مقتطِفات | شروق حسن

الكتاب اسمه: Heal Your Wounds and Find Your True Self مترجم لانجلش وعربي وفرنسي محتاجين كلنا نقرئه بصراحة، أرشحه بشدة. ودا مش تفضيل مثلا أو أشياء ممكن حد يحبها وممكن حد تاني لأ، خالص. الكتاب دا بيشرح ٥ جروح من الطفولة، كل شخص لابد أنه تعرّض لجرح أو أكثر منهم، وبعد ما تبدأ تعرف نوع حرجك؛ هتعمل إعادة صياغة كاملة لحاجات كتير أوي في حياتك، وسردية مختلفة.

ممكن دي الآثار الجانبية للكتاب؟ ممكن 🙃

وربما أنك عايش في مصر مثلا؟ الصراحة دا سبب كافي

وربما أكبر سبب هو أن الواقع أصعب ما يكون! ربما، كلها احتمالات واردة.

وربما أكبر سبب هو أن الواقع أصعب ما يكون! ربما، كلها احتمالات واردة.

تفتكروا ليه الإنسان ممكن يهرب من حاضره بالتفكير طوال الوقت في المستقبل، أو بالانغماس في ذكريات الماضي؟ يعني حتى لو عاش حاضر أو قام بمهامه اليومية دون توقف عجلة سير الحياة، لكنه شاهد أكثر مما يعيشه الآن، بجد تفتكروا؟ فكروا كدا.. وإيه الأسباب أو الدوافع اللي ممكن توصل الشخص للمرحلة دي؟ أعتقد حاجات كتير وأسباب متداخلة مش سبب واحد.

المستقبل يعطي الإنسان الأمل والسيطرة الوهمية، والماضي بيعطيه الأمان والحنين. إنما الحاضر يحتاج إلى التقبّل، والتقبّل أصعب من التخيّل، والإنسان بطبعه كائن يتوقع ويحب التوقع أو التنبؤ أو حتى الحلم بما لم يحدث، مجرد جرعة وهم تسكّن حاضره!

طلع أصعب شيء فعلا أنك تكون present، المكانيزم اللي أغلبنا بيطلع عليها هو التطلع للمستقبل، مش الحاضر وتقبل الواقع. وبعد ما تكبر شوية بجانب المستقبل دا بتمر بشوية أشياء بتخلي عندك حنين للماضي. فأنت مشتت بين المستقبل اللي بتحاول تعمل فيه أشياء أو بتطلع له، وبين الماضي اللي بتحن له بين الحين والآخر، والمتلاشي بينهم هو الحاضر. فتحس أن أيامك بتمشي بس أنت مش عايشها، لذلك التحدي الأكبر في الحياة فعلا هو عَيش الحاضر بكل ما فيه، وتقبّله.

اللهم حررني من أمس. اللهم حررني من بعد.

تفتكروا هتحلو فعلا؟ ولا فاكس أمل؟

تفتكروا الحياة ممكن تصفو لنا؟ مش لازم طول العمر، لكن حتى ولو حبة.

بكام يا مناعة وأنا اشتريكي؟

الحمد لله، والصلاة والسلام على نبيّنا محمد، اللهم صلّ وسلّم عليه وعلى آله.

الحمد لله، والصلاة والسلام على نبيّنا محمد، اللهم صلّ وسلّم عليه وعلى آله.

يا ربِّ، اجعل لي مخرجًا. يا ربِّ، أخرجني من الظلمات إلى النور. ربِّ، إنِّي لما أنزلتَ إليَّ من خيرٍ فقير. يا ربِّ، أصلح لي شأني كلَّه، ولا تكلني إلى نفسي طرفةَ عين. يا ربِّ، بالمصطفى بلِّغ مقاصدَنا، واغفر لنا ما مضى، يا واسعَ الكرمِ.

لا تنسونا من دعائكم الوقت دا ❤️

حفظتُ وضيّعت المودة بيننا وأحسنُ من بعضِ الوفاء لك، العذرُ!

منذ سنوات، على سبورة التجويد؛ أحلى ما سعدت به، اللي الشيخ جه بعدها وقالنا هالله هالله انتوا عاملين حفلة تخرج ولا إيه 😂❤️❤️❤️ عسل والله فرحوني جدا جدا

عاجبني إيه بقا؟ أني من ساعة ما أخذت قرار العزلة ومن قبلها وأنا مانعة نفسي منعًا بتًّا: أني أشارك في أي تريند، أو قصة، أو قضية. وبقيت عبارة عن شخص متفرّج فقط ليس إلا، بل وكثيرا بقيت أنأى عن قراءة أو بحث أي شيء يعكّر صفو مزاجي أو حتى يزيد علي ما همّني، ودايما بقول: حياتي بها ما يكفي، والواقع به ما يكفي بجد. فمش وجودي أو عدمه هو اللي هيأثر. وأني أعرّض نفسي لمشاهدة كل التعليقات وكل المنشورات وكل التريندات هذا من العبث والله اللي يزيد عبء الإنسان فوق أعبائه. فيعني حتى لو رتم الحياة فوق وتحت، وحبة كدا وحبة كدا، إلا أني مكتفية بدا جدا، وكفاية شغلي ومذاكرتي ورياضتي، وأهلي وحبايبي وصحابي الواقعيين اللي يهمهم أمري ويهمني أمرهم، والكام خروجة في حديقة عامة ننزل ونلعب أنا وعيالهم، أو سفر نفصل فيه.. وشكرن جدن. الفيس حاليا والميديا وجع دماغ وقرف قرف قرف. الحياة من غيرهم والله العظيم نعمممممة، نعمة كبيرة كبيرة كبيرة جدا، وهيعرف دا اللي عاشه، ومش هيقدر يرجع بسهولة للعبث دا تاني. الحمد لله اللي منْ علينا وتفضّل بالخطوة دي.

دابل آر.