moonlightX 한국어

အခွင့်အလမ်းတွေအများကြီးနဲ့သင်တန်းတစ်ခု✈️

여러분.. ဒီစာဖတ်တဲ့သူအားလုံးရဲ့တူညီတဲ့အိပ်မက်က ကိုရီးယားနိုင်ငံကိုသွားဖို့ပဲမလား..🇰🇷✈️ ဒါဆိုဒီစာကိုဆက်ဖတ်လို့ရပြီ Admin ကကိုယ့်ညီကိုတွေအတွက် ကိုယ်အဆင်ပြေတဲ့အရာတစ်ခုကိုမျှဝေပေးချင်လို့ပါ ညီကိုတွေအတွက်အကျိုးရှိမယ့်အရာလို့မျှော်လင့်တယ် Ten Tips Class 🖐️ • ကိုရီးယားလူမျိုးတစ်ယောက်နဲ့တိုက်ရိုက်သင်ယူခွင့်ရမယ် စကားပြောခွင့်ရမယ် • သူသင်မှာကလည်းသာမန်ကိုရီးယားစာမဟုတ်ပဲ ကျွန်တော်တို့ ကိုရီးယားနိုင်ငံကိုရောက်တဲ့အခါ အမှန်တကယ်ကြုံတွေ့ရမယ့်အခက်အခဲတွေ ၊ အမှန်တကယ်ကိုရီးယားလူမျိုးဆန်ဆန်ဖြေရှင်းနည်းတွေကို သူကိုယ်တိုင်သင်‌ကြားပေးမှာဖြစ်ပါတယ် • စကားပြန်ဆရာလည်းရှိမှာဖြစ်ပါတယ် • ဒီအတန်းကိုတက်ခြင်းအားဖြင့် ကိုရီးယားစာအကြားစွမ်းရည် ၊ တိုက်ရိုက်ပြန်ပြောနိုင်စွမ်း ပြန်မေးနိုင်စွမ်းရည်တက်မှာမို့ လုပ်ငန်းခွင်ဝင်တဲ့အခါလည်း ကိုယ့်အတွက်တစ်ပန်းသာနေစေမှာပါ • ဒါထက်စိတ်ဝင်စားဖို့ကောင်းတဲ့အချက်တစ်ချက်အောက်မှာရှင်းပြပေးထားပါတယ်💎 👥 ဘယ်လိုလူတွေတက်သင့်လဲ ( ဘယ်သူတက်တက် ရပေမယ့် ကိုယ်က EPS စာမေးပွဲအောင်ပြီးထားရင်တော့ပိုကောင်းတာပေါ့ ) • အလုပ်ဖောင်တင်ထားသူ • Calling ကျပြီးသူ‌ • CCVI ကျပြီးသူ • ထွက်ခါနီး Visa / လေယာဉ်ဒိတ်စောင့်‌နေသူတွေဆိုပိုတောင်တက်သင့်ပါတယ် ဘာလို့လဲဆိုတော့ ဆရာကြီးကသွားခါနီးလူတွေအတွက်ဆို တစ်ယောက်ချင်း သူတို့အလုပ်နားမှာဘာရှိတယ် ဘယ်မှာဘာလုပ်လို့ရတယ် စတာတွေကို ရှာဖွေပြီး ရှင်းပြပေးတာမို့ပါ ( ဒါကတော့ကိုယ်တိုင်မျက်မြင်ဆရာကြီးရဲ့စေတနာတွေပါ နောက်ပိုင်းသင်တန်းသားများလာရင်တော့ ဆရာကြီးအနေနဲ့တစ်ယောက်စီရှင်းပြဖို့အချိန်နည်းလာမယ်ထင်ပါတယ် ဒါကြောင့်အခုနေ ဆရာကြီးနဲ့နီးနီးကပ်ကပ်သင်လို့ရတုန်းလာတက်ကြပါ ) 📍⏰ သင်တန်းနေရာနှင့်အချိန် သင်တန်းကတော့ အပါတ်စဉ် စနေနေ့ ၊ မနက် (၉) နာရီက (၁၁) ကြားဖြစ်ပါတယ် သင်္ဃန်းကျွန်း ၊ ဇဝနမှတ်တိုင် ၊ စံပယ်ဖြူကွန်ဒိုမှာတက်ရောက်ရမှာဖြစ်ပါတယ် 💰 သင်တန်းကြေးကရော ?? သင်တန်းကြေးက ( ၅၀,၀၀၀ ) သတ်မှတ်ထားပါတယ် အကယ်၍ ဒီပို့စ်ကိုမြင်ပြီး Admin ကတစ်ဆင့်ဆက်သွယ်မယ်ဆိုရင် 10% Discount လျှော့ပေးပါမယ် 💎Admin တစ်ခုပြောဖို့ချန်ခဲ့တာက ဒီသင်တန်းကိုတက်ခြင်းအားဖြင့် 여러분 တို့ရမယ့်အခွင့်အလမ်းတွေ အခွင့်အရေးတွေကပြောမကုန်ပါဘူး ဒီထဲက ညီကိုတို့စိတ်ဝင်စားအောင်တစ်ခုပြောရမယ်ဆိုရင် Calling ကျလို့ Visa ရလို့ကိုယ်ထူကိုယ်ထ ချေးငွေထုတ်ပြီးသွားချင်တဲ့သူတွေအတွက်လည်းအခွင့်အရေးတွေအများကြီးရရှိမှာအာမခံပါတယ် ဒါကတော့သင်တန်းတက်ရင်းနဲ့ဆက်ပြောကြရမှာပါ ဒါက Admin အချင်းချင်းလက်တို့တဲ့သဘောနဲ့ပြောတာပါ Admin ကျေးဇူးရှင်ဆရာတွေအများကြီးထဲမှာမှ ဒီတစ်ခုကိုအရင်ဆုံးပြောပြတာပါ ညီကိုတို့အတွက်လည်းအများကြီးအကျိုးရှိမယ်ထင်ပါတယ် ဒါက Admin ဖွင့်ထားတဲ့သင်တန်းလည်းမဟုတ်သလို Sponsored Post လည်းမဟုတ်ပါဘူး သင်တန်းတက်ဖို့စိတ်ဝင်စားရင်တော့ @moonlightx_guitarchannel ဒီ Telegram ကိုစာပို့ပြီးဆက်သွယ်ပေးပါ Admin 10% Discount ပေးပါမယ်

