لحظــــه صمت♡

والحقيقة الصادمة إن مش كُل اللي حواليك بيتمنّو الخير ليك، ولا كُل اللي قالو إنّهُم بيحبّوك هيبقو فعلًا بيحبّوك، وأغلب اللي عاملين فيها سندك ومُخلصين ليك هما أكتر ناس بتشوّه صورتك وأكتر ناس بتأذيك من تحت لتحت ومن غير ما تاخُد بالك، فحقيقي من نعم ربنا علينا إن اللي جوّا النفوس مخفي ومش بيظهر غير في الوقت المُناسب، لإنّك مُستحيل تتحمّل سقوط أقنعة كُل الناس اللي حواليك مرّة واحدة، ربنا له حكمة في اختيار التوقيت .. الحمد لله.

"كُل الجُروح تأتي من اليَد التي عزّ عليكَ خَدشها.💔

حتي لو الفرصه موجده ، الرغبه انتهت.. ❤️‍🩹

صباح الخير

مساء الخير

ما دامت الأشياء لا تخدش كرامتي ولا تكسر كبريائي فأنا أتمسك أما في اللحظة التي أهان ، فيها، فإني أفلت، إفلاتاً لا إمساك ، بعده ولم يحدث أبداً أن سقط مني شيء، ثم انحنيت، الألتقطه. لطالما كانت كرامتي أكبر من قلبي وهذه من أكثر الصفات التي تُعجبني في نفسي!

"أعتقد أن الإنسان بحاجة إلى شخص يفهمه بدلا من أن يحبه، ما فائدة الحب إن كنت لا تعي مقصدي؟ ما فائدة الحب إن كنت مطالب في التبرير لك عن كل شيء أقوله لأنك لم تفهمه؟ أرواحنا بحاجة إلى أرواح أخرى تشابهها بدلا من أن تحبها."

ما فائدة "أنا بجانبك" بعد التعافي، أو "أنا أحبّـك" وأنت لا تتقبَّل عيوبي، ما فائدة "أسف" بعد أسبوع من الخصام! وما فائدة "فخور بك" وأنت لم تشاركني مُعاناة الوصول، أو "لا تحزن" بعد أن تركتني للحزن يأكلني؟ لا فائدة، لا فائدة تأتي من كلمات باردة في غير وقتها."

أنا مُمكن أندم على معرفة الأشخاص لكن عُمري ما ندمت على جدعنتي معاهُم ولا حتى على حُبّي ليهُم في يوم، أنا كُنت جدع وكويس عشان دا طبعي، وحبيتهُم وعبّرت عن مشاعري عشان دا كان شعوري وقتها، وعامةً دي حاجات أنا فخور بيها وما بندمش عليها خالص حتى لو اللي قُدّامي أثبت لي إنّه ما يستاهلش دا .. يغور هو عادي لكن أنا مش هندم على طيبة قلبي وعلى أصلي وتربيتي.

ليس كل من يبتسم سعيد… فبعض القلوب تخفي خلف الابتسامة تعبًا كبيرًا لا يراه أحد. لا تحكم على الناس من ظاهرهم، فكل إنسان يخوض معركة في داخله لا يعلم عنها أحد. كن لطيفًا في كلامك، رحيمًا في تعاملك، فالكلمة الطيبة قد تُنقذ قلبًا متعبًا دون أن تشعر. أحيانًا… كل ما يحتاجه الإنسان هو شخص يفهمه دون أن يشرح ألمه. 💙

ولا تجعل عظيم خوفي يُنسيني أن الأمر كله بيدك وحدك.. أعلم أن ما قدّرت لي أن أحظى به لو سار الكون كله ضدي فهو لي، وأعلم أنه لن يضرني شيء أردت به سبحانك نفعي. . يارب.

