Mohamed Sayed

كنت بأدردش مع ابني على حاجات متعلقة بالاقتصاد، وقولت لجيميناي يعملي موقع صغير يشرح للأطفال بعض مبادئ الاقتصاد بأمثلة،وعمل موقع لطيف وكمان تقدر تقوله أي حاجة طفلك بيحبها ويألف مثال عليها قولت أشاركه معاكم،الرابط 📌https://economyforkids.tiiny.site/ #بذكاء #دردشة_تقنية

أكبر مشكلة بتواجه مستخدمي جيميناي Gemini هي الحصول على إجابات محدثة باستمرار، يعني شبه نتائج البحث، بحيث مثلا ممكن تسأله عن أبرز مبارايات #كأس_العالم في مرحلة المجموعات ومواعيدها، لإن دائما لما بتسأله بيهلوس أو يقول مثلا إن الأهلي لسة بيدربه مارسيل كولر وهكذا. من فترة لقيت حل كويس وكنت حتى ناسي استخدمه، رجعت استخدمه اليومين اللي فاتوا وكان مذهل الحقيقة، وهو حل بسيط، ممكن تضيفه في التعليمات بحيث يجاوب دائما بالطريقة دي ويظهر معلومات لحظية محدثة، أو تقدر تعمل محادثة مثبتة وتكتب فيها البرومبت وبعد كدة تسأل على موضوع يجاوبك دائما بالطريقة دي اللي بتشمل معلومات محدثة والمصادر كمان، البرومبت دة بيشغل جيميناي زي Perplexity، يعني ممكن أصلا تستغنى عن الاشتراك في Perplexity. البرومبت: "You are a world-class AI research assistant designed to simulate high-quality web research and deliver fast, trusted answers like Perplexity AI. When I ask a question: • Simulate researching multiple top-tier sources — including scientific journals, government sites, reputable media, and expert blogs. • Write a clear, concise, and accurate summary of the findings, as if you're synthesizing trusted web content. • Avoid jargon; aim for clarity and brevity, especially on complex topics. • Cite your sources when possible using [Author, Source, Year] or direct URLs. If no credible source is available, say “Source unavailable.” • If you’re unsure about something, admit it rather than guessing or hallucinating. • Present your output in the following format: Summary: A well-structured explanation that gets to the point. Citations: • [Source Name, Year] • [Direct link if appropriate] Always be precise, neutral in tone, and prepared for follow-up questions based on prior context."

0 ضعفاً هو معدل نمو الإيرادات السنوية المتكررة (ARR) لشركة Mistral AI الفرنسية خلال العام الماضي، حيث من المتوقع أن تتجاوز حاجز مليار دولار هذا العام. الإحصائية تؤكد أن الشركات الأوروبية بدأت تصبح خياراً مفضلاً للمؤسسات التي تبحث عن “سيادة البيانات” بعيداً عن المختبرات الأمريكية. 🔗 المصدر: [نشرة بذكاء: النشرة تلخص أخبار الذكاء الاصطناعي يوميا]

✨ يسعدنا الإعلان عن إطلاق نسخة تجريبية مميزة من نشرة "بذكاء" البريدية! 🚀 نفتخر بتقديم تجربة فريدة توفر ملخصاً يومياً لأبرز أخبار الذكاء الاصطناعي، مصممة لتعزيز نموكم المهني وتوسيع آفاقكم الاستراتيجية. 🌟 تشمل النشرة توصيات بأدوات مبتكرة ونصائح عملية لتحقيق أقصى استفادة من التقنيات الحديثة، مما يُمكّنكم من مواكبة أفضل الممارسات في هذا المجال المتطور. 🔗 لا تفوتوا الفرصة للانضمام إلى هذه الرحلة الملهمة: https://open.substack.com/pub/bizakaa/p/654?r=65l5p&utm_campaign=post-expanded-share&utm_medium=web #AI