👉 @Choi_soomi_bot ဒီ Telegram Bot မှာ Soo-mi နဲ့ကိုရီးယားစကားပြောတွေအစမ်းလေ့ကျင့်နိုင်ပြီး အသေးစိတ်ထပ်‌တင်ပေးသွားပါမယ် ( ဒါဟာစမ်းသပ်ဆဲဖြစ်ပါတယ် ) Comment မှာလည်း သုံးရတာဘယ်လိုရှိတယ်ပြောပေးခဲ့ကြပါဦး👇👇

🔴Admin ပျောက်နေရတာ Channel ကိုအလေးမထားပဲပစ်ထားတာမဟုတ်ပါဘူး တစ်ဖက်ကအလုပ်ကိုပဲအာရုံစိုက်ထားမိလို့ပါ 정보 တွေကတော့ဆက်မတင်ဖြစ်ပါဘူး လောလောဆယ်တော့ Admin လည်း Calling စောင့်နေဆဲပါ ဒီ Channel လုပ်ရတဲ့အကြောင်းအရင်းက ကိုယ်သိတဲ့ကိုရီးယားစာတွေပြန်မျှဝေဖို့‌ရော တကယ်လို့ရောက်ခဲ့ရင် Lifestyle တွေမျှဝေပေးချင်တာကြောင့်ရောပါ ဒီတော့ ဒီ channel ကဘာမှမ‌တင်တော့ပဲပျောက်သွားမှာတော့မဟုတ်ပါဘူး Admin TOPIK ဆက်တက်မှာပါ ကိုယ်‌သေချာလေ့လာမှတ်သားသမျှတွေကို ပြန်မျှဝေပေးပါမယ် Subscribe လုပ်ထားကြသူတွေလည်း ထွက်မသွားပဲဆက်လက် Subscribe ထားနိုင်ပါတယ် စာမေးချင်တာရှိရင် Community Group မှာလာမေးပါ ဒုသုတ်တွေ Skill Test အတွက်သိချင်တာရှိရင်လည်းလာ‌မေးလို့ရပါတယ် အတွေ့အကြုံမျှဝေပေးပါမယ် နောက်လည်း Skill Test အတွက်သိချင်တာတင်ပေးပါမယ်📚 ပထမသုတ် (၃) လပိုင်းမှာပါတဲ့ သူငယ်ချင်းတချို့က လေယာဉ်ဒိတ်တွေရကုန်ကြပြီ admin ကတော့ (၅) လပိုင်းကိုမျှောနေပါ Channel ကိုပြစ်ထားတာမဟုတ်ကြောင်း Skill Test အတွက်သိချင်တာတင်ပေးမယ်ဖြစ်ကြောင်းလာပြောတာပါ🇰🇷 @moonlightx_kr

