم عمی

وطن بو طالع غربته چکسه ده منی وطن تورپاغیندا اوله جه یم من جانیمی ایسته سه هر زامان وطن آغلایا آغلایا گوله جه یم من ◼️◾️▪️ هر یئره گئدسم ده اورک وطنده بوتون آرزولاریم دیلک وطنده گوللرین ساچاغین هورک وطنده گوز یاشین وطنده سیله جه یم من ◼️◾️▪️ آغلایام وطنده گولم وطنده بوی آتام وطنده اولم وطنده گوزلریم وطنده گیلم وطنده چاغیرسا وطنیم گئده جه یم من ◼️◾️▪️ شعر ؛ اجرا :محرم عمی

🔵🔷️🔹️ جوان جوان آرزولاریم اورگیمده اولدی گئتدی کورپه کورپه دیلک لریم باخدی منه دوندی گئتدی ◼️◾️▪️ اورگیمین بوجاقلارین آچدی غملر قوجاقلارین حیاتیمین اوجاقلارین یاغیش وئردی سوندو گئتدی ◼️◾️▪️ طالع بیزدن کسدی پایی کولک وئردی باهار یایی گویون گونش اولدوز آیی کوسدی مندن چوندی گئتدی ◼️◾️▪️ شعر؛اجرا:محرم عمی 1404/4/6جمعه

باختیم اولمادی سنین اوره گینه گلمک ایسته دیم حسرتی کدری سیلمک ایسته دیم اورکدن سئوینیب گولمک ایسته دیم گورشاد تک گویلردن چاخدیم اولمادی چوخ قاشدیم یورولدوم باختیم اولمادی ◼️◾️▪️ عومور گون سووشدی جوانلیق گئتدی کیم بیزی گوره سن نیگَران ائتدی بیر زمان گوردوک کی آیریلیق یئتدی گوزومون یاشینی سئخدیم اولمادی چوخ قاشدیم یورولدوم باختیم اولمادی ◼️◾️▪️ آرزولار باغیندا بیر چارداخ قوردوم حسرتله ،دایانیب اوزاخدا دوردوم من نییه گوره سن اوزومو یوردوم خیالدان فیکیردن چئخدیم اولمادی چوخ قاشدیم یورولدوم باختیم اولمادی ◼️◾️▪️ سنین اورگینه یول تاپانمادیم سنی اورگیم نن من آتانمادیم چالیشدیم تک سنه بیل چاتانمادیم شاه اولدوم اورگینده تاختیم اولمادی چوخ قاشدیم یورولدوم باختیم اولمادی ◼️◾️▪️ سن اوره ک اولمادین اوره گیم اوره ک سن دوزوم اولمادین چوره گیم چوره ک سن آرزوم اولمادین دیلگیم دیلک دئمه اورگیمه واختیم اولمادی چوخ قاشدیم یورولدوم باختیم اولمادی ◼️◾️▪️ شعر اجرا :محرم عمی

من دونیانی بئله گوردوم اینسان عومرو آز بویدادی یاشام تامام بورانلی قیش بیر چوخ آزی ،یاز بویدادی ◼️◾️▪️ اینسان وار حلال چوره گی آرخادیر ائله کوره گی بیر اووج قدر اورگی دونیا لارجا،دوز بویدادی ◼️◾️▪️ دونیا ، درین یاتانلارین ش دونیا ، باشین قاتانلارین دونیا ، آتین چاپانلارین تورپاق یولدا،  توز بویدا دی ◼️◾️▪️ دونیا قارانلیق بوجاقدی بیر قارقینمیش نَحس قوجاقدی چوخدان سونموش بیر اوجاقدی ایستی سی ده ، کوز بویدادی ◼️◾️▪️ آیلدیم غفلت یوخودان نه دیر بولبولو اوخودان قیاخدان جَله  توخودان آز عومرونه، یوز بویدادی ◼️◾️▪️ من محرم،  سوز دونیاسی گورَن گوزون ،گوز دونیاسی هر بیر کسین، اوُز دونیاسی دانیشدیقی ،سوز بویدادی ◼️◾️▪️ شعر اجرا محرم عمی

