ဗုဒ္ဓဘာသာ mp3 တရားတော်များ ဖြန့်ဝေရာ🙏

မဟာသမယသုတ်(နတ်ချစ်ဆေး) (စာတန်းထိုးပါ) ------------------------------ အရှင်က္ကန္ဒကာလင်္ကာရာဘိဝံသ (သစ္စာဂုဏ်ရည်ဆရာတော်)

ရွက်သစ်တွေ ဝေပြီမို နေရစ်တော့ အတွေးဟောင်းတွေ(21.4.2016) ဓမ္မစေတီ ဆရာတော် ဦးကောသလ္

◉ နှလုံးသားဝယ် ဘုရားတည်၊ (၄)သွယ်အကျိုးရ (၄) ___________________________________________________ ✿ ရုပ်ဆင်းသပ္ပါယ်၊ အံ့ဩဖွယ်၊ ကိုးကွယ်သူလဲ အေးချမ်းပါ။ (၄) ပါရမီကံတော်အနန္တကြောင့်ရလာတဲ့ ဘုရားရှင်ရဲ့ ရုပ်ဆင်းသပ္ပါယ် တင့်တယ်လှပမှုဟာ လူတွင်မက နတ်ဗြဟ္မာတောင်ယှဉ်လို့မရပါဘူး။ ရုပ်ဆင်းတင့်တယ်လှပရတဲ့အထဲမှာ စိတ်အပူအခိုး အငွေ့ လုံးဝ ကင်းတာကလဲတစ်ကြောင်း၊ သတ္တဝါအားလုံးတို့ အပေါ် အယုတ်အလတ် အမြတ်မရွေး မေတ္တာကရုဏာ အအေးဓာတ်ဖြန့် ထားတာကလဲတစ်ကြောင်းတို့ကြောင့် တစ်နေ့လုံးမျက်စိမမှိတ်ပဲ ဖူးမြင်ရလို့တောင် မရိုးမဝနိုင်လောက်အောင် တင့်တယ်သပ္ပါယ်လှပတယ်လို့ဆိုပါတယ်။ လှပတင့်တယ်အေးချမ်းလှတဲ့ ဘုရားဂုဏ်ကိုအာရုံပြုပြီး နှလုံးသားဘုရားတည်သူဟာလဲ ရုပ်လဲလှတယ်။ အေးချမ်းတယ်။ တင့်တယ်ထည်ဝါတယ်။ လောကမှာ ရတနာနှင့်ဆက်စပ်တဲ့ ထည်ဝါမှုသာ အကြီးကျယ် အမြင့် မြတ်ဆုံးပါ။ ဘုရားလက်ထက်က ကပိလဝတ်မြို့မှာ မလေးလုံ(ဂေါပိကာ)ဆိုတဲ့ သဒ္ဓါတရား အလွန်ကောင်းတဲ့ မင်းသမီးရှိတယ်။ နှလုံးသားဘုရားတည်တဲ့စွမ်းအားကြောင့် တင့်တယ်ထည်ဝါတယ်။ ယောက်ျားဆုတောင်းပြီးကောင်းမှုကို စိတ်အားထက်သန်စွာလုပ်လို့ နောက်ဘဝ တာဝတိံသာမှာ သိကြားမင်းရဲ့သားချော ကိုဖိုးလုံ(ဂေါပက)နတ်သားဖြစ်တယ်။ ဉာဏ်ကလဲကြီး ရုပ်ကလဲလှလိုက်တာတဲ့။ ဇေတဝန်ကျောင်းဒကာ အနာထပိဏ်, ပုဗ္ဗာရုံကျောင်းအမ ဝိသာခါတို့ဟာ သဒ္ဓါကောင်းလွန်းတော့ နှလုံးသားမှာ အသဲစွဲဘုရားတည်ခဲ့ကြလို့ တစ်သာသနာလုံးမသိသူမရှိ ထည်ဝါလှပကျော်ကြားခဲ့ကြတယ်။ ယနေ့ထိလဲ လှပတင့်တယ်တဲ့ဂုဏ်သတင်းဟာ ပျံ့မွှေးနေတုန်းပဲ နှစ်ယောက်လုံး သောတာပန်ဖြစ်ခဲ့ကြတယ်။ ဘုံစဉ်စံတွေလို့ဆိုပါတယ်။ ဘုရားလက်ထက်က