ကျွန်တော်ဘာတွေလှူခဲ့လဲ ..⁉️ ယခုအလှူအတွက် ( 9.4.25 ) ည ~ ( 11.4.25 ) မနက်အထိ (၂) ရက်အတွင်းအလှူငွေလက်ခံခဲ့ရာမှာ • Admin မတည်ငွေ : 70,000 Ks ( အစက 50,000 မတည်ခဲ့ပြီးလိုအပ်တာကြောင့် 20,000 ထပ်ထည့်လိုက်ပါတယ် ) • Donor 1 : 50,000 Ks ( KPay ) • Donor 2 : 30,000 Ks ( AYAmBanking ) • Donor 3 : 60,000 Ks ( WavePay ) • Donor 4 : 5,000 Ks ( WavePay ) • VinnX Gaming Store : 70,000 ( Cash ) • Donor 5 : 50,000 Ks ( KPay ) • Donor 6 : 50,000 Ks ( KPay ) • Donor 7 : 10,000 Ks ( KPay ) • Donor 8 : 53,000 Ks ( KPay ) • ယခင်အလှူကျန်ငွေ : 100,000 Ks ပစ္စည်းဝယ်ဖို့စုစုပေါင်း : 558,000 Ks ရရှိခဲ့ပါတယ် ယုံယုံကြည်ကြည်နဲ့ပါဝင်ပေးခဲ့တဲ့တစ်ယောက်ချင်းစီကို ကျေးဇူးတင်သလို သာဓုလည်းခေါ်ပါတယ် မနေ့က (10/4/25) မှာပစ္စည်း (3/4)ပုံလောက်ကိုသွားဝယ်ခဲ့ပြီး ဒီနေ့မှာကျန်ရှိတာကိုဝယ်ခဲ့ပါတယ် တစ်ပါတည်း ပျဉ်းမနား ၊ အင်းဝ ဘက်တွေကိုသွားမယ့်မြေပြင်အဖွဲ့တွေဆီပို့ပေးခဲ့ပါတယ် မြေပြင်မှာလှူတဲ့အခါလည်းပုံထပ်တင်ပေးပါမယ် လှူဒါန်းခဲ့တဲ့ပစ္စည်းတွေကတော့ ▪️ ထီးအကြီး ( ၃၈ ) လက် ( ၂၅ ကဝယ်ယူတာဖြစ်ပြီး ကျန် ၁၃ လက်ကတော့ထီးဆိုင်ကလှူဒါန်းတာဖြစ်ပါတယ် ) ▪️ မိုးကာအရှည် ( ၁၀ ) ထည် ▪️ ခြင်ဆေးခွေဗူး ( ၄၀ ) ▪️ ငါး‌သေတ္တာဗူး ( ၇၀ ) ▪️ အသင့်စားဟင်းအနှစ် ( ၃ ) ပါကင် ▪️ ‌ဖယောင်းတိုင် ( ၁၀ ) ထုတ် အလှူငွေရဲ့တစ်ပြားတစ်ကျပ်မကျန်အတိအကျဝယ်ယူပြီးလှူဒါန်းခဲ့တာဖြစ်ပါတယ် သွားလာသယ်ယူရေးစရိတ်တွေအတွက်ပါ Admin ရဲ့မတည်ငွေအပြင် ကိုယ်တိုင်စိုက်ပြီးအသုံးပြုခဲ့ပါတယ် ဒါကြောင့် လှူဒါန်းငွေစုစုပေါင်းနဲ့ပစ္စည်းအားလုံးရဲ့တန်ဖိုးဟာညီမျှပါတယ် ကျွန်တော်တို့ငလျင်ဒဏ်သိပ်မခံရတဲ့ဒေသကလူတွေတောင် မိုးရာသီဆိုအဆင်မပြေမှုတွေရှိကြတာ ငလျင်ဒဏ်ကြောင့် နေထိုင်ရာအိမ်မရှိတော့သူတွေ ၊ အိမ်ထိခိုက်လို့ဘေးရှောင်စခန်းရောက်နေသူတွေ အတွက်အခုလိုမိုးဥတုမှာ ဘယ်သူမှထီးပါလာကြမှာမဟုတ်ပါဘူး ပြန်လည်ထူထောင်ရေးလုပ်မယ်ဆိုပါဦးတော့ မိုးတွင်းအသွားအလာအခက်အခဲ ၊ ကယ်ဆယ်ရေး ၊ ကူညီရေးလုပ်နေသူတွေအဖို့လည်း မိုးတွင်းအဆင်ပြေစေဖို့ ထီးနဲ့မိုးကာတွေလှူဒါန်းရခြင်းဖြစ်ပါတယ် ခြင်ဆေးခွေကတော့ မိုးရာသီဖြစ်တဲ့အပြင် နေပြည်တော် ပျဉ်းမနား စတဲ့ဒေသတွေကခြင်တအားကိုက်ပါတယ် ငါးသေတ္တာဗူးတွေနဲ့ဟင်းအနှစ်တွေကတော့ အဘက်ဘက်ကခက်ခဲနေချိန်မှာ အစာအိမ်ပေါင်းများစွာအတွက် တစ်ဝမ်းစာဖြစ်ဖြစ်ပြည့်စေမှာပါ ဖယောင်းတိုင်ကတော့အစကအစီစဉ်မရှိပါဘူး ပစ္စည်းသွားပို့မယ့်အချိန်ကုန်စုံဆိုင်မှာ ဖယောင်းတိုင်တဲ့အချိန်နဲ့ ကိုယ်တွေဆီမှာမီးပြတ်နေချိန်အံကိုက်ဖြစ်သွားတော့ ဒုက္ခရောက်နေတဲ့နေရာတွေမှာမီးကမလာ မှောင်မဲတဲ့ညတွေဘယ်လိုနေမလဲ.. အားသွင်းမီးတွေကဘယ်လောက်ခံမှာမို့လဲဆိုတဲ့အတွေးကတစ်ဆင့်ဝယ်ဖြစ်ပါတယ် ဖြစ်ချင်တော့လှူထားတဲ့ Budget ကအပြည့်သုံးပြီးသားဖြစ်တာကြောင့် (၁၀) ထုတ်သာလှူလိုက်နိုင်ပါတယ် ဒုတိယအကြိမ်လည်းလှူပြီးပြီမို့ ကျွန်တော့်‌အနေနဲ့အလှူခံတာတွေလည်းရပ်ပါပြီ လှူဒါန်းချင်တယ်ဆို ယုံကြည်ရတဲ့အဖွဲ့ဟုတ်မဟုတ်သေချာစစ်ဆေးပြီးမှလလှူကြပါ ငလျင်လှုပ်တဲ့ဘက်တွေလည်းအခုထိလှုပ်နေတုန်းပါပဲ အားလုံးပဲကိုယ်စိတ်နှစ်ဖြာကျန်းမာကြပါစေ☘️ #moonlightX