داش اولدی اوره کده سئوینجیم عومور گونلریم آغلادیم بیر آخار یاش اولدی گئتدی سن لی خاطیره لر درین گولوشلر سن گئدین اوره گیم داش اولدی گئتدی *** نییه بو یاشامنان اولموشوق خسته روحوم تلاطم ده قوش تک قفس ده گوزلریم یو لدادیر قولاغیم سس ده بیزه ناشی یول گوسترن باش اولدی گئتدی *** یارالار اوستوندن یارا باغلادیق کول اولان عوموره یامان آغلادیق قدیر سیز یاشادیق اورک داغلادیق هر یولا یونَلدیک چاش اولدی گئتدی *** شعر،اجرا:محرم عمی عکس لر :سعید قاسمی دن

گوزوم دولوب خیال لارا جومموشام کوورَلمیشم آغلامیشام دولموشام بولوتلار گوزومدن اوتانیر گئچیر آرزولاری من اورک دن یولموشام ◼️◾️▪️ نه خیالدی نه حسرتدی اورکده بو نه یوک دی نه شله دی کورک ده نه یانمیشام آرزولاردا دیله کده سارالمیشام ،قوروموشام ،سولموشام ◼️◾️▪️ نه گوندوزلر نه گئجه لر یاتمیرام گونش کیمی گئدیب نییه باتمیرام سنی نییه خیالیمدان آتمیرام خیال لاردان بلکه خسته اولموشام ◼️◾️▪️ شعر ،اجرا:محرم عمی

آغلامیشام یاغیش یاغیر یاپراقلارا منده حزین آغلامیشام آرزولارین قاپلارینا رَزه وئریب باغلامیشام آیریلیقین ماهنی سی نی اورگیمده ساخلامیشام من یانمیشام کیم نه بیلیر یامان حال لارا قالمیشام ▪️◾️◼️ اورگیمی سیخدی کدر بو آخشامدا غمه دولدوم گتیرمه دی منیم باخیم منده نیلیم بئله اولدم گووَرمه دیم اوجالمادیم یارپاق یارپاق منده سولدوم ساتین ساتین باها باها چوخلی نیسگیل غم آلمیشام ▪️◾️◼️ چولقالانیب اوجا داغلار قلبیم کیمی دومانلارا من کوسموشم چوخ زاماندیر من نن گوزون یومانلارا بو سوزومو سیز چاتدیرین دیین من نن اومان لادا سنی دئیب سَس له میشم آغلامیشام های سالمیشام ▪️◾️◼️ شعر اجرا محرم عمی

گورموشم خوش گونون دوسلارین،جان دئین لرین یامان گونلریمده قاچان گورموشم یایلاقلار صفادن دوشن زامانلار من بوتون اِئللری کوچن گورموشم ◼️◾️▪️ دَیَره میندیرَر اوزوگو قاشی یقین دوز عمللر اوجالدار باشی سارایلار تیکه سن یاقوت دان داشی قاتیشسا حراما اوچان گورموشم ◼️◾️▪️ اللهیم یئتیرسین حالالدان واری جوانلار یئتیشسین آرزویا باری اَلندی ساچیما داغلارین قاری تانری نین آچارین ، آچان گورموشم ◼️◾️▪️ شعر اجرا محرم عمی

آغلادیم ساچلاریمدا آغ دَن گوردوم آغلادیم داغ باشیندا آغ چَن گوردوم آغلادیم سنی یئنه آخ ،من گوردوم آغلادیم منیم حالیم هر زامان نان یاماندی یاشاماغا گور نه چتین زاماندی ◼️◾️▪️ اِئلین غم غصه سین چکدیم هر زامان گئدمه عومور ،چَک جیلووی بیر دایان کیمدی گورن بیزیم غملری سایان ایندی داغلار بوتون چن دی دوماندی یا شاماغا گور نه چتین زاماندی ◼️◾️▪️ فلک سوواخدان ،بیر ائو تیک دی بیزه آلدی سئوینجی می ،  غم وِئردی گوزه قون داغلار کولگی قیریشلی اوزه هئچ کسدن یاخشی لیق اومما آماندی یاشاماغا گور نه چتین زاماندی ◼️◾️▪️ نی کیمی سیزلائیر سوزلریم آهدان داشلاردان برک اولور اورک لر گاهدان اینتیظار یوخومدی چوبان نان شاهدان قامتیم اَیلیب ایندی کاماندی یاشاماغا گور نه چتین زاماندی ◼️◾️▪️ شعر،اجرا:محرم عمی