اليومين اللي فاتوا حصل جدل كبير حوالين جولة التمويل الأخيرة لشركة "بريدفاست" Breadfast بقيمة بلغت 50 مليون دولار (بريدفاست من أبرز الشركات الناشئة المصرية والاستثمار دة ربما الأكبر على الإطلاق)، الجدل أصله وجود علاقة بين الشركات التي شملتها جولة التمويل الأخيرة وبين دولة الاحتلال، وهو ما أدى لظهور دعوات لمقاطعة بريدفاست. https://www.linkedin.com/posts/mohamedmsayed_aexaezaexaecaerabraesaeqaeuaeyaer-activity-7434389243793346560-IEZ7?utm_source=social_share_send&utm_medium=member_desktop_web&rcm=ACoAAAfSHE0Bzp0NDsh-I8J7BB9kKU854NIGmrU

من حوالي سنتين كتبت عن تطبيق WeMuslim كأفضل تطبيق إسلامي شامل بيوفر مواقيت الصلاة وقراءة القرآن والأذكاء والمسبحة وغيره، ودة كان حل بديل لتطبيق مسلم برو اللي كان الأفضل لكن بعد فترة الإعلانات زادت عن حدها، وهو نفس المرض اللي أصاب تطبيق WeMuslim أو أنا مسلم، وأصبح مزعج جدا، وكمان المصحف داخله مش بيوفر أفضل خيارات. إيه البديل؟ أهم حاجة بالنسبة لي إن التطبيق الإسلامي سواء تطبيق القرآن أو الأذكار يكون خالي من الإعلانات لإنها بتأثر جدا على التجربة ومشتتة، عشان كدة باعتمد دلوقتي على تطبيقين: - تطبيق لقراءة القرآن الكريم: كنت باستخدم تطبيق آية Ayah لإنه بيوفر أفضل تجربة للقراءة مريحة للعين ومافيش أي مشتتات، لكن من بداية #رمضان الحالي جربت تطبيق اسمه "وحي" وهو بيوفر نفس تجربة القراءة المريحة، لكن فيه ميزة رهيبة ومهمة جدا للتدبر، وهي إنك تضغط على أي كلمة أو آية وهيعرضلك معاني الكلمات والإعراب والتصريف والقراءات كمان، بالإضافة لتفسير موجز وأسباب النزول، وكمان فيه كل مصاحف التلاوة بما في ذلك المصحف المجود للشيخ عبد الباسط عبد الصمد والشيخ المنشاوي. - تطبيق للأذكار والسنن بدون أي إعلان اسمه Sunnah "سنة"، بيساعدك في الالتزام بأداء السنن يوميا وفيه كل الأذكار والأدعية وسبحة الكترونية، وأكتر حاجة عجباني في التطبيق إن كل ذكر أو سنة مكتوب مصدرها من الأحاديث الصحيحة. هأسيب روابط التطبيقين في التعليقات ولو شايفين البوست مفيد ساعدوا في انتشاره، ولو جربتوهم قولولي رأيكم وشاركوني التطبيقات اللي بيعتمدوا عليها، ورمضان كريم 🌙

هأقولكم على نصيحة هتحسن جدا جودة الإجابات وفهم أي موضوع بتسألوا عنه الذكاء الاصطناعي، جيميناي Gemini من جوجل تحديدا. من المعروف إن ممكن تضيف تعليمات سواء لجوجل جيميناي أو شات جي بي تي بحيث يظهرلك الإجابات بتنسيق معين أو يراعي أي سياق أنت محتاجه عشان تحصل على اجابات أدق. النص أو التعليمات دي اللي أنا أضفتها من فترة حسنت تجربتي تماما في الحصول على إجابات من جيميناي Gemini، وعظيمة جدا لو بتذاكر أي موضوع، هيخليك تهضم الموضوع دة تماما وتتأكد من فهمه. التعليمات دي بتقول لجيميناي باختصار إنه في نهاية كل إجابة يسألك عشان يتأكد إنه هو فهم قصدك تماما وإنك فهمت الإجابة صح قبل ما تكمل استفسار عن أي موضوع. كل اللي عليك هتفتح الإعدادات من القائمة الجانبية في #Gemini وتختار "سياقك الذكي" وتعمل تمرير للأسفل وهتلاقي جزء التعليمات، اضغط على زر "إضافة" وانسخ النص التالي والصقه في التعليمات. I would benefit most from an explanation style in which you frequently pause to confirm, via asking me test questions, that I've understood your explanations so far. When you pause and ask me a test question, do not continue the explanation until I have answered to your satisfaction جربوا واكتبولي عن رأيكم في التعليقات. #دردشة_تقنية #بذكاء

