الشاعر والرادود ناجي ابو كيان الصالحي

#قصائد_الامام_العباس_ع حي الله عـباس رفت رايته من باب الخيام زينب حيته ــــــــــــــــــــــــــــ حـــي الله المبچي الزلم سبع الميادين لو صال بالحــومه الكمر يگلبها صوبين عباس هيبة حـــيدره ومرجــــف الگوم خل العساكر ترتعش عباس اخو حسين سيف الغضب بيده يوم الوغه عيــده راعـي اللوه الهيبه جيش العده ايبيده تتراجف الگوم تكتل خزرته من باب الخيام زينب حيته ــــــــــــــــــــــــــــــــــ عباس سبع الگنطره ومايعرف الخوف مارجف گلبه ومارجع طشرها الصفوف يم عـــــون يختي ادللي وانتي تأمرين افديلــج اعيوني وبعد افديلچ اجفوف افني الــعده بأيدي انه الحـرب عـيدي استنـــــگي بالقاده واتونس ابــصيدي عـٕـباس عباس هيبه طـلعته من باب الخيام زينب حيته ـــــــــــــــــــــــــــــــــــ عبــاس خـــيال الشگر ومـركض الـخيل سواه الجثث بالمشرعه وامطرها سجيل من حيدره وراث عزم حــي الله عـباس دگ ثايه يم الگــــنطره فنه العدو ايعيل بوق الحــرب ناده حي الله اخو الساده عبــاس ابو الشاره ياويلـــــــــه التماده صگــر الميادين تكتل شارته من باب الخيام زينب حيته ـــــــــــــــــــــــــــــــ يتونس ابحــز الرگب بالحـــومه صنـديد امــه ابدويه ونــــــــعم نــــسل الاجاويد عباس جيــش لوحـده ومبچي الجـيوش تحله القياده بـــس اله ويستنگي بالصيد نازل غضــــب بيهم وبـــــسيفه يفنيهم لوطب على الحومه بيميـــــنه يطويهم نازل على الگوم بيده جـربته من باب الخيام زينب حيــته ـــــــــــــــــــــــــــــ يضوي الهنادس لو نــزل وبوصفه نحتار عباس جن حـيدر علــــــــي وبچفه بتـار عباس مــــن شد صــــارمه خلاها طشار من يزعل يدخن غضـــب ما يعرف إكبار صگر وگنص صيــده ذل النـــــهر بيده عم سكنه مـا يتگابل نار وغـضب بيده ما يعرف الخوف محله هيبته من باب الخيام زينــــب حيته ـــــــــــــــــــــــــــ الخادم المقصر ناجي ابو كيان الصالحي ونسألكم الدعاء لي ولوالدي 2025

يكتل هجركم يكتل هجركم ــــــــــــ فدگ يدگ بالكلب يلهب دليلي ابلهب اوكفلك بكل ادرب يابو العليله هجرك يضل جن جمر كل ساعه بويه انهطر ما يسوه لا هل عمر يابو العليله اه يهجرك بويه اخبرك ما يسوه عمري بدونك يا ربيعي هم تردلي وانظر يبويه اعيونك يا ضعنكم من مشيتو حيلي بويه هدمته كلشي جان ابالي يمكن هل هجر ماحسبته يكتل هجركم يكتل هجركم ــــــــــــــــــ دمع وعتب يا جرح شح الهوه من الصبح ملگه بعد ما يصح يالفارگتني يالماخذ بروحتك حيل ونظر طفلتك هم ترجع امروتك للون عفتني هذا حالي كل سؤالي بعدك يبويه بغربه يا دليلي وحشه ليلي والحسبه كلفه الحسبه يا نظرهن من عفتهن وحشه تدري الليالي ابقه بعدك ماكو راحه هـم اشوفك سؤالي يكتل هجركم يكتل هجركم ــــــــــــــــ مات الضوه والهوه يالرايح النينوى دلالي لا ما روى منك يغالي هاك استمع يا هلي غيرك منو يضل الي شح الهوه يا علي وحشه الليالي ها يدمعي يجوي خدي عذبني دمع الفرگه يا ضواهن بويه راحن هم انتظر للملگه يا هواي الشح عليه وگلبي بويه اشيصبره تدري بيها الفركه صعبه وتجوي بضلوعي جمره يكتل هجركم يكتل هجركم ــــــــــــــــ دمع وهجر وانتظر منك ولو بس خبر بويه بعد هم تمر وتشوف دمعي حار الدمع لو نزل سار الضعن والهزل راحو هلي والأهل احنولي ضلعي يا غربتي من مشيتو حالي يودع حالي حيره بعدك والعليله تدري بوجعها التالي يا وداعك بويه مــــــارد كــل جزء بيه بيه كلبي گلي يالعليله ايســــي ماكو جــــــــيه يكتل هجركم يكتل هجركم ـــــــ ل ناجي أبو كيان الصالحي ونسألكم الدعاء لي ولوالدي

