قصائد مصطفى صادق اللامي

#يارسول_الله كلمات سجاد الكريزي مصطفى صادق اللامي الما باچي لرسول الله ولجروحه شني عذره مثل ما باچيه اعله حسين بچتله فاطمة الزهره يالي تريد تسعدها لابوها نوّح بعبره عله صوت المنادي وصاح ... رسول الله يعالم راح يتيمه امّ الحسن صارت ... والسور العليها طاح بيت الوحي اليزهي امس بعيونه بيت الحزن ويلاه صبح من دونه وبااحضانها حسين وحسن ينعونه ____ بچتله بگلب ام مثكول دمع منه الاحجار يفت وشدت راسها الزهراء وبچتله ادموع مالت بت هذا حسين جد حسين...؟ بطيبه بكربله الميت ..؟ اغتالو نبي وهل أنباء .. فتحت باب عاشوراء يالعايش جروح حسين .. عيش جروح ابو الزهراء عاشر ابيت حسين قبل العاشر حنية علي الكرار تحچي الصاير ماتت الرسول برسم عينه الغاير ____ ابوي وحگي يا شيعة اريد وياي عوانه منو بفيي داره يدعيني وانعه الوالدي احزانه الاراكة الابچي جواها گطعها فلان وفلانه بفيي راية ابني المذبوح .. لجده اريد ابدي النوح وين اليجي اويه الزهراء .. ودمعه اعلخده مفضوح ثاري الابو خيمه على ابنياته انعاه ابو وانعه لمقامه وذاته خنگو صدر بي الله حط اياته ____ بكل مأتم لبو الزهره تحضره الزهره بچايه ومن يگضي نعي الناعي هيه تصير نعايه يبويه تصيح مكسوره بموتك عبرو الثايه بعدني بمأتم امصابك ... وحطو حطب يم بابك خلفه اوگفت مجبوره ... وعَلي دفعوه اصحابك وثـالـث سبـط مـن الـعصـر طيحته وكسرولي ضلعي الـ عن ( علي ) گبعته صاحب ال ( يهجر ) بويه يضحك شفته ____ گلت للجايني بأسمك وگالوا وأن يا زهره گتلهم رسول الله روحه وگلبه البصدره بته أنا و عطر بيته وگالوا يحترگ عطره بيت الوحي والقرأن..الباب التطرقه استأذان رفسوا رفس ما طرقوا..وتلفح بوجهي النيران يا عظم الله اجره البچه اعلمصابك بعده علي امن الدفن بيده اترابك اغتالوا صبر من طاح ابنه ابابك ____

امن الزان يمهن لفو غياب اگلوب الفواطم كلها عطاب بكل حضن راس لطفل لوشاب وردن امبارة بروس الاطياب چيم دهرنه وجاب كارات وردينه من ادروب شامات ولحسين جبنه شلون صوغات روس ومصاويب وسبيات عاجر واجاهه اوليد محروس هيج الفواطم دارت الروس بطرف العبي انفيي امن الشموس ومن نعطش انجدملكم الطوس دگت گلبنا ارفاس مذبوح يا تلعه وسفه تلوحج اسفوح طلعت الروس وطلعت الروح نفس الاصواب ونفس الاجروح

#عزاء_البقيع عزاء الامام الحسن صلوات الله عليه التمو بالبقيع اهل البقيع اليوم واجت ام البنين تنوح عالمضلوم _ علي السجاد والصادق واجه الباقر انهضموا عالحسن چي ما اله زاير مجلس سوو وجان البچي عامر وام عباس تنعه امصيبة المسموم ____ عبد المطلب فز مسرع بممشاه انوح الليلة يمك كون يا جداه عزه الفارس الفارس يعرف بمعناه جدك انه جدك يالرحت مهضوم __ من گاع الحجون(1) اتعنه الك مشاي ابو طالب ويا جايب خديجة وجاي سگاي ويريد لگبرك يرش ماي ورش كل ماي عينه اعليك يا مهموم ___ عمك حمزه اجاك ويصفگ الجفين أنه الماكول جبدي اهملت ماي العين لسم جبدك يعمي المالك امعزين تعزيتك علي يالميت ومالوم ___ وابو الزهره تعنه يگود بالزهره أنه ام الامسمم بالمصيبه ادره أنا ام الشهيد الهدموا گبره حوم المنچوي فوگ الغريب تحوم __ يمه يا خديجة گلبي حيل انضام هذا ابني وعليه واجب عزه ينقام أنه أمه الشفت نعشه انرمه بسهام ملچومين اجينه انوح للملجوم _ وتوسطهم رسول الله بدموع ارجال منعوا يندفن يمي ونعه لهالحال لمصابك وجوب اتطيح يبني اجبال عزه المعصوم حگه يقيمه بس معصوم _ علت من البقيع اصوات عبرتهم وهمه القاموا واحييو مصيبتهم هواشم كعدوو وواسو بزهرتهم قاموله عزه بهالدنيا ما مقيوم _________ (1)الحجون هي مقبرة دُفن فيها عبد المطلب وابوطالب وخديجة صلوات الله عليهم وتسمى ايضا بمقبرة المعُلاة