مجموعة الطاقة للشحن السريع من Ugreen هدية مميزة لشهر رمضان 👈 https://tech-echo.com/ugreen-power-kit-fast-charging-ramadan-gift-box/

خابي لام: من "صمت" التيك توك إلى صفقة بمليار دولار.. والسر في "التوأم الرقمي" خابي لام (Khaby Lame)، صانع المحتوى الأكثر متابعة في العالم (أكثر من 250 مليون متابع) بصدد إتمام صفقة استحواذ خيالية لشركته Step Distinctive Limited من قبل شركة "Rich Sparkle Holdings" ومقرها هونج كونج بتقدر قيمتها ما بين 900 إلى 975 مليون دولار! تفاصيل الصفقة والتحول الاستراتيجي: - صفقة تبادل أسهم (All-stock deal): الاستحواذ تم عن طريق إصدار 75 مليون سهم، وبمجرد الإعلان عن الخبر، أسهم شركة Rich Sparkle قفزت بنسبة 250% يوم الجمعة، ومستقرة حالياً على ارتفاع 50% خلال الأسبوع، وده بيوضح ثقة المستثمرين في "قوة تأثير" خابي. - التوأم الرقمي (AI Twin): الجزء تقنيا في الصفقة هو إن الشركة المستحوذة هتمتلك الحقوق التجارية الحصرية لخابي لمدة 3 سنين، ودة بيشمل "توأم رقمي" بالذكاء الاصطناعي، يسمح لهم بترخيص واستخدام صورته وشخصيته في الإعلانات والحملات تجاريا من غير ما هو يحتاج يصور بنفسه. خابي بيكرر نفس استراتيجية "MrBeast"، وهي التحول من مجرد "مؤثر مشهور" لكيان تجاري أو شركة قابضة، زي ما MrBeast دخل في قطاعات الأغذية والخدمات المالية. فرغم إن الذكاء الاصطناعي AI بيمثل خطر كبير على صناعة المحتوى وصناعه، إلا إنه ربما يوفر لهم فرصة جديدة أكبر، زي "نسخ AI" منهم تقدر تشتغل مكانهم وتجيبلهم فلوس وهما نايمين. في سلسلة البوستات اللي باكتبها على الهاشتاج #بذكاء بأحاول أسلط الضوء على زوايا مختلفة للذكاء الاصطناعي، ممكن تضغطوا على الهاشتاجات وتقرأوا البوستات التانية واتمنى تعملوا شير لو شايفين المحتوى مفيد. #دردشة_تقنية #بذكاء

على غرار replit، شركة الذكاء الاصطناعي Manus (اللي اشترتها ميتا مؤخرا) أعلنت عن توفير إمكانية تطوير التطبيقات ونشرها مباشرة على جوجل بلاي أو على متجر آبل App Store. كل اللي عليك: - هتطلب من Manus يعملك تطبيق حسب فكرتك واللي محتاجه. - انشر التطبيق واختبره على Google Play على أندرويد أو على آيفون من خلال testflight. *كل اللي محتاجه تربط حساب المطورين الخاص بك سواء في جوجل أو آبل ومش هتحتاج لا Xcode ولا android studio ولا أي حاجة تانية. دلوقتي عندنا replit وكمان Manus تقدر توصفلهم فكرة تطبيقك نصيا وتعاينه وتنشره مباشرة على جوجل بلاي أو متجر آبل. بما إن الفرصة أصبحت متاحة وسهلت كتير، إيه الفكرة اللي عندك سواء شخصية تسهل عليك حاجة أو إيه الفكرة اللي طول عمرك نفسك تشوفها في تطبيق أو الفكرة اللي ممكن سهولة إنشاء تطبيقات دلوقتي تخليك تعملها؟ #دردشة_تقنية #بذكاء