#قصائد_محرم مولاتي خولة بنت الإمام الحُــسين ع         يا سلام الله اعله خوله بنت الحسين ___ عند ابو الســــجاد طفــــــــله  وي رقيــــه باليسر اتكول ليش الملا يــقــــره لخوله ميــجيب الذكر انه وي اختــــي رقــــــــيه اثنيــنه بيــــنه اثــــــر حافيه وامشـــــي سبــيه طرت اجدامي الجــــمر           يا سلام اعله خوله بنت الحسين ___ انه وي عمتــــــــي السبيــه شــــــفت انواع الالم لذت بعــــباة العقيــــــلــــه لٱن ما واحــــــد سلم خــــــــوله  انه الي ذكــرني حاجته تكضي قسم غيــبة حــسين اهضمــتني وراح من عندي الحلم        يا سلام الله اعله خوله بنت الحسين ___ بالخرابه  شفت منــظر شيب اعــــــروك الــــعمر من اجه لعمتــي  العقيله وطكهه بالصوط الشمر انه خــوله اخــــت الاكبر عمــــي عبــــاس الكمر موش تنسوني  يشيــــعه وانه احضــر بالحشــر         يا سلام الله اعله خوله بنت الحسين ___ انه خــوله المــــا  عرفــني يذكــر ايــــام السبــي يرسم اباله محــــــرم  من هجــــم بيــــــت النبي يذكــــر الخــــيطن عبــيهن من سبــاهن اجبــــني انه وياهن سبــــوني وصــار ابيــــــض حاجبــــي        يا سلام الله اعله خوله بنت الحسين ___ انه اخــت ذيــــج الزغيــره الشــرمو  منهه الاذن السلبو منهــه التراجــــي وزوركو حــــتى المــتن انه اخت سكــــنه الوعدهه عمها ذاك المــــنطعن بعده نايم عالشريعــه اجفــــوفه من عنده اوكعن         يا سلام الله اعله خوله بنت الحسين ___ تمت بحمد الله وتوفيقه ناجي ابو كيان الصالحي "

#قصائد الهلال وزينب عليها السلام " هله محرم والحزن بعيـــــوني زينب انه أبيا دمـــــع ترثـوني -------- رجعت احزان الطفوف وضيم وكتي رجعت ايام الدمع معـــــروفه قصتي ما سكت دمـــعي ابـد ما هدت ونتي وين جنـتي ها يروحي ووين صرتي هل شهر لأرض الغرب يسبوني زينب انه أبيا دمــــــع ترثـوني ـــــــــــــ يا دمع تبجـــــــولي وأنـه الغـــريبه يا مصيبة زينب اشعــظم المصـيبه صاحت بصوت الكفيل منين اجيبه هذا حال أم عون والدمعه سـجيبه ها يشيعه بالدمـع واســـــوني زينب انه أبيا دمــــع ترثــوني ـــــــــــــ رجعت آهات السبي وصوت الثگاله زينب اخلاف الاهل حـــــالتها حاله ضل ابو فاضل صريع وياهو شـاله وابو الأكبر طايح ومـن لم وصاله؟ جرح اخوتي اخذ حيلي ولوني زينب انه أبيا دمـــــــع ترثوني ـــــــــــــ حيل زينب منهدم بفراگ الإخـــوان يا اهلال افراگهم تاركــــله نيشــــان تركب الناگه الهزيله بعـــد الحـــــنان يا شهر زينب غــريبه اتريد عـــــوان اصياطهم خلت اثر بمـــــتوني زينب انه أبيا دمـــــــع ترثوني ــــــــــــــــ جرح گلبي ينلجم يا شـيعه تدرون وعله اخواني الحملو ماضلت اعيون زينب الجانت اميـره تنسبي اشلون اكضي ليلي بالمناحه مورمه المتون الشمر حداي وحـــده بضعوني زينب انه أبيا دمـــــــع ترثوني ــــــــــــ ل ناجي ابو كيان الصالحي محرم 2026 نسالكم الدعاء لي ولوالدي