#عزاء_الخرايب عزاء الامام الحسن صلوات الله عليه زينب بالخرابة وعلكت راية لاخوها الحسن كعدت سوت قراية __ يالمتعلم بكل سنة اخوان تنوح وعلى گبرك هواشمنا ترد وتروح نيابه العزه قمته عن شكو مذبوح اخوتك كضو كلهم عالمسناية لاخوها الحسن كعدت سوت قراية ___ رغم ما منذبح راد بعزاك يگوم بطشت مرلنه ذكرنه بجبد مسموم ونعيت لخوتك يا حيد يا جيدوم نعاك حسين اشارة وما حچه حچاية لاخوها الحسن كعدت سوت قراية __ عزه بسبعة صفر سويت يالمضيوف يصدر الگوم يالساكن بمگ الشوف يفارس كون موتك ينعي بسيوف شلون اتدور سنتك بلا بچاية لاخوها الحسن كعدت سوت قراية ___ يمگ الشوف خوية ويا بيابي العين أنه المتحيرة ما بين هالطشتين ولد أمي وردتكم يا حسن وحسين بأسم زينب مصايبكم امسمايه ولاخوها الحسن كعدت سوت قراية ___ اختك صحت رملة الفاچده الشبان تعاي وجابليني انوح للوليان ونه اعللكباره وونه للعرسان يا عازة اهلنا الامس رمّاية لاخوها الحسن كعدت سوت قراية __ حسن يا كل علي يل مره ما مسبوگ يعاگر نوگهم لو تجي تشوف النوگ مضلعه ونصعد اعليها بگلب محروگ التميل امن الهزل ما الها تچاية لاخوها الحسن كعدت سوت قراية __ زينب بالخرابة وعلكت راية لاخوها الحسن كعدت سوت قراية __ يالمتعلم بكل سنة اخوان تنوح وعلى گبرك هواشمنا ترد وتروح نيابه العزه قمته عن شكو مذبوح اخوتك كضو كلهم عالمسناية لاخوها الحسن كعدت سوت قراية ___ رغم ما منذبح راد بعزاك يگوم بطشت مرلنه ذكرنه بجبد مسموم ونعيت لخوتك يا حيد يا جيدوم نعاك حسين اشارة وما حچه حچاية لاخوها الحسن كعدت سوت قراية __ عزه بسبعة صفر سويت يالمضيوف يصدر الگوم يالساكن بمگ الشوف يفارس كون موتك ينعي بسيوف شلون اتدور سنتك بلا بچاية لاخوها الحسن كعدت سوت قراية ___ يمگ الشوف خوية ويا بيابي العين أنه المتحيرة ما بين هالطشتين ولد أمي وردتكم يا حسن وحسين بأسم زينب مصايبكم امسمايه ولاخوها الحسن كعدت سوت قراية ___ أنه ناديت رملة الفاچده الشبان تعاي وجابليني انوح للوليان ونه اعللكباره وونه للعرسان يا عازة اهلنا الامس رمّاية لاخوها الحسن كعدت سوت قراية __ حسن يا كل علي يل مره ما مسبوگ يعاگر نوگهم لو تجي تشوف النوگ مضلعه ونصعد اعليها بگلب محروگ التميل امن الهزل ما الها تچاية لاخوها الحسن كعدت سوت قراية __ ها يمكعد اليلفيك كعدة طيب وتحير اگباله شتودي شتحط شتجيب كون تشوف مكعاد الخرابة تشيب ويعزبونه بحبل كل غبشه بولاية ولاخوها الحسن كعدت سوت قراية __ بعز امصابنا والشام والويلات وحاشه انسه يخوية الخوه والكعدات احيي امصابك بكل خربة بالشامات اضل للخوه يابو الخوه شراية ولاخوها الحسن كعدت سوت قراية