မြန်မာနာမည်နဲ့ ဦးချစ်- ဒေါ်ခင်လို့ ခေါ်ရတဲ့ မေတ္တာအလွန်အားကြီးတဲ့ဇနီးမောင်နှံ ဟာ သဒ္ဓါအလွန်ကောင်းကြလို့ နှလုံးသားဘုရားတည်နေသူများဖြစ်တယ်။ ရတနာစွမ်းအားကြောင့် အလွန် ထည်ဝါကြပါတယ်။ နှစ်ယောက်အလွန်ချစ်ခင် ညီညွတ်ကြပြီး မဂ်ဖိုလ်ရတော့လဲအတူတူပဲရကြပါတယ်။ တရားရှိသူအတွက် လူ့ဘဝဟာ အလွန်နေပျော်ပါတယ်။ ကဿပဘုရားလက်ထက်က အများကြားဘူးလို့ နှုတ်ကျိုးနေကြတဲ့ မဟာဒုဂ်ဆိုတဲ့လူမွဲကြီးဟာ စောစောက အလွန်ဆင်းရဲမွဲတေကျက်သရေမဲ့လှပါတယ်။ တစ်နေ့ စားဖို့ တစ်နေ့ရှာရတယ်။ နက်ဖြန်အတွက် ဘာမှကြိုတင်စုမထားနိုင်ဘူး။ လူရော စိတ်ရော အလွန်ဆင်းရဲ အောက်တန်းကျနေပါတယ်။ မေတ္တာရှင်ဖြစ်တဲ့ ကိုဉာဏ်ရှိရဲ့ စိတ်ရှည်လက်ရှည်စည်းရုံးမှုကြောင့် သဒ္ဓါ ပညာအားတွေ ရရှိပြည်စုံခဲ့ပြီး နှလုံးသားဘုရားတည်ခွင့်ရခဲ့လို့ ကောင်းမှုကိုအစွမ်းကုန်ကြိုးစားခဲ့တယ်။ ထက်မြက် လှတဲ့ကံအရှိန် တစ်ဟုန်ထိုး တက်ပြီး ပစ္စုပ္ပန်ဘဝမှာပဲ ထိပ်တန်းအကြွယ်ဝဆုံးဖြစ်ခွင့်ရသွားတယ်။ ပစ္စည်းလဲကြွယ် သဒ္ဓါပညာလဲကြွယ် တရားလဲကြွယ်ပြီး အလွန်ထည်ဝါခဲ့ပါတယ်။ နောက်ဆုံးဘဝ ဤဘုရားသာသနာမှာ ပဏ္ဍိတသာမဏေဘဝနဲ့ ၇-နှစ်အရွယ်မှာပဲ လွယ်လွယ်ကူကူနဲ့ ရဟန္တာဖြစ်ခဲ့ရပါတယ်။ နှလုံးသားဘုရားတည်သူတွေအားလုံး နိမ့်ရာမှ မြင့်ကြတယ်။ ဆိုးရာမှ ကောင်းကြတယ်။ ပူလောင်ရာမှ အေးချမ်းကြတယ်။ ဆုတ်ရာမှ တိုးနိုင်ကြတယ်။ ကျရာမှ တက်နိုင်ကြတယ်။ ရတနာနှင့်တွေ့သူ အားလုံးတွေ့ခွင့်ရသလောက် အစွမ်းပြနိုင်ကြတာချည်းပါပဲ။ အဝတ်ကိုချုပ်ထားတဲ့ နိုင်ငံတော်အလံကိုတောင်မှဂုဏ်သွင်းပြီး အရိုအသေပေး အလေးပြုနိုင်ကြတယ် ဆိုရင် အုတ်,သစ်သား ရွှေကျောက်,ကြေးတွေနဲ့ ထုလုပ်ထားတဲ့ စေတီ, ရုပ်ပွားဆင်းတုတွေကိုလဲ ဓမ္မနဲ့ အသက် ဂုဏ်သွင်းပြီး ကြည်ညိုပူဇော်တတ်ဖို့ နှလုံးသားဘုရားတည်နိုင်ဖို့ ဘာမှ အခက်အခဲရှိမှာ မဟုတ်တော့ပါဘူး။ တကယ်တော့ ဓမ္မအစွမ်းသာအဓိကပါ။ (ပြီး) #ယောဆရာတော်ကြီး #သုဝဏ္ဏသျှမ် #နှလုံးသားဝယ် ဘုရားတည် #တိပိဋကဓမ္မလက်ဆောင်တရားတော်များ