#قصائد_فاطمه_العليله_ع شال الضعن من شال رجليه ماتن ــــــــــــ كل ذكره وسط الدار تلجـمني بويه واحزاني والاهات يم راسُــي دويه يلجمني طاري النوگ والحسره تكبر من عمي راح وراح عبـد الله أخويه والأكبر اشلون يجرحنـي فرگاه ليل الهجر نار يجــــــويني بألاه رجعه بعد هيهات كل رجعه ماضن شال الضعن من شال رجلـــــــيه ماتن ـــــــــــ شيصبر المشـتاگ وأحـــبابه راحـو ماگالو محمليـــــــن وبسرعه شالو ضلـــت تون بالدار ويلـــــي العليله ما تدري بالوليان بالحــومه طاحو بتكم عــــــليله ها يالمضعنين ما احمل اوداع يالعني ماشين راحن خواتي اشلون يابويه راحن شال الضعن من شال رجليه ماتن ــــــــــــــــــــ روحي تحن كل ســاع للفارگوني حمل ضعـــنهم ليش وأنه نسوني جـــــانو انس للروح شالو للعراق صوب الضعن ضليت تربي عيوني سار الضعن سار بس انه ضليت يا بويه يحسين ماينطب البيت گلبـــي اذا يشتاگ شيصبره لو حــن شال الضعن من شال رجليه ماتن ـــــــــــــــ جرح البعـــد جتـال والفرگه تكتل ورده اضــل بجفاك يابويـه واذبل گوطر ضعنكم ليـش وانه وحيده فرني الوكت بويه فــرت المــغزل وبحالي شيصير يالمبعد اشلون تعبني الأفراگ ما ضـلت اعيون كل ذكرياتي اوياك يحسيني شالن شال الضعن من شال رجليه ماتن ــــــــــــــــ فوگ المرض ضليت انطر خبركم وبگلبي بس النوح واشبگ صوركم حتى الهوه جذاب مـن حرك الباب حسبالي جاب اخبار من هب عطركم ادري السفر هاذ ما منـه رجعه تبقى العليله سلوتها دمـــــــعه بويـــه الليالي إسهام وبگلبي فاتن شال الضعن من شال رجليه ماتن ــــــــــ ل ناجي ابو كيان الصالحي نسألكم الدعاء لي ولوالدي

#قصائد_الخدمه_والخدام يالخدمتك ذخرنه بيها بيها افتخرنه ـــــــــ احلى ما بالدنيا هاي يا شمس دنيانه لخدمتك يابو الرضيع ربنه الك خلانه نفتخر من حگنه هيج خدم عد مولانه والعمر منذور دوم والخدم ربحانه نعم حتما ربــحنه بيها بيها افتخرنه ــــــــــــ يا عشگنه البيه نهيم واحلى شي بيه نفتخر باجر بيوم الحساب فايز الدگ الصدر يا هوه المنه نعيش فدوه الك كل العمر يا حبيب ويا طبيب عاجز يوصفك شعر بالقضيه انتصـرنه بيها بيها افتخرنه ـــــــــــــــ يضل صوت بكل زمان يا لثارات الحسين بينه ابن ظاهر حبيب والزهير ابن اللقين هذا خطنه وما نزول تشهد اعلينه السنين الما تچويه الخيام ما عرف معنى الونين ويه المجالس كبرنه بيها بيــــها افتخرنه ـــــــــــــــــ يا امـــــان ويا مــلاذ رفعــــه تنطي للـخدم خدمتك أعظم شـرف خادمك محلى الاسم اشما تمر بينه السـنين بسمـــــك يرف العلم الجنتك يا بو الرضيع جينه احنا مــن العدم جنتك بيها ابتشرنه بيها بيـــها افتخرنه ـــــــــــــــــ يا شمسنه المـا تغـــيب يا ضوه يضوي الحياة من المهد يبن البتول خدم والحد الممات يا نجاة الخدمه خير وغيرها ماكو نجاة مثلك انحصل محال وين نلگه هل صفات يا هوانه وعــطرنه بيها بيها افـتخرنه ــــــــــــــ ل ناجي أبو كيان الصالحي ونسألكم الدعاء لي ولوالدي