من شدو جفوفي گلت يفتحها ابوي الغالي تانيتك شما هب هوه وحرك بدية حبالي متعصبة عيني بفرگتك يامن مكانك خالي شما ضجت النسوه افرحت طولك اجه حسبالي كل فجر گالوا تجي تواسي وين اديك التمسح اعلراسي بوية اعثر حته بيه انبهك وماكو جفك من اجتني ناسي اطيح..ويرتل صوتك بالحسره اطيح..ونبرة صوتك شو متغيرة اطيح.. فك عيوني بحاجة نضره ________ كل غبشه صوتك بالكهف يرتل وأنه بيه الجمر صوتك قريب استغربت ليش اعلبنتك ما تمر كسر البرائة بي شبه لجنح الفراش الينكسر لحضنك افر واركض جنت ومن خوفي هسه صرت افر صوب صوتك ابدي افر وادور الگه بس خشبة رمح تعثّر بالهوه اشبگ بوية ما وصلتك وفوگي اسمع صوتك وتكبر اميل..وتكبيراتك اكثر تعله اميل..انا الجنت بحضنك طفلة اميل..غير اندل حضنك واوصله ________ يومية طفلة بالضعن دلالي بيها ينفطر ماتت شريفة بهالصبح وماكو صفية بهالضهر مر يوم خولة ما اجت واسئلت عمتي ام الصبر ياخذ بناته حسين اجه..؟ وفك منهن احبال اليسر..؟ يمته دوري يالخذت صفية يابو الاكبر فدوة اخُذ رقية حته لو يكتلني ملگة راسك بوية الك احسبها هايه جيه حُسين..ردتك يمي بموته بملگة حُسين..امن العاشر وامحضره الشبگة حُسين..شبگة وتكتل گلبي بشهگه ______ متيممه اعباتي بترب الهاديها اليه بدمعتك ومشية الزهره البيه امس متغيرة بوية وداعتك هينات كلهن لو تجي وافتح عيوني بشوفتك حد شوگي بوية بهالقصر ما نام اذا مو شبگتك هذا حدي بغربة الليالي وبله گطعه دمعتي وسؤالي الطفلة سكتتها اعلحضن ابوها وردت سكتت موتتي يغالي تعال..ونسيني احلام المسبيه تعال..وسكتني ونشف الدم بيه تعال..الموته اعليدك حنية

(فأما اليتيم فلا تقهر) صحت بس محد سمعني وعن ابوي الكل منعنيي ماكو شي ضل ما فجعني (فأما اليتيم فلا تقهر) نار واخيول ومنية وجرح ضهر الغاضرية ورتلت بتك رقية شما شفت بعيني الخيالة رتلت الايه وونيت عكس ايتام العالم كلها اتعامل بوية احتاريت شما اتعذب بوية اتطمن ما متيتمه وحي ضنيت ما عاملاني بالرفق..بالقسوة عاملني العدو لهذا السبب جنت اطمئن..معناها منك جية اكو ركض الجمر مو لليتم..اعثر واگولن عندي ابو _______ ((فأما اليتيم فلا تقهر)) الشام ما مرت عليهم كل قهر شفته امن اديهم سبي ابلا رحمه سبيهم ((فأما اليتيم فلا تقهر)) عكس ايات الله كلها امروة ما شفنه بأهلها الشام لاگتنه بحفلها(بطبلها) عيد وكل اب جايب طفلة ويتشمت بالمتيتمات نسئلهم عيديش وگالوا مسلوب ابن الزهراء مات نسئل عن أسباب الفرحه گالوا جيت مسبيات كل طاگه ماضل عالهجر..هم يله اموتلك قهر بيك ارد اضيع بشبگتي..ملگة النهر وي النهر يم راسك النومة وعلي..تنسيني كل ذاك السهر ______ (فأما اليتيم فلا تقهر) بابا من امشي بهزلهم بابا من انضر حبلهم جفي ينشد وانه اگلهم (فأما اليتيم فلا تقهر) حسين يا سيد الرجولة ما بقالي شي اگولة بالخرابة تضل طفولة..؟ شلون اليتصابح وي وجهك يتصابح هسه اويه اعداه غير اسود ثوبي اعله غيابك تراب الخربه ابيض سواه حته اللون البي احزنلك السابي اضعونك ما خلاه عدموا برائة كل طفل..وهضمولي گلبي المنسعد شجاب الفراش اعللترب..عمره الفراش اوية الورد يكسر جنح حادي الضعن..كلما حبل طفلة يشد ______ ((فأما اليتيم فلا تقهر)) وانا شو عكس اليتامه بالنهار ابلا سلامة وليلي ما يصلح انامه ((فأما اليتيم فلا تقهر)) واه يا گلبي ومصابه بكلشي قهرو گلبي بابا بكل هزيلة بكل خرابة بابا هاي امة محمد ..؟؟ گلوبهم عن جدي غفلت انا من بضعه محمد الفوك صدرة الاية نزلت بهيج قسوه تمشي طفلة شلون هاي الناس قبلت انه يتيمة والدي..الما لحگت اعرف يتم ما ضلي شي مني بعد..حته اسمي مو نفس الاسم بصوت السنانل گمت افز..ولو مره مريت بحلم