بعض الأرقام والاستخدامات للذكاء الاصطناعي في مجالات مختلفة، يمكن توضح حاجة للبعض أو تلهم حد إنه يبني مشروع. 💰 التمويل: وفر بنك جيه بي مورغان مساعدًا آليًا بتقنية GPT-4 لـ 200 ألف موظف، مما خفّض تكاليف الـ Call Center بنسبة 30% ووقت أبحاث المحللين بنسبة 83%. وتزعم أدوات AI مثل Hebbia أتمتة 90% من عمليات التدقيق اللازم في عمليات الاندماج والاستحواذ. 🏗️ البناء: ساهمت أدوات التقدير المدعومة بالذكاء الاصطناعي في خفض وقت البدء في تنفيذ المشروع بنسبة 76%، وباتت الروبوتات ذاتية التشغيل تطبع مخططات الأرضيات على الخرسانة بدقة تصل إلى 1/16 بوصة. 🌾 الزراعة: غطت تقنية See & Spray من جون دير أكثر من 5 ملايين فدان في عام 2025، موفرة للمزارعين 31 مليون جالون من مبيدات الأعشاب من خلال رش الأعشاب الضارة فقط، بدلا من رش الحقول بأكملها. 🔬 التكنولوجيا الحيوية: أصبحت "المختبرات الآلية" حقيقة واقعة، حيث تُجري شركة Recursion حوالي 2.2 مليون تجربة أسبوعيا، وقد رشحت شركة Insilico دواء في أقل من 18 شهرا. ⚡ الطاقة: فيما يُعد الذكاء الاصطناعي أكبر تهديد لشبكة الكهرباء (الطلب على مراكز البيانات)، استثمرت شركات المرافق أكثر من 100 مليون دولار في "شركات ناشئة في مجال الذكاء الاصطناعي" للتنبؤ بالأحمال وكشف حرائق الغابات. باختصار، الـ AI بدأ يتجاوز مرحلة السحر ودخلنا في الجد.

في خبر احتفى به سام ألتمان الرئيس التنفيذي لشركة OpenAI ويان ليكون (كبير العلماء في Meta وأحد أبرز رواد الذكاء الاصطناعي)، أعلن بريان تشيسكي الرئيس التنفيذي لشركة Airbnb عن تولي "أحمد الدحلة" منصب الرئيس التقني CTO، والحقيقة الاسم أثار فضولي وكمان اهتمام رواد الـ AI بالتهنئة والإشارة للموضوع وحبيت أعرف عنه أكتر وأعرفكم عليه. أحمد الدحلة اتربى في كندا لكن اسم العائلة "الدحلة" (Al-Dahle) هو في الأصل اسم عائلة فلسطينية معروفة تتركز أصولها تاريخيا في قرى مثل "طرعان" في الجليل)، فهو على الأغلب والده من أصول فلسطينية هاجر لكندا. رحلة أحمد مع التكنولوجيا بدأت مبكرا مع ألعاب الفيديو والبرمجة لإن المنطقة اللي اتربى فيها في كندا واسمها وينيبيغ شديدة البرودة ومعظم الأنشطة داخلية، وفي أثناء دراسته انضم لشركة آبل Apple في عام 2004 عشان يشتغل على تطوير أول هاتف آيفون، وبعدها استمر في آبل لمدة حوالي 16 سنة في تطوير آيفون وآيباد وكان مسؤول عن تقنية اللمس المتعدد في الشاشات لفترة وكمان مسؤول عن قيادة فريق القيادة الذاتية في مشروع آبل اللي غالبا اتلغى لإطلاق سيارة، وكمان اشتغل على مشروع إطلاق Apple Watch. بعدها شغل الدحلة منصب نائب الرئيس للذكاء الاصطناعي التوليدي (GenAI)، وقاد الفريق المسؤول عن تطوير نماذج Llama الشهيرة في شركة ميتا، قبل الإعلان من أيام عن تعيينه كرئيس تنفيذي للتكنولوجيا (CTO) في الشركة. ليه Airbnb محتاجة أحمد الدحلة؟ براين تشيسكي الرئيس التنفيذي للشركة بيقول إننا في وقت التكنولوجيا والـ AI بقوا بيعزلوا الناس عن بعض، والناس أصبحت محتاجة "تواصل حقيقي" وإن رهان Airbnb إنهم يستخدموا الـ AI عشان يرجعوا الناس للعالم الحقيقي مش يحبسوهم في الشاشات، واختاروا الدحلة لأنه بيجمع بين العمق التقني الرهيب وبين الفهم الحقيقي للمنتج. يان ليكون العالم الفرنسي اللي يعتبر من الأباء الروحيين للذكاء الاصطناعي AI قال تعليقا على تولي أحمد الدحلة المنصب: "قيادة الـ GenAI في ميتا ماكانتش مهمة سهلة، قرارك بتوفير نماذج Llama كنماذج مفتوحة المصدر هو ما أعطى قبلة الحياة للصناعة دي كلها"، وسام ألتمان علق الخبر وقال إنه "سعيد جداً" بانضمام أحمد لـ Airbnb، ووصف الشركة بأنها "مزيج نادر من التصميم والهندسة عالية الجودة" لكن على عكس أمجد مؤسس replit، لم يظهر لأحمد الدحلة أي موقف علني أو تصريحات عامة موثقة بخصوص الأحداث في غزة أو القضية الفلسطينية.