اخذ دور الذليل وروح يم حسين وگله امروتك مولاي تقبلني كلشي انحسب يمك راضي مولاي انت بيدك تنزلني ترفعني' محرم الحرام ويبقى الحـسين ع 1448هـ 2026م #محرم_1448هـ

#قصائد_الامام_العباس_ع شد على الحومه ابو فاضل شد على الحومه سابگه اعلومه ابو فاضــــل سابگه اعلومه ـــــــــــ شد على الحومه ابو فاضل والزلم تردم زلم حي خيال الحــــــكيله يرفرف بجفه العلم ما تهمه اجيوش اميًـــــه ما يهم لا ما يهم علي بظهره من نزلها وعلي يا محل الاسم علي وجن يومه ابو فاضل علي وجن يومه سابگه اعلومه ابو فاضــــل سابگه اعلومه ـــــــــــــــــــ هله بعزمه الماتضعضع من يسل سيفه رعد زينب اتهلهل سمعها حـــي ابو فاضل مدد الجيش كله ما يكفــي صاح اريد اكثر بعد انه سبع الگنطره انه والوعــــد حان الوعد شهم من يومه ابو فاضل شهم مــن يومه سابگه اعلومه ابو فاضــــل سابگه اعلومه ــــــــــــــ نزل والحومه خسفها ادخيله من شد صارمه حمره صارت من جثثهم بيها سوه الملحمه علي وخبير جنها ردت والسمه مطرت دمه ترجف العدوان منه مدري صــــــابها العمه طرق ملزومه بدينه الطـــــــــــرق ملزومه سابگه اعلومه ابو فاضــــل سابگه اعلومه ــــــــــــــــــ اخو العــلويه وتحــــزم يرهب ويرعد غضب سيــف ذو الفقــار بيده وابد ما يــعرف تعب من جثثهم ابو فاضـل سوه بالحومه حــطب حاد سيفه وما تراجـع يحصد بجفه الرگــب تبرق انجومه اخو زينب تبــــــرق انجومه سابگه اعلومه ابو فاضــــل سابگه اعلومه ـــــــــــــــــ خيــــل تردم خيل ضلت والزلم ترجف بقت وزينب بطرف المخـــــــيم لبو فاضل هلهت رايتـــه ويـه الهوه العالي بزود بيده رفرفت الحومه جن فنجان بيده يفرض بكيفه البخت گضه الملزومه ابـــو فاضل گضه الملزومه سابگه اعلومه ابو فاضــــل سابگه اعلومه ــــــــــ ل ناجي ابو كيان الصالحي ونسألكم الدعاء لي ولوالدي

#قصائد_ام_البنين_ع" اسأل عله حسـين شخباره شخباره ظلمــه الفوانيس من فارگ اديـاره ــــــــــــ ما تــنتهي آهاتي لحسين كل وناتي مو مهم عندي الاربعه بس هوه غالي لمن مشه وعافاني ضليت اناطـر اني ضليت ادور عن خبــر ما يدري حالي ام وعزيز حسيــن كلش عندي اسال عله أخباره بدمع متبدي ما تكفي دمعات ما تنطــفي ناره ظلمه الفوانيس من فارگ اديـاره ـــــــــــــــ ها يا عزيز اعيوني هجرك يغيــر لوني يا يمه دمعي ما سكت وبخدي جمره ها يالحنيت اضلوعي اولادي مو موضوعي يالعطرك ابروحي يضل واشتمه حضره يالصورتك ما فارگتني ابلحضه غالي الحسين وبعد شنهي ايعوضه ام اربــــــع اولاد وبدمعي محتاره ظلمه الفوانيس من فارگ اديـاره ــــــــــــــــــ ها يالوداعك يكسر جمره بدليلي امخضر يا يمه هجرك جــن سهم طب بدليلي يالناعي گلبي حاير گلي بعزيزي اشصاير اغله مــــن الأولاد الحسين وبدر ليلي ابني لحسين شلون وضعه وحاله سحگت علــــــيه الخيل والخياله غاب النجم غاب من شحت انواره ظلمه الفوانيس من فارگ اديـاره ــــــــــــــــ يالناعـي ارحم گلبي عينـي لضعنهم تربي ما ادري شو گلبي يـــكلي خطر صاير عن الحسين وزينب خبرني هذا المطلب بس لا عزيز اعيوني صاير جوه حافر ما انشدك عن الولد عنه انشد يالناعي غالي وفركته اتهد اتهد مذبــوح عينـــــاي بسيوف بـــــتــاره ظلمه الفوانيـــس من فارگ اديـاره ـــــــــــــــ تالي بوداعه اتجازه عازة عــزيزي عـازه غالي اعله ولدي واغله مني حسين ابني ام البنيــن ابدمعــي يرجعلي سالم ادعي عالباب اتانيله خــــــــبر والشيب أخذني ضليـــــت أتاني والدرب لازمته ولو بيدي جان اوداع ما ودعته كل ليله اتانيـــــه وادموعي تـجاره ظلمه الفوانيــس من فارگ اديـاره ـــــــــــــــــ ل ناجي أبو كيان الصالحي ونسألكم الدعاء لي ولوالدي

#قصائد_علي_الاكبر_ع شد الأكبر على الگوم شد الأكبر ياهــــو يگدر يلاگيه ياهو يگدر ــــــــــــــ حي سركال الحرب سوه بالحومه العجب ياهو يم حده گرب يشبه المختار ضيــع اعلـــيها الهوه حمره صـــارت نينوه واختنگ حتى الهوه واضح الايثار جفه يسطر بالرگاب جفه يسطر ياهو يگدر يلاگيــــه ياهو يگدر ـــــــــــــــ يشبه الطـه النبي هاشمي وهم طالبي سابي عدوانه سبي هاشمي ومهيوب ابن الحسين وبرز سيفه بالعسكر يحز ما تراجع ما ينز من علي محسوب سوه معبر بالخيول سوه معبر ياهو يگدر يلاگيــــه ياهو يكدر ـــــــــــــــــــ بكر ابن غانم رجف من نزل ليث الشرف ياهو يبرز من هتف رجف العدوان ها يحومه اتزلزلي انه ابن حيدر علي يا لثارات الولي يشهد الميدان علي قسور يكرار علي قسور ياهو يگدر يلاگيــــه ياهو يگدر ـــــــــــــــــــ هاشــمي وما ينهزم من علي هذا الاسم علي ومخوف الزلم ما يهاب الموت امه تدعي من الخيم علي وبجفه العلم ياهو من سيفه سلم يرهب من ايفوت بيده محشر على الگوم بيده محشر ياهو يگدر يلاگيــــه ياهـــــو يگدر ـــــــــــــــــ حملت الوالي حمـل علي يحلاله الزعــل ما يخاف وما يمل جن گمر عدنان يهوه طاريها الحرب تجدح اعيونه غضب تيــه اعليها الـدرب واضح العنوان يدعس الشر ولايهاب يدعس الشر ياهو يگدر يلاگيـــــــًه ياهو يگـدر ــــــــــــ ل ناجي أبو كيان الصالحي ونسألكم الدعاء لي ولوالدي

قصائد السيده زينب عليها السلام " زينب من عله الناگه تودع اخوتها بالحسره وبحسرة وداع ونوح صاحت يمه يالزهره تعالي يم حسن شوفي مشيت امگيده اجفوفي تودع اخوتها بالحسره ــــــــــــــــــ دنيا وزينب العدوان كامت تحــدي بالخدر بعد ذاك الدلال الجان راحت والجدم يعثر لا بيها ترجع المات ولا بيها تضـــــــل تگدر خيم واحترگت الصوبين وانت اتخيل المنظر تهل ادموع وتكابر عن اجروحها الكثره عافت كل اخو اعله الگاع وتناثر ورد عطره دمعه اتسولف الدمعه بعد هيهات للرجعه تودع اخوتها بالحسره ــــــــــــــــــــــ زينب موش مال اوداع كافي اهواي تعبانه تعبها الركض يا ناس جبيره وحيل عطشانه شيب راسها من الضيم فوگ الناگه حيرانه تلم بوصال اخوها حسين حزنها انكتب عنوانه عافت على التراب اعزاز مشت والحادي ما يرحم تلم بأيتامها وتشوف حرگو حتى المخيم تبجي بخفيه من تبجي تضم ادموعها وتحجي تودع اخوتها بالحسره ــــــــــــــــــ مشت بس من مشت لكن مجبوره تودعهم وين البيه محنــه يروح زينبيهم تناشدهم مشت بس الحزن تفصال افزعولي تگللهم اخيتهم مشت للشام وسفه النومه تأخذهم اخاف اعتابي ياذيكم لجن بالخوه اعاتبكم على الهزل اروح اشلون بس بهاي اطالبكم ولو بس الجثث ضلت وعليكم خيلهم صلت تودع اخوتها بالحسره ـــــــــــــــــــــ تخيل زينب من الضيم نحيله وحيل ما بيها مو زينب گــــبل لا وين راحت كل معانيها عين اتصد على العباس والأخرى صوب وإليها بعد حسين ماضل راي جمر والحسره تجويها بعدهم تجري بالدمعات وين ادير ناظرها عمت عيني وحيده وليل محد جبر خاطرها تناشد والدمع يجري هلي يا هيبتي وخدري تودع اخوتها بالحسره ــــــــــــــــ هزيله الناگه والعدوان ما تعرف مره وغربه ما بيهم عـرف والشام ابد ما ينمشي دربه زينب بت دلال وجاه تروح ميـسره صعبه كل خـطوه جدم بالشام درس للعالم اتكتبه رغم كل الجره صارت مثال الصبر والعفه النهر من شافها مجبور كتب يا زينب بضفه اميره بت علي ولبوه تاريــــخ وفخر يسوه تودع اخوتها بالحسره ـــــــــــــــــ ل ناجي ابو كيان الصالحي ونسألكم الدعاء لي ولوالدي