الى جرح مولانا زين العابدين#الامام_السجاد صلوات الله عليه انته ذبحك يختلف يوم الطفوف جان ذبحك من تصرح باختيار خيروك ابين موت وبين وموت لو جدم علوية يركض لو تجي تجويها نار يالخذيت اصعب قرار عمه لوذن بالفرار والركض هم جان نار بيدك تشد حبل عمتك ويا دوه يرهم العلتك جرح غيره البيك صار اخ يا زين العباد جرح غيره البيك زاد وزاد بيك الاصطبار وثاني نار الحديد الفوك جفك امن الشمس مولاي حار جنت جورة اوية الهواشم وهسه ضحكة ال امية بالخرابة تصيرلك مولاي جار وخطوه الهزله اعله اگلبك مو على الكاع المسار ما عشت عمر الشباب يا شباب...؟ وانته دفنّت اهلك بأيدك عذاب ابلايه تغسيل ادفنتهم الماتو ابلايه شراب تبجي بس جواك نار صدر ابوك العالي جان فوكه خليت الرضيع ومحني صار عشت بعد الطف وقف بس للمصيبه ومحترك بيك الخضار انته يا سوك التطبه تگلبه مجلس ودمعتك ليل ونهار ما شربت الماي بارد ولا تهنيت بطعام وجان عمرك احتضار وتشهد العكازه بيدك تشهد وتحجي الي صار تحجي النه رجفة ايدك من وصلتوا لباب شام السفره جانت من حلال الله الخيام للقصر واهل الحرام وتشهدلنه برجفه ايدك وانته شايل طفله ماتت بالمنام تشهد شكد رجفت ايدك من كتبّت بجفك بكبر الحبيب ها هنا مات الغريب ها هنا مات الغريب وجان موتك يختلف عن كلشي دار جان ذبحك من تصرح باختيار يالخذيت اصعب قرار عمه لوذن بالفرار

جمرن يا خيم لليل وبعد زيدي ركض يا خيل دام بعين ربنه يهون الدمع والاه واليا ويل تقبل ربي ركضتنه حُفاة اجدام فرينه تقبل ربي عثرتنه وهذا المستحه البينه حج البيت من عفناه حج امصاب حجينة صبورة وشاكرة الصار عبادة طرت النار نوينة العثرة ركعات وركعنه اكبار واصغار _____ وصلت ابن امي بالحسرات تچيته اعلحضني ومات اذا يرضيك هذا الحال فخُذ ياربي للمرضاة تقبل بيدي قرباني التوسد چفي بسهامه تقبل ربي كل طعنه وجرح من جدمه حد هامه واذا ما يكفي للمرضات الهي اتخير ايتامه ما خلينه قربان نقدمه اله عطشان وباجر نحر برماح يرتل ربي قران ______ بعد يا دنيا زيدي اهموم يوم اموافه هذا اليوم امساك لنحر عبد الله هواشم من نصوم نصوم تقبل ربي عبد الله الفطورة امثِلث الحومه تقبل ربي كل شوغة لربابه البقت مهدومه اللطيف لخاطر الطافك ابيوت ابيوت مهجومة ختزيد العذابات ابن امي وبعد مات بعد شيصير خيصير الوكت ماذله هيهات ____ السناسل صور متأسرة وسبينه الغير النضرة نسبح بيهن بتسبيح أمنا فاطمة الزهره التراب البعباية الصار ولا قلل مهابتنه عبينه اتيممت لاجلك هاي احنه عبادتنه تقبل طفلة جبناها قربان بخرابتنه توضت دمع هجران سجدت فوگ عطشان صلّت ملگه عالراس وسلام الخاتمه احزان