صباح الخير

أنا آسف على اللي هقوله، لكن كتير من الناس اللي في حياتنا أشخاص ثُعبانية؛ مصلحتهم عندهم أهم من أي حاجة، وبسبب جدعنتنا وإننا متاحين طول الوقت، ادّيناهم فرصة يدوسوا علينا أكتر ويتعاملوا معانا بقلة ذوق. للأسف، فهموا خامة قلوبنا، وعرفوا إننا بنصفّى وبنسامح بسهولة، فبقوا يمثلوا الكلمتين ويعيشوا على جو الصعبانيات، وفاكرين إننا أغبيا. بس الحقيقة هما اللي أغبيا؛ لأننا بنصدّق وبنعدّي بمزاجنا، مش عشان مش فاهمين، لكن عشان مستحيل ننزل لمستوى الخبث والأساليب الثُعبانية دي، إحنا اخترنا نبقى أنضف، وأطهر، وأريح ضميرًا، ودي حاجة عمرهم ما هيفهموها.

‏لآخر يوم في عُمري، هفضل مُقتنع إن اللي بيحب حد بجد عمره ما هيهون عليه يسيبه زعلان. ‏مفيش لا عقل ولا منطق يقول إنك تسيب الشخص اللي بتحبه للحزن ياكل فيه، وإنت واقف تتفرج! ‏حُب إيه ده اللي يزرع فيك كل الجبروت والقسوة دي؟ ‏الحُب الحقيقي عمره ما كان قسوة، ولا تجاهل، ولا استقواء. ‏الحُب، من أول حرف لآخر حرف، حنيّة ورحمة.

أحيانًا الواحد بيبقى في عرض كلمة حلوة تهوّن عليه قسوة الدُنيا وسحلة الروتين ومرمطة اليوم، الكلام الحلو بيشحن الروح وبيجدد الطاقة، مُكالمة لمُدة دقيقتين تلاتة مع شخصك المُفضل تسمع فيها دفا صوته كفيلة إنها ترُد فيك الروح، كلمة حلوة من أهلك قادرة تضاعف عزيمتك، شوية ضحك مع صُحابك بيفتحو نفسك على الدُنيا، التفاصيل البسيطة دي حقيقي لها مفعول السحر علينا وبتصنع الفارق في يومنا.

أنا ما بتعوّضش ودي حقيقة مش نرجسية، ومش عيب إن الواحد يبقى عارف قيمة نفسه، ودا مش كلامي لوحدي دا رأي أغلب الناس اللي في حياتي، هما شايفين إنّي شخص حقيقي وكُل حاجة بقدمها بتكون حقيقية وصادقة وخارجة من قلبي، عشان كدا أنا بقول بقلب جامد إنّي ما أتعوّضش لإن أنا العوض.

صباح الخير

"سبحان الذي يغيّر فيك ما لم تتوقَّع، ويحدث فيك ما لم تنتظر، ويطفىء بعينيك انبهاراً ليخلق فيك نضجاً، ويُزكي بقلبك نوراً كاد أن ينطفىء، ويشرح صدرك بعد أن كان ضيقاً، ويصطفيك ويجعلك شاكراً حامداً لنعمه، وقليل من عباده الشكور."

في صاحب كدا لما الحياة بتضيق عليك هو أول حد بتجري عليه، بتحكي له، بتاخُد برأيه، بتثق فيه وفي دماغه أكتر ما بتثق في نفسك، وبتبقى عارف إن هو الوحيد اللي قادر يطبطب على روحك ويهوّن عليك أي حاجة صعبة بتعيشها، وعُمره لا خذلك ولا عُمرك احتاجت له وما لقيتهوش.. الموضوع أعمق من الصداقة لإن الشخص دا بيبقى زي الـComfort zone اللي ما تقدرش تستغنى عنها.

إيه المُبرر اللي يخليك تقسى وتدوس على شخص بيحبّك، تتجاهله، تزعله، تكسر بخاطره، تعكنن عليه طول الوقت، دا إحنا في زمن الواحد ما بيصدّق يلاقي شخص صادق معاه وبيحبّه عشان يمسك فيه بإيديه وسنانه، إنتو بقى عمالين تدوسو وتكسرو وتحرقو قلوب أكتر ناس بتحبّكو وأكتر ناس وقفت معاكو وأخلصو ليكو.. حقيقي أنا ما شوفتش في حياتي غباء كدا!