فقاعة الـ AI وأزمة الرامات! القصة وما فيها. من التعليقات اللي صادفتني على ريديت عن أزمة ارتفاع سعر وحدات الذاكرة RAM، التعليق بيوضح الأزمة وبيسخر منها بذكاء: "السبب في أن سعر ذاكرة الوصول العشوائي (RAM) قد تضاعف أربع مرات؛ هو شراء كميات هائلة من الرامات التي لم يتم إنتاجها بعد، وذلك بأموال غير موجودة، ليتم تركيبها في وحدات معالجة رسومية - كروت شاشة - (GPUs) لم يتم إنتاجها هي الأخرى بعد، وذلك لوضعها في مراكز بيانات لم يتم بناؤها بعد، وتعمل ببنية تحتية قد لا تظهر للوجود أبدا، لتلبية طلب لا وجود له في الواقع، ولتحقيق ربح مستحيل من الناحية الحسابية" إيه قصة أزمة الرامات دة؟ خلونا نشوف ونفهم الموضوع ببساطة: القصة بتبدأ بنوع من الرامات اسمه HBM (ذاكرة ذات نطاق ترددي عالي) أو High Bandwidth Memory، والذي بدأت الشركات الكبرى (مثل Samsung وSK Hynix وMicron) في تحويل معظم خطوط إنتاجها لتصنيعها، لكن ليه؟ السبب إن كروت Nvidia (مثل H100 و Blackwell) التي تُستخدم لتدريب الذكاء الاصطناعي لا تعمل بالرامات العادية، بل تحتاج إلى HBM لسرعتها الفائقة. والنتيجة: إنتاج الرامات العادية (زي DDR5) التي نعتمد عليها في أجهزتنا زي أجهزة الكمبيوتر وغيرها قل والشركات مهتمة أكتر بإنتاج الرامات من نوع HBM لتلبية الطلب المهول على الذكاء الاصطناعي، ودة نتج عنه ارتفاع سعرها (قانون العرض والطلب). القصة الأكبر! الشركات الكبرى زي جوجل ومايكروسوفت وميتا وOpenAI بتحجز شحنات من الرقائق والرامات لعامين أو ثلاثة قادمة. المشكلة إنهم بيدقعوا يدفعون مليارات الدولارات مقدما لعتاد لم يتم تصنيعه بعد، ودة خلق حالة من "الندرة المصطنعة" والذعر في السوق، بمعنى أن الجميع يشتري أي شيء متاح خوفا من نفاد الكمية، حتى لو لم تكن لديهم خطة واضحة لاستخدامه الآن. العتاد (وحدات الذاكرة والبطاقات الرسومية - كروت الشاشة -) المفروض الشركات بتشتريها عشان مراكز بيانات جديدة للذكاء الاصطناعي لسة مش موجودة، ومراكز البيانات دي اللي مش موجودة محتاجة طاقة مهولة (كهرباء لتشغيلها)، وفيه تقارير كتير بتشير إلى إن شبكات الكهرباء الحالية في أمريكا وأوروبا غير قادرة على تلبية الطلب على تشغيل مراكز البيانات المستقبلية أو المخطط إنشائها. يعني باختصار، نحن نبني "سيرفرات" قد لا نجد "كهرباء" لتشغيلها. ومش بس كدة، الشركات تنفق ما يقارب 600 مليار دولار سنويا على تطوير بنية تحتية للـ AI (شراء رامات وكروت شاشة وبناء مراكز بيانات)، لكن في المقابل، العائد المادي من بيع خدمات الذكاء الاصطناعي (مثل اشتراكات ChatGPT وغيرها) لا يتجاوز بضعة مليارات. الفجوة بين حرق الفلوس والإيرادات ضخمة جدا، وحسابيا استعادة هذه الأموال شبه مستحيلة ما لم يحدث تغيير جذري في كيفية تحقيق الأرباح من الـ AI. #دردشة_تقنية #بذكاء #AI

أفضل وثائقيات التكنولوجيا والعلوم على نتفلكس Netflix المزيد من التفاصيل 👈 https://tech-echo.com/best-tech-science-documentaries-netflix/

أعلنت كل من آبل وجوجل رسميا عن خبر ربما يكون الأبرز في العام الجديد 2026، الشركتين اتفقوا على اعتماد آبل على جيميناي Gemini من جوجل لتعزيز مزايا سيري Siri الذكية، أو تقديم الجيل الجديد من سيري Siri (المساعد الصوتي الذي يمكن وصفه بالغباء الآن مقارنة مع المساعدات الذكية من الشركات الأخرى). لم تعلن كلا الشركتين عن التفاصيل المالية للصفقة، لكن الشركتين المتنافستين على سوق أنظمة التشغيل للهواتف الذكية لديهم بالفعل صفقات ضخمة أبرزها استخدام بحث جوجل كمحرك بحث افتراضي في أجهزة آبل وغيرها، ومن المتوقع أن تقدم آبل الجيل الجديد من Siri (المعاد تصميمه كليا) قبل نهاية العام الحالي (غالبا مع الإعلان عن الجيل الجديد من آيفون). وواجهت شركة آبل صعوبات حتى الآن في الاعتماد على نماذج الذكاء الاصطناعي التي تطورها لتقديم تجربة ذكية لمستخدمي أجهزتها، وهو ما دفعها للتفكير في نموذج من شركة أخرى منافسة (جوجل أو OpenAI)، وتوصلت أن جيميناي وبنية جوجل الذكية هي القادرة على تحقيق أهدافها فيما يتعلق بالمزايا الذكية في أجهزتها وخدماتها المختلقة Apple Intelligence. ماذا تعني الصفقة لكل من آبل وجوجل ؟ تقدم الصفقة حلا سريعا وفعالا لشركة آبل Apple للحاق بركب الذكاء الاصطناعي بعد سنوات من التأخير. فيما تمنح الصفقة لشركة جوجل Google أكثر كثيرا من المقابل المالي، حيث تعتبر اعترافا صريحا من عملاق بحجم آبل بتفوق تقنيات الذكاء الاصطناعي التي تطورها جوجل على المنافسين وعلى رأسهم OpenAI التي تطور شات جي بي تي، أو وسام للجدارة في هذا المجال، بالإضافة لثقة أكبر من المستثمرين لضمان الصفقة بقاء جوجل في قلب منظومة آبل ليس فقط كمحرك بحث افتراضي، ولكن كمزود أساسي للذكاء الاصطناعي. ودخلت ألفابت (جوجل) نادي الـ 4 تريليون دولار بعد تجاوز قيمتها السوقية لهذا الرقم لتنضم إلى إنفيديا ومايكروسوفت وآبل، وذلك كرد فعل على الصفقة الجديدة مع آبل. ما هو رد فعل المنافسين؟ إيلون ماسك طبعا انتقد الصفقة، وقال إنها بتمنح جوجل المزيد من السيطرة نظرا لامتلاكها أيضا أندرويد وكروم. وطبعا آبل أكدت إن جوجل مش هيكون لها وصول لبيانات المستخدمين، وإنها هتعتمد على نماذج جوجل لكن بقواعدها الصارمة المتعلقة بالخصوصية. (ردا طبعا على المخاوف بشأن الخصوصية) #بذكاء #دردشة_تقنية

برودكت ممتاز | عقلية "بناء المنتج" التي صنعت أكبر منصات التوظيف في مصر | مع أمير شريف https://youtu.be/Hfo_lT2PdHU?si=VjPeZBGi6XDXIXnD