بكلشي حسين اريد وياك..بموت براحه لو بخيام مثل ما سيف ذباحك..ذبح صمت العقيلة الشام يالخدك بقه برمله..على تراب الخراب انام نشّف كلشي بينه العطش سلبّنه وما نشف الخوه ولا حليب امنه ويهضمنه الفكد يحسين يهضمنه خوتنه اكبر من ذبح..واكبر امن اخيام ونار لمصابك بگلبي جمر..بگلب الفواجد ما مار ____... اريد ابجي اريد ابجي..بعد بيه لمصابك نار لا انه المتت يحسين..ولا انه النسيت الصار ما ريدن اقصر وياك..سبيي وحبلي مو اعذار بعز هوسة الشام اتذكرك وانعه واصيح احااه اخوي الما سلم ضلعه مو انته اليموت ومحد يشيعه الميت الما فوكه بجي..معناها وحده امن اثنين لوماله اهل لو منفرد..واثنينهن مو بحسين ___ اواسي امصابك بكلهن..واريدن موتتي تواسيك ودفنتي لخاطرك وحشه..مثل ما وحشه دفنو بيك وماريدن بجي فوكاي..فوگك ما لحكت ابجيك وكت ما خلة زينب تنهضم فوگاك اخذ حرگة اخت ما لحكت تنعاك من تالي بأشاير حجيي انه وياك يالبربعينك عاودت..والراس رديته وياي لو لاربعيني تعتني..شتردلي والراح هواي ____ أنه الما رايده التشييع..واسباب الهضيمه هواي ما لحكت اشيعك ليش..وما لحكت اشربك ماي محد عوناني اعليك..محد كال اخيتك هاي ليش اعتب وادور دمعة اخواني حسين وماكو اخوته انذبح وحداني موت الوحدك يا گلبي لتاني ما دامك بغربة متت..صار الغريبة اسم ام اعون وبلسانك اسمي وبس بعد..غيرك لسن خيسكتون ____ على ابن امي النعي والنوح..اريدن حته بالتغسيل يالتهيلون فوكي اتراب..هيلو ترابي كون بحيل اريد استشعر المأساة..شمضيعتلي جوه الخيل مو حلوة برمل لحسيّنة النومة عدلة وميته من فراگه ملجومة شينسيهه المضيعه حسين بالحومه بنص موتتي وما تنسي..وارسومك بفص العين بعدك عشت بس شعشت..جنت اذبل حسين حسين

زينب توصي بالمضعّنات صوت الخرابه بليل مسموع اصعب عذاب حسين مذبوح و ذباحه مانعنه امن الدموع وغصب عنهم اضل انعاه.. لحد ما انحسب ميته وهوه المثل ابو الاكبر.. مو مالت بجي سكته انه القدمتله الخيل.. وراح وما رجع لاخته راح..من خيمته لخيل العده راح..سبعين الف والوحده راح.. وغربة ضعن زينب بده يا حسين.. من زينبك هذا الوعد يا حسين..انعاك حد ما الماكو حد ____ ليل الخرابه يفرق هواي بي گمنه نتناوب على النوم طول الدرب گضينه الايام مثكولة تغفه الثانيه تگووم حراس الخيم جنتو.. وجانت عامره اخيامك وحراس الخرابه احنه.. لا تقلق على ايتامك هّم برمحك العالي..وهّم يا خويه بسهامك ااخ.. انه الگبل جنت انحرس ااخ.. هسه بخرابه انحبس ااخ.. و گامت علي تطلع شمس يا حسين..بگد هضمّتي ابجي بعد يا حسين.. انعاك حد الماكو حد ____ أبين امنياته گلبي محتار ساعه ادعي يگصر ليل الايتام وساعه ادعي يطول بينه هالليل امن اذكر ورانه طبه للشام البله اخوانه يطب قصور.. حته بامنياته يحير باجر بأول المصباح.. بزينب كلشي راح يصير حييي احيود هاشم ذيج.. شو خياله ماكو تغير شام.. ريت الله ليجيب الفجر شام..كتال گلب ام الخدر شام..أامر جنت هسه انأمر يا حسين..نوحي الك لا ما برد يا حسين.. انعاك حد الماكو حد ___ وصارت صدك بوابه الشام وما ننحسب علباب خطار ومن مستحانه رجفت النوگ والجار كام ايفزع بجار ابابه والشمس فوگاي.. والله اليعلم النه شضام شو فّي فوگي صار بساع.. من طبيت ازقه الشام شلت راسي وشفت لسطوح.. بيهه ازلام فوگ ازلام موت.. بت الدلال اتمرمرِت موت.. من مستحاي شكد متت موت.. ومن بالي ابد لا ما رحت يا حسين..باجيتك باشرس بلد يا حسين.. انعاك حد الماكو حد