قصائد الأنصار عليهم السلام " حي الله أنصار حسين حي الله ـــــــــــ اتحزم حبيب وصاح يله انشدها هاي إلزلم والساعه حل موعدها لو هــــدت الأنصار ياهــو يردهـا ابن مظـــــاهر شيـخها وقائــدها حي الله أنصارحسين شدو الحمله صوبين گالو نوفي هل دين احنا انصاره حي الله أنصار حسين حي الله ــــــــــــ گلبو الحومه انصاره يا محلاهم جن حـــــــيدر الكرار هد اوياهم مـــن العزم ناداهم وحـــــياهم هوس حبيب وبيده شال الاواهم ما تنهزم هل ابطال كول وفعل نعم ارجال اجيال من بعد اجيال تاريخ يشهد حي الله أنصار حسين حي الله ـــــــــــــــــ زلـم الوغـه المـا تنــهزم رايتهم من طــبــو الحومه هلا حيتهم من الگمر همتهم وغـــــــيرتهم لمة وفــــــه يــــم الولي لمتهم گالولــه تامــر مـــولاي ما نخلف اويــاك الراي تفداك هــاي ووي هاي ننطي رگبنه حي الله أنصار حسين حي الله ــــــــــــــــــــــ سمعا وطاعه يا عـزيز الزهره ارجالك بظهرك نشيل الخضره واحدنه يفداك بعيـــاله وعمره نشري المنايه والزلم متحضره هــاي الزلم للكـــــلفات من الذله صحنه هيهات عالحگ فلا نرضه نبات هيهات نخضع حي الله أنصار حسين حي الله ـــــــــــــــــــــ غيرة گمر شالوها أهل الغيره يحسين امن ما تضل بحـيره يا شيخ وازلامك درع للديره لوحة وفه مكتوبه هاي السيره وكت الحرب ينتـصرون قطعا فــــــــلا ينهزمون حي الله أنصار ام عـون يا محله اسمهم حي الله أنصار حسين حي الله ــــــــــــــــــــــ ل ناجي ابو كيان الصالحي ونسألكم الدعاء لي ولوالدي