جوجل بعد ما استوعبت صدمة ChatGPT رجعت للمسار الصحيح فيما يخص الذكاء الاصطناعي، فكرة جوجل كانت تزويد منتجاتها المختلفة زي Gmail وأندرويد وكروم وغيرها كتير بمزايا الـ AI تدريجيا، لكن إطلاق OpenAI لشات جي بي تي كان زي القنبلة وأجبرها تطلق بارد (جيميناي دلوقتي) وبعد تأخر كبير ساعدها أحدث إصدار Gemini وتحديث الصور اللي أطلقت عليه اسم NanoBanana على تحقيق قفزة هائلة مكنتها من التركيز على خططها الأساسية. الشركة أعلنت اليوم عن تعزيز Gmail بمزايا AI اعتمادا على Gemini 3، بحيث تكون خدمتها للبريد الإلكتروني ذكية بالفعل، ودة من خلال: - ملخصات الذكاء الاصطناعي AI Overview: تقدر تسأل مباشرة عن أي شيء داخل رسائل البريد الإلكتروني الخاصة بك وتحصل على إجابات ذكية مباشرة، الميزة هتتوفر للمشتركين في الباقات المدفوعة من Google One، لكن هتتوفر مجانا لكل دردشة أو سلسلة بريد إلكتروني، يعني داخل كل رسالة والردود عليها. - مساعد الكتابة: ميزة Help Me Write هتساعدك تكتب أي إيميل جديد وترد على أي رسالة، لكن مش مجرد رد لغوي عادي، الميزة هتقدر توفر ردود مخصصة وفقا للسياق اعتمادا على الوصول للخدمات الأخرى من جوجل وكمان هتحاكي أسلوب المستخدم. - ردود مقترحة جاهزة Suggested Replies: في الغالب مش هتحتاج تكتب كتير، Gmail هيرد بالنيابة عنك وبأسلوبك وكل اللي عليك تضغط زر الإرسال. - التدقيق اللغوي: مش مجرد إصلاح للأخطاء الإملائية، لكن فحص شامل للأخطاء النحوية والأسلوبية عشان تضمن إنك هتكتب أدق رسالة. - وأخيرا ميزة AI Inbox: وهي ميزة هتلخصلك أبرز الرسائل الواردة وتشاورلك على أهم الرسائل اللي لازم ترد عليها. إيه رأيكم؟ متحمسين للمزايا الجديدة ولا قلقانين منها بسبب الخصوصية؟ #دردشة_تقنية #بذكاء

أهم حاجة فيما يخص هوجة الذكاء الاصطناعي AI إنك تلاقي حالة استخدام تفيدك في شغلك أو تسهل حياتك أو تساعدك تبدأ مهنة جديدة أو تعمل مشروع جانبي أو تطور مهاراتك أو تساعدك في المذاكرة، لكن طول الوقت بتاخد فتفوتة من الأداة دي وفتفوتة من الأداة دي المحصلة هتكون يمكن بالسالب. وهنا هأكلمكم على حالة استخدام للذكاء الاصطناعي بحيث تفكروا ممكن تفيدكم إزاي ولو كان الموضوع مفيد هأحاول أنشر كل فترة حالة استخدام بتفاصيلها. 🤖الأداة: جيميناي Gemini (وضع البحث العميق Deep Search) 💵التكلفة: مجانا (ممكن تستخدم الإصدار المجاني من جيميناي) 🧑🏾‍🏫مين ممكن يستفيد؟ الصحفيين لو بيعملوا تقرير أو تحقيق وعايزين يوصلوا لنسق تفاعلي، الطلاب والباحثين لو بيعملوا بحث أو دراسة بسيطة أو عايزين يعرضوا نتيجة استطلاع بطريقة تفاعلية مميزة. ✨الفكرة: بمناسبة الجدال حول فيلم الست أم كلثوم والاختلاف الشديد في الاراء حول جودة الفيلم، خطر لي فكرة إني أطلب من جوجل Gemini يبحث عن أفضل 100 فيلم على IMDB (اختيار الجمهور) وقوائم الأفضل المتوفرة من النقاد، وبعدين طلبت منه يحلل هذه القوائم بهدف تحديد عوامل لنجاح الأفلام، العوامل اللي تخلينا نقدر نحكم على فيلم وكمان الوصفة السحرية (الخلطة) اللي تقدر توصلنا لفيلم ناجح. *للتوضيح: دة مجرد مثال هيحتاج متخصص أكتر عشان يحدد عوامل البحث ويعدل النتائج للوصول لأفضل نتيجة. 👈النتيجة: طبعا عمل البحث في دقائق، ممكن بعد ما تطلب منه البحث تقفل الصفحة وهيبعتلك تنبيه على موبايلك، والنتيجة كانت في صيغة بحث أو تقرير نصي، لكنها لم تكن مشجعة على الإطلاق، وهنا كان وقت سحر ال AI والاعتماد عليه لعرض التقرير بطريقة تفاعلية، إزاي؟ - من نافذة التقرير أو نتيجة البحث هتلاقي زر في الأعلى اسمه "إنشاء"، بالضغط عليه هيعملك صفحة ويب تفاعلية، تقدر تختار من بين "صفحة ويب" أو "مخطط بياني" أو بطاقات تعليمية أو تعمل الصفحة على هيئة اختبار، طبعا تقدر تخليه يعمل كل دة وتضيف الكود لموقع خاص بك يعرض التقرير. أنا جربت مخطط بياني وهو بيعرض البيانات في التقرير بطريقة رسومية مميزة، وبعدين جربت "صفحة ويب" والنتيجة هتشوفوها في التعليقات. اتمنى يكون البوست مفيد، ولو مفيد اعمل شير وقولي في التعليقات لو عندك اقتراحات أو عايز تسأل عن حاجة.