يالشايلك راس الرمح..شكد شايلة بگلبي حچي باقرب لقاء واقرب طشت..احچي واموت امن البچي شكد صيحت فوك الناگه..ارحم رقية المشتاگه شكد شايلة بگلبي حچي .................................................................... شوفي الجان يصد عيونك..كصران وشوفي لحد رمشي متعصبه اعيوني اعللناگه..واتلفت ما اندل كلشي يا بوية وما امشي بكيفي..بكيف احبال الحداي امشي ارحم رقية المشتاگه..ودليها بعيونك وين الدللها حضنك ترضاها.يكتلها راسك يحسين الماعدها ابو ما عدها أمن..والبر يخوف الاطفال ما راعو اعيوني العمن.. يدلوني كامو بحبال بوية فرگتك حراگه..ارحم رقية المشتاگه شكد شايلة بگلبي حچي ....................................................................... شما جابو ماي انده عمتي..خل نمشيلة انبرد گلبه وبعز روحي المي من امشي..تعثر من تمشيي المتعصبه جوه ارماحك طوس امبدية..بلكي امن الخشبات تشربه حنيتي منكم يا بوية..غير اهلي انتم الاحنان وفشلانه ارجع وي عمتي..جي بوية بعدك عطشان يالمغترب يالمنكسر..ميت عطش ميت ذبح شاطرني بوية امصيبتك..انطيني الضمه وضل بالرمح وگلبي اعلن بدمعه اشواگه..ارحم رقية المشتاگه شكد شايلة بگلبي حچي .......................................................................... مشتاگه اصعد فوگ متونك...وجفي يحرك خصلة شعرك مشتاگه ومن احچي بشوگي..يابوالاكبر شوگي يكسرك صح ماشوفن بس زين ادري..الحادي ابتك جاي يقهرك طفلة و اكابر من اسمع..عينك تصدلي امن ارماح حمره عباتي واندهلك..مرتاحه يا بوية ارتاح فوك العوالي والدي..ويا راحه فوكاهن اله ويا راحه وانه اعللهزل..وفجعولي گلبي بكربله شيبقه بگلب عاش افراگه..ارحم رقية المشتاگه شكد شايلة بگلبي حچي ........................................................... ما شفتك متغير بعدك..بس متأكده انه المتغيره اعثر واوكع واذكر موقف..واليشتاك تخنگه الذكره تذكر من جنت امشي گبالك..وتگلي تشبهين  الزهره بس هسه مختلفه امن امشي..وهسه الشبه يفرق صار صرت اشبه امك من طاحت..من صوباها البسمار وهسه الشبه كلش قرب..وجناتنه حمره بقن احتركت خيم بوية علي..وباب احترك يم ام حسن وهم عمري غايب مشراگه..ارحم رقية المشتاگه شكد شايلة بگلبي حچي ......................................................................... واتلاكينة بخربة وضلمه..وراس وطفلة وعلويات مصدومه وجفي بخصلاتك..شتربهن هاي الشيبات عفت اعتابي وعفت البيه..وطگ گلبي ويم راسك مات يا حگ يكفي اعلمصابه..ويا نوح بي اشفي اغليل عشرين يوم بنص رمحه..ولهسه دم شفته يسيل اسنيني اربعه يمك طفن..ميته اعلراسك بالطشت خذ روحي رد لفاطمه..اتاني بمدينة جدنه بت اتاني عليلتنه املاگه..ارحم رقية المشتاگه شكد شايلة بگلبي حچي

جورة القصر وي الخرابة البيها خلوني جورة القصر لو موت لو من يمه شيّلوني جورة القصر ودوني يم حسين ودوني جتالك يبورقية بخرابه خلنه جيرانه انغص اقصورهم ببچاي بتك يا حسين انه من نوحي اعليك..اسهر كل القصر عاشر يحسين..اعيده بهذا الفجر مشتاگه هواي..ركض لاحضانك افر ____ حل الوكت لازم لقانه نكمله هالليلة حل الوكت لازم طفوله تموت بالعيله حل الوكت هم يله راسك يجي واشكيله من ضهرية الطف ذاك منتظره تجي لحضني امحضرتلك هلا يحسين من احجيها تكتلني بكل دمعة عين..يغالي وركض الفله بكل عثره نوگ..يبوية وكل سنسله شما مرني الضيم..احضر بهاي الهلا ___ يا فاطمة يا جده احاجيج بدمع عيني يا فاطمة حضريني هاي الليلة حضريني يا فاطمة زاد الشبه ما بينج وبيني هم خدي احمر امن الصار وهم من امشي محنية وهم نار المخيم ذاك اثر عايفله بيدية اماه زهراء..علينه الضيم انكتب حضريني اليوم..تره موعدنه اقترب شلون امن حسين..اضم اثار اللهب __ طشت الذهب ومنديل ابيض فوگه جابولي طشت الذهب وكشفولي عن الراس كشفولي طشت الذهب بت لأبوها كامت تلولي دللول بوية يا مذبوح يالفاجع يتيماتك ماكو امجان للشبگات..اشبگ راح شيباتك اهلاً يحسين..هلا بهالجية صحت اهلاً يحسين..گلتها وفوگك متت اهلاً يحسين..هلا بكتالي گلت