ကျွန်တော်ဘာတွေလှူခဲ့လဲ ..⁉️

( အချိန်ရရင်တစ်ခဏဖတ်ရှူပေးပါ အလှူခံပိုစ့်ဖြစ်ပါတယ် ) အခုအချိန်ဟာငလျင်ကြီးအပြီးကယ်ဆယ်ရေးလုပ်ငန်းတွေရပ်နားကြတဲ့အချိန်ဖြစ်ပြီး ပြန်လည်ထူထောင်ရေးတွေစကြတဲ့အချိန်ဖြစ်ပါတယ် ဒီအချိန်မှာတိုက်အသစ်တစ်လုံးအမြန်ဆောက်နိုင်သူတွေကတော့ နေရာ‌ပြောင်းကြ ၊ ပြန်လည်ရပ်တည်ဖို့လွယ်ကူပေမယ့် အခြေခံလူတန်းစားတွေအတွက် အိမ်မရှိတော့တဲ့အခါ ပြန်လည်ထူထောင်ဖို့ကနောက်ထပ်စိန်ခေါ်မှုတစ်ခုပါပဲ ဒါ့အပြင်ငလျင်ကြီးပြီးသွားသည့်တိုင်အောင် ယနေ့ (၀၈/၀၄/၂၅) အထိ Magnitude 4.3 အဆင့်ငလျင်တွေလှုပ်ဆဲပါပဲ ဒါကြောင့်ပြိုလုဆဲဆဲအိမ်ကပြည်သူတွေရော ငလျင်ဘေးရှောင်စခန်းတွေ ၊ လမ်းမတွေမှာအများကြီးစုပြုံနေဆဲပါ တစ်‌နေ့ကမှ ငလျင်ဘေးသင့်ပြည်သူတွေအကြားမိုးတွေသည်းသွားတဲ့ Video တွေ့ကြမယ်ထင်ပါတယ် ငလျင်ဘေးသင့်ပြည်သူတွေအတွက် ပြန်လည်ထူထောင်ရေးနဲ့လတ်တလောမှာ အသက်ရှင်သန်ရေးအဆင်ပြေစေဖို့ Admin ပစ္စည်းတွေကို ပျဉ်းမနား အင်းဝနဲ့ မန္တလေးမြေပြင်ကိုပေးပို့ပါမယ် Admin လှူမယ့်ပစ္စည်းတွေက ▪️ထီး ( နေပူပူမိုးရွာရွာအသုံးဝင်ပါတယ် ခုလိုခက်ခဲနေချိန်သာမက အကုန်လုံးပြီးလို့ အသစ်ကပြန်စမယ်ဆိုရင်တောင် အပြင်ထွက်တဲ့အခါတိုင်း အကာအကွယ်အမိုးတစ်ခုအနေနဲ့ သူတို့ထပ်ဝယ်စရာလိုမှာမဟုတ်ပါဘူး ) ▪️မိုးကာ ▪️အမိုး ▪️ဦးထုပ် ▪️အသင့်စားဟင်းအနှစ် စဝာာတွေဝယ်ယူလှူဒါန်းသွားမှာဖြစ်ပါတယ် မြေပြင်သွားမယ့်အဖွဲ့က တကယ်လိုအပ်နေတဲ့ ပျဉ်းမနား အင်းဝ မန္တ‌လေးတစ်လျှောက်ကို တိုက်ရိုက်သွားလှူမှာဖြစ်ပါတယ် ( ဒါဟာ Admin ရဲ့ကိုယ်ပိုင်လုပ်ငန်း Page မှာအလှူကောက်တာပါ ၊ အခု ဒီ channel ထဲကညီကိုတွေလည်းနည်းများမဆိုပါဝင်နိုင်ပါတယ် ) 💰အလှူ‌ငွေစာရင်းရှင်းတမ်း ရှေ့အပါတ်ကစစ်ကိုင်းအတွက်(၂၄) နာရီသာအလှူခံခဲ့တာမှာ လှူဒါန်းသူ (၅) ဦးဆီက အလှူငွေ ( ၂၆၀,၀၀၀ ) ရရှိခဲ့ပါတယ် ( မတည်ငွေမပါဝင်တဲ့ Amount ပါ ) ( ၁၆၀,၀၀၀ ) ကပစ္စည်းတွေမဝယ်ခင်ရောက်လာတာဖြစ်ပြီး ကျန် ( ၁၀၀,၀၀၀ ) ‌ပစ္စည်းပို့ပြီးမှထပ်ရောက်လာတာပါ အဲဒီသင်တန်းသားနှစ်ဦးလှူထားတဲ့ ( ၁၀၀,၀၀၀ ) ကိုအခုတစ်ခါအလှူအတွက်ချန်ထားဝာာပါ ဒီတော့လက်ရှိအလှူငွေ ( ၁၀၀,၀၀၀ ) ကျန်ရှိပါတယ် အခုတစ်ခါအတွက် Admin လည်း ( ၅၀,၀၀၀ ) မတည်ပြီးလှူပါမယ် ဒီတော့ ငလျင်ဘေးရော မိုးဒုက္ခရောကြုံနေရတဲ့ မန္တလေးပြည်သူတွေအတွက် အလှူခံပါရစေ Admin လည်းအလုပ်တွေဆက်လုပ်တော့မှာမို့ နောက်ပိုင်းအခုလိုအလှူခံပို့စ်တွေတင်ဖြစ်မှာမဟုတ်တော့ပါဘူး ၅၀၀ ၊ ၁၀၀၀ ကစလို့ ကိုယ်တက်နိုင်သလောက်ပါဝင်နိုင်ပါတယ်ခင်ဗျာ.. ထုံးစံတိုင်းစာရင်းအတိအကျနဲ့ပြန်လည်တင်ပေးပါမယ် သင်တန်း‌ကြေးတွေနဲ့မမှားစေဖို့ Note မှာတစ်ခုခုရေးသွားပေးဖို့လည်းတောင်းဆိုပါတယ် 🟦KPay 09982121424 Chan Myae Ko Ko 🟨WavePay 09982121424 Chan Myae Ko Ko 🟥Aya mBanking 20027187429 သောကြာနေ့ပစ္စည်းပို့မှာမို့ (၁၁/၀၄/၂၀၂၅) မနက်ပိုင်းထိပဲအလှူငွေလက်ခံပါမယ် အဲဒီနောက်ပို့လာရင် ငွေသားအတိုင်းပဲအဖွဲ့ကိုထည့်ပေးလိုက်ရမှာပါ ဒါကြောင့်ပစ္စည်းမဝယ်ခင်လေးလှူပေးပါ Admin အလှူငွေတွေကောက်နေရခြင်းဟာအရင်ကပြောဖူးသလိုပဲ တစ်ယောက်တည်းကူရင်တစ်ယောက်တည်းအားပဲရှိပြီး အများရဲ့ခွန်အားနဲ့ပေါပေါများများလှူချင်လို့ပါ ဒါတွေဟာအများလှူဒါန်းပြီး Moonlight နာမည်ခံချင်တာလည်းမဟုတ်ကြောင်း “ MOGC မှတစ်ဆင့်လှူဒါန်းသူများလို့ ” ပဲနာမည်တပ်ထားပါတယ် အားလုံးပါဝင်ပေးကြတာက ကိုယ်တိုင်ပစ္စည်းလိုက်ရှာဝယ်ပေးတာတွေ ပင်ပန်းရကျိုးနပ်ပါတယ် ပြည်သူကပြည်သူကူနေရတဲ့အချိန်ဖြစ်တာကြောင့် နည်းများမဆိုပါဝင်ပေးကြပါဦး🩶