قصائد مسلم ابن عقيل عليه السلام " مسلم المهيوب مسلم المهيوب ــــــــــــــــــ هله يمخوف الزلم هله منـــك والنعم يبو طاهر يا شهم يا هوى العباس هله يمرجف العدو كفو مــنك اي كفو منو مثلك لا منو ؟ بالوفه مقياس شد عليها والكتايب كلها ولت بالزحــــف ضاكت الكوفه عليهم ارعد وحل الخسف انه مسلم والعقيده زوده واضح من هتف مثل ابن عمي شجاع وگلبه ابدا ما رجف مسلم المهيوب مسلم المهيوب ــــــــــــــــ نزل ابسيف الگمر مسلم ابراية نصر مني جا وين المفر زودي زود احيود طوعه صاحت يا هله يا هله بهل مرجله عالي والحق هم عله مسلم المـوعود يبو طوعه هذا يومك اضرب وشرد الزلم من كمر هاشم شمرتك خل يرف هسه العلم مسلم اربات النشامه فدوه اروح لهل اسم وانت وحدك همه كـــــثره رجفتهم والنعم مسلم المهيوب مسلم المهيوب ـــــــــــــــــــ ضربتك ضربت علي صوتك انته يعتلـي يالثـارات الــــــولي كفو يالمقوار امشي بيها ابراحتك خل ترفرف رايتك مسلم ويا غيــرتك هذا يوم الثار سيفك الحاد برگبهم خــل يسولف بالذبح صلي واتوكل على الله لا يطر بيهـم صبح يابو طاهر حز ركبهم ماكو عطوه ولا صلح ادب الكوفه واهلها ذوله مــــو مالت نصح مسلم المهيوب مسلم المهيوب ــــــــــــــ هيبتك هيبة شمس والحرب عندك عرس منك يخاف الحرس يا شهم يا حيد يا صـــگر يالما تـرد سيدي حان الوعــد انت دومك مـستعد بالاعــادي اتصيد زلزل الكوفه وتقدم بجــــــي عدوانك و دمه هل شجاعه حيدريه من علي حامي الحمه ماجت الكوفه بأهلها وانخطف لون السمه مسلم بسـيفه هزمهم شردو وطگهم ضمه مسلم المهيوب مسلم المهيوب ـــــــــــــــــــــ مسلـم بعزمه نـزل مشه عدوانه عـدل بين بعينــــه الزعل ما يهاب اعداه ثورته ثورة نـــصر سجل الها اروع صور مــنو ولمسلم گدر يا عــــزم يمنـاه هاشمي بسيفه تقـــــدم والزلم كامت تون من علي عزمه ابو طاهر ما رجف عنده جفن حي ضـــربات الهواشم علي يا حيدر بدن صاقعه ونزلت عليهم والمـــــواقف هوسن مسلم المهيوب مسلم المهيوب ـــــــــــــــــ ل ناجي أبو كيان الصالحي ونسألكم الدعاء لي ولوالدي

#قصائد عبد الله الرضيع ع عبدالله حاجيني يا زهـرة اسنيني شيضلي بفراگك المن تخــــــليني ـــــــــ يا گلب بعدك يدگ عايف امك للوجع ليش نحرك ينذبح گطع كلبي وانگطع يا ترافه ويا نـــده يبني خلصني الدمع يمه يا في العمر وجهك بوجهي انطبع احيرن واكابر واحاول اضمهن دمعتي وحسرتي وداعك فضحهن واليصبحن بيك رحيلك مردهن عبدالله يعيوني هجرك ذبح لوني ـــــــــــــــ ها يشمام الگلب عايف امك يا عبد فرگتك مثل السهم مردت بگلبي مرد ليش يبني تنذبح؟ عمرك بعمر الورد كون يا يمه حلم يمي اشوفك وانسعد يقمه من الاحساس زغيــــر وبرائه طفل عندي يا ناس كتلني وداعه خذه عمري من راح وهوه توه ساعه عبدالله يعيوني هجرك ذبح لوني هجرك ذبح لوني ـــــــــــــــــــــ يا جرح يمه اشد والفگد ما ينحمل ذبلن اسنين العمر والورد يمه ذبل ليلي شيخلصه بعد والضوه يبني انكتل يا امل امك صدك يبني ضيعت الامل يبعد اليشوفن يسر عمري يبني يموتني الفراگ وداعك هضمني انه امك يــعيناي ولا انه چـــــني عبد الله يعيوني هجرك ذبح لوني هجرك ذبح لوني ـــــــــــــــــ مثل شمعه احترگ والگلب يبني انخمش يا فراشه ابغيبتك روحي شالوها ابنعش اسنين عمرك ما وصل ذبل اشفاك العطش حار المثلث واجه گطع من عندي هرش رماني زماني بعد ابني حيره شلي بيها روحي محنتي چبيره الي زهره مذبوح ولا عندي غيره عبد الله يعيوني هجرك ذبح لوني هجرك ذبح لوني ــــــــــــــــــــــ راسمه اصورك رسم والسهم غفله اجه الصدى ردلي اسمعت گال عبد الله مشه شاف نحرك بيه ضوه اجه يم ضله انتجه اسمع امناغه لجن بيه ونه من حجه عمت عيني الاسهام تصوب حمامه رحت واظلم الكون على الدنيا السلامه الك يبني اشتاگ ولا ليلي انامه عبد الله يعيوني هجرك ذبح لوني هجرك ذبح لوني ــــــــــــــــــــ ل ناجي ابو كيان الصالحي ونسألكم الدعاء لي ولوالدي