https://youtu.be/pHwVw97IXFE

Channel name was changed to «ဗုဒ္ဓဘာသာ mp3 တရားတော်များ ဖြန့်ဝေရာ🙏»

Channel photo updated

Food for Thought (30) ———————————- (၁) အဝိဇ္ဇာ ပုဗ္ဗင်္ဂမာ အကုသလာနံ ဓမ္မာနံ သမာပတ္တိယာ၊ အနွဒေဝ အဟိရိကံ အနောတ္တပ္ပံ၊ (ဗုဒ္ဓ) (၂)အကုသိုလ်ဖြစ်သမျှမှာ အဝိဇ္ဇာက ဦးဆောင်လာပြီး အဟိရိက အနောတ္တပ္ပ ဆိုတာက တွဲဖက်ပါလာတာပါ။ (၃)ကိုယ့်ရင်ထဲ မကောင်းတဲ့အတွေး ဝင်လာပြီဆိုရင် အမှန်ကို မသိခြင်း လွဲမှားစွာသိနေခြင်းက စတယ်ဆိုတာ သေချာတယ်၊ အမှန်မသိပဲ အလွဲအမှား သိနေခြင်းဟာ အဝိဇ္ဇာပါ။ (၄)မကောင်းတဲ့အတွေးကို ရင်ထဲမှာ ထားတာဟာ ရွံစရာအကုသိုလ်ကို မရွံခြင်းဖြစ်တယ်၊ အကုသိုလ်ကို မရွံ တာဟာ အဟိရိကပါ။ (၅)မကောင်းတဲ့အတွေးကို လက်ခံ တွေးတောနေခြင်းဟာ ကိုယ်ကို ဒုက္ခပေးမယ့် မြွေပွေးကို ခါးပိုက်ထဲ ထည့်ထားသလိုပါပဲ၊ ကိုယ့်ကို ဒုက္ခ ပေးမယ့် အကုသိုလ်ကို မကြောက် ခြင်းဟာ အနောတ္တပ္ပ ပါ။ (၆)အဝိဇ္ဇာ၊ အဟိရိက၊ အနောတ္တပ္ပ ဖြစ်လာရင် သင့်မှာ အကုသိုလ်ဝင် နေပြီ၊ သင် ကံဆိုးတော့မှာ သေချာ တယ်။ (၆)အပ်ပမာဒနေ သမ်ပာဒဟေိ မမေ့မလျော့ သတိပြုပါ။ ပါမောက္ခချုပ်ဆရာတော် (၁၀၊၈၊၂၀၂၁) ကျေးဇူးတော်ရှင် ပါမောက္ခချုပ် ဆရာတော်ကြီး ၏ ၂၀၂၁ ခုနှစ် ဩဂုတ်လ ၁၀ ရက်နေ့ အဆုံးအမဩဝါဒကို ဖေါ်ပြအပ်ပါသည်။ #AshinNandamalabhivamsa #FoodForThought30

အရိမေတ္တယျမြတ်စွာဘုရားလောင်းတရားတော်

အရိမေတ္တယျမြတ်စွာဘုရားလောင်းတရားတော်