لمولاتي رقية مُدللة الخيام روحي فداها سكته الدمع جان..وسط الخرابه وفزت رقية..صرخت يبابا وتصيّح وين حسين وين حسين دلوني وتصيّح للعطشان للعطشان ودوني اخره شوفه اله عطشان شفته بالخيام يلوع ما دام بعيوني الماي جيبو خل اشربه ادموع بناتك يا حسين تنوح بخرابة وصوتهن مسموع بوية اكعد كابلني مشتاكه اهواي اشرب ماي عيوني يالمالك ماي انته الخير وعايش ليش بحرمان بابا بابا بابا عطشان __ بحضن العقيلة..تبجي السبية تحجي بحلمها..لزينب رقية واتفسر عمتها عمتها هالحاله راح يمر راس حسين راس حسين باطفاله خرابة وبيهه راس ينوح تفسير الحلم يقهر خن نفرش عبي بالكاع ونهلي بأبو الاكبر اخر كعده بيهه حسين عكب هالكعده نتطشر ينقص ضعن الساده علوية اليوم فوك الراس وطشته ايطيبلهه النوم بدمعتهه اتبخ شفته وراسه الذبلان بابا بابا بابا عطشان ____ كل اب تسكت..جيتة بناته وحنية حسين..حته بمماته اتعنه الهن ما يمشي ما يمشي بنص طشته وسكتهن بس تفرق بس تفرق هالسكته هاي السكته سكتت موت بعد ما تحجي هالطفله دارت روحها اعللراس مشتاكتلك تكله كلبها ما تشبها اكلوب كلب والشوك الي يكتله ايسكت صدرك ابنك عبد الله هناك وراسك سكت بتك ماتت فوكاك يالمجوّي امصابك حته الرضعان بابا بابا بابا عطشان __ تكتلني يحسين..هاي الرجولة بطشتك تشيع..موت الطفولة بنص طشتك واتشيع واتشيع دمعتها وتوصي عالطفله عالطفلة عمتها ناس الشام مو لحسين ولا هالكاع مالتنه زينب خوية كلشي يصير موتي يم رقيتنه بدلنه الخيم بجروح وحطينه بخرابتنه زينب حضري ابنيتي وخليها تنام الوحدهه هالطفله ما تحمل شام ما تحمل هالغربة وهذا الهجران بابا بابا بابا عطشان _

بوية..عدلة وعشت بجروحي المنية بوية..احجاية غربية صعبه عليه بوية..ومن عدها اصعب جلمة سبيه بوية..جلمة حبيبة تلوك لرقية صوتك كبل يجيني..تكلي رقية وافرح وجي باسمي غربة تحجي..ضل اسمي بيه يجرح بسمانه..صاحونه..ومو صوتكم جا صوتكم وين ذبلانه..عطشانه..صيحلي بسمي واروة يحسين ارد ابجي..ومحرومه..جي عصبولي بالسبي العين ((يا بوية يا بوية..عطشانه واتنطرلي عطشان)) _ بوية..شام النوايب عذبنه دربه بوية..الماي امن اديكم جنه نشربة بوية..عمنا الحنين بأيده يصبه بوية..هسه السكه شو لازمته غربة من جف حرگ خيمنه..ما ترهم السقاية جود الكفاله وينه..خيصب علينه مايه ما اشرب..ما اشرب..اله يحطني بحضنه عباس وما غمض..يا بوية..رغم التعب وجروح الاحساس ما نامن..ما اغفه..لو جوه ايدك لو على الراس _ بوية..احجي ودمعتي بعيني الذبوله بوية..جرحي جبير بنوحي اكوله بوية..بيه البرائة وبيك الرجولة بوية..جابو حبل يذبحلي الطفوله ذبح الطفوله يفرق..والمذبح الخرابة كل البرائة ماتت..من نمنه عالترابه والطفله..التعرفها..كبرانه من الشوگ والويل من تمشي..يروعوها..ومرعوبه تبقه من يجي الليل حاطوها..بخياله..ومو لال هاشم جانت الخيل __ بوية..موعد عطاشى عدنا يسلوه بوية..موعد حنان وتاليته قسوه بوية..اعظم طفوله واعظم ابوّه بوية..موته اعلراسك يحسيني تسوه اخر خرابه النه..واتوسد بحنانك ميت ملك عليهم..بطشت الذهب مكانك ما همّن..بالغربة..ولا مدفنّي يم قصر الاجناب يا اهلا..يا اهلا..بالموته هاي الوي الاحباب واليسئل..عن موتي..يكلوله راس حسين الاسباب ___