ဒီရက်ထဲဖြေရတဲ့သူတွေကတော်တော်ခေါင်းစားကြမယ်ထင်ပါတယ် ဒုသုတ်တွေ ပသုတ်တွေပိုကံဆိုးနေလားတောင်မသိဘူး ရန်ကုန်မှာတောင်လိုင်းတွေမကောင်းပါဘူး မီးကလည်းအရင်အုပ်စု 3 စုခွဲတာကနေ 6 စုခွဲ တစ်နေ့မှ 4 နာရီပြောတာတောင် 2 နာရီပဲရပါတယ် ဆုံးရှုံးသွားတဲ့သူတွေအတွက်လည်းစိတ်မကောင်းပါဘူး ကူနိုင်ရင်ကူကြပါ ကောလဟာလတွေလည်းချင့်ချိန်ယုံကြပါ ညီကိုတို့ ငလျင်ကြီးပြီးသွားပေမယ့် အဘက်ဘက်ကထိခိုက်မှုတွေကအခုထိရှိနေဆဲပါ ဒုသုတ်ဖြေနေတဲ့သူတွေလည်းအားတင်းပြီးဖြေကြဖို့တိုက်တွန်းပါတယ် 정보 တွေလည်းမတင်ဖြစ်သေးတာခွင့်လွှတ်ပါ ဘယ်နယ်မှာဘယ်လိုကြုံတွေ့ရတယ်ဆိုတာတွေလည်းမျှဝေပေးသွားလို့ရပါတယ်

စစ်ကိုင်းနားကိုအတည်ပြုပြီးလှုပ်သွားတာ Scale 7.7 တောင် တော်တော်ဆိုးဆိုးပဲ စစ်ကိုင်းကညီကိုတွေအဆင်ပြေရဲ့လား

다들 감사합니다! ကတိအတိုင်း giveaway ပေါက်တဲ့သူတွေ @moonlightx_guitarchannel ကိုဆက်သွယ်ပေးပါ

🔥 ကိုရီးယားလူနေအိမ်အပူပေးစနစ်

ပထမသုတ်ကညီကိုတွေ Hired ဖြစ်ပြီလားဗျ မျှဝေပေးကြပါဦး Calling ကာလ (၇) ရက်မှာ ပထမနေ့ကတော့ပြီးသွားပါပြီ ဘယ်သူတွေပါသွားကြလဲ ဒုသုတ်‌အတွက်မေးထားတဲ့ ယဉ်ကျေးမှုနှစ်ခုကိုတော့ မနက်ဖြန်တင်ပေးပါမယ် ဖြေရမယ့် (၁၇) ရက်နေ့မတိုင်ခင်ကြည့်သွားနိုင်အောင်ပါ ကျွန်တော်ဒီရက်ပိုင်းကအလုပ်ရှုပ်နေလို့ပါ

သူမရဲ့စကား‌တွေလိုကြမ်းတမ်းလှတဲ့ 한지📜