جوجل عملت تحديث كبير مهم على تعديل الصور في تطبيق Gemini سواء للموبايل أو الويب، دلوقتي تقدر بعد ما ترفع أي صورة لتعديلها تضغط عليها وتشاور على جزء منها بالرسم زي ما أنتم شايفين في الصورة المرفقة، ترسم أي رسم زي تاج بالإضافة إلى الـ Prompt عشان تطلع صور أفضل وعشان تاخد تعديلات أفضل، ممكن مثلا تحدد بالرسم العين وتقوله غير لونها أو تعمل سهم عشان تحرك الوش للناحية التانية وهكذا. وزي ما قولت قبل كدة، على الرغم من إن جيميناي مع NanoBanana Pro مذهلين في إنتاج الصور بالذكاء الاصطناعي، إلا أن أفضل استخدام لهم هو في تعديل الصور، دي حالة استخدام مثالية لهم (للذكاء الاصطناعي)، لو أنت مش بتعرف تستخدم تطبيقات تعديل الصور ولا حابب تستهلك وقتك، تقدر دلوقتي تعمل التعديلات بمجرد الرسم على الصورة أو الطلب نصيا أو حتى صوتيا. وبالمناسبة Google Photos بقى فيه ميزة لإنشاء صور لك بسهولة بالذكاء الاصطناعي، فيه ثيمات جاهزة (ممكن تشوفوا مثال في الصورة). #AI #GEMINI

✨الهدف: إنشاء بوستر بكامل الجسم لشخص ما بجواره رسم للوجه والاسم بطريقة فنية اسفل الوجه 🖼️مثال: في التعليقات 🤖الخدمة: Gemini. ✨النموذج: Gemini 3 (Thinking) + NanoBananaPro 👈للتخصيص: ابحث عن اسم Mohamed واستبدلها بأي اسم أو نص تريد الأمر Prompt: { "type": "photorealistic_portrait_with_graphic_elements", "subject": { "reference_face": "use_uploaded_image_face", "face_preservation": "100%_identical_no_changes", "gender": "female", "body_language": "relaxed, confident" }, "attire": { "upper_body": "clean pressed white dress shirt, turned-up collar", "accessories": "small lapel microphone", "lower_body": "dark navy blue trousers", "footwear": "polished brown dress shoes" }, "pose": { "stance": "leaning against wall, one leg crossed over the other", "hands": "in pockets", "framing": "full_body_shot" }, "environment": { "background": "smooth light gray studio wall", "wall_art": { "type": "vector portrait of subject", "style": "black-and-white, sharp angular lines, overlapping polygonal shapes, minimalist modern graphic", "placement": "next to subject" }, "typography": { "primary_text": "Mohamed", "placement": "below vector artwork" } }, "technical_specs": { "resolution": "8K", "style": "ultra-realistic", "lighting": "studio lighting" } } #AI #Gemini #Prompts #AiPrompts