مُهَيِـمَن

تذكر يوم الك وديت موال يانبعة الروح ياطيب يصاحب قدر يامن تعادل الف يالعندي ليلة قدر ياهو الوصل رتبتك بالفخر ياهو يگدر يركي على هام العلى وعلى العواذل تره ردتك للمتيم بعين المودة تره كثرة الاصحاب لتغرك حبيبي تره كل الف عصفور منهم ميترس گدر

منْ غيرُكْ سمَعْتهِ الْمِنْكَ أَتَّمَنَّاه وَذْقتْ حَرْورَة الْمِشتَاقُ لَوْ سيِّرْ وَعِرْفَت الْيِحِب وَٱلْمَا يحِبَّ يَا لَوْنْ وَعرفت اليشتَهِيني بِكلَّ ظَرْف يَحْضر لِيَش أَطْلَبْ تمَرْ وَأَنِيَ أَمْلكِ الْبُسْتَانَ وَأَضَلّ بمُنَّةِ الْفَلاحُ وتَعَيّرْ

كون التحبهم مثلك حنان يا گلبي ماظليت تعبان يوميه طگه وجاي ندمان لمتى الربح جا دوم خسران بلكت يردهم شوگ لو زاد لكن مشو من غير رداد صار الغروب و صارو بعاد عافوني مدولب بالوهاد يا گلبي طيبك مايفيدك و لا تهوى واحد مايريدك انت التصيد وتنطي صيدك تشبعهم و معضوض بيدك حتى اليموت يسير ب طيف ليش الگطع وياي يا حيف شحت صوركم والسواليف يمر ذجركم بالضلع سيف

اشوفك وين ؟ عين بلا سبب تبجي وعين بلا سبب تغمد اجيت ضلوعي حزنانه محتاجه الجزر والمد النهر گلي بخار وللغيوم اصعد وتعقلهه انا طير جناحه خانن بي نزل على الاشجار ونزل بالموكد بقفص وانكسرن جناحي كد ما عالقفص دگيت ما احب دور التقيد وشبي شيب العمر مستعجل بجيته ما واصل صباي وبالشعر مدد وكالولي الفراگ يغير الانسان بس لمن رحت غيرت حته الناس جا مبتعد عني شكد؟

وتجيني ياضوه عيوني واغنيلك صدگ وترد يالگلبي جنچ عصفور من فرگاك يرف يگول اريد الگاك واترجاك يالغالي وعليك الروح مره وتجرع الحنظل غريبة وتلهم الزرنيخ مشچوله شچل بالصيخ صدگ وترد ؟

كلمن باصله يعمل لازم يعلموه اهله اعلى الوفه وبالصبر يتحلى و يگلوله الجفوف تطيح الفنجان و من جف الجمر ماتوگع الدله التگوده من اديه لتگله انا مدليك خاف يمن عليك يگوم يتبله اليگلك جنت لتسمعه لمن جان مو من الفعل من الحجي تمله سيفه الـ بالحرب عصة متاع يصير زحمه بين اخوته و بالشقه ايسله الحر حر الطبع لتغرك الأشكال ميذل العبد لو مارضع ذله لدور نزاهه بروح مثل ابليس اتگلبه شما تگلبه بكل طرف خله تره الطيب گلب لو روحه دوله و جيش والله بكلمه طيبه بلحظه تحتله

عيد اضحى مبارك عليكم حبايبي كل عام وانتم بخير وصحة وسلامة ينعاد عليكم وعلى اهلكم واحبابكم بالخير والرزق وراحة البال