#قصائد الامام القاسم عليه السلام يبنـــــي يجسام مذبوحه الاحلام ــــــــــــــ جسام يا في العمــــــر يا زهرتي الگطعوها عريس يبنًـــــي تنذبح والوالــده يفجعوها يعيون امـــــك يالولد واعـــــيونها يعموها وردة شبـــــابك تنگطع والواجـب يداروها يا ضـــــي الايام مذبوحه الاحلام ــــــــــــــــ عريس وبدم النحـــــر واحلامك المذبوحه ناغزني گلبي من امس هل روحه اخر روحه يالطالع بثوب العـــرس شيصبر المجروحه واحزاني بعدك يالولد سوتني جن مرجوحه حاطتني الآلام مذبوحه الاحلام ــــــــــــــــــ متبدي يا يمه العمر والحــنه من دم نحرك يالطالع بثوب الحسن بالحومه شعشع بدرك يا ورده ليش اتناثرت يالما شفت من عمرك جسام امك تنتظر بالخيــــمه جاي اتنطرك ها يا بدر تــــــام مذبوحه الاحلام ــــــــــــــــــــــ متخضب بدم النحر فجعوني يبني بفگدك يالماشفت زفه وعرس جســــام يمه بعدك اترف ييمه من النده اشلون التراب ابخدك رد لمك وشوف الوجع كل الوجع من عندك يالشارب إسهــام مذبوحه الاحلام ــــــــــــــــــــــ انه امك وگلبي امتحن يا حيرتي الما منها كل ونه بعدك يالولد نار بصــــــدرها اتونها جسام يا شم الهوه حاجي امــــك وطمنها لو ماكو رجعه للخيم رايد تــــــــسافر عنها يا عيـن التنــــام مذبوحه الاحلام ــــــــــــــــــ ل ناجي أبو كيان الصالحي ونسألكم الدعاء لي ولوالدي

كبرنه اعله القصـــايد واللطم والون" وعلى ذيج الايام الحلوه گمنه انحن قصايد باسم الجـــــانت دوه للروح حتـــــــــــى بالحزن والدمعـه نتفنن جانــت فطره عدنه وماكو اترندات ومن نســــمع قصيده بجوها نتمعن ل ناجي ابو كيان الصالحي

عن قريب باذن الله راح ينزل برنامج محرم الحرام نسألكم الدعاء "

امس بالطف وكف ويخاطب حسين مو قلة عـــــدد بس راد يهــــــديهم الا من ناصرا حجه اعله صدر الليل لان يدري جشعهم جان عامـــيــهم واذا رايد دليـــل وانطي الك برهان شوف اوجوهم واقره بمـــــعانيهم نفس ذاك الزمان اليوم نفسه إيعود بغضا وي علي معروف ماضيــــهم لانك شيعي لازم يضل دمك حار احجي ابراحتي لو زحمه اغطيهم امس جدهم نزع ما تفرق الـــيوم شرفهم ينزع منعــــوله اساميهم ل ناجي ابو كيان الصالحي

بس ابن الـحلال اليحترگ ويشب وابن العار يضحك لا يبالي ايسب مو كـــــل الشوارب تهتز ابصفين ولا مثله علي لمــــن شطر مرحب حلل دمك وتلگه السبب مــوجود اريدن عالشوارب ادعس واشطب الما يهتز ضميره ويحترك ع صار مثل الجاب نار وشب خيم زينب ل ناجي أبو كيان الصالحي

جنت احسن روحــي ضايـــع " ضايع بديره ولا عندي صنايع" وجن سمعت الصوت اجاني رن بذاني وجنت سمعته رن بذاني ' كض اديه وگال أصعد للسفينه " لعالم الخدمه خذاني" جنت تايه بس لگيتك اقرب الروحي وكياني ودورت حسبالي مثلك " الگه عود بگد مكاني" يا حسين اهواي اشكرك " انته خير تنطي صيت" والله لولا الخدمه اضيعن" ميت وبيك احتييت" انته بيت وتاج راسي ولولا بيتك ماكو بيت" يا صريفه اتلمنه كلنه" انته يحسين من اهلنه " يا أبا عبد الله روحي فداك" ل ناجي ابو كيان الصالحي '