غايب گمرنه..واعلن رحيلة..عن الخيم والحب والماي ساقي العطاشه..غابت جفوفه..وما ترهم ابلا جف سگاي زينبك مست عبايتهه التراب خوية اصيح وانته لاحس لا جواب من فرغ جودك فرغ حضن الرباب ومن ابيُح الماء جملني مصاب ترضه..غريب اليسگي الضعون ترضه..اعيالك ما يشربون ____ وبكلشي اذكرك..حته بمشيتي..ويا مكصر الخطوات اوياك بس ممشه هسه..مو ذاكه نفسه..ركضه وهزايل مشيي اعداك ونة التبجي بخرابة تنفضح الصاير بنحرك ولا اضن ينشرح دون روس اخواني ما شالك رمح منفرد حته بعذابك و الذبح راسك..برمح ما ردته يا زين تخجل..ايتساوه براس الحسين __ تتبعني اذكر..تمسح خطوتي..اتخاف اعلثر جدمي ينشاف ((القنديله يضوي..اتطفي جفوفك..وهسه بشمس وبنار انعاف)) راح اليطفي القناديل امن افوت وي كل شوفه الي گلبي يموت الدمعه للعافت اهلها خوية قوت كعده اصلي وادعي ترجع بالقنوت بهيبة..مشيها العدها عباس وهسه..بمشيتي امهبطه الراس ____ مفجوعه واسكت..مهضمومه ابقه..ما يرضه انعاك الجتال ربيتك انه..وجفي اليكمطك..هسه انترس عباس احبال وين الاتدور فرص تنعه عليك وين التصعدها عالناكة بأديك شوگني هزني وشوگك يهز ادري بيك رخصة اطلب من اليذبحك واجيك خوية..بكيف الذابح الفيك امباوگ..يا عباس ابجيك _ المن رجعتي..لارض المدينه..ومنك خلية الكه الدار والكه الهواشم..موگدها طافي..وخيامي مشتعلات بنار الحمدُ لله عالسلامه ياهو گال يا سلامه وراجعه بجفي حبال يابوفاضل حالي هذا ايشبهه حال..؟؟ ابلا هوادج ردن ارباب الدلال غربه..الوطن لو ماكو خوان شنسه..هيه التفجع احنان

أنا لله وأنا اليه راجعون ولا حول ولا قوة الا بالله

قال الإمام الصادق (عليه السلام): ((من قال فينا بيت شعرٍ، بنى الله له بيتاً في الجنّة)) 🚩 الأعلان الافتتاحي لمنتدى "البقيع للشعر الحسيني" بسم اللهِ مفيضِ البيان، وصلى اللهُ على نبيّهِ المبعوثِ بالحقِّ والفرقان، وعلى آلهِ هداةِ الإنسِ والجان. نُعلن اليوم على بركة الله وتوفيقه- عن انطلاق: ✨ (منتدى البقيع للشعر الحسيني) ✨ في ميسان. ليكون صرحًا للكلمة الصادقة، ومنبرًا للأقلام الولائية التي تجعل من القوافي سلاحًا لنصرة الحق، ووفاءً لذكرى أئمة البقيع (عليهم السلام) ونهضة عاشوراء الخالدة. وفقنا الله وإياكم لما يحب ويرضى.

اللهم عجل لوليك الفرج مسلم بسطح الامارة والجواد بسطح دارة اخر سلامين جانن على حسين __ سلام اشفاف عطشانه سلام اگلوب تتكسر سلام البالسطح مرمي وسلام الواگف امأسر سلام اچبود مستعره لچبد من الضمه اتفطر اخير حچاية للشبان سلام الله على العطشان طلعت من گلب ولسان سلام اهل الضمه امنازع امن الجواد وعطش مسلم جرب اعطش من تسلم بالغربة جرحين جانن على حسين ___ سلام المرمي من دارة سلام المن قصر مدمي على المتعلي ميمونه وضل اعللترب مرمي على الفزتله اخت بخيام وصاحت ويلي يبن أمي اصدور وماشفتهه ادموع هيج امواسه ما مسموع سلام لحد كسر الاضلوع بطريقة فاطمة الزهرة اصدور تتلضه بجمرهه وعاشن حسين بكسرهه للزهره كسرين جانن على حسين __ سلام اليزحف لسطحه سلام اليمشي بحباله على المصروع بالهيمه وعيونه على اعياله الحالت خيل عدوانه بينه وبين اطفاله عاشولة نفس مهموم الجواد يطيح ضل ويگوم بحبل مسلم خدر مرسوم دورين الخيم عاشو كل تشابيه الضماية الكوفة وابغداد راية عاشولة حالين جانن على حسين __ سلام المحد امغسله وسلام الما اله زاير العلى الما زارته اعياله ولا دفنوة بالعاشر منو حگ الزيارة انطه مثلهم ما شفت زاير الجواد المات دون اوداع وخبر اولاد مسلم شاع الما مكتول بالطف ضاع ومحد زاره من ولده عالغريب وعالغريبة بكل تفاصيل المصيبه عاشو سؤالين جانن على حسين __ سلام الله على الحضرت لأجلهم فاطمة الزهره سلام الله اعلكل دمعه جرت من عينها الحمرة وسلام الله اعله كل لطمة اعله كل يمه اعلكل حسرة لطم بضلوع مكسورة ام مصاب بحرورة سلام الكلمن بدورة يودينه لجرح عاشر فوگ سطحين المنية راية جانوا للزجية لعاشور بابين جانن على حسين ____

وعد البقيع رسالة قضية البقيع معياري